ମାଇପି ମେଳା

ଉଇକିପିଡ଼ିଆ ରୁ
Jump to navigation Jump to search
ମାଇପି ମେଳା
ପର୍ବ ପାଳନଉପବାସ, ପୂଜା
ତାରିଖଚୈତ୍ର କୃଷ୍ଣ ଚତୁର୍ଦ୍ଦଶୀ
୨୦୨୦ ତାରିଖdate missing (please add)

ମାଇପି ମେଳା, ଚୈତ୍ରମାସ କୃଷ୍ଣ ପକ୍ଷ ଚତୁର୍ଦ୍ଦଶୀ ତିଥିରେ ଖୋର୍ଦ୍ଧା ଜିଲ୍ଲାର ବାଲିପାଟଣା ବ୍ଲକ ଅନ୍ତର୍ଗତ ନରିଶୋ-ଛିଟିକଣା ମୌଜାର ବନବିହାରୀଙ୍କ ପୀଠରେ ଅନୁଷ୍ଠିତ ହୋଇଥାଏ । ବର୍ଷ ବର୍ଷଧରି ସନ୍ତାନପ୍ରାପ୍ତି ଓ ମାନସିକପୁରଣ ଆଶାରେ ଏଠାରେ ବହୁ ସଂଖ୍ୟକ ମହିଳାଙ୍କ ସମାଗମ ହେଉଥିବାର, ମେଳାର ଏପରି ନାମକରଣ ହୋଇଛି ।[୧] ଏକ ଅଚିହ୍ନା ଗଛ, ଶଗଡ଼ ବାଟୁଆ ଓ କଣ୍ଟାକୋଳି ଲଟାକୁ ବହବିହାରୀଙ୍କ ରୂପରେ ପୂଜା କରାଯାଏ । ପୂଜାରେ ମହିଳାମାନେ ହିଁ ମୁଖ୍ୟ ଭୁମିକା ନିର୍ବାହ କରିଥାନ୍ତି । ପୂଜା ପୂର୍ବଦିନ ରାତିରୁ ଶ୍ରଦ୍ଧାଳୁମାନେ ଆସି ବନବିହାରୀଙ୍କ ପାଖରେ ଅଧିଆ ପଡିଥାନ୍ତି । ରାତିଅଧରୁ ଗାଧୁଆପାଧୁଆ ସାରି, ନୂଆ ଲୁଗାପିନ୍ଧି ନଡ଼ିଆଗୁଆ ମୁଣ୍ଡରେ ରଖି ଶ୍ରଦ୍ଧାଳୁମାନେ ମାନସିକ କରିଥାନ୍ତି । ପୂଜାଦିନ ଦ୍ୱିପହର ବେଳକୁ ପୂଜକ ମାନସିକଧାରୀଙ୍କୁ ଜଳ ଓ ତୁଳସୀଦେଇ ଅଧିଆରୁ ଉଠାଇଥାନ୍ତି । ଦିନସାରା ଶ୍ରଦ୍ଧାଳୁମାନେ ଉପବାସକରି, ଠାକୁରଙ୍କୁ ଚୁଡ଼ାଘଷା ଭୋଗ ଓ ପତାକା ଦାନ କଲାପରେ ଅନ୍ନଜଳ ସ୍ପର୍ଶ କରନ୍ତି । ଗବେଷକମାନଙ୍କ ମତରେ ଗଛକୁ ପୂଜା କରିବାର ଏହି ପରମ୍ପରା ୧୮୨୭ମସିହାରୁ ଆରମ୍ଭ ହୋଇଥିଲା ।[୨] ମେଳାଟି ତିନିଦିନ ଧରି ଚାଲେ ।[୩]

ଆଧାର[ସମ୍ପାଦନା]

  1. "ନିଆରା ପରମ୍ପରା". ସର୍ବସାଧାରଣ ୦୯/୦୪/୨୦୧୭. Retrieved 16 March 2018.
  2. ପ୍ରମେୟ ୧୬/୦୩/୨୦୧୮ ପୃଷ୍ଠା ୧୫ http://epaper.prameyanews.com/imageview_5437_35911363_4_71_16-03-2018_i_1_sf.html. Retrieved 16 March 2018. Missing or empty |title= (help)
  3. "ମାଇପି ମେଳାରେ ୫୦ହଜାର ଭକ୍ତ". ସମ୍ବାଦ ୧୬/୦୩/୨୦୧୮ ଭୁବନେଶ୍ୱର ସଂସ୍କରଣ ପୃଷ୍ଠା ୧୭. Retrieved 16 March 2018.