ରାମ ମନ୍ଦିର, ଭୁବନେଶ୍ୱର

ଏହି ପ୍ରସଙ୍ଗଟି ରାମ ମନ୍ଦିର, ଭୁବନେଶ୍ୱର ବାବଦରେ । ବାକିସବୁ ପାଇଁ, ରାମ ମନ୍ଦିର ପ୍ରସଙ୍ଗଟି ଦେଖନ୍ତୁ ।

ରାମ ମନ୍ଦିର
ରାମ ମନ୍ଦିର, ଭୁବନେଶ୍ୱର
Religion
ଅନୁବନ୍ଧଗୁଡ଼ିକ	ହିନ୍ଦୁ ଧର୍ମ
District	ଖୋର୍ଦ୍ଧା
Location
ସ୍ଥାନ	ଭୁବନେଶ୍ୱର
Country	ଭାରତ

ରାମ ମନ୍ଦିର ଓଡ଼ିଶାର ଭୁବନେଶ୍ୱରରେ ଥିବା ଏକ ରାମ ମନ୍ଦିର । ଏହା ନଗରର ଜନପଥରେ ଖାରବେଳ ନଗରଠାରେ ଅବସ୍ଥିତ । ୧୯୭୯ ମସିହାରେ ଏହି ମନ୍ଦିର ପ୍ରତିଷ୍ଠା କରାଯାଇଥିଲା ।

ମନ୍ଦିରଟି ୧.୨୫ ଏକର ପରିମିତ ଜାଗାରେ ପ୍ରତିଷ୍ଠିତ । ବେଢ଼ାରେ ମୁଖ୍ୟ ମନ୍ଦିର ସହିତ ଅନ୍ୟ ୬ଟି ପାର୍ଶ୍ୱ ଦେବାଦେବୀଙ୍କ ମନ୍ଦିର ରହିଛି ।

ରାମ ମନ୍ଦିର ମୁଖଶାଳା

ଇତିହାସ

ଭୁବନେଶ୍ୱରରେ ରାମ ମନ୍ଦିରଟିଏ ନଥିବାରୁ, ଏହି ମନ୍ଦିରଟି ପ୍ରତିଷ୍ଠା କରିବାର ପରିକଳ୍ପନା କରିଥିଲେ ବାରଙ୍ଗ କାଚ କାରଖାନାର ପ୍ରତିଷ୍ଠାତା ଦେଓକରଣ ଝୁନଝୁନୱାଲା । ମନ୍ଦିରର ରାମ, ଲକ୍ଷ୍ମଣ ଓ ସୀତାଙ୍କର ବିଗ୍ରହ ସେ ରାଜସ୍ଥାନରେ ଆଣି ବର୍ତ୍ତମାନ ମନ୍ଦିରର ଖାଇବା ସ୍ଥାନରେ ରଖି ପୂଜା ଆରମ୍ଭ କରିଥିଲେ । ୧୯୬୮ ମସିହାରେ ଦେଓକରଣଙ୍କର ପରଲୋକ ଘଟିଥିଲା ଓ ମନ୍ଦିର ପ୍ରତିଷ୍ଠା ହେବାର ଆଶା ମଧ୍ୟ ମଉଳିଥିଲା । ବହୁ ବର୍ଷ ପରେ, ଓଡ଼ିଶା ସରକାର ମନ୍ଦିର ପାଇଁ ୧.୨୫ ଏକର ଜମି ଯୋଗାଇ ଦେଇଥିଲେ । ସାତ ଜଣ ପ୍ରତିଷ୍ଠିତ ବ୍ୟବସାୟୀ ମନ୍ଦିର ନିର୍ମାଣ କାର୍ଯ୍ୟ ପାଇଁ ଆଗେଇ ଆସିଥିଲେ । ସେମାନେ ଥିଲେ ହଂସରାଜ ନରୁଲା, ଜଗଦୀଶ ଚନ୍ଦ୍ର ବୁଦ୍ଧିରାଜା, ଯୁଗଳ କିଶୋର ଝୁନଝୁନୱାଲା, ଶ୍ୟାମସୁନ୍ଦର ଅଗ୍ରୱାଲା, ଜଗଦୀଶ ରାୟ ଗୁପ୍ତା, ରାଜକିଶୋର ସାହୁ ଓ ବି. ଜେ. ପାଠକ । ମନ୍ଦିରର ଡିଜାଇନ ପ୍ରସ୍ତୁତ କରିଥିଲେ କୋଠାରି ଆଣ୍ଡ ଆସୋସିଏଟସ । ୧୯୭୯ ମସିହା ଜୁନ ୨୭ ତାରିଖ, ରଥଯାତ୍ରା ପରଦିନ ପୁରୀର ଶଙ୍କରାଚାର୍ଯ୍ୟଙ୍କଦ୍ୱାରା ମନ୍ଦିର ପ୍ରତିଷ୍ଠା କରାଯାଇଥିଲା । ୨୦୧୯ ମସିହା ସେପ୍ଟେମ୍ବର ୧୩ ତାରିଖରେ ଓଡ଼ିଶା ସରକାର ଏହି ମନ୍ଦିରର ପରିଚାଳନା ନିଜ ହାତକୁ ନେଇଥିଲେ ଓ ବିମଳ ପାତ୍ରଙ୍କୁ ମନ୍ଦିରର କାର୍ଯ୍ୟକାରୀ ଭାବରେ ନିଯୁକ୍ତ କରିଥିଲେ ।

ପର୍ବପର୍ବାଣି

ଏଠାରେ ପ୍ରତିବର୍ଷ ରାମ ନବମୀରେ ଅନେକ ଭକ୍ତଙ୍କର ସମାଗମ ହୋଇଥାଏ ।