"ସୁସ୍ମିତା ଦାସ" ପୃଷ୍ଠାର ସଂସ୍କରଣ‌ଗୁଡ଼ିକ ମଧ୍ୟରେ ତଫାତ

ସୁସ୍ମିତା ଦାସ
ସୁସ୍ମିତା ଦାସ
ଜନ୍ମ	ସୁସ୍ମିତା ପରିଜା; ୨ ନଭେମ୍ବର; କଟକ, ଓଡ଼ିଶା, ଭାରତ
ବୃତ୍ତି	ପ୍ରଚ୍ଛଦପଟ ଗାୟିକା
ସକ୍ରିୟ ବର୍ଷ	୧୯୮୭- ଏବେଯାଏଁ
ବୈବାହିକ-ସାଥୀ	ସିଦ୍ଧାନ୍ତ ଦାସ (୧୯୮୫- ଏବେଯାଏଁ)
ସନ୍ତାନ	୨
ପିତାମାତା(s)	ସଂଘମିତ୍ରା ପରିଜା (ମାଆ); ଶ୍ୟାମସୁନ୍ଦର ପରିଜା (ବାପା)
ୱେବସାଇଟ	susmitadas.in

ପାଖାପାଖି ରଖି ଇତିହାସ ବ୍ରାଉଜ କରନ୍ତୁ

← ପୁରୁଣା ବଦଳ ନୂଆ ବଦଳ →

Content deleted Content added

ଭିଜୁଆଲଉଇକିଟେକ୍ସଟ

Inline

୨୨:୪୩, ୩୦ ଜୁଲାଇ ୨୦୧୭ ଅନୁସାରେ କରାଯାଇଥିବା ବଦଳ

ଇଂରାଜୀ ଲିଙ୍କ

https://or.wikipedia.org/wiki/Susmita_Das

‌ସୁସ୍ମିତା ଦାସ‌ ଜଣେ ଓଡ଼ିଆ କଣ୍ଠଶିଳ୍ପୀ । ସେ ଆକାଶବାଣୀ କଟକରେ, କିଛି ଦୂରଦର୍ଶନର କାର୍ଯ୍ୟକ୍ରମରେ ଜଣେ ଗାୟିକା ରୂପେ କାର୍ଯ୍ୟ କରିଛନ୍ତି । ସୁସ୍ମିତା, ଓଡ଼ିଶା ଭିତରେ ତ‌ଥା ଓଡ଼ିଶା ବାହାରେ ଅନେକ ମଞ୍ଚରେ ଗୀତ ଗାଇଛନ୍ତି । ସେ ଆକାଶବାଣୀରେ ମୁଖ୍ୟତଃ ପୂରାତନ ଓଡ଼ିଆ ଗୀତ, ଆଧ୍ୟାତ୍ମିକ ଗୀତ ଏବଂ ଓଡ଼ିଶୀ ସଙ୍ଗୀତ ଆଦି ଗାଉଥିଲେ । ଏଥିସ‌ହ ସେ ମଞ୍ଚରେ ଓଡ଼ିଆ ଏବଂ ହିନ୍ଦୀ ଚଳଚ୍ଚିତ୍ରର ପୁରୁଣା ଗୀତ, ଦେବଦେବୀ ଭଜନ, ଗଜଲ, ଓଡ଼ିଶୀ ସଙ୍ଗୀତ, ଶାସ୍ତ୍ରୀୟ ସଙ୍ଗୀତ ତ‌ଥା ଚଳଚ୍ଚିତ୍ର ଦୁନିଆ ବ୍ୟତୀତ କିଛି ଆଧୁନିକ ଗୀତ ମଧ୍ୟ ଗାଇଥାନ୍ତି ।^[୧]

ସୁସ୍ମିତା ୨୦୦୭ ମସିହାରେ ଯୁକ୍ତରାଷ୍ଟ୍ର ଆମେରିକା ଏବଂ କାନାଡ଼ା ଗସ୍ତରେ ଯାଇ ସେଠାରେ ମଧ୍ୟ କିଛି ମଞ୍ଚରେ ଗୀତ ଗାଇଥିଲେ । ୨୦୦୭ରେ ଯୁକ୍ତରାଷ୍ଟ୍ର, ଲଣ୍ଡନ ଏବଂ କାନାଡ଼ାରେ ଅନୁଷ୍ଠିତ OSA Conventionରେ ସେ ଗୀତ ଗାଇଥିଲେ । ତାଙ୍କର ସେହି ଯାତ୍ରା ସମୟରେ ସେଠାରେ ମଧ୍ୟ ଏକ ଗୀତ ଆଲବମ ‌ମାୟ ଦର୍ପଣ‌ ମଧ୍ୟ ମୁକ୍ତିଲାଭ କରିଥିଲା, ଯାହାକି ଅନେକଙ୍କ ଦ୍ୱାରା ଆକୃଷ୍ଟ ହୋଇଥିଲା । ସେ ମଧ୍ୟ ଆମେରିକା ଏବଂ ଲଣ୍ଡନର ଅନେକ ସ୍ଥାନରେ ମଞ୍ଚମାନଙ୍କରେ ଗୀତ ଗାଇଛନ୍ତି ।

ସେ ୬୩ତମ ଜାତୀୟ ଚଳଚ୍ଚିତ୍ର ପୁରସ୍କାରରେ ବିଚାରିକା ଥିଲେ ।^[୨] ହିନ୍ଦୀ, ରାଜସ୍ଥାନୀ, ମାଥିଲି, ଛତିଶଗଡ଼ି, ପଞ୍ଜାବୀ ଆଦି ଚଳଚ୍ଚିତ୍ର ମାନଙ୍କର ସେ ବିଚାରିକା ଥିଲେ ।

ପ୍ରାରମ୍ଭିକ ଜୀବନ ଏବଂ ପରିବାର

ସୁସ୍ମିତା ତାଙ୍କ ପରିବାରର ଥିଲେ ବଡ଼ ଝିଅ । ସୁସ୍ମିତାଙ୍କର ମାଆ ଥିଲେ ଜଣେ ସଙ୍ଗୀତମହାବିଦ୍ୟାଳୟର ଛାତ୍ରୀ ଥିଲେ, ସେ ବାଳକୃଷ୍ଣ ଦାସଙ୍କର ଛାତ୍ରୀ ଥିଲେ । ସେ ହିଁ ଥିଲେ ସୁସ୍ମିତାଙ୍କର ପ୍ରଥମ ଗୁରୁ । ମାତ୍ର ସୁସ୍ମିତାଙ୍କର ମାଆଙ୍କର ବାହାଘର ପରେ ସେ ଆଉ ସୁଯୋଗ ପାଇ ନ ଥିଲେ, ନିଜର ପ୍ରତିଭାକୁ ଆଗକୁ ଆଣିବାକୁ । ତାଙ୍କ ମାଆ ଥିଲେ ଘରର ବଡ଼ ବୋହୂ ଏବଂ ତାଙ୍କର ଘର ଥିଲା ଏକ ଯୌଥ ପରିବାର । ସୁସ୍ମିତାଙ୍କର ପିତାଙ୍କର ୧୦ ଭାଇ । ସେଥିପାଇଁ ସେ ଇଚ୍ଛା ସତ୍ତ୍ୱେ ମଧ୍ୟ ସୁସ୍ମିତାଙ୍କୁ ସୂଚାରୁରୂପେ ଗୀତ ଶିକ୍ଷା ଦେଇପାରୁ ନ ଥିଲେ । ତେଣେ ସେତେବେଳେ ଝିଅ ବୋହୂମାନଙ୍କୁ ମଧ୍ୟ ଏତେଟା ସୁଯୋଗ ଦିଆଯାଉ ନ ଥିଲା ।^[୩]

୧୯୮୫ରେ ସୁସ୍ମିତାଙ୍କର ବିଭାଘର ହୋଇଥିଲା । ତାଙ୍କର ଶ୍ୱଶୁର ଥିଲେ ଡିଜି ପୋଲିସ, ଯେ କି ସଙ୍ଗୀତ ଏବଂ କଳା ଦୁନିଆରେ ଅଧିକ ରୂଚି ରଖୁଥିଲେ । ସେ ସବୁ କାମ ସ‌ହିତ ଅର୍ଣ୍ଣପୂର୍ଣ୍ଣା ଥିଏଟରରେ ମଧ୍ୟ ଜଣେ କଳାକାର ଭାବରେ ଅଭିନୟ କରୁଥିଲେ । ସୁସ୍ମିତାଙ୍କର ଶାଶୁ ଜନେ ଭାଓଲିନ୍ ବାଦକ ମଧ୍ୟ ଥିଲେ ଯେ କି ସୁନାକର ସାହୁଙ୍କ ଠାରୁ ଶିକ୍ଷା ଲାଭ କରିଥିଲେ । ସୁସ୍ମିତା ଗୀତ ଶିଖିଥିବା କଥା ଜାଣିବା ପରେ ତାଙ୍କ ଶ୍ୱଶୁର ତାଙ୍କର ବିଭାଘର ପାଇଁ ରାଜି ହୋଇଥିଲେ । ବିଭାଘର ପରେ ସୁସ୍ମିତା ମଧ୍ୟ ସୁନାକର ସାହୁଙ୍କ ଠାରୁ ଶାସ୍ତ୍ରୀୟ ସଙ୍ଗୀତ ଶିକ୍ଷା ଗ୍ରହଣ କରିଥିଲେ ।^[୪] ଏହା ପରେ ସେ ୧୯୮୭ ମସିହାରେ ଆକାଶବାଣୀରେ ସେ ଜଣେ ଗାୟିକା ଭାବରେ ଯୋଗଦେଇଥିଲେ ।

ସୁସ୍ମିତାଙ୍କର ପତି ଜଣେ ବନ ବିଭାଗର ସରକାରୀ ଚାକିରିଆ । ତାଙ୍କର ଦୁଇଟି ଝିଅ ଅଛନ୍ତି । ଦୁଇ ଝିଅ ବଡ଼ ହୋଇ ସେମାନଙ୍କର କାର୍ଯ୍ୟରେ ଯୋଗ ଦେବା ପରେ ସୁସ୍ମିତା ସଙ୍ଗୀତକୁ ଏକ ପେଶା ଭାବରେ ଗ୍ରହଣ କରିଥିଲେ ।^[୨]

ସଙ୍ଗୀତ ଜଗତରେ ପ୍ରବେଶ

ବାହାଘର ପରେ ସୁସ୍ମିତା ସୁନାକର ସାହୁଙ୍କଠାରୁ ସଙ୍ଗୀତ ଶିକ୍ଷା କରିଥିଲେ । ଏହା ପରେ ସେ ଆକାଶବାଣୀରେ ପ୍ରବେଶିକା ପରୀକ୍ଷାରେ କୃତକାର୍ଯ୍ୟ ହୋଇ ୧୯୮୭ ମସିହାରେ ଆକାଶବାଣୀରେ କଣ୍ଠଦାନ ଆରମ୍ଭ କରିଥିଲେ । ପରେ ପରେ ସୁସ୍ମିତା ଅନେକ ଗୁରୁ ଯେପରିକି ଢେଙ୍କାନାଳର ଚେଲ୍ ସାର୍, ଡେରାଡୁନ୍‌ର ଜିନ୍ଦେଙ୍କ ଠାରୁ ଗୀତ ଶିଖିଥିଲେ । ଏହାପରେ ତାଙ୍କର ଦୁଇ ଝିଅ ବଡ଼ ହୋଇଯିବା ପରେ, ଏବଂ ତାଙ୍କ ସ୍ୱାମୀଙ୍କର ଭୁବନେଶ୍ୱରରେ ନିଯୁକ୍ତି ହେବା ପରେ ସେ ୨୦୦୩ରୁ ଏକ ପେଶାଦାର ଗାୟିକା ରୂପେ ଗୀତ ଗାଇବା ଆରମ୍ଭ କରିଥିଲେ ।^[୪]

ସୁସ୍ମିତା ହେଉଛନ୍ତି ହିନ୍ଦୀ କଥାଚିତ୍ର ଜଗତର ସଙ୍ଗୀତ ନିର୍ଦ୍ଦେଶକ ‌ଗୁଲ୍‌ଜାର୍‌ଙ୍କର ପ୍ରଶଂସକ । ସେ ତାଙ୍କର ଅନେକ ଗୀତକୁ ମଧ୍ୟ ଗାଇବାକୁ ପସନ୍ଦ କରନ୍ତି । ସେଥିପାଇଁ ତାଙ୍କର ଗୀତ ‌ମେରା କୁଛ୍ ସାମାନ୍ ତୁମ୍ହାରେ ପାସ୍ ପଡ଼ା ହେ‌କୁ ଅନୁବାଦ କରି ‌ତୁମର ଜିନିଷ କିଛି ମୋ ପାଖରେ ର‌ହିଯାଇଛି‌ ଭାବରେ ‌ହାତୀ ସଜ କର‌ ଆଲବମରେ ସ୍ଥାନିତ କରି ଗାଇଥିଲେ । ଏହାର ରଚନା କରିଥିଲେ ଦେବଦାସ ଛୋଟରାୟ ।^[୨]

ସୁସ୍ମିତା ଗାଇଥିବା କିଛି ଆଲବମ

‌ମଧୁର ଏ ଚାନ୍ଦ ରାତି‌, ବାଳକୃଷ୍ଣ ଦାସଙ୍କ ରଚିତ ଓମ‌ପ୍ରକାଶ ମହାନ୍ତିଙ୍କର ସ‌ହ ପ୍ରଥମ ଆଲବମ କରିଥିଲେ ସୁସ୍ମିତା ।^[୫]

‌ମାୟ ଦର୍ପଣ‌ ମୁକ୍ତିଲାଭ କରିଥିଲା ୨୦୦୬ରେ ।^[୬] ଏହି ଆଲବମରେ ଦେବଦାସ ଛୋଟରାୟ ଏବଂ ଓମ‌ପ୍ରକାଶ ମହାନ୍ତିଙ୍କ ସ‌ଥହ ଆରମ୍ଭ ହୋଇଥିଲା ସୁସ୍ମିତାଙ୍କର ମିଳିତ କାର୍ଯ୍ୟ । ମଧୁର ଏ ଚାନ୍ଦ ରାତି ମୁକ୍ତିଲାଭ କରିବା ପରେ ସୁସ୍ମିତା ତାଙ୍କର ମାମୁଁଙ୍କ ପ୍ରରୋଚନାରେ ମାୟାଧର ମାନସିଂହଙ୍କ ରଚିତ କାବ୍ୟ ମାୟାଦର୍ପଣକୁ ଗାଇଥିଲେ ।

ସେ ଓମାର ଖୟାମଙ୍କର ମନମୁଗ୍ଧକର ରୁବାଈର କିଛି ଭାଗକୁ ଓଡ଼ିଆରେ ମଧ୍ୟ ଗାନ କରିଥିଲେ । ଓମ୍ ପ୍ରକାଶ ମହାନ୍ତି ଏହାର ସ୍ୱର ସଂଯୋଜନା କରିଥିଲେ । ମୀରାବାଈ ଏବଂ କବୀରଙ୍କ ରଚିତ କଥାବସ୍ତୁକୁ ସେ ସଙ୍ଗୀତ ମାଧ୍ୟମରେ ପରିବେଶଷଣ କରିଛନ୍ତି । 'ଗୋଟିଏ ଶାରୀ' ନାମକ ଆଲବମ୍‌ରେ ସେ ଓଡ଼ିଶାର କେତେକ ପୁରୁଣା ଲୋକଗୀତିକୁ ସେ ପୁଣିଥରେ ଗାନ କରିଥିଲେ ।

ଦେବଦାସ ଛୋଟରାୟଙ୍କ ରଚିତ ୧୬ଟି ଆଧୁନିକ କବିତାକୁ ନେଇ ଏକ ଆଲବମ ନିର୍ମାଣ କରାଯାଇଥିଲା ଯାହାର ନାମ ଥିଲା ‌ହାତୀ ସଜ କର‌ ।^[୬] ଏହି ଆଲବମର ସମସ୍ତ ୧୬ଟି ଯାକ ଗୀତର ସ୍ୱର ସଂଯୋଜନା କରିଥିଲେ ଓମ‌ପ୍ରକାଶ ମହାନ୍ତି । ଏହି ଆଲବମ୍‌ରେ ଥିବା କିଛି କବିତାକୁ ପାଶ୍ଚତ୍ୟ ଶୈଳୀରେ ତିଆରି କରିଥିଲେ ଓମ‌ପ୍ରକାଶ ଏବଂ ଗାଇଥିଲେ ସୁସ୍ମିତା । ଏହି ଆଲବମ୍‌ରେ ବିଭିନ୍ନ ପ୍ରକାରର ଗୀତ ରଖାଯାଇଥିଲା, ଯେଉଁଥିରେ ଥିଲା: ଭାରତୀୟ ନୃତ୍ୟଶୈଳୀରେ କିଛି ଗୀତ, ପାଶ୍ଚାତ୍ୟ ଶୈଳୀରେ କିଛି ଗୀତ, ଲୋରି ଇତ୍ୟାଦି ।

ଦେବଦାସ ଛୋଟରାୟଙ୍କର ‌ନୂଆ ଲୁହ ପୁରୁଣା ଲୁହ‌ ବ‌ହିରେ ଥିବା ସମୁଦାୟ ଲେଖାକୁ ନେଇ ସୁସ୍ମିତା ଏକ ଗଜଲ ଆଲବମ୍ ବାହାର କରିଥିଲେ ।^[୬] ଏଥିରେ ଦେବଦାସ ଛୋଟରାୟଙ୍କ ୧୬ଟି ଗୀତି କବିତାକୁ ନେଇ ତିଆରି ହୋଇଥିବା ଏହି ଆଲବମର ସ୍ୱରସଂଯୋଜନା କରିଥିଲେ ଓମ‌ପ୍ରକାଶ ମହାନ୍ତି । ସେ ଏଥିରେ ମଧ୍ୟ ବିଭିନ୍ନ ପ୍ରକାରର ଗୀତ ଗାଇଥିଲେ ।

ସୁସ୍ମିତାଙ୍କର ଅନ୍ୟ ଏକ ଆଲବମ ଥିଲା ‌ଦେହ ବିଦେହ‌ । ଏହା ଗୌତମ ବୁଦ୍ଧଙ୍କ ଉପରେ ଆଧାରିତ ଥିଲା । ଏଥିରେ ଓଡ଼ିଶାରେ ଥିବା ବୁଦ୍ଧିଜିମ୍‌କୁ ଦର୍ଶାଯାଇଥିଲା । ଓଡ଼ିଶାରେ ଥିବା ବୁଦ୍ଧିଜିମ୍ ଯାହାକି ହେଉଛି ବଜ୍ରଯାନ୍ । ସେହି ସବୁକୁ ଭିତ୍ତି କରି ଲେଖାଯାଇଥିଲା ଏହି ଆଲବମ୍‌ଟି । ଶରୀର ମାଧ୍ୟମ ଦେଇ ଆତ୍ମାର ପରମାତ୍ମା ସ‌ହ ମିଳନର ଭାବକୁ ଏଇ ଆଲବମରେ ଦିଆଯାଇଛି । ଏହି ଆଲବମଟି ୬ ଫେବୃଆରୀ ୨୦୧୫ରେ ଭଞ୍ଜ କଳା ମଣ୍ଡପ, ଭୁବନେଶ୍ୱରରେ ମୁକ୍ତିଲାଭ କରିଥିଲା । ୧୩ ଫେବୃଆରୀରେ ଭୁବନେଶ୍ୱରରେ ଆୟୋଜିତ ଆନ୍ତର୍ଜାତିକ ବୌଦ୍ଧ ସମ୍ମିଳନୀ ଅବସରରେ ରବୀନ୍ଦ୍ର ମଣ୍ଡପରେ ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମରେ ଏହି ଗୀତ ପରିବେଶଣ କରାଯାଇଥିଲା ।^[୭]

ନବକଳେବର ୨୦୧୫ ସମୟରେ ସୁସ୍ମିତାଙ୍କର ପ୍ରଥମ ଜଗନ୍ନାଥ ଭଜନ ଆଲବମ ‌ହୃଦୟ ବଲ୍ଲଭ‌ ମୁକ୍ତିଲାଭ କରିଥିଲା । ଏହି ଆଲବମରେ ଥିବା ସମସ୍ତ ୧୨ଟି ଯାକ ଗୀତ ନିଜେ ସୁସ୍ମିତା ଗାଇଥିଲେ । ଏହି ଆଲବମରେ ଥିବା ୧୨ଟି ଗୀତରୁ ୬ଟି ପ୍ରଫୁଲ୍ଲ କର ଲେଖଥିଲେ ଏବଂ ସ୍ୱର ସଂଯୋଜନା କରିଥିଲେ । ବାକି ୬ଟି ଗୀତ ଥିଲା ପାରମ୍ପାରିକ ରଚନା, ଯାହାକି ଓମପ୍ରକାଶ ମହାନ୍ତିଙ୍କ ଦ୍ୱାରା ସ୍ୱର ସଂଯୋଜନା ହୋଇଥିଲା । ଏହି ଆଲବମଟି ରବୀନ୍ଦ୍ର ମଣ୍ଡପରେ ୭ ଜୁଲାଇ ୨୦୧୫ରେ ମୁକ୍ତିଲାଭ କରିଥିଲା ।^[୩]

ଚକ୍ଷୁହୀନ ପିଲାମାନଙ୍କୁ ନେଇ ‌ସ୍ୱାଭିମାନ‌ ନାମକ ଏକ ଆଲବମ ତିଆରି କରିଥିଲେ ସୁସ୍ମିତା । ଏହାର ରଚନାଗୁଡ଼ିକୁ କରିଥିଲେ ବିଜୟ ମଲ୍ଲ । ଏହି ପିଲାମାନଙ୍କ ସ‌ହ କଣ୍ଠଶିଳ୍ପୀ ଅଭିଜିତ ମିଶ୍ର ମଧ୍ୟ ସୁସ୍ମିତାଙ୍କ ସ‌ହ ଗୀତ ଗାଇଥିଲେ । ୯ ଜାନୁଆରୀ ୨୦୧୬ରେ ଭୁବନେଶ୍ୱରର ଭଞ୍ଜ କଳା ମଣ୍ଡପରେ ଏହି ଆଲବମଟି ମୁକ୍ତିଲାଭ କରିଥିଲା ।

୨୦୧୬ ମସିହାରେ ସୁସ୍ମିତା ଏବଂ ଅଭିଜିତ ମିଶ୍ରଙ୍କ କଣ୍ଠରେ ‌ଋତୁଚକ୍ର‌ ଆଲବମ ମୁକ୍ତିଲାଭ କରିଥିଲା । ଏହି ଆଲବମର ଗୀତଗୁଡ଼ିକୁ ରଚନା କରିଥିଲେ କୁଳମଣି ବିଶ୍ୱାଳ ଏବଂ ସଙ୍ଗୀତ ନିର୍ଦ୍ଦେଶନା ଦେଇଥିଲେ ଓମ ପ୍ରକାଶ ମହାନ୍ତି । ମିଟୁ ମ୍ୟୁଜିମ୍ ଏହାର ପ୍ରସ୍ତୁତି ଦାୟିତ୍ୱ ନିଭେଇଥିଲା । ଭାରତରେ ଅନୁଭବ ହେଉଥିବା ୬ଟି ଋତୁକୁ ନେଇ ଏହାର ଗୀତ ରଚନା କରାଯାଇଥିଲା ।^[୮]

୨୦୧୭ ମସିହାରେ ଉତ୍କଳ ଦିବସ ଅବସରରେ ସୁସ୍ମିତା ଓଡ଼ିଶାର ଯୁବଶକ୍ତିଙ୍କୁ ଉତ୍ସାହିତ କରିବା ପାଇଁ ଓଡ଼ିଶା ଗୌରବ, ଗାଥାକୁ ନେଇ 'ଆଉ ନ କର କାହା ଆଗେ ଗୁହାରୀ' ଶୀର୍ଷକ ଏକ ଗୀତ ମୁକ୍ତିଲାଭ ହୋଇଥିଲା । ଭରଦ୍ୱାଜ ପଣ୍ଡା ଏହି ଗୀତଟିର ରଚନା କରିଥିବା ବେଳେ ବିଭୁତିଭୂଷଣ ଗଡ଼ନାୟକ ଏହି ଗୀତ ପାଇଁ ଆବଶ୍ୟକୀୟ ବାଦ୍ୟଯନ୍ତ୍ରର ଯୋଗାଡ଼ କରିଥିଲେ । ଏହି ଗୀତଟି ନିର୍ମାଣ କରିବା ପାଇଁ ଓଡ଼ିଶାର ପାରମ୍ପାରିକ ବାଦ୍ୟଯନ୍ତ୍ର ଖଞ୍ଜଣି, ଧୁଡୁକି, ଉକୁଲେଲେ ଆଦି ବ୍ୟବ‌ହୃତ ହୋଇଥିଲା ।^[୯]

୨୦୧୭ ମସିହା ରଜ ସମୟରେ ସୁସ୍ମିତାଙ୍କ ଏକ ରଜ ଗୀତ ମୁକ୍ତିଲାଭ କରିଥିଲା । ରଜ ଅବସରରେ ଆମ ଓଡ଼ିଶାରେ କେମିତି ପାଳନ ହୁଏ, ସେହି ବିଷୟରେ କିଛି ବର୍ଣ୍ଣନା କରିଥିଲେ ଗୀତ ମାଧ୍ୟମରେ । ଏହି ଗୀତଟିର ଶୀର୍ଷକ 'ଲାଜ ଲାଜ ହୋଇ ଆସିଲ ରଜଲୋ' ରଖାଯାଇଥିଲା ।^[୧୦] ଗୀତିକାର ଦେବଦାସ ଛୋଟରାୟ ଏହି ଗୀତଟିକୁ ରଚନା କରିଥିଲେ । ସଙ୍ଗୀତକାର ଓମ୍ ପ୍ରକାଶ ମହାନ୍ତି ଏହି ଗୀତଟିର ସ୍ୱର ସଂଯୋଜନା କରିଥିଲେ ।^[୬] ଏହି ଗୀତର ଭିଡ଼ିଓରେ ନିଜେ ସୁସ୍ମିତା ମଧ୍ୟ ଅଭିନୟ କରିଥିଲେ । ଏହାର ଭିଡ଼ିଓର ସୁଟିଂ କରିଥିଲେ କଣ୍ଠଶିଳ୍ପୀ ଅଭିଜିତ ମିଶ୍ର ଏବଂ ଧୃବାନନ୍ଦ ପଣ୍ଡା ।^[୧୧] ୧୪ ଜୁନ ୨୦୧୭ରେ ଏହି ଗୀତଟି ରବିନ୍ଦ୍ର ମଣ୍ଡପରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଜରିଆରେ ଲୋକାର୍ପଣ କରାଯାଇଥିଲା । ମାତ୍ର ଜୁନ ୧୩ରେ ଏହାକୁ ୟୁ ଟ୍ୟୁବ୍ ଏବଂ ଫେସବୁକ୍‌ରେ ମୁକ୍ତିଲାଭ କରାଯାଇଥିଲା ।

ଗାଇଥିବା ଆଲବମ୍

ଆଲବମ	ଗୀତ ସଂଖ୍ୟା	ରଚନା	ସ୍ୱର ସଂଯୋଜନା
ହାତୀ ସଜ କର	୮	ଦେବଦାସ ଛୋଟରାୟ	ଓମପ୍ରକାଶ ମହାନ୍ତି
କ‌ହତ କବୀର	୯		ଓମପ୍ରକାଶ ମହାନ୍ତି
କୁଛ୍ ଦିଲ୍‌ନେ କାହା	୧୬
ମଧୁର ଏ ଚାନ୍ଦ ରାତି	୮	ବାଳକୃଷ୍ଣ ଦାସ	ଓମପ୍ରକାଶ ମହାନ୍ତି
ମାୟା ଦର୍ପଣ	୯	ମାୟାଧର ମାନସିଂହ	ଓମପ୍ରକାଶ ମହାନ୍ତି
ମୀରା ଭଜନ	୯		ଓମପ୍ରକାଶ ମହାନ୍ତି
ନୂଆ ଲୁହ ପୁରୁଣା ଲୁହ	୧୬	ଦେବଦାସ ଛୋଟରାୟ	ଓମପ୍ରକାଶ ମହାନ୍ତି
ଦେହ ବିଦେହ		ହରପ୍ରକାଶ ଦାସ
ହୃଦୟ ବଲ୍ଲଭ	୧୨	ପ୍ରଫୁଲ୍ଲ କର	ପ୍ରଫୁଲ୍ଲ କର, ଓମପ୍ରକାଶ ମହାନ୍ତି
ସ୍ୱାଭିମାନ		ବିଜୟ ମଲ୍ଲ
ଋତୁଚକ୍ର	୬	କୁଳମଣି ବିଶ୍ୱାଳ	ଓମ ପ୍ରକାଶ ମହାନ୍ତି

ଆଧାର

↑ "BIOGRAPHY". susmitadas.in. Retrieved 8 March 2017.
↑ ^୨.୦ ^୨.୧ ^୨.୨ "Kathare Kathare - Singer Susmita Das - Etv News Odia". E Tv News. Retrieved 8 March 2017.
↑ ^୩.୦ ^୩.୧ "Sapana Ra Pathe Pathe: Susmita Das". କନ‌କ ନ୍ୟୁଜ. Retrieved 8 March 2017.
↑ ^୪.୦ ^୪.୧ "Face To Face with Singer Susmita Das". NWZ Today. Retrieved 8 March 2017.
↑ "ଓଡ଼ିଆ ସଙ୍ଗୀତର ନୂଆ ଦିଗବଳୟ". ସାମାନ୍ୟ କଥନ. Retrieved 30 July 2017.
↑ ^୬.୦ ^୬.୧ ^୬.୨ ^୬.୩ "ସୁସ୍ମିତା ଦାସଙ୍କ କଣ୍ଠରେ ନୂଆ ରଜ ଗୀତ: ଲାଜ ଲାଜ ହୋଇ ଆସିଲା ରଜଲୋ…". Odisha Live. 8 June 2017. Retrieved 30 July 2017.
↑ "ଭୁବନେଶ୍ୱରରେ ଆନ୍ତର୍ଜାତିକ ବୌଦ୍ଧ ସମ୍ମିଳନୀ ଆସନ୍ତା ୧୩ ତାରିଖରୁ". Odishan. 11 February 2015. Retrieved 30 July 2017.
↑ [odialive.com/susmita-das-seasons-odia-music-album/ "Susmita Das's Seasons Odia music Album"]. OdiaLive.com. 30 January 2016. Retrieved 9 March 2017. {{cite news}}: Check |url= value (help)
↑ "A beautiful new Odia song released on Utkala Dibasa by Susmita Das, perfect gift to Odia people". Bhubaneswar BUZZ. Retrieved 1 April 2017.
↑ "Susmita Das' musical treat for Raja". Odisha Bytes. Retrieved 30 July 2017.
↑ "Lajja Lajja Hoi Asila Raja". Odisha Live. Retrieved 30 July 2017.

[ସୁସ୍ମିତା_ଦାସ-1] "BIOGRAPHY". susmitadas.in. Retrieved 8 March 2017.

[Susmita-2] ୨.୦ ^୨.୧ ^୨.୨ "Kathare Kathare - Singer Susmita Das - Etv News Odia". E Tv News. Retrieved 8 March 2017.

[Susmita_Kanak_News-3] ୩.୦ ^୩.୧ "Sapana Ra Pathe Pathe: Susmita Das". କନ‌କ ନ୍ୟୁଜ. Retrieved 8 March 2017.

[susmitadas-4] ୪.୦ ^୪.୧ "Face To Face with Singer Susmita Das". NWZ Today. Retrieved 8 March 2017.

[samanyakathana-5] "ଓଡ଼ିଆ ସଙ୍ଗୀତର ନୂଆ ଦିଗବଳୟ". ସାମାନ୍ୟ କଥନ. Retrieved 30 July 2017.

[ଲାଜ_ଲାଜ_ହୋଇ_ଆସିଲା_ରଜଲୋ-6] ୬.୦ ^୬.୧ ^୬.୨ ^୬.୩ "ସୁସ୍ମିତା ଦାସଙ୍କ କଣ୍ଠରେ ନୂଆ ରଜ ଗୀତ: ଲାଜ ଲାଜ ହୋଇ ଆସିଲା ରଜଲୋ…". Odisha Live. 8 June 2017. Retrieved 30 July 2017.

[7] "ଭୁବନେଶ୍ୱରରେ ଆନ୍ତର୍ଜାତିକ ବୌଦ୍ଧ ସମ୍ମିଳନୀ ଆସନ୍ତା ୧୩ ତାରିଖରୁ". Odishan. 11 February 2015. Retrieved 30 July 2017.

[8] [odialive.com/susmita-das-seasons-odia-music-album/ "Susmita Das's Seasons Odia music Album"]. OdiaLive.com. 30 January 2016. Retrieved 9 March 2017. {{cite news}}: Check |url= value (help)

[9] "A beautiful new Odia song released on Utkala Dibasa by Susmita Das, perfect gift to Odia people". Bhubaneswar BUZZ. Retrieved 1 April 2017.

[10] "Susmita Das' musical treat for Raja". Odisha Bytes. Retrieved 30 July 2017.

[11] "Lajja Lajja Hoi Asila Raja". Odisha Live. Retrieved 30 July 2017.

[୧]

[୨]

[୩]

[୪]

[୫]

[୬]

[୭]

[୮]

[୯]

[୧୦]

[୧୧]

@@ ୫୭ କ ଧାଡ଼ି: / ୫୭ କ ଧାଡ଼ି: @@
 ୨୦୧୭ ମସିହାରେ [[ଉତ୍କଳ ଦିବସ]] ଅବସରରେ ସୁସ୍ମିତା [[ଓଡ଼ିଶା]]ର ଯୁବଶକ୍ତିଙ୍କୁ ଉତ୍ସାହିତ କରିବା ପାଇଁ ଓଡ଼ିଶା ଗୌରବ, ଗାଥାକୁ ନେଇ 'ଆଉ ନ କର କାହା ଆଗେ ଗୁହାରୀ' ଶୀର୍ଷକ ଏକ ଗୀତ ମୁକ୍ତିଲାଭ ହୋଇଥିଲା । ଭରଦ୍ୱାଜ ପଣ୍ଡା ଏହି ଗୀତଟିର ରଚନା କରିଥିବା ବେଳେ ବିଭୁତିଭୂଷଣ ଗଡ଼ନାୟକ ଏହି ଗୀତ ପାଇଁ ଆବଶ୍ୟକୀୟ ବାଦ୍ୟଯନ୍ତ୍ରର ଯୋଗାଡ଼ କରିଥିଲେ । ଏହି ଗୀତଟି ନିର୍ମାଣ କରିବା ପାଇଁ ଓଡ଼ିଶାର ପାରମ୍ପାରିକ ବାଦ୍ୟଯନ୍ତ୍ର [[ଖଞ୍ଜଣି]], [[ଧୁଡୁକି]], ଉକୁଲେଲେ ଆଦି ବ୍ୟବ‌ହୃତ ହୋଇଥିଲା ।<ref>{{cite web|title=A beautiful new Odia song released on Utkala Dibasa by Susmita Das, perfect gift to Odia people|url=http://www.bhubaneswarbuzz.com/videos/beautiful-new-odia-song-released-utkala-dibasa-susmita-das-check|publisher=Bhubaneswar BUZZ|accessdate=1 April 2017}}</ref>
-୨୦୧୭ ମସିହା ରଜ ସମୟରେ ସୁସ୍ମିତାଙ୍କ ଏକ ରଜ ଗୀତ ମୁକ୍ତିଲାଭ କରିଥିଲା । [[ରଜ]] ଅବସରରେ ଆମ ଓଡ଼ିଶାରେ କେମିତି ପାଳନ ହୁଏ, ସେହି ବିଷୟରେ କିଛି ବର୍ଣ୍ଣନା କରିଥିଲେ ଗୀତ ମାଧ୍ୟମରେ । ଏହି ଗୀତଟିର ଶୀର୍ଷକ 'ଲାଜ ଲାଜ ହୋଇ ଆସିଲ ରଜଲୋ' ରଖାଯାଇଥିଲା । ଗୀତିକାର ଦେବଦାସ ଛୋଟରାୟ ଏହି ଗୀତଟିକୁ ରଚନା କରିଥିଲେ । ସଙ୍ଗୀତକାର ଓମ୍ ପ୍ରକାଶ ମହାନ୍ତି ଏହି ଗୀତଟିର ସ୍ୱର ସଂଯୋଜନା କରିଥିଲେ ।<ref name="ଲାଜ ଲାଜ ହୋଇ ଆସିଲା ରଜଲୋ">{{cite news|title=ସୁସ୍ମିତା ଦାସଙ୍କ କଣ୍ଠରେ ନୂଆ ରଜ ଗୀତ: ଲାଜ ଲାଜ ହୋଇ ଆସିଲା ରଜଲୋ…|url=https://odisha.live/2017/06/08/ସୁସ୍ମିତା-ଦାସଙ୍କ-କଣ୍ଠରେ/|accessdate=30 July 2017|newspaper=Odisha Live|date=8 June 2017}}</ref> ଏହି ଗୀତର ଭିଡ଼ିଓରେ ନିଜେ ସୁସ୍ମିତା ମଧ୍ୟ ଅଭିନୟ କରିଥିଲେ । ଏହାର ଭିଡ଼ିଓର ସୁଟିଂ କରିଥିଲେ କଣ୍ଠଶିଳ୍ପୀ [[ଅଭିଜିତ ମିଶ୍ର]] । ୧୪ ଜୁନ ୨୦୧୭ରେ ଏହି ଗୀତଟି ରବିନ୍ଦ୍ର ମଣ୍ଡପରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଜରିଆରେ ଲୋକାର୍ପଣ କରାଯାଇଥିଲା । ମାତ୍ର ଜୁନ ୧୩ରେ ଏହାକୁ ୟୁ ଟ୍ୟୁବ୍ ଏବଂ ଫେସବୁକ୍‌ରେ ମୁକ୍ତିଲାଭ କରାଯାଇଥିଲା ।
+୨୦୧୭ ମସିହା ରଜ ସମୟରେ ସୁସ୍ମିତାଙ୍କ ଏକ ରଜ ଗୀତ ମୁକ୍ତିଲାଭ କରିଥିଲା । [[ରଜ]] ଅବସରରେ ଆମ ଓଡ଼ିଶାରେ କେମିତି ପାଳନ ହୁଏ, ସେହି ବିଷୟରେ କିଛି ବର୍ଣ୍ଣନା କରିଥିଲେ ଗୀତ ମାଧ୍ୟମରେ । ଏହି ଗୀତଟିର ଶୀର୍ଷକ 'ଲାଜ ଲାଜ ହୋଇ ଆସିଲ ରଜଲୋ' ରଖାଯାଇଥିଲା ।<ref>{{cite web|title=Susmita Das' musical treat for Raja|url=http://www.odishabytes.com/susmita-das-musical-treat-raja/|publisher=Odisha Bytes|accessdate=30 July 2017}}</ref> ଗୀତିକାର ଦେବଦାସ ଛୋଟରାୟ ଏହି ଗୀତଟିକୁ ରଚନା କରିଥିଲେ । ସଙ୍ଗୀତକାର ଓମ୍ ପ୍ରକାଶ ମହାନ୍ତି ଏହି ଗୀତଟିର ସ୍ୱର ସଂଯୋଜନା କରିଥିଲେ ।<ref name="ଲାଜ ଲାଜ ହୋଇ ଆସିଲା ରଜଲୋ">{{cite news|title=ସୁସ୍ମିତା ଦାସଙ୍କ କଣ୍ଠରେ ନୂଆ ରଜ ଗୀତ: ଲାଜ ଲାଜ ହୋଇ ଆସିଲା ରଜଲୋ…|url=https://odisha.live/2017/06/08/ସୁସ୍ମିତା-ଦାସଙ୍କ-କଣ୍ଠରେ/|accessdate=30 July 2017|newspaper=Odisha Live|date=8 June 2017}}</ref> ଏହି ଗୀତର ଭିଡ଼ିଓରେ ନିଜେ ସୁସ୍ମିତା ମଧ୍ୟ ଅଭିନୟ କରିଥିଲେ । ଏହାର ଭିଡ଼ିଓର ସୁଟିଂ କରିଥିଲେ କଣ୍ଠଶିଳ୍ପୀ [[ଅଭିଜିତ ମିଶ୍ର]] ଏବଂ ଧୃବାନନ୍ଦ ପଣ୍ଡା ।<ref>{{cite web|title=Lajja Lajja Hoi Asila Raja|url=https://odialive.com/lajja-lajja-hoi-asila-raja/|publisher=Odisha Live|accessdate=30 July 2017}}</ref> ୧୪ ଜୁନ ୨୦୧୭ରେ ଏହି ଗୀତଟି ରବିନ୍ଦ୍ର ମଣ୍ଡପରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଜରିଆରେ ଲୋକାର୍ପଣ କରାଯାଇଥିଲା । ମାତ୍ର ଜୁନ ୧୩ରେ ଏହାକୁ ୟୁ ଟ୍ୟୁବ୍ ଏବଂ ଫେସବୁକ୍‌ରେ ମୁକ୍ତିଲାଭ କରାଯାଇଥିଲା ।
 ==ଗାଇଥିବା ଆଲବମ୍==