ଆଞ୍ଜାଇନା

ଉଇକିପିଡ଼ିଆ ରୁ
Jump to navigation Jump to search

 

Angina
Angina pectoris
Angina pectoris.png
Diagram of discomfort caused by coronary artery disease. Pressure, fullness, squeezing or pain in the center of the chest. Can also feel discomfort in the neck, jaw, shoulders, back or arms
ଉଚ୍ଚାରଣ
ବିଭାଗCardiology
ସଠିକ ରୋଗ ନିର୍ଣ୍ଣୟAortic dissection, pulmonary embolism, pericarditis, gastroesophageal reflux disease, pneumothorax, chest wall pain, anxiety[୧][୨]
ଔଷଧBeta blockers, calcium channel blockers, aspirin, statins, ACE inhibitors, nitroglycerin[୩]
ଚିକିତ୍ସାLifestyles changes, medications, surgery[୪]
ପୁନଃପୌନିକ3.5% (Stable, Western world)[୧]

ଆଞ୍ଜାଇନା ବା ହୃତ୍‌ଶୂଳ ଏକ ପ୍ରକାର ଛାତି ଯନ୍ତ୍ରଣା ଯେଉଁଥିରେ ଛାତି ଚାପିହେଲା ଭଳି ଲାଗେ ଓ ଏହା ହୃତ୍‌ପିଣ୍ଡର ମାଂସପେଶୀକୁ ରକ୍ତ ସରବରାବ କମ୍ ହେବାରୁ ହୁଏ | [୧] [୪] ଏହି କଷ୍ଟ ହନୁ ହାଡ଼ କିମ୍ବା ବାହୁକୁ ବ୍ୟାପିପାରେ | [୧] ଅଣନିଶ୍ୱାସ, ଝାଳ ବୋହିବା ବା ଅଇ ହୋଇପାରେ | [୧] ଯଦି ଏହା କେବଳ ବ୍ୟାୟାମ କିମ୍ବା ମାନସିକ ଚାପ ସହିତ ଘଟେ ଏବଂ ବିଶ୍ରାମର କିଛି ମିନିଟ୍ ମଧ୍ୟରେ ସମାଧାନ ହୁଏ ତେବେ ଏହା ସ୍ଥିର ଆଞ୍ଜାଇନା ଅଟେ | [୪] ଯଦି ଏହା ଅପ୍ରତ୍ୟାଶିତ ଭାବରେ ହୁଏ, ବିଶ୍ରାମ ସମୟରେ ହୁଏ, କିମ୍ବା ବିଶ୍ରାମ ସହିତ ଶୀଘ୍ର ସମାଧାନ ନହୁଏ ତେବେ ଏହା ଅସ୍ଥିର ଆଞ୍ଜାଇନା ଅଟେ | [୪] [୧]

ସାଧାରଣତଃ ହୃତ୍‌ପିଣ୍ଡକୁ ରକ୍ତ ସରବରାହ କରୁଥିବା ଧମନୀରେ ଅବରୋଧ ବା ସ୍ପାଜ୍ମ/ ସଙ୍କୋଚନ ହେଲେ ଆଞ୍ଜାଇନା ହୁଏ | [୧] ହାଇପରଲିପିଡେମିଆ, ଉଚ୍ଚ ରକ୍ତଚାପ, ତମାଖୁ ସେବନ, ମଧୁମେହ ଏବଂ ମେଦବହୁଳତା ଯୋଗୁ ଏହି ରୋଗ ସଙ୍କଟ ରହିଥାଏ । [୧] ଅନ୍ୟାନ୍ୟ କାରଣ ମଧ୍ୟରେ ଆନିମିଆ, ଅନିୟମିତ ହୃତ୍ ସ୍ପନ୍ଦନ, ହୃଦ୍‌ପାତ ଏବଂ ଉଚ୍ଚ ରକ୍ତଚାପ ଯୋଗୁ ହୋଇପାରେ | [୨]ସମାନ ଲକ୍ଷଣ ସୃଷ୍ଟି କରୁଥିବା ଅନ୍ୟାନ୍ୟ ଅବସ୍ଥାମାନଙ୍କର ନାମ ମହାଧମନୀ ବ୍ୟବଚ୍ଛେଦନ, ପଲ୍‌ମୋନାରି ଏମ୍ବୋଲାଇଜିମ୍, ପେରିକାର୍ଡାଇଟିସ୍, ଗ୍ୟାଷ୍ଟ୍ରୋଏସୋଫେଜିଆଲ ରିଫ୍ଲକ୍ସ ଡିଜିଜ, ନିମୋଥୋରାକ୍ସ, ଛାତି କାନ୍ଥରେ ଯନ୍ତ୍ରଣା ଏବଂ ଉତ୍କଣ୍ଠା ଅନ୍ତର୍ଭୁକ୍ତ | [୧] [୨]

ଚିକିତ୍ସାରେ ଜୀବନଶୈଳୀ ପରିବର୍ତ୍ତନ କରିବାକୁ ଉପଦେଶ ଏବଂ ଔଷଧ ଦିଆଯାଏ | [୪] ଆଞ୍ଜାଇନା ଆକ୍ରମଣ ଏବଂ ଜଟିଳତା ରୋକିବାକୁ ବିଟା ବ୍ଲକର, କ୍ୟାଲସିଅମ ଚାନେଲ ଅବରୋଧକ, ଷ୍ଟାଟିନ, ଆସ୍ପିରିନ୍, ଏବଂ ଏସିଇ ଇନହିବିଟର ଦିଆଯାଏ । [୩] ତୀବ୍ର ଆକ୍ରମଣ ହେଉଥିଲେ ନାଇଟ୍ରୋଗ୍ଲିସେରିନ ବ୍ୟବ‌ହାର କରାଯାଇପାରେ। [୩] ଏଗୁଡିକ ପର୍ଯ୍ୟାପ୍ତ ନହେଲେ ଅସ୍ତ୍ରୋପଚାର ପାଇଁ ସୁପାରିଶ କରାଯାଇପାରେ | [୩] ଚିକିତ୍ସା ଫଳାଫଳ ଭଲ ହୋଇପାରେ | [୪]

ପାଶ୍ଚାତ୍ୟ ଜଗତରେ ୩.୫% ଲୋକଙ୍କର ସ୍ଥିର ଆଞ୍ଜିନା ଥାଏ | [୧] ୬୫ ବର୍ଷରୁ ଅଧିକ ୧୫% ପୁରୁଷଙ୍କର ଏବଂ ୧୧% ମହିଳାଙ୍କର ଏହି ରୋଗ ହୁଏ । [୧] ଏହି ଶବ୍ଦଟି ଲାଟିନ୍ ଆଙ୍ଗେର୍ ("ଟାଙ୍ଗିବା") ଏବଂ ପେକ୍ଟସ୍ ("ଛାତି") ରୁ ଉତ୍ପନ୍ନ, ଏବଂ ଏହାକୁ "ଛାତିରେ ଏକ ଅଜବ ଅନୁଭବ" ଭାବରେ ଅନୁବାଦ କରାଯାଇପାରେ | [୫]  

ଆଧାର[ସମ୍ପାଦନା]

  1. ୧.୦୦ ୧.୦୧ ୧.୦୨ ୧.୦୩ ୧.୦୪ ୧.୦୫ ୧.୦୬ ୧.୦୭ ୧.୦୮ ୧.୦୯ ୧.୧୦ Hermiz, C; Sedhai, YR (January 2020). "Angina". PMID 32491604. Cite journal requires |journal= (help)
  2. ୨.୦ ୨.୧ ୨.୨ Goyal, A; Zeltser, R (January 2020). "Unstable Angina". PMID 28723029. Cite journal requires |journal= (help)
  3. ୩.୦ ୩.୧ ୩.୨ ୩.୩ "Angina - Treatment". nhs.uk (in ଇଂରାଜୀ). 20 October 2017. Retrieved 16 October 2020.
  4. ୪.୦ ୪.୧ ୪.୨ ୪.୩ ୪.୪ ୪.୫ "Angina". nhs.uk (in ଇଂରାଜୀ). 20 October 2017. Retrieved 16 October 2020.
  5. Padsalgikar, Ajay (2017). Plastics in Medical Devices for Cardiovascular Applications (in ଇଂରାଜୀ). Elsevier Science. p. 126. ISBN 978-0-323-37122-3. Retrieved 16 October 2020.