ଫ୍ୟାମିଲି ନମ୍ବର୍ ୱାନ୍

ଇଂରାଜୀ ଲିଙ୍କ

https://or.wikipedia.org/wiki/Family_No_1

ଫ୍ୟାମିଲି ନମ୍ବର୍ ୱାନ୍
ନିର୍ଦ୍ଦେଶକ	ନିଶିକାନ୍ତ ଦଳବେହେରା
ପ୍ରଯୋଜକ	ରବିନ୍ଦ୍ର ପଣ୍ଡା ଅଶୋକ ସାହୁ
ସଂଳାପ	ରଜନୀ ରଞ୍ଜନ
ଚିତ୍ରନାଟ୍ୟ	ନିଶିକାନ୍ତ ଦଳବେହେରା
କାହାଣୀ	ବିଜୟଲକ୍ଷ୍ମୀ ପଣ୍ଡା
କଳାକାର	ଦୀପକ ବାରିକ ମଧୁସ୍ମିତା ଚୌଧୁରୀ ଜୟପ୍ରକାଶ ଦାସ ଚୌଧୁରୀ ବିକାଶ ଦାସ ବିଜୁ ବଡ଼ଜେନା
ସଙ୍ଗୀତ	ଗୁଡ୍‌ଲି ରଥ
ଚିତ୍ରଗ୍ରହଣ	ଅମରଜିତ ମହାନ୍ତି
ସମ୍ପାଦକ	ଅଜିତ ମନ୍ଧୁଆଳ
ମୁକ୍ତିଲାଭ ତାରିଖ	୨୭ ମଇ ୨୦୧୧
ଦେଶ	ଭାରତ
ଭାଷା	ଓଡ଼ିଆ

ଫ୍ୟାମିଲି ନମ୍ବର୍ ୱାନ୍, ୨୦୧୧ରେ ମୁକ୍ତିଲାଭ କରିଥିବା ଓଡ଼ିଆ କଥାଚିତ୍ର । ଏହି କଥାଚିତ୍ରଟିର ପ୍ରଯୋଜନା କରିଥିଲେ ରବିନ୍ଦ୍ର ପଣ୍ଡା ଏବଂ ଅଶୋକ ସାହୁ । ବିଜୟଲକ୍ଷ୍ମୀ ପଣ୍ଡା ଏହି କଥାଚିତ୍ରଟିର କାହାଣୀ ରଚନା କରିଥିଲେ । ରଜନୀ ରଜନ ଏହି କଥାଚିତ୍ରଟିର ସଂଳାପ ରଚନା କରିଥିଲେ । ନିଶିକାନ୍ତ ଦଳବେହେରା ଏହି କଥାଚିତ୍ରଟିର ଚିତ୍ରନାଟ୍ୟ ରଚନା କରିଥିଲେ ଏବଂ ନିର୍ଦ୍ଦେଶନା ଦେଇଥିଲେ । ସଙ୍ଗୀତ ନିର୍ଦ୍ଦେଶକ ଗୁଡ୍‌ଲି ରଥ, ଏହି କଥାଚିତ୍ରଟିର ସ୍ୱର ସଂଯୋଜନା କରିଥିଲେ ।

ଏହି କଥାଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିଥିଲେ ଦୀପକ ବାରିକ ଏବଂ ମଧୁସ୍ମିତା । ଚୌଧୁରୀ ଜୟପ୍ରକାଶ ଦାସ, ଚୌଧୁରୀ ବିକାଶ ଦାସ, ବିଜୁ ବଡ଼ଜେନା, ନିରଞ୍ଜନ ପତି, ବିଜୟ ପଟ୍ଟନାୟକ, ପ୍ରିୟଙ୍କା, ସୁବାଷ ଚନ୍ଦ୍ର ସାହୁ, ସ୍ମୃତି, ସୁଭାଙ୍ଗି ଆଦି କଳାକାରମାନେ ଏହି କଥାଚିତ୍ରଟିରେ ଅଭିନୟ କରିଥିଲେ ।

ଅଭିନୟ

• ଦୀପକ ବାରିକ
• ମଧୁସ୍ମିତା
• ଚୌଧୁରୀ ଜୟପ୍ରକାଶ ଦାସ
• ଚୌଧୁରୀ ବିକାଶ ଦାସ
• ବିଜୁ ବଡ଼ଜେନା
• ନିରଞ୍ଜନ ପତି
• ବିଜୟ ପଟ୍ଟନାୟକ
• ପ୍ରିୟଙ୍କା
• ସୁବାଷ ଚନ୍ଦ୍ର ସାହୁ
• ସ୍ମୃତି
• ସୁଭାଙ୍ଗି

କାହାଣୀ

ଆକାଶ (ଦୀପକ) ଏକ ଅନାଥ ପିଲାଟିଏ, ଯାହାର କେବେଳ ତା' ମାମୁଁ (ଚୌଧୁରୀ ଜୟପ୍ରକାଶ ଦାସ) ହିଁ ସାହା ଭରଷା । ଆକାଶ ତା' ଅଫିସ୍‌ରେ ଏକ ଝିଅ ମେଘ୍ନାକୁ (ମଧୁସ୍ମିତା) ଭଲ ପାଇବସେ । କିନ୍ତୁ ସେହି ଝିଅଟି ବି ଅନାଥ ଥାଏ, ଯାହାର ଗୋଟିଏ ସମ୍ପୂର୍ଣ୍ଣ ପରିବାରରେ ବିବାହ କରିବାର ଇଚ୍ଛା ଥାଏ । ତେଣୁ ଆକାଶ ତା'ର ଏକ ଅସ୍ଥାୟୀ ପରିବାର ତିଆରି କରେ । ସେ ଗୋଟିଏ ମଦୁଆ ପ୍ରାକ୍ତନ ଯାତ୍ରା କଳାକାରକୁ ତା'ର ବାପା, ଗୋଟେ ଚୋରଣୀକୁ ତା'ର ମାଆ ଏବଂ ଗୋଟିଏ ଝିଅକୁ ତା'ର ଭଉଣୀ କରି ଆଣି ଘରେ ରଖେ । ଏହାପରେ ଦୁହିଁଙ୍କର ବିବାହ ହୋଇଯାଏ । ମାତ୍ର ଧିରେ ଧିରେ ମେଘ୍ନା ସବୁକିଛି ଜାଣିପାରେ । ଫଳରେ ସେ ଘର ଛାଡ଼ିଯିବାକୁ ଚାହେଁ, ମାତ୍ର ସେଠାରେ ତା'ର ମିଛିମିଛିକା ଶାଶୁ, ଶଶୁର, ନଣନ୍ଦ ହୋଇଥିବା ଲୋକମାନେ ତାକୁ ସେମାନଙ୍କର ଭୁଲ ମାଗନ୍ତି ଏବଂ ସମସ୍ତ ଅନାଥମାନେ ମିଶି ଗୋଟେ ସୁନ୍ଦର ଫ୍ୟାମିଲି (ପରିବାର) ଗଢ଼ନ୍ତି ।

ଗୀତ ଏବଂ ସଙ୍ଗୀତ

ଏହି କଥାଚିତ୍ରଟିର ସଙ୍ଗୀତ ନିର୍ଦ୍ଦେଶନା ଦେଇଥିଲେ ଗୁଡ୍‌ଲି ରଥ । ବାପୁ ଗୋସ୍ୱାମୀ ଏବଂ ଦୀପକ ଜେନା ଏହି କଥାଚିତ୍ରଟିର ଗୀତଗୁଡ଼ିକ ରଚନା କରିଥିଲେ ।

ଗୀତ

କ୍ରମ	ଗୀତ	ସମୟ
1.	"ବୋଲୋ ସେଇଁ ହୈ ସାଲା"
2.	"ଏ ଶୁଣନା ଦିନରେ ଭୈୟା"
3.	"କାହା ଚାବି"
4.	"ପତଳା ନିଦରେ ଶୋଇଚି ମୋ ପ୍ରିୟା"
5.	"ପାଲିଙ୍କି ଆଣି ଫେମିଲି ନଂ ୧"

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ ଫ୍ୟାମିଲି ନମ୍ବର୍ ୱାନ୍