ନରେନ୍ଦ୍ର କୁମାର ବେହେରା

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ନରେନ୍ଦ୍ର କୁମାର ବେହେରା (ନରି)
ଜନ୍ମ ଓ ଜନ୍ମସ୍ଥାନ ୨୮ ଜୁଲାଇ ୧୯୪୩(1943-07-28)
ମୃତ୍ୟୁ ୧୪ ଅକ୍ଟୋବର, ୧୯୯୫ (୫୨ ବର୍ଷ)
ଶିକ୍ଷାନୁଷ୍ଠାନ ମିସନ ସ୍କୁଲ, କଟକ
ଜୀବିକା ଅଭିନେତା

ନରେନ୍ଦ୍ର କୁମାର ବେହେରା ଓଡ଼ିଆ କଥାଚିତ୍ର ଜଗତର ଜଣେ ହାସ୍ୟ ଅଭିନେତା ଥିଲେ । ଦର୍ଶକଙ୍କ ନିକଟରେ 'ନରି' ଭାବେ ବେଶି ପରିଚିତ ଥିଲେ ।[୧] ହାସ୍ୟ ଅଭିନେତା ଶ୍ୟାମଳେନ୍ଦୁଙ୍କ ସହ ସେ ବହୁ ଚଳଚ୍ଚିତ୍ରରେ ଏକାଠି କାମ କରିଥିଲେ । [୨]

ପ୍ରାରମ୍ଭିକ ଜୀବନ[ସମ୍ପାଦନା]

ନରି, ୧୯୪୩ ଜୁଲାଇ ୨୮ତାରିଖରେ ଏକ ଗୋପାଳ ପରିବାରରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ସ୍ଵର୍ଣ୍ଣକାର ଭାବରେ କାର୍ଯ୍ୟ କରୁଥିଲେ ମଧ୍ୟ ଜଣେ ସଙ୍ଗୀତପ୍ରିୟ ବ୍ୟକ୍ତି ଥିଲେ । ପିତାଙ୍କ ପ୍ରଭାବ ନରିଙ୍କ ଉପରେ ପଡ଼ିଥିଲା । ଶୈଶବରୁ ସେ ତବଲା, ମୃଦଙ୍ଗ ବଜାଇ ପାରୁଥିଲେ । ପାଠ ପଢ଼ିବାରେ ତାଙ୍କର ମନ ଲାଗୁନଥିଲା । ଲକ୍ଷ୍ୟ ଥିଲା ସଙ୍ଗୀତ ଅବା ଅଭିନୟ କ୍ଷେତ୍ରରେ ନାଁ କମେଇବେ । ଅଭିନେତା ହେବା ପାଇଁ ଘର ଛାଡି ମୁମ୍ବାଇ ପଳାଇଥିଲେ । ସେଠାରେ କାମ ନମିଳିବାରୁ ଘରକୁ ଫେରି ଆସି ଆଇ.ଟି.ଆଇରେ ତାଲିମ ନେଇ କିଛି ଦିନ ମେକାନିକ ଭାବରେ କାମ କରିଥିଲେ । "କଳାଶ୍ରୀ", "ଅନ୍ନପୂର୍ଣ୍ଣ" ରଙ୍ଗମଞ୍ଚରୁ ତାଙ୍କର ଅଭିନେତା ଜୀବନ ଆରମ୍ଭ ହୋଇଥିଲା । ସେ ଟ୍ରାଙ୍ଗୋ ବଜେଇବାରେ ମଧ୍ୟ ନିପୁଣ ଥିଲେ । ଏଥି ଯୋଗୁଁ ତାଙ୍କୁ ମେଲୋଡ଼ି ପାର୍ଟିରେ କାମ ମିଳି ଯାଉଥିଲା । ମଞ୍ଚରେ ହାସ୍ୟରସ ପରିବେଷଣ କରୁଥିଲେ । ଅନ୍ୟ ଅଭିନେତାମାନଙ୍କର ସ୍ଵରକୁ ନକଲ କରି ଦର୍ଶକମାନଙ୍କର ମନୋରଞ୍ଜନ କରୁଥିଲେ ।[୩]

କଥାଚିତ୍ର ଜୀବନ[ସମ୍ପାଦନା]

୧୯୬୮ ମସିହାରେ କିଏ କାହାର କଥାଚିତ୍ରରୁ ଅଭିନେତା ଜୀବନ ଆରମ୍ଭ କରିଥିବା ନରି, ୧୯୯୪ ମସିହାରେ ନିର୍ମିତ ଲକ୍ଷେ ଶିବ ପୂଜି ପାଇଛି ପୁଅ ପର୍ଯ୍ୟନ୍ତ ୪୪ଟି ଓଡ଼ିଆ କଥାଚିତ୍ରରେ ଅଭିନୟ କରିଥିଲେ ।

ଅଭିନୀତ ଓଡ଼ିଆ କଥାଚିତ୍ର[ସମ୍ପାଦନା]

ମାନ ସମ୍ମାନ[ସମ୍ପାଦନା]

  • ରାଜ୍ୟ ଚଳଚ୍ଚିତ୍ର ପୁରସ୍କାର (ଶ୍ରେଷ୍ଠ ହାସ୍ୟ ଅଭିନେତା କନ୍ୟାଦାନ କଥାଚିତ୍ର ପାଇଁ) - ୧୯୮୮[୪]

ଆଧାର[ସମ୍ପାଦନା]

  1. Orissa reference: glimpses of Orissa. TechnoCAD Systems. ୨୦୦୧. 
  2. http://orissadiary.com/entertainment/column/showcolumnnews.asp?id=23
  3. "ହାସ୍ୟ-ଅଭିନେତା ନରି". ସମ୍ବାଦ ୨୮/୦୭/୨୦୧୫ ଭୁବନେଶ୍ଵର ସଂସ୍କରଣ ପୃଷ୍ଠା ୮. 28 July 2015. http://sambadepaper.com/Details.aspx?id=181378&boxid=24740219. Retrieved 28 July 2015. 
  4. http://www.orissacinema.com/history/orissa-state-film-award.html

ବାହାର ଆଧାର[ସମ୍ପାଦନା]