ଗୋକୁଳାନନ୍ଦ ମହାନ୍ତି
ଗୋକୁଳାନନ୍ଦ ମହାନ୍ତି | |
|---|---|
 | |
| ବିଧାୟକ: ୧ମ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୧୯୫୨ – ୧୯୫୭ | |
| ନିର୍ବାଚନ ମଣ୍ଡଳୀ | ବନ୍ତ |
| ସାଂସଦ: ୩ୟ ଲୋକ ସଭା | |
| କାର୍ଯ୍ୟକାଳ ୧୯୬୨ – ୧୯୬୭ | |
| ପୂର୍ବ ଅଧିକାରୀ | ଭାଗବତ ସାହୁ |
| ପର ଅଧିକାରୀ | ଶ୍ୟାମସୁନ୍ଦର ମହାପାତ୍ର |
| ନିର୍ବାଚନ ମଣ୍ଡଳୀ | ବାଲେଶ୍ୱର |
| ବ୍ୟକ୍ତିଗତ ସବିଶେଷ | |
| ଜନ୍ମ | ୧ ଡିସେମ୍ବର ୧୮୯୯ |
| ମୃତ୍ୟୁ | ୯ ଡିସେମ୍ବର ୧୯୭୪ (ବୟସ ୭୫) |
| ନାଗରିକତା | ଭାରତୀୟ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ଭାରତୀୟ ଜାତୀୟ କଂଗ୍ରେସ |
| ଜୀବନ ସାଥୀ | କନକ ଦେବୀ |
| ସନ୍ତାନ | ୨ ପୁଅ ୨ ଝିଅ |
| ବାପା/ବୋଉ | ଉଦୟନାଥ ମହାନ୍ତି (ବାପା) |
| ବୃତ୍ତି | ରାଜନୀତିଜ୍ଞ |
ଗୋକୁଳାନନ୍ଦ ମହାନ୍ତି (୧ ଡିସେମ୍ବର ୧୮୯୯) ଜଣେ ଓଡ଼ିଆ ରାଜନୀତିଜ୍ଞ ଥିଲେ । ସେ ଓଡ଼ିଶା ରାଜନୀତିରେ ଭାରତୀୟ ଜାତୀୟ କଂଗ୍ରେସର କର୍ମକର୍ତ୍ତା ଭାବରେ ସକ୍ରିୟ ଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ କାର୍ଯ୍ୟ କରିଥିଲେ ଏବଂ ଭାରତୀୟ ସଂସଦର ତଳ ସଦନ ଲୋକ ସଭାରେ ସାଂସଦ ଭାବରେ କାର୍ଯ୍ୟ କରିଥିଲେ । ୧୯୫୨ ମସିହାରେ ଓଡ଼ିଶାରେ ହୋଇଥିବା ୧ମ ଓଡ଼ିଶା ବିଧାନ ସଭାକୁ ବନ୍ତ ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚିତ ହୋଇଥିଲେ ଏବଂ ପରେ ୩ୟ ଲୋକ ସଭାକୁ ବାଲେଶ୍ୱର ଲୋକ ସଭା ନିର୍ବାଚନ ମଣ୍ଡଳୀରୁ ନିର୍ବାଚିତ ହୋଇଥିଲେ ।[୧]
ଜନ୍ମ, ଶିକ୍ଷା ଓ ପରିବାର
[ସମ୍ପାଦନା]ଗୋକୁଳାନନ୍ଦ ମହାନ୍ତି ୧୮୯୯ ମସିହାର ଡିସେମ୍ବର ମାସ ୧ ତାରିଖରେ ଜନ୍ମଗ୍ରହଣ କରିଥିଲେ ।[୧] ତାଙ୍କ ବାପାଙ୍କ ନାମ ଉଦୟନାଥ ମହାନ୍ତି ।[୧] ତାଙ୍କ ପତ୍ନୀଙ୍କ ନାମ କନକ ଦେବୀ ।[୧] ତାଙ୍କର ଦୁଇଟି ପୁଅ ଓ ଦୁଇଟି ଝିଅ ଥିଲେ ।
ସ୍ୱାଧୀନତା ସଂଗ୍ରାମରେ ଯୋଗଦାନ
[ସମ୍ପାଦନା]ଗୋକୁଳାନନ୍ଦ ୧୯୨୨ ମସିହାରେ ଅସହଯୋଗ ଆନ୍ଦୋଳନ ସମୟରେ ଭାରତୀୟ ସ୍ୱାଧୀନତା ସଂଗ୍ରାମ ଆନ୍ଦୋଳନରେ ଯୋଗ ଦେଇଥିଲେ ।[୧] ଏହାପରେ ସେ ବିଭିନ୍ନ ଆନ୍ଦୋଳନରେ ଭାଗନେଇଥିଲେ ।
ରାଜନୈତିକ ଜୀବନ
[ସମ୍ପାଦନା]ଗୋକୁଳାନନ୍ଦ ସ୍ୱାଧୀନ ଭାରତର ୧ମ ଓଡ଼ିଶା ବିଧାନ ସଭା ନିର୍ବାଚନରେ ବନ୍ତ ବିଧାନ ସଭା ନିର୍ବାଚନ ମଣ୍ଡଳୀରୁ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ ଭାବରେ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ବିଜୟୀ ହୋଇ ୧ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୧] ଏହି ବିଧାନ ସଭାରେ ସେ ୧୯୫୨ ମସିହାରୁ ୧୯୫୭ ମସିହାଯାଏଁ କାର୍ଯ୍ୟ କରିଥିଲେ ।
ଏହାପରେ ୧୯୬୨ ଭାରତୀୟ ସାଧାରଣ ନିର୍ବାଚନରେ ଗୋକୁଳାନନ୍ଦ ବାଲେଶ୍ୱର ଲୋକ ସଭା ନିର୍ବାଚନ ମଣ୍ଡଳୀରୁ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ ଭାବରେ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ବିଜୟୀ ହୋଇ ୩ୟ ଲୋକ ସଭାକୁ ନିର୍ବାଚିତ ହୋଇଥିଲେ ।[୨][୩] ଏହି ଲୋକ ସଭାରେ ସେ ୧୯୬୨ ମସିହାରୁ ୧୯୬୭ ମସିହାଯାଏଁ କାର୍ଯ୍ୟ କରିଥିଲେ ।
ମୃତ୍ୟୁ
[ସମ୍ପାଦନା]ଗୋକୁଳାନନ୍ଦ ୧୯୭୪ ମସିହାର ଡିମସେମ୍ବର ମାସ ୯ ତାରିଖ ଦିନ ମୃତ୍ୟୁବରଣ କରିଥିଲେ ।[୧] ମୃତ୍ୟୁବେଳକୁ ତାଙ୍କୁ ୭୫ ବର୍ଷ ବୟସ ହୋଇଥିଲା ।
ଆଧାର
[ସମ୍ପାଦନା]- ↑ ୧.୦ ୧.୧ ୧.୨ ୧.୩ ୧.୪ ୧.୫ ୧.୬ "Late Gokulananda Mohanty". odishaassembly.nic.in. Odisha Assembly. Retrieved 16 May 2019.
- ↑ "Balasore(Orissa) Lok Sabha Election Results 2019 with Sitting MP and Party Name". www.elections.in. Retrieved 2019-05-17.
- ↑ "Balasore Parliamentary Constituency Map, Election Results and Winning MP". www.mapsofindia.com. Retrieved 2019-05-17.
ଓଡ଼ିଶାର ୩ୟ ଲୋକ ସଭା ସଭ୍ୟ | |
|---|---|
| କଂଗ୍ରେସ (୧୪) | |
| ଗଣତନ୍ତ୍ର ପରିଷଦ (୪) | |
| ସୋସାଲିଷ୍ଟ (୪) | |
