ଶୁଭ୍ରାଂଶୁ ନାୟକ
ଶୁଭ୍ରାଂଶୁ ନାୟକ | |
|---|---|
 ୨ୟ ଓଡ଼ିଶା ରାଜ୍ୟ ଟେଲିଭିଜନ୍ ପୁରସ୍କାର ଉତ୍ସବରେ ପିତା ପ୍ରପିତା ପିତାମହ ଧାରାବାହିକ ପାଇଁ ଶୁଭ୍ରାଂଶୁ ପୁରସ୍କାର ଗ୍ରହଣ କରୁଛନ୍ତି । | |
| ବୃତ୍ତି | ଅଭିନେତା (ଓଡ଼ିଆ) |
| ସକ୍ରିୟ ବର୍ଷ | ୧୯୯୯ – ଏବେଯାଏଁ |
ଶୁଭ୍ରାଂଶୁ ନାୟକ ଜଣେ ଓଡ଼ିଆ ଅଭିନେତା, ଯିଏକି ମୁଖ୍ୟତଃ ଓଡ଼ିଆ ଦୂରଦର୍ଶନ ଧାରାବାହିକ ଓ କଥାଚିତ୍ର ଆଦିରେ ଅଭିନୟ କରନ୍ତି । ୧୯୯୯ ମସିହାରେ ସେ ଡିଡି ଓଡ଼ିଆର ଧାରାବାହିକ ସଂସ୍କାର ଜରିଆରେ ଅଭିନୟ କରିବା ଆରମ୍ଭ କରିଥିଲେ । ଏହାପରେ ସେ ୨୦୦୧ ମସିହାର ଧାରାବାହିକ ଦୁହିତାରେ ପ୍ରଥମ ଥର ପାଇଁ ନାୟକ ଭାବରେ କାମ କରିଥିଲେ । ପରବର୍ତ୍ତୀ ସମୟରେ ସେ କାହାର ହେବି ମୁଁ କଣ୍ଢେଇ, ମହାଯଜ୍ଞ, ଦୁହିତା, କହିଲେ ତୋ କୂଳ କୁଟୁମ୍ବକୁ ଲାଜ, ସଂସ୍କାର ବଡ଼ ଘର ବଡ଼ ଗୁମର କଥା, ଅବୁଝା ଏ ମନ, ବେବି, ଜୀବନ ସାଥୀ ଆଦି ଧାରାବାହିକରେ ନାୟକ, ଖଳନାୟକ ଓ ସହ-ଅଭିନେତା ଭାବରେ କାମ କରିଛନ୍ତି । ଧାରାବାହିକ ବ୍ୟତୀତ ସେ ଓଡ଼ିଆ କଥାଚିତ୍ର ଜଗତରେ ବିଭିନ୍ନ ଭୂମିକାରେ ଅଭିନୟ କରିଛନ୍ତି । ଚୁପ୍ କିଏ ଆସୁଛି, ଲଭ୍ ଷ୍ଟେସନ୍, ମୁଁ କ'ଣ ଏତେ ଖରାପ, ସୁନ୍ଦରଗଡ଼ର ସଲମାନ୍ ଖାନ୍, ସିଷ୍ଟର ଶ୍ରୀଦେବୀ, ଗୁଣ୍ଡା, ବିଜୁ ବାବୁ ଆଦି ଓଡ଼ିଆ କଥାଚିତ୍ରରେ ଅଭିନୟ କରିଛନ୍ତି ।[୧]
ଅଭିନୟ ଜୀବନ[ସମ୍ପାଦନା]
ଶୁଭ୍ରାଂଶୁ ୧୯୯୪ ମସିହାରେ ଦୁଇଟି ଲକ୍ଷ୍ୟ ନେଇ କାମକ୍ଷାନଗରରୁ ଭୁବନେଶ୍ୱର ଆସିଥିଲେ; ଡାକ୍ତରୀ ପଢ଼ିବେ କିମ୍ବା ଅଭିନୟ କରିବେ । ମାତ୍ର ସେ ଏମ୍ବିଏ କରିଥିଲେ ଏବଂ ଚାକିରୀ କରିବା ପରେ ଅଭିନୟ କରିବା ଆରମ୍ଭ କରିଥିଲେ । ୧୯୯୯ ମସିହାରେ ଅଭିନୟ ଦୁନିଆରେ କାମ କରିବା ଆରମ୍ଭ କରିଥିଲେ । ଡିଡି ଓଡ଼ିଆରେ ପ୍ରସାରିତ ହେଉଥିବା ଧାରାବାହିକ ସଂସ୍କାରରେ ସେ ୧୦ରୁ ୧୨ଟି ଅଧ୍ୟାୟରେ କାମ କରିଥିଲେ ।
୨୦୦୧ ମସିହାରେ ସେ ଡିଡି ଓଡ଼ିଆରେ ପ୍ରସାରିତ ଅନ୍ୟତମ ଧାରାବାହିକ ଦୁହିତାରେ ମୁଖ୍ୟ ନାୟକ ଭାବରେ କାମ କରିଥିଲେ । ଏହାପରେ ଇଟିଭି ଓଡ଼ିଆ, ତରଙ୍ଗ ଟିଭି, ସାର୍ଥକ ଟିଭି, ଜୀ ସାର୍ଥକ ଆଦିରେ ବିଭିନ୍ନ ଧାରାବାହିକରେ ଅଭିନୟ କରିଥିଲେ ।
୨୦୦୯ ମସିହାରେ ସେ ଓଡ଼ିଆ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ କଥାଚିତ୍ର ଥିଲା ଚୁପ୍ କିଏ ଆସୁଛି । ଏହାପରେ ସେ ଅନେକ କଥାଚିତ୍ରରେ ଚରିତ୍ର ଅଭିନେତା, ହାସ୍ୟ ଅଭିନତା ଓ ଖଳନାୟକ ଆଦି ଭୂମିକାରେ ଅଭିନୟ କରିଛନ୍ତି ।
ଅଭିନୀତ ଧାରାବାହିକ[ସମ୍ପାଦନା]
| ଧାରାବାହିକ | ଚେନାଲ୍ | ଭୂମିକା | ମନ୍ତବ୍ୟ |
|---|---|---|---|
| ସଂସ୍କାର | ଡିଡି ଓଡ଼ିଆ | ||
| ଦୁହିତା | ମୁଖ୍ୟ ନାୟକ | ||
| କାହାର ହେବି ମୁଁ କଣ୍ଢେଇ | |||
| ମହାଯଜ୍ଞ | |||
| ଦୁହିତା | |||
| କହିଲେ ତୋ କୂଳ କୁଟୁମ୍ବକୁ ଲାଜ | |||
| ସୁନା କଳସ | |||
| ସଂସ୍କାର | ଇଟିଭି ଓଡ଼ିଆ | ||
| ବଡ଼ ଘର ବଡ଼ ଗୁମର କଥା | |||
| ଅବୁଝା ଏ ମନ | ତରଙ୍ଗ ଟିଭି | ||
| ବେବି | |||
| ଜୀବନ ସାଥି | ଜୀ ସାର୍ଥକ | ||
| ଫୁଲ୍ ଗଡ଼ବଡ଼ | ତରଙ୍ଗ ଟିଭି | ||
| ଜ୍ୱାଇଁ ନଂ ୱାନ | ସାର୍ଥକ ଟିଭି | ||
| ସବୁ ଠିକ୍ ଠାକ୍ | ଇଟିଭି ଓଡ଼ିଆ | ||
| ପିତା ପ୍ରପିତା ପିତାମହ |
ଅଭିନୀତ କଥାଚିତ୍ର[ସମ୍ପାଦନା]
| ବର୍ଷ | କଥାଚିତ୍ର | ଭୂମିକା | ମନ୍ତବ୍ୟ | ଆଧାର |
|---|---|---|---|---|
| ୨୦୦୯ | ଚୁପ୍ କିଏ ଆସୁଛି | ଅଭିନୀତ ପ୍ରଥମ କଥାଚିତ୍ର | ||
| ୨୦୧୦ | ମୁଁ କ'ଣ ଏତେ ଖରାପ | |||
| ୨୦୧୬ | ଲଭ୍ ଷ୍ଟେସନ୍ | ସଞ୍ଜୁର ବଡ଼ ଭାଇ | ||
| ଗୁଣ୍ଡା | ||||
| ୨୦୧୭ | ସିଷ୍ଟର ଶ୍ରୀଦେବୀ | |||
| ୨୦୧୮ | ସୁନ୍ଦରଗଡ଼ର ସଲମାନ୍ ଖାନ୍ | |||
| ଶ୍ରୀମାନ୍ ସୁର୍ଦାସ | ||||
| ୨୦୧୯ | ବିଜୁ ବାବୁ | |||
| ଗୋଲ୍ ମାଲ୍ ଲଭ୍ | ||||
| ୨୦୨୧ | ବାପା ଆଇସିୟୁରେ ଅଛନ୍ତି | |||
| ୨୦୨୨ | ବାଳୀ - ଦ ସେଭିଅର୍ | |||
| ହାଏ କୃଷ୍ଣ | ଅନୁର ବାପା | |||
| ୨୦୨୩ | ନିୟତି | |||
| ବନ୍ଦିନୀ | [୨] | |||
| ବାପା ସୁପର୍ମ୍ୟାନ୍ | ଚନ୍ଦ୍ରକାନ୍ତ ସାବତ |
ଆଧାର[ସମ୍ପାଦନା]
- ↑ "କାହାର ହେବି ମୁଁ କଣ୍ଢେଇ". ସମ୍ବାଦ (ରବିବାର). 26 February 2023. p. 8. Archived from the original on 20 March 2023. Retrieved 20 March 2023.
- ↑ "ନନ୍ଦିନୀ କ'ଣ ବନ୍ଦିନୀ ? କାହିଁକି ଜସ୍ମିନ୍ ଭାଙ୍ଗୁଛି ଶୁଭମ୍-ନନ୍ଦିନୀଙ୍କ ବିବାହ ?". Sambad (in ଆମେରିକୀୟ ଇଂରାଜୀ). 23 February 2023. Archived from the original on 31 August 2023. Retrieved 31 August 2023.
ବାହାର ଆଧାର[ସମ୍ପାଦନା]
- ଇଣ୍ଟରନେଟ ମୁଭି ଡାଟାବେସରେ ଶୁଭ୍ରାଂଶୁ ନାୟକ