ହାତୀପଥର ରାୟଗଡ଼ା ଜିଲ୍ଲାର ପ୍ରମୁଖ ଆକର୍ଷଣ ତଥା ଏକ ଦର୍ଶନୀୟ ସ୍ଥାନ[୧] [୨] [୩][୪][୫] । ରାୟଗଡ଼ା ସହରଠାରୁ ପ୍ରାୟ ୩ କି.ମି ଦୂରରେ ନାଗାବଳୀ ନଦୀର ଉପରେ ଏକ ଛୋଟ ଜଳପ୍ରପାତ ନିକଟରେ ଦୁଇଟି ବିରାଟକାୟ ଶୀଳାଖଣ୍ଡ ଦୁଇଟି ହାତୀର ଭ୍ରମ ସୃଷ୍ଟି କରୁଥିବାରୁ ଏହାର ନାମକରଣ ଏପରି ହୋଇଥିବାର ଅନୁମାନ କରାଯାଏ[୬][୭][୮][୯][୧୦] । ୨୦୦୬ ମସିହାର ପ୍ରବଳ ବୃଷ୍ଟିପାତ ଫଳରେ ନାଗାବଳୀ ନଦୀ ହାତୀପଥର ନିକଟରେ ତାହାର ଗତିପଥ ପରିବର୍ତ୍ତନ କରିଥିବାରୁ ନିର୍ମାଣାଧୀନ କ୍ଷୁଦ୍ର ଜଳବିଦ୍ୟୁତ୍ ପ୍ରକଳ୍ପ[୧୧] ନଷ୍ଟ ହୋଇଯିବା ସହ ବର୍ତ୍ତମାନ ଏହାର ଆକର୍ଷଣ ହ୍ରାସ ପାଇଅଛି[୧୨] । ତେବେ ହାତୀପଥରର ପୁନରୁଦ୍ଧାର ନିମନ୍ତେ ଏକ ପ୍ରକଳ୍ପ କାର୍ଯ୍ୟକାରୀ ହେବାକୁ ଯାଉଛି[୧୩] । ତଥାପି ଅଦ୍ୟାପି ହାତୀପଥର ଏହାର ପରିବର୍ତ୍ତିତ ରୂପରେ ଆଖପାଖର ନିମ୍ନଲିଖିତ ଅନ୍ୟାନ୍ୟ ଦର୍ଶନୀୟ ସ୍ଥାନ ସହ ପର୍ଯ୍ୟଟକଙ୍କ ଦୃଷ୍ଟି ଆକର୍ଷଣ କରେ ।
ଆଖପାଖ ଅଞ୍ଚଳର ଦର୍ଶନୀୟ ସ୍ଥାନ
| ନାମ |
ପ୍ରସିଦ୍ଧି
|
| ମଝିଘରିଆଣୀ ମନ୍ଦିର |
ଦେବୀ ମଝିଘରିଆଣୀ
|
| ଚେକାଗୁଡା |
ଝୁଲନ୍ତା ପୋଲ
|
| ରାଣୀଗୁଡା |
ମା ମଙ୍ଗଳା ମନ୍ଦିର
|
| ରାୟଗଡା ମୁଖ୍ୟ ସଡକ |
ଜଗନ୍ନାଥ ମନ୍ଦିର
|
| ପିତାମହଲ |
ଶିବ ମନ୍ଦିର
|
