ଧଣିଆ

ଧଣିଆ
Scientific classification
Kingdom:	Plantae
(unranked):	Angiosperms
(unranked):	Eudicots
(unranked):	Asterids
Order:	Apiales
Family:	Apiaceae
Genus:	Coriandrum
Species:	C. sativum
Binomial name
Coriandrum sativum L.

ଧଣିଆ ଏକ ଗୁଳ୍ମ ଜାତୀୟ ଉଦ୍ଭିଦ ଯାହା ୩୦ରୁ ୯୦ ସେ.ମି. ଯାଏ ବଢ଼ିଥାଏ। ଏହା ଏକ ଭଲ ମସଲା ଭାବେ ଲୋକପ୍ରିୟ। ଏହି ଗଛ ସିଧା ବଢେ, ଏହାର କାଣ୍ଡ ନରମ, ପତ୍ର ଗୁଡ଼ିକ ଛୋଟ ଛୋଟ ଶିରାଶିରା, ଫୁଲ ଧଳା ରଙ୍ଗର। ଏହାର ଫଳ ଗୋଲ ଓ ବାଦାମୀ ରଙ୍ଗର। ଏହାର ପତ୍ର ଓ ଫଳ ଭଭୟକୁ ମସଲା ରୂପେ ବ୍ୟବହାର କରାଯାଏ।

ବିବିଧ ଭାଷାରେ ନାମ

ଭାଷା	ନାମ
ଓଡ଼ିଆ	ଧଣିଆ
ସଂସ୍କୃତ	ଧଣ୍ୟା
ହିନ୍ଦୀ	ଧନିଆ
ଗୁଜରାଟୀ	Konphir
ତାମିଲ	Kothamali
ତେଲୁଗୁ	Dhaniyalu
ବଙ୍ଗଳା	Dhane
ମରାଠି	Kotmir, Dhanna
ମାଲୟାଲମ	Kothampalari
ବର୍ମିଜ	Na-nan bin
English	Coriander

ବ୍ୟବହାର

ଔଷଧୀୟ

ସଜ ଧଣିଆ ପତ୍ର, ଏହାକୁ ଚୀନି ପାରସ୍ଲେ ବା ସିଲାଣ୍ଟ୍ରୋ ମଧ୍ୟ କୁହାଯାଏ।

• ଏହାକୁ କ୍ଷୁଧା ବର୍ଦ୍ଧକ ରୂପେ ବ୍ୟବହାର କରାଯାଏ।
• ପେଟର ବିକୃତି, ବାୟୁ ଆଦି ଦୂର କରେ।
• ଆକସ୍ମିକ ପେଶୀ ସଂକୋଚନ, ମୁର୍ଚ୍ଛା ଆଦିରେ ଏହା ଗୁଣକାରୀ।
• ପାକସ୍ଥଳୀର କ୍ଷମତା ବଢାଏ।
• ଦରଜ କରୁଥିବା ଗଣ୍ଠିରେ ଲଗାଇଲେ ଏହା ବଥା କମାଏ।
• ଔଷଧାଦିକୁ ସୁଗନ୍ଧିତ କରିବାପାଇଁ ଏହାର ବହୁଳ ବ୍ୟବହାର ହୋଇଥାଏ।

ଅନ୍ୟାନ୍ୟ

ଶୁଖିଲା ଧଣିଆ ମଞ୍ଜି

• ଧଣିଆ ଏକ ଭଲ ମସଲା। ଏହାର ମଞ୍ଜିକୁ ଓ ପତ୍ରକୁ ମସଲା ରୂପେ ଅନେକ ପ୍ରକାରର ଭାରତୀୟ ବ୍ୟଞ୍ଜନରେ ବ୍ୟବହାର କରାଯାଏ। ଏହାର ପତ୍ର ସହିତ ତେନ୍ତୁଳି ମିଶାଇ ସ୍ୱାଦିଷ୍ଠ ଚଟଣୀ ମଧ୍ୟ କରାଯାଏ। ଧଣିଆ ମଞ୍ଜିକୁ ପାନର ମସଲା ରୂପେ ମଧ୍ୟ ଉପଯୋଗ କରାଯାଏ।

ଅଧିକ ତଥ୍ୟ

• Plants That Heal by Dr. J C Kurian, Oriental Watchman Publishing House, Pune, India