ନିରୁପମା ରଥ

ଇଂରାଜୀ ଲିଙ୍କ

https://or.wikipedia.org/wiki/Nirupama_Rath

ନିରୁପମା ରଥ
ଜନ୍ମ	୧୯୨୫ ଛତ୍ରପୁର, ଗଞ୍ଜାମ
ମୃତ୍ୟୁ	ଅପ୍ରେଲ ୭, ୨୦୧୧(୨୦୧୧-୦୪-୦୭) କଟକ
ଜାତୀୟତା	ଭାରତୀୟ
ଶିକ୍ଷାନୁଷ୍ଠାନ	ରେଭେନ୍ସା ମହାବିଦ୍ୟାଳୟ, ଶ୍ରୀ ରାମଚନ୍ଦ୍ର ଭଞ୍ଜ ଭେଷଜ ମହାବିଦ୍ୟାଳୟ
ବୃତ୍ତି	ଚିକିତ୍ସକ
ବୈବାହିକ-ସାଥୀ	ଗଙ୍ଗାଧର ରଥ

ନିରୁପମା ରଥ(୧୯୨୫-୨୦୧୧) ଜଣେ ସ୍ତ୍ରୀ ଓ ପ୍ରସୂତି ବିଭାଗ ଚିକିତ୍ସିକ ଏବଂ ଓଡ଼ିଆ ସାହିତ୍ୟିକା ଥିଲେ । ୧୯୫୩ ମସିହାରୁ ଆରମ୍ଭକରି ସେ କଟକ ସହରରେ ପ୍ରାୟ ୫୦ବର୍ଷ ଧରି ଲୋକଙ୍କ ସେବା କରିଥିଲେ । ସେ ବିଜ୍ଞାନ, ଚିକିତ୍ସା ବିଜ୍ଞାନ ସମ୍ବନ୍ଧୀୟ ସାହିତ୍ୟ, ଭ୍ରମଣ କାହାଣୀ ଆଦି ମଧ୍ୟ ରଚନା କରିଥିଲେ । ଚିକିତ୍ସା ସେବା ଓ ସାହିତ୍ୟରେ ତାଙ୍କ ଅବଦାନ ପାଇଁ ସେ ବହୁବାର ପୁରସ୍କୃତ ହୋଇଥିଲେ ।

ଜୀବନୀ

ନିରୁପମା, ୧୯୨୫ ମସିହା ଅକ୍ଟୋବର ୨୫ ତାରିଖରେ ଗଞ୍ଜାମ ଜିଲ୍ଲାର ଛତ୍ରପୁରଠାରେ ଜନ୍ମଗ୍ରହଣ କରିଥିଲେ । ପିଲାଦିନ ବିତିଥିଲା କଟକର ଡଗରପଡାରେ । ରେଭେନ୍ସା ମହାବିଦ୍ୟାଳୟରୁ ଆଇଏସସି ଓ ଶ୍ରୀ ରାମଚନ୍ଦ୍ର ଭଞ୍ଜ ଭେଷଜ ମହାବିଦ୍ୟାଳୟରୁ ଏମବିବିଏସ ପାଠ ପଢିସାରି ସେ କଲିକତା ଓ ଦିଲ୍ଲୀରୁ ଚିକିତ୍ସା ବିଜ୍ଞାନରେ ଉଚ୍ଚଶିକ୍ଷା ଲାଭ କରିଥିଲେ । କିଶୋର ଅବସ୍ଥାରେ ସେ ଅନନ୍ତ ପଟ୍ଟନାୟକ, ଭଗବତୀ ଚରଣ ପାଣିଗ୍ରାହୀ, ରମାଦେବୀ ଚୌଧୁରୀ, ମାଳତୀ ଚୌଧୁରୀ ଆଦିଙ୍କ ସଂସ୍ପର୍ଶରେ ଆସି ସ୍ୱାଧୀନତା ସଂଗ୍ରାମପ୍ରତି ଆକର୍ଷିତ ହୋଇଥିଲେ । ୧୯୪୬ ମସିହାରେ ସେ ଆଇନୀଜୀବି ଗଙ୍ଗାଧର ରଥଙ୍କୁ ବିବାହ କରିଥିଲେ । ଉତ୍କଳ ମହିଳା ସମିତି, ଓଡ଼ିଶା ଜାତୀୟ ମହିଳା ଫେଡେରେସନର ସେ ସଭାପତି ଭାବରେ କାର୍ଯ୍ୟ କରିଥିଲେ । ଲେଖିକା ବୀଣାପାଣି ମହାନ୍ତି ତାଙ୍କ ଭଗ୍ନୀ ଥିଲେ । ୨୦୧୧ ମସିହା ଅପ୍ରେଲ ୭ ତାରିଖରେ ନିରୁପମାଙ୍କର କଟକଠାରେ ପରଲୋକ ଘଟିଥିଲା ।

ରଚନାବଳୀ

• ଶିଶୁ ସ୍ୱାସ୍ଥ୍ୟ
• ପ୍ରସୂତି ବିଜ୍ଞାନ
• ଶିଶୁ ସମ୍ପଦ
• ନାରୀ ଓ ଆଇନ
• ନାରୀ ଓ ବିଚାରଳୟ
• ଦିଗନ୍ତ
• ସାମାଜିକ ନିର୍ଯାତନା
• ସୋଭିଏତ୍ ନାରୀ ଓ ସୋଭିଏତ୍ ସମାଜ
• ମଶାଲ
• ଅଲିଭା ସ୍ମୃତି
• ଅଲିଭା ଅନୁଭୂତି(ଆତ୍ମ ଚରିତ)

ସମ୍ମାନ ଓ ପୁରସ୍କାର

• ଅଲ ଇଣ୍ଡିଆ ମେଡିକାଲ ସମ୍ମାନ - ୧୯୯୪
• ଓଡ଼ିଶା ସାହିତ୍ୟ ଏକାଡେମୀଦ୍ୱାରା ସମ୍ବର୍ଦ୍ଧନା - ୨୦୦୨