ଶଙ୍କର୍ଷଣ ମଙ୍ଗରାଜ

ଇଂରାଜୀ ଲିଙ୍କ

https://or.wikipedia.org/wiki/Shankarsan_Mangaraj

ଶଙ୍କର୍ଷଣ ମଙ୍ଗରାଜ
ଜନ୍ମ	(1943-05-17) ୧୭ ମଇ ୧୯୪୩ ତରାପି, ଖୋର୍ଦ୍ଧା
ଜାତୀୟତା	ଭାରତୀୟ
ଜାତୀୟତା	ଭାରତୀୟ
ଶିକ୍ଷାନୁଷ୍ଠାନ	ରେଭେନ୍ସା ମହାବିଦ୍ୟାଳୟ, ରାଧାନାଥ ଟ୍ରେନିଂ କଲେଜ

ଶଙ୍କର୍ଷଣ ମଙ୍ଗରାଜ (ଜନ୍ମ: ୧୭ ମଇ ୧୯୪୩), ଆକାଶବାଣୀ କଟକର ଜଣେ ଅବସରପ୍ରାପ୍ତ ଭାଷ୍ୟକାର । "ଅନୁଚିନ୍ତା" କାର୍ଯ୍ୟକ୍ରମର ଉପସ୍ଥାପକ ଭାବରେ ସେ ଶ୍ରୋତାମାନଙ୍କ ନିକଟରେ ପରିଚିତ ।

ଶଙ୍କର୍ଷଣ, ୧୯୪୩ ମସିହାରେ ଖୋର୍ଦ୍ଧା ଜିଲ୍ଲାର ଗାଁ ତରାପିରେ ଜନ୍ମଗ୍ରହଣ କରିଥିଲେ । ସେ କୁହୁଡି ଜନତା ହାଇସ୍କୁଲରୁ ଏକାଦଶ ତଥା ପୁରୀର ଏସ.ସି.ଏସ କଲେଜରୁ ପ୍ରି-ଇଉନିଭରସିଟି ପାସ କରିଥିଲେ । ତାପରେ ରେଭେନ୍ସା ମହାବିଦ୍ୟାଳୟରୁ ସ୍ନାତକ ଓ ରାଧାନାଥ ଟ୍ରେନିଂ କଲେଜରୁ ବି.ଇ.ଡି ପାସ କରି ଶିକ୍ଷକତା ଆରମ୍ଭ କରିଥିଲେ । ସ୍ନାତକୋତ୍ତର ପଢ଼ିବା ଇଚ୍ଛାରେ, ଚାକିରି ଛାଡି ପୁଣି ରେଭେନ୍ସାରେ ନାମ ଲେଖାଇଥିଲେ । ସ୍କୁଲବେଳରୁ ସେ ଗପ, କବିତା, ପ୍ରବନ୍ଧ ଓ ଜୀବନୀ ଆଦି ଲେଖିବା ଆରମ୍ଭ କରିଥିଲେ । ପତ୍ରପତ୍ରିକାରେ ତାଙ୍କ ଲେଖା ମଧ୍ୟ ପ୍ରକାଶ ପାଉଥିଲା । ସ୍ନାତକୋତ୍ତର ପଢ଼ିବା ବେଳକୁ ଜଣେ ଆକାଶବାଣୀରେ କାମ କରୁଥିବା ଜଣେ ପରିଚିତ ବ୍ୟକ୍ତି ତାଙ୍କୁ ଏକ ପରିବାର କଲ୍ୟାଣ ଭିତ୍ତିକ କାର୍ଯ୍ୟକ୍ରମରେ ଭାଗନେବାକୁ କହିଲେ । ସେହି ପ୍ରଥମ ବେତାର କାର୍ଯ୍ୟକ୍ରମରେ ତାଙ୍କୁ ୬୦ ଟଙ୍କା ପାରିଶ୍ରମିକ ମିଳିଥିଲା । ତା ପରେ ଆକଶବାଣୀରେ ସେ ଆନାଉନ୍ସର ଭାବରେ ଯୋଗ ଦେଇଥିଲେ ଓ ଜୟପୁରରେ ତାଙ୍କର ପ୍ରଥମ ପୋଷ୍ଟିଂ ହୋଇଥିଲା । ୨୫୦ଟଙ୍କା ଦରମା ମିଳୁଥିଲା । ପାଞ୍ଚ ବର୍ଷ ଜୟପୁରରେ ରହିଲା ପରେ, ତାଙ୍କର କଟକ ବଦଳି ହୋଇଥିଲା । କଟକରେ ଯୋଗଦେବାର ବର୍ଷେ ପରେ ସେ ଛୁଟି ନେଇ ବ୍ରହ୍ମପୁର ବିଶ୍ୱବିଦ୍ୟାଳୟରେ ସାମ୍ବାଦିକତା ପାଠ ପଢ଼ିଥିଲେ । ପୁଣି ଆସି କଟକ କେନ୍ଦ୍ରରେ ଯୋଗଦେଇଥିଲେ । ୨୦୦୨ ମସିହାରେ ସେ ଆକାଶବାଣୀ କଟକ କେନ୍ଦ୍ରରୁ ସିନିୟର ଆନାଉନ୍ସର ଭାବରେ ସେବାନିବୃତ ହୋଇଥିଲେ ।

ରଚନାବଳୀ

ଅବସର ପରେ ଶଙ୍କର୍ଷଣ ସାହିତ୍ୟ ସାଧନାରେ ବ୍ରତି ଅଛନ୍ତି । ଦିବ୍ୟ ସନ୍ଦେଶ ନାମକ ଏକ ମାସିକିଆ ଓଡ଼ିଆ ପତ୍ରିକାର ସମ୍ପାଦନା କରୁଛନ୍ତି । "ଅନୁଚିନ୍ତା" ନାମରେ ତାଙ୍କର ଏକ ଆଧାତ୍ମିକ ପୁସ୍ତକ ମଧ୍ୟ ପ୍ରକାଶ ପାଇଛି ।

ପୁରସ୍କାର ଓ ସମ୍ମାନ

• ଓଡ଼ିଶା ସାହିତ୍ୟ ଏକାଡେମୀ ସମ୍ବର୍ଦ୍ଧନା, ୨୦୧୮
• ଗୋବିନ୍ଦ ନାରାୟଣ ଆଧ୍ୟାତ୍ମିକ ସାହିତ୍ୟ ସମ୍ମାନ, ୨୦୧୦ (ଉତ୍କଳ ସାହିତ୍ୟ ସମାଜ ପ୍ରଦତ୍ତ)