ନମିତା ଅଗ୍ରୱାଲ

ଉଇକିପିଡ଼ିଆ ରୁ
(ନମିତା ଅଗ୍ରଵାଲ ରୁ ଲେଉଟି ଆସିଛି)
Jump to navigation Jump to search
ନମିତା ଅଗ୍ରୱାଲ , କଟକ
Namita Agrawal WikiPic1.jpg
ନମିତା ଅଗ୍ରୱାଲ
ଜନ୍ମ ଓ ଜନ୍ମସ୍ଥାନଫେବୃଆରୀ ୧, ୧୯୬୯(1969-02-01)
ଜୀବିକାପ୍ରଚ୍ଛଦପଟ ଗାୟିକା, ପ୍ରଯୋଜିକା
କାର୍ଯ୍ୟକାଳ୧୯୮୯-ଏବେଯାଏଁ
ଜୀବନସାଥିସୀତାରାମ ଅଗ୍ରୱାଲ

ନମିତା ଅଗ୍ରୱାଲ ଜଣେ ଓଡ଼ିଆ ଗାୟିକା ।[୧] ସେ ନମିତା ନାମରେ ଭଜନ ଓ ନିବେଦିତା ନାମରେ ଆଧୁନିକ ଏବଂ ଚଳଚ୍ଚିତ୍ର ସଂଗୀତ ଗାନ କରନ୍ତି ।[୨]

ବ୍ୟକ୍ତିଗତ ଜୀବନ[ସମ୍ପାଦନା]

ଫେବୃଆରୀ ୧ ତାରିଖରେ ପିତା ଲକ୍ଷ୍ମୀଧର ଦାସ ଏବଂ ମାତା ଅନ୍ନଦାମଞ୍ଜରୀ ଦାସଙ୍କ ତୃତୀୟ ସନ୍ତାନ ଭାବେ କଟକର ତୁଳସୀପୁରଠାରେ ଅଗ୍ରୱାଲଙ୍କ ଜନ୍ମ ହୋଇଥିଲା । ତାଙ୍କ ପୈତୃକ ଗ୍ରାମ ହେଉଛି ନେମାଳ । ସେ ୫ ବର୍ଷ ବୟସରେ ବଡ଼ ଜେଜେବାପା କାଶୀନାଥ ଦାସ ଏବଂ ସାନ ଜେଜେବାପା ଦାଶରଥି ଦାସଙ୍କ ପାଖରୁ ଜଗନ୍ନାଥଙ୍କ ପାରମ୍ପାରିକ ଭଜନ ଗାଇବା ଶିଖିଥିଲେ ।

୧୯୯୨ ସାଉଣ୍ଡ ଇଞ୍ଜିନିୟର ସୀତାରାମ ଅଗ୍ରୱାଲଙ୍କ ନମିତାଙ୍କ ବିବାହ ହୋଇଥିଲା । ସେତେବେଳେ ଅଗ୍ରୱାଲ ତାଙ୍କ ବାପାଙ୍କ ସହ ମିଶି ଜେ.ଇ. କମ୍ପାନୀ ପ୍ରତିଷ୍ଠା କରି ଓଡ଼ିଆ ଗୀତ ପ୍ରସ୍ତୁତ କରୁଥିଲେ । ସୀତାରାମ ଅଗ୍ରୱାଲଙ୍କ ସହ ବିବାହ ପରେ ନମିତା ଦାସ ନମିତା ଅଗ୍ରୱାଲ ଭାବେ ପରିଚିତ ହେଲେ ।

କର୍ମଜୀବନ[ସମ୍ପାଦନା]

ଦଶବର୍ଷ ବୟସରରେ ସେ ବିଧିବଦ୍ଧ ଭାବେ ଅଖିଳ କୁମାର ଲେଙ୍କା, ନିରୋଜ ନଳିନୀ କୁଅଁର, ତରଣୀ ରଞ୍ଜନ ଜେନା ଓ ବିଶ୍ୱନାଥ ରାଓ ଆଦି ସଂଗୀତ ଗୁରୁଙ୍କଠାରୁ ଓଡ଼ିଶୀ ସଙ୍ଗୀତ, ଛାନ୍ଦ, ଚମ୍ପୂ ଆଦି ଶିଖିବା ଆରମ୍ଭ କରିଥିଲେ । ପରେ ସେ ଜେ.ଭି.ଏସ. ରାଓ, ଦୀପକ ବସୁ, ନିତାଇ ସିହ୍ନାଙ୍କଠାରୁ ହିନ୍ଦୁସ୍ଥାନୀ ଶାସ୍ତ୍ରୀୟ ସଙ୍ଗୀତ, ସୁନାକର ସାହୁଙ୍କ ଠାରୁ ସୁଗମ ସଙ୍ଗୀତ ଓ ହରମୋହନ ଖୁଣ୍ଟିଆଙ୍କଠାରୁ ଓଡ଼ିଶୀ ସଙ୍ଗୀତ ଶିକ୍ଷାଲାଭ କରିଥିଲେ ।

ଦଶବର୍ଷ ବୟସରୁ ସେ ଆକାଶବାଣୀ କଟକ କେନ୍ଦ୍ରରେ ଶିଶୁଶିଳ୍ପୀ ଭାବେ ଗୀତ ଗାଇବା ଆରମ୍ଭ କରି ଏବଂ ୧୯୮୬ ମସିହାରେ ୧୬ ବର୍ଷ ବୟସରେ ଆକାଶବାଣୀର ସ୍ୱୀକୃତିପ୍ରାପ୍ତ ଶିଳ୍ପୀ ଭାବେ ଯୋଗ ଦେଇଥିଲେ । ୧୯୮୯ ମସିହାରୁ ସେ ଆକାଶବାଣୀ ବ୍ୟତୀତ ଘରୋଇ ଷ୍ଟୁଡ଼ିଓରେ ଗୀତ ଗାଇବା ଆରମ୍ଭ କରିଥିଲେ ।

୧୯୯୨ ମସିହାରେ ତାଙ୍କର ପ୍ରଥମ ଭଜନ କ୍ୟାସେଟ ଅଝଟିଆ କାଳିଆ ମୁକ୍ତିଲାଭ କରିଥିଲା । ୧୯୯୩ ମସିହାରେ ସେ ବଳରାମ ଦାସକୃତ ଲକ୍ଷ୍ମୀପୁରାଣ ମଧ୍ୟ ଗାଇଥିଲେ l ଅନ୍ୟାନ୍ୟ ପୁରାତନ ଓଡ଼ିଆ କବିଙ୍କ ରଚିତ ପ୍ରାୟ ଏକଶହ ଭକ୍ତିଗୀତସବୁକୁ ସେ ହୃଦୟର ଗୀତ ଶୀର୍ଷକରେ ଗାଇଥିଲେ । ଏଥିମଧ୍ୟରୁ ଜଗନ୍ନାଥ ଦାସକୃତ ଓଡ଼ିଆ ଭାଗବତ ଅନ୍ୟତମ ।

ଓଡ଼ିଆ ବ୍ୟତୀତ ସଂସ୍କୃତ ଶ୍ଳୋକ, ସ୍ତୋତ୍ରମାନ ସେ ଗାଇଛନ୍ତି । ଏଥିମଧ୍ୟରୁ ଗୋବିନ୍ଦ ଦାମୋଦର ସ୍ତୋତ୍ର ଉଲ୍ଲେଖନୀୟ ।

ସେ ନିବେଦିତା ନାମକ ଛଦ୍ମ ନାମରେ ଆଧୁନିକ ଓ ଚଳଚ୍ଚିତ୍ର ଗାଇଛନ୍ତି । ୧୯୯୬ ମସିହାରେ ତାଙ୍କର ପ୍ରଥମ ଆଧୁନିକ କ୍ୟାସେଟ ବାଇଚଢେଇ ମୁକ୍ତିଲାଭ କରିଥିଲା । ୨୦୦୯ ମସିହାରେ ସେ ପ୍ରଥମ କରି ଚଳଚ୍ଚିତ୍ରରେ (ଆକାଶ କି ରଙ୍ଗ ଲାଗିଲା) ଗୀତ ଗାଇଥିଲେ ।

ଅଗ୍ରୱାଲ ନିଜର କେତେକ ଭଜନରେ ଅଭିନୟ କରଛନ୍ତି । 91.9 ସାର୍ଥକ FM, ସିଦ୍ଧାର୍ଥ ଟିଭି, ସିଦ୍ଧାର୍ଥ ମ୍ୟୁଜିକ, ସାର୍ଥକ ମ୍ୟୁଜିକ ଏବଂ ସେ ସହ-ପ୍ରତିଷ୍ଠାତ୍ରୀ । ସ୍ୱର ଓଡ଼ଶାର ଭଳି କେତେକ ସଙ୍ଗୀତ-ଭିତ୍ତିକ କାର୍ଯ୍ୟକ୍ରମରେ ସେ ବିଚାରିକା ଭାବେ କାର୍ଯ୍ୟ କରିଥିଲେ ।

କଥାଚିତ୍ରରେ ଭୂମିକା[ସମ୍ପାଦନା]

ଗାୟିକା ଭାବରେ[ସମ୍ପାଦନା]

ଆଲବମ[ସମ୍ପାଦନା]

  • ଭକ୍ତି ଚନ୍ଦନ
  • ଲକ୍ଷ୍ମୀ ପୁରାଣ
  • ଖୁଆ ଦଉଡି

ପ୍ରଯୋଜିକା[ସମ୍ପାଦନା]


ମାନସମ୍ମାନ ଓ ପୁରସ୍କାର[ସମ୍ପାଦନା]

ଆଧାର[ସମ୍ପାଦନା]

  1. "Special screening of Sabyasachi-Archita's Abhiman Read more at: http://timesofindia.indiatimes.com/articleshow/70380557.cms?utm_source=contentofinterest&utm_medium=text&utm_campaign=cppst". timesofindia.indiatimes.com. times of india. Retrieved 11 December 2019. External link in |title= (help)
  2. "ରଥଯାତ୍ରାରେ ପରଦାକୁ ଆସିବ ସବ୍ୟସାଚୀ-ଅର୍ଚ୍ଚିତାଙ୍କ 'ଅଭିମାନ'". https://www.samajalive.in/. samaja. Retrieved 11 December 2019. External link in |website= (help)
  3. "ପୁଣି ବିବାଦରେ ପପୁ: 'ମିଷ୍ଟର କହ୍ନେୟା'କୁ ନେଇ ଥାନାରେ ମାମଲା". www.pratinidhiodia.in. pratinidhi odia. Retrieved 11 December 2019.

ବାହାର ଆଧାର[ସମ୍ପାଦନା]