ପାରାଦୀପ ବନ୍ଦର
| ପାରାଦୀପ ବନ୍ଦର | |
|---|---|
 | |
| Location | |
| Country | India |
| Location | Paradip, Odisha |
| Coordinates | 20°15′55.44″N 86°40′34.62″E / 20.2654000°N 86.6762833°E[୧] |
| Details | |
| Opened | ମାର୍ଚ୍ଚ 12, 1966 |
| Operated by | Paradip Port Trust |
| Owned by | ଭାରତ ସରକାର |
| Available berths | ୨୦ |
| Statistics | |
| Annual cargo tonnage | 57.01 million tons (2009-10)[୨] |
| Website paradipport | |
ପାରାଦୀପ ବନ୍ଦର (20°15′55.44″N 86°40′34.62″E / 20.2654000°N 86.6762833°E) ଜଗତସିଂହପୁର ଜିଲ୍ଲାରେ ଅବସ୍ଥିତ ଏକ କୃତ୍ରିମ ବନ୍ଦର । ଏହା ମହାନଦୀ ଓ ବଙ୍ଗୋପସାଗରର ମିଳନସ୍ଥଳୀରେ ଅବସ୍ଥିତ। ଏହା ଓଡ଼ିଶାର ଏକମାତ୍ର ଓ ଭାରତର ୧୧ଶ ବୃହତ ବନ୍ଦର ଅଟେ । ଏହି ବନ୍ଦର ଦେଇ ମୁଖ୍ୟତଃ ଲୌହପଥର ଓ କୋଇଲା ରପ୍ତାନୀ କରାଯାଉଥିଲା ବେଳେ ରାଜ୍ୟରେ ଅବସ୍ଥିତ ଇସ୍ପାତ କାରଖାନା ନିମନ୍ତେ କୋକିଙ୍ଗ କୋଇଲା ତଥା ସାର କାରଖାନା ନିମନ୍ତେ ଫସପେଟ ଆଦି ଆମଦାନୀ କରାଯାଇଥାଏ ।
ଇତିହାସ
[ସମ୍ପାଦନା]ଏହି ବନ୍ଦରଟିକୁ ୩ ଜାନୁୟାରୀ ୧୯୬୨ ମସିହାରେ ଭାରତର ତତ୍କାଳୀନ ପ୍ରଧାନମନ୍ତ୍ରୀ ଜବାହରଲାଲ ନେହେରୁ ଶୁଭ ଦେଇଥିଲେ ।[୩] ଓଡ଼ିଶାର ତାତ୍କଳିକ ମୁଖ୍ୟମନ୍ତ୍ରୀ ସ୍ୱର୍ଗତଃ ବିଜୁ ପଟ୍ଟନାୟକଙ୍କ ଉଦ୍ୟମରେ ଏହି ବନ୍ଦରର ନିର୍ମାଣ ସମ୍ଭବ ହୋଇଥିଲା । ୧୯୬୪ ମସିହାରେ ଏହାର ନିର୍ମାଣ କାମ ରାଜ୍ୟ ସରକାର ଆରମ୍ଭ ହୋଇଥିଲା । ୧୬ କୋଟି ଟଙ୍କା ରାଜ୍ୟ ରାଜକୋଷରୁ ଖର୍ଚ୍ଚ ହୋଇ ରାଜ୍ୟ ଦେବାଳିଆ ସ୍ଥିତିରେ ପହଞ୍ଚିଯାଇଥିଲା । ୧୯୬୬ ମସିହା ଅପ୍ରେଲ ୧୮ ତାରିଖରେ କେନ୍ଦ୍ର ସରକାର ଏହାର ପରିଚାଳନା ନିଜ ହାତକୁ ନେଇଥିଲେ ।[୩] ଲୁହାପଥର ବର୍ଥ ନିର୍ମାଣ ଶେଷ ହେବା ପରେ, ୧୫ ମାର୍ଚ୍ଚ ୧୯୬୬ରେ INS INVESTIGATOR ପ୍ରଥମ ଜାହାଜ ଭାବେ ଏଠାରେ ଲାଗିଥିଲା । ବର୍ତ୍ତମାନ ଏହା ଭାରତର ଅନ୍ୟତମ ପ୍ରଧାନ ବନ୍ଦର ଭାବେ ବର୍ଷକୁ ୫୦ ନିୟୁତଠାରୁ ଅଧିକ ମାଲ ପରିବହନ କରୁଛି ।
ଉପଲବ୍ଧ ସୁବିଧା
[ସମ୍ପାଦନା]ଏହି ବନ୍ଦରରେ ବର୍ତ୍ତମାନ ୨୦ଟି ବର୍ଥ ରହିଛି । ୧୩ ମିଟର ଗଭୀରତା ବିଶିଷ୍ଟ ଏହି ବର୍ଥ ମାନଙ୍କର୍ରେ ୯୦,୦୦୦ ଟନ୍ ପର୍ଯ୍ୟନ୍ତ ଓଜନର ଜାହାଜ ଧାରଣ ପାଇଁ ସକ୍ଷମ ।[୪] ସ୍ୱୟଂସକ୍ରିୟ କୋଇଲା ପ୍ଲାଣ୍ଟ ବର୍ଷକୁ ୨୦ ନିୟୁତ ପର୍ଯ୍ୟନ୍ତ ମାଲ ରପ୍ତାନୀ କରିପାରେ । ସମୁଦ୍ର ମଝିରେ ଥିବା SPM ବର୍ଥ ଅତ୍ୟନ୍ତ ବଡ଼ ଆକାରର ତେଲ ଜାହାଜରୁ ଅସୋଧିତ ତୈଳ ଖାଲି କରାଯାଇ ପାଇପ ଯୋଗେ IOCLର ବିଶୋଧନାଗାରକୁ ପଠାଯାଏ ।
ବନ୍ଦରର ନିଜସ୍ୱ ଏକ ରେଳ ଲାଇନ ରହିଛି ଯାହା ୮୨ କିଲୋମିଟର ବ୍ୟାପୀ ବ୍ୟାପ୍ତ । ୨୫ରୁ ଅଧିକ ସାଇଡ଼ିଙ୍ଗରେ(siding) ମାଲ ଲଦିବା ଓ ଓହ୍ଲାଇବା କାମ ହୁଏ । ଏହି ରେଳ ଲାଇନ ପୂର୍ବ ତଟ ରେଳ ସହ ସଯୁଂକ୍ତ ।
ପାରାଦୀପ ବନ୍ଦର ଏକ ଦୃତଗାମୀ ଜାତୀୟ ରାଜପଥ (NH 5A)ଦ୍ୱାରା ଜାତୀୟ ରାଜପଥ ୧୬ ସହ ସଂଯୁକ୍ତ । କଟକରୁ ମଧ୍ୟ ଏଠାକୁ ସିଧାସଳଖ ୮୩ କି.ମି.ର ରାସ୍ତା ରହିଛି ।
ଆଧାର
[ସମ୍ପାଦନା]- ↑ "About Us". Paradip Port Trust. Archived from the original on 2014-03-22. Retrieved 2011-09-27.
- ↑ "Brochure" (PDF). Paradip Port Trust. Archived from the original (PDF) on 2011-09-03. Retrieved 2011-09-27.
- ↑ ୩.୦ ୩.୧ https://www.dharitri.com/157310/
- ↑ "Home". Paradip Port Trust. Archived from the original on 2018-02-24. Retrieved 2011-09-27.
ବାହାର ତଥ୍ୟ
[ସମ୍ପାଦନା]http://www.paradipport.gov.in/ Archived 2018-02-24 at the Wayback Machine.
ସଦର ମହକୁମା: ଜଗତସିଂହପୁର | ||
| ନିର୍ବାଚନ ମଣ୍ଡଳୀ |  | |
| ପର୍ଯ୍ୟଟନ ସ୍ଥଳ | ||
| ପର୍ବପର୍ବାଣୀ | ||
| ସହର ଓ ସଦର ଅନ୍ୟ ଜିଲ୍ଲାରେ | ||