ଗଣେଶୀ ଲାଲ
ଗଣେଶୀ ଲାଲ | |
|---|---|
.jpg) ୨୦୧୮ ରଥଯାତ୍ରା ସମୟରେ ରାଜ୍ୟପାଳ | |
| ଓଡ଼ିଶାର ୨୬ତମ ରାଜ୍ୟପାଳ | |
| Assumed office ୨୯ ମଇ ୨୦୧୮ | |
| ମୁଖ୍ୟ ମନ୍ତ୍ରୀ | ନବୀନ ପଟ୍ଟନାୟକ |
| ପୂର୍ବ ଅଧିକାରୀ | ସତ୍ୟପାଳ ମଲ୍ଲିକ |
| ପର ଅଧିକାରୀ | ରଘୁବର ଦାସ |
| ବିଧାନ ସଭା ସଦସ୍ୟ | |
| କାର୍ଯ୍ୟକାଳ ୧୯୯୬-୨୦୦୦ | |
| ନିର୍ବାଚନ ମଣ୍ଡଳୀ | ସିର୍ସା[୧] |
| ବ୍ୟକ୍ତିଗତ ସବିଶେଷ | |
| ଜନ୍ମ | ୧ ମାର୍ଚ୍ଚ ୧୯୪୧ ସିର୍ସା, ହରିୟାଣା |
| ରାଜନୀତିକ ଦଳ | ଭାରତୀୟ ଜନତା ପାର୍ଟି |
| ଜୀବନ ସାଥୀ | ସୁଶୀଳା ଦେବୀ |
| ଘର | ରାଜଭବନ, ଓଡ଼ିଶା |
ଗଣେଶୀ ଲାଲ (ଜନ୍ମ : ୧ ମାର୍ଚ୍ଚ ୧୯୪୧) ଜଣେ ଭାରତୀୟ ରାଜନେତା ଏବଂ ଓଡ଼ିଶାର ବର୍ତ୍ତମାନର ରାଜ୍ୟପାଳ ।[୨][୩]
ପ୍ରାରମ୍ଭିକ ଜୀବନ
[ସମ୍ପାଦନା]ଗଣେଶୀ ଲାଲ ୧ ମାର୍ଚ୍ଚ ୧୯୪୧ରେ ହରିୟାଣାର ସିର୍ସାଠାରେ ଜନ୍ମଗ୍ରହଣ କରିଥିଲେ । ସେ ଇଂରାଜୀ ସମ୍ମାନରେ ଡିଗ୍ରୀ ହାସଲ କରିଛନ୍ତି । ସେ ଗଣିତରେ ମଧ୍ୟ ସ୍ନାତକୋତ୍ତର ଡିଗ୍ରୀ ହାସଲ କରିଥିଲେ । ସେ ଏଫଏ, ସ୍ନାତକ ଏବଂ ସ୍ନାତକତ୍ତୋର ଶ୍ରେଣୀରେ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହେବା ସହିତ ସ୍ୱର୍ଣ୍ଣ ପଦକ ଲାଭ କରିଥିଲେ ।
ଶିକ୍ଷା ସମାପ୍ତ କରିବା ପରେ ସେ ଅଧ୍ୟାପନା ବୃତ୍ତିରେ ଯୋଗ ଦେଇଥିଲେ ଏବଂ ୧୯୬୪ରୁ ୧୯୯୧ ମଧ୍ୟରେ ହରିୟାଣାର ବିଭିନ୍ନ ସରକାରୀ କଲେଜରେ ପ୍ରଫେସର ଭାବରେ କାର୍ଯ୍ୟ କରିଥିଲେ ।
ରାଜନୈତିକ ଜୀବନ
[ସମ୍ପାଦନା]୧୯୭୫-୭୬ରେ ଭାରତର ଜରୁରୀକାଳୀନ ପରିସ୍ଥିତି ସମୟରେ, ଗଣେଶୀ ଲାଲ ଏହାକୁ ବିରୋଧ କରି କାରାବରଣ କରିଥିଲେ । ୧୯୯୦ ମସିହାରେ ସେ ଶିକ୍ଷାଦାନରୁ ଇସ୍ତଫା ଦେଇ ସେ ପ୍ରଥମେ ୧୯୯୬ ମସିହାରେ ବିଧାନ ସଭାର ସଦସ୍ୟ ଭାବରେ ନିର୍ବାଚିତ ହୋଇଥିଲେ । ଏହି ନିର୍ବାଚନରେ ସେ କଂଗ୍ରେସର ଲଚ୍ଛମନ ଦାସଙ୍କୁ ପରାସ୍ତ କରିଥିଲେ । ବଂଶୀଲାଲଙ୍କ ମନ୍ତ୍ରୀମଣ୍ଡଳରେ ସେ ଜଣେ କ୍ୟାବିନେଟ ପାହ୍ୟାର ମନ୍ତ୍ରୀ ଭାବରେ କାମ କରିଥିଲେ । ଶ୍ରମ ଏବଂ ରୋଜଗାର, ଖାଦ୍ୟ ଯୋଗାଣ, ଅବକାରୀ ବିଭାଗ ଆଦି ଗୁରୁତ୍ତ୍ୱପୂର୍ଣ୍ଣ ବିଭାଗର ମନ୍ତ୍ରୀ ଭାବରେ ସେ କାର୍ଯ୍ୟ କରିଥିଲେ । ହରିୟାଣା ବିଜେପିରେ ସେ ସଚିବ, ମୁଖ୍ୟପାତ୍ର, ଉପାଧ୍ୟକ୍ଷ ଓ ଅଧ୍ୟକ୍ଷ ଭାବରେ କାର୍ଯ୍ୟ କରିଥିଲେ । ଝାଡ଼ଖଣ୍ଡରେ ସେ ବିଜେପିର ରାଷ୍ଟ୍ରୀୟ ପ୍ରହରି ଭାବରେ ୩ ବର୍ଷ ଧରି ଅବସ୍ଥାପିତ ଥିଲେ । "Geeta" - 'The Unattached Attachment' ( "ଗୀତା" - 'ଅବିଭକ୍ତ ସଂଲଗ୍ନ') ନାମରେ ସେ ଏକ ପୁସ୍ତକ ରଚନା କରିଛନ୍ତି । ସେ ୨୦୧୪ରେ ହରିୟାଣାରେ ପ୍ରଥମ ବିଜେପି ସରକାର ଗଠନରେ ପ୍ରମୁଖ ଭୂମିକା ଗ୍ରହଣ କରିଥିଲେ ଏବଂ ମୁଖ୍ୟମନ୍ତ୍ରୀ ପଦ ପାଇଁ ସେ ଜଣେ ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀ ଭାବରେ ବିବେଚିତ ହୋଇଥିଲେ । ଓଡ଼ିଶାର ରାଜ୍ୟପାଳ ପଦବୀ ମଣ୍ଡନ କରିବା ପୂର୍ବରୁ ସେ ଭାରତୀୟ ଜନତା ପାର୍ଟିର ଅନୁଶାସନ କମିଟିର ରାଷ୍ଟ୍ରୀୟ ସଭାପତି ଥିଲେ ।
ସରକାରୀ ସଭାରେ ଅଂଶଗ୍ରହଣ
[ସମ୍ପାଦନା]- ୨୦୧୯ରେ ସେ ସମ୍ବଲପୁର ବିଶ୍ୱବିଦ୍ୟାଳୟର ଦୀକ୍ଷାନ୍ତ ସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମୁଖ୍ୟ ସଚିବ ପି.କେ ମିଶ୍ରଙ୍କ ସହ ଆୟୋଜିତ ହୋଇଥିବା ସମାରୋହରେ ଯୋଗ ଦେଇଥିଲେ ।[୪]
- ସେ ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟର ୩୮ତମ ଦୀକ୍ଷାନ୍ତ ସମାରୋହରେ ଯୋଗ ଦେଇଥିଲେ ।[୫]
ଆଧାର
[ସମ୍ପାଦନା]- ↑ "Sirsa Election Result". Mapsofindia. Retrieved 25 May 2018.
- ↑ "Kerala BJP chief Kummanam Rajasekharan appointed Mizoram Governor". Indian Express. 25 May 2018. Retrieved 25 May 2018.
- ↑ "Haryana BJP leader Professor Ganeshi Lal is new Odisha Governor". Tribune. 25 May 2018. Archived from the original on 25 May 2018. Retrieved 25 May 2018.
- ↑ "Odisha Governor, Principal Secretary to the PMO, PK Mishra attended 30th convocation ceremony of #Sambalpur University". OdishaDiary (in ଆମେରିକୀୟ ଇଂରାଜୀ). 29 November 2019. Retrieved 29 November 2019.
- ↑ "Scientific tools need of the hour for smart farming". The New Indian Express. Retrieved 23 December 2019.
ବାହାର ଆଧାର
[ସମ୍ପାଦନା]- ଓଡ଼ିଶାର ମାନ୍ୟବର ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ସରକାରୀ ପ୍ରୋଫାଇଲ Archived 2019-12-21 at the Wayback Machine.