ଗୋବିନ୍ଦଚନ୍ଦ୍ର ସାହୁ

ଗୋବିନ୍ଦ ଚନ୍ଦ୍ର ସାହୁ
ଜନ୍ମ	(1942-05-13) ୧୩ ମଇ ୧୯୪୨ ଅମରାବତୀ ପାଟଣା, ଛତିଆ, ଯାଜପୁର
ଜାତୀୟତା	ଭାରତୀୟ
ଉଲ୍ଲେଖନୀୟ କୃତି	ହଜାରେ ଚଉରାଶୀର ମା
ପୁରସ୍କାର	ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୨୦୦୧

ଗୋବିନ୍ଦ ଚନ୍ଦ୍ର ସାହୁ (୧୩ ମଇ ୧୯୪୨), ଜଣେ ଓଡ଼ିଆ ଅନୁବାଦକ । ୨୦୦୧ ମସିହାରେ ସେ ନିଜ ଅନୁବାଦ ପୁସ୍ତକ "ହଜାରେ ଚଉରାଶୀର ମା" ପାଇଁ ସେ "ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର" ଲାଭ କରିଛନ୍ତି ।

ସଂକ୍ଷିପ୍ତ ଜୀବନୀ

ଗୋବିନ୍ଦ ଇଞ୍ଜିନିୟରିଂରେ ଉପାଧ୍ୟୁତ୍ତର ଶିକ୍ଷା ଲାଭ କରିଥିଲେ । ସହକାରୀ ଯନ୍ତ୍ରୀ, ନିର୍ବାହୀ ଯନ୍ତ୍ରୀ ଓ ଅଧିକ୍ଷଣ ଯନ୍ତ୍ରୀ ଭାବେ ବିଭିନ୍ନ ସମୟରେ ପାରାଦୀପ ବନ୍ଦର, ରେଙ୍ଗାଲି ବନ୍ଧ ଯୋଜନା, ସମଲ ବ୍ୟାରେଜ, ମହାନଦୀ ବ୍ୟାରେଜ, ଚିତ୍ରୋତ୍ପଳା ଜଳସେଚନ ପ୍ରକଳ୍ପ, ନରାଜ ବ୍ୟାରେଜ ଆଦିର ଅନୁସନ୍ଧାନ, ପ୍ଲାନିଂ, ଡିଜାଇନ ଓ ନିର୍ମାଣ କାର୍ଯ୍ୟ ପରିଚାଳନା କରିଥିଲେ । ୧୯୮୨ରେ ବିଶ୍ୱବ୍ୟାଙ୍କ ସହାୟତାରେ ଆମେରିକା, କୋରିଆ, ଫ୍ରାନ୍ସ ଓ ମରକ୍କୋ ପ୍ରଭୃତି ଦେଶ ଭ୍ରମଣ କରି ଜଳସମ୍ପଦର ବ୍ୟବହାର ଓ ପରିଚାଳନା ସମ୍ପର୍କରେ ପ୍ରତ୍ୟକ୍ଷ ଜ୍ଞାନ ଆହରଣ କରିପାରିଥିଲେ । ଲୋକପ୍ରିୟ ବିଜ୍ଞାନ ସମ୍ବନ୍ଧରେ ସନ୍ଦର୍ଭ ଓ ଗବେଷଣାମୂଳକ ପ୍ରବନ୍ଧ ବିଭିନ୍ନ ପତ୍ରପତ୍ରିକାରେ ପ୍ରକାଶିତ । ୨୦୦୭ରୁ ସେ 'ମହାନଦୀ' ପତ୍ରିକା ସଂପାଦନା କରିଆସିଛନ୍ତି । ତାଙ୍କ ରଚିତ 'ଭଜ ଗୋବିନ୍ଦମ୍'ର ଭାଷ୍ୟ ବଙ୍ଗଳା, ହିନ୍ଦୀ, ଗୁଜୁରାଟୀ, ସଂସ୍କୃତ ଓ ଇଂରାଜୀରେ ଅନୂଦିତ ଏବଂ 'ଭର୍ତ୍ତୃହରି ନୀତିଶତକ"ର ଭାଷ୍ୟ ବଙ୍ଗଳାରେ ଅନୂଦିତ । ତାଙ୍କ ପତ୍ନୀ ପ୍ରିୟମ୍ବଦା ସାହୁ ମଧ୍ୟ ଜଣେ ଅନୁବାଦିକା ।

ରଚନାବଳୀ

ଅନୁବାଦ

• ବିମଳ ମିତ୍ରଙ୍କ 'ପଇସା ପରମେଶ୍ୱର' ୧୯୯୨
• ଭାରତୀୟ କରଣ ୧୯୭୭
• ମାନିକ ବନ୍ଦୋପାଧ୍ୟାୟଙ୍କ 'ପଦ୍ମାନଦୀର ମାଝି' ୧୯୯୨
• ଭର୍ତ୍ତୃହରିକୃତ ନୀତିଶତକ : ଏକ ଅଧ୍ୟୟନ
• ହଜାରେ ଚଉରାଶୀର ମା
• ଭଜ ଗୋବିନ୍ଦମ୍
• ବିମଳ କରଙ୍କ 'ଅସମୟ'
• ନରେନ୍ଦ୍ର କୋହଲିଙ୍କ 'ଅଭିଜ୍ଞାନ' (ଯୁଗ୍ମ: ମାନସୀ ପାତ୍ର)
• ବିଭୁତି ଭୁଷଣ ବନ୍ଦୋପାଧ୍ୟାୟଙ୍କ 'ପଥେର ପାଞ୍ଚାଳୀ' (ଯୁଗ୍ମ: ପ୍ରିୟମ୍ବଦା ସାହୁ)

ଅନ୍ୟାନ୍ୟ

• ଚିରନ୍ତନୀ (ଉଦ୍ଧୃତ ସଂଗ୍ରହ) ୧୯୭୨
• ଗୃହ ନିର୍ମାଣ
• ଗୃହ ନିର୍ମାଣ ଶୈଳୀ (ଯୁଗ୍ମ: ଜୟଗୋପାଳ ଜେନା)
• ପ୍ରବନ୍ଧ ପଞ୍ଚବିଂଶତି
• ଚାଣକ୍ୟ ନୀତିଶ୍ଲୋକ : ଏକ ଚିନ୍ତନ ଓ ମନନ ୨୦୨୨, ୨୦୨୩

ସମ୍ମାନ ଓ ପୁରସ୍କାର

• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ଅନୁବାଦ) - ୨୦୦୧ (ହଜାରେ ଚଉରାଶୀର ମା)
• ଓଡ଼ିଶା ବିଜ୍ଞାନ ଏକାଡ଼େମୀ ପୁରସ୍କାର ୧୯୯୬
• Institution of Engineers ଓଡ଼ିଶା ଶାଖା ତରଫରୁ ସ୍ୱର୍ଣ୍ଣପଦକ ଲାଭ