ସୋମେଶ ମହାନ୍ତି

ଉଇକିପିଡ଼ିଆ ରୁ
Jump to navigation Jump to search
ସୋମେଶ ମହାନ୍ତି
ଜନ୍ମ ଓ ଜନ୍ମସ୍ଥାନ
ସୋମେଶ ମହାନ୍ତି

ଶିକ୍ଷାନୁଷ୍ଠାନଉତ୍କଳ ବିଶ୍ୱବିଦ୍ୟାଳୟ
ଜୀବିକାଅଭିନେତା, ମଞ୍ଚ ଏବଂ ରେଡ଼ିଓ ଉପସ୍ଥାପକ
କାର୍ଯ୍ୟକାଳ୨୦୦୬ - ଏବେଯାଏଁ

ସୋମେଶ ମହାନ୍ତି ଜଣେ ଓଡ଼ିଆ ଅଭିନେତା, ଯିଏକି ଓଡ଼ିଆ ଦୂରଦର୍ଶନ ଧାରାବାହିକ, କଥାଚିତ୍ର, ଯାତ୍ରା ଜଗତ ଏବଂ ମଞ୍ଚରେ ଅଭିନୟ କରନ୍ତି ।[୧] ସେ ପ୍ରଥମେ ଓଡ଼ିଆ ଆଲବମ୍ ଗୀତରେ ଅଭିନୟ କରିବା ଆରମ୍ଭ କରିଥିଲେ ଏବଂ ପରେ ଧାରାବାହିକରେ ଅଭିନୟ କରିଥିଲେ । ଡିଡି ଓଡ଼ିଆରେ ପ୍ରସାରିତ ଓଡ଼ିଆ ଦୂରଦର୍ଶନ ଧାରାବାହିକ ସୁନା କଳସରୁ ଅଭିନୟ ଜୀବନ ଆରମ୍ଭ କରିଥିବା ସୋମେଶ ଅଭିନୟ ସହିତ ଜଣେ ରେଡିଓ ଉପସ୍ଥାପକ (ଆର୍.ଜେ.) ଭାବରେ 92.7 ବିଗ୍ ଏଫ୍ଏମ୍‌ରେ କାର୍ଯ୍ୟ କରିଥିଲେ ।[୨] ୨୦୦୯ ମସିହାରେ ସୋମେଶ ଓଡ଼ିଆ କଥାଚିତ୍ର ଆଇଲାରେ ଓଡ଼ିଆ ପୁଅ ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ସୋମେଶ ଓଡ଼ିଆ କଥାଚିତ୍ର ଏବଂ ଧାରାବାହିକ ବ୍ୟତୀତ ମଞ୍ଚ ନାଟକରେ ମଧ୍ୟ ଅଭିନୟ କରନ୍ତି । ସେ ଇଷ୍ଟର୍ଣ୍ଣ ରେଡ୍‌ରେ ମଧ୍ୟ ଅଭିନୟ କରୁଥିଲେ ।[୧]

ଅଭିନୟ ଜୀବନ[ସମ୍ପାଦନା]

ସୋମେଶ ମହାନ୍ତି ପ୍ରଥମେ ଓଡ଼ିଆ ଆଲବମ୍ ଗୀତରେ ଅଭିନୟ ଆରମ୍ଭ କରିଥିଲେ । ତାଙ୍କ ଅଭିନୀତ ଏମିତି ରଙ୍ଗ ଦେ'ଲୋ ଫୁଲକୁ ଦର୍ଶକମାନେ ବହୁତ ପସନ୍ଦ କରିଥଲେ, ଯେଉଁଥିରେ ତାଙ୍କ ସହ ଅଭିନୟ କରିଥିଲେ ନୈନା ଦାସ । କିଛି ଆଲବମ୍ ଗୀତରେ ଅଭିନୟ କରିବା ପରେ ସୋମେଶ ଓଡ଼ିଆ ଦୂରଦର୍ଶନ ଧାରାବାହିକରେ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ ଓଡ଼ିଆ ଧାରାବାହିକ ଥିଲା ଡିଡି ଓଡ଼ିଆରେ ପ୍ରସାରିତ ଧାରାବାହିକ ସୁନା କଳସ ।

ସୁନା କଳସରେ ଅଭିନୟ କରିବା ସମୟରେ ସୋମେଶଙ୍କୁ 92.7 ବିଗ୍ ଏଫ୍ଏମ୍‌ରେ ଜଣେ ଉପସ୍ଥାପକ ଭାବରେ କାର୍ଯ୍ୟ କରିବା ଆରମ୍ଭ କରିଥିଲେ ।[୨] ଏହାପରେ ସେ ପଣତକାନି, ତୁଳସୀ, ଏ ଗପ ମଲାଜହ୍ନର, ଉଆଁସୀ କନ୍ୟା, ଛଅ ମାଣ ଆଠଗୁଣ୍ଠ ଭଳି ଧାରାବାହିକରେ ଅଭିନୟ କରିଥିଲେ ।[୧] ସେ ବର୍ତ୍ତମାନ ତରଙ୍ଗ ଟିଭିରେ ପ୍ରସାରିତ ଧାରାବାହିକ କୁଆଁରୀ ବୋହୂରେ ଅଭିନୟ କରୁଛନ୍ତି ।

୨୦୦୯ ମସିହାରେ ସୋମେଶ ଓଡ଼ିଆ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ ଓଡ଼ିଆ କଥାଚିତ୍ର ଥିଲା ଆଇଲାରେ ଓଡ଼ିଆ ପୁଅ, ଯେଉଁଥିରେ ସେ ଏକ ଚରିତ୍ର ଅଭିନେତା ଭାବରେ ଅଭିନୟ କରିଥିଲେ ।[୨] ଏହାପରେ ସେ ୨୦୧୧ ମସିହାରେ ଅନୁଭବ ମହାନ୍ତିବର୍ଷା ପ୍ରିୟଦର୍ଶିନୀ ଅଭିନୀତ କଥାଚିତ୍ର କିଏ ସେ ଡାକୁଛି କୋଉଠି ମତେରେ ଅନୁଭବଙ୍କର ସାଙ୍ଗ ଭୂମିକାରେ ଅଭିନୟ କରିଥିଲେ ।[୧] ୨୦୧୩ ମସିହାରେ ଓଡ଼ିଆ କଥାଚିତ୍ର ଲଭ୍ ହେଲା ଏମିତି କଥାଚିତ୍ରରେ ସେ ଅଭିନୟ କରିଥିଲେ ।[୨]

ସୋମେଶ ଓଡ଼ିଆ କଥାଚିତ୍ର ଏବଂ ଦୂରଦର୍ଶନ ଧାରାବାହିକ ବ୍ୟତୀତ ଓଡ଼ିଆ ଯାତ୍ରା ଜଗତରେ ମଧ୍ୟ ଅଭିନୟ କରିଥିଲେ । ସେ ଇଷ୍ଟର୍ଣ୍ଣ ରେଡ୍‌ରେ ନାୟକ ଭୂମିକାରେ କିଛିଦିନ ଅଭିନୟ କରିଥିଲେ, ଯେଉଁଠି ସେ ଚୁପଚାପ୍ ରାତି ଟୁପ୍‌ଟାପ୍ କଥା, ଆସିଛି ମଙ୍ଗଳ ଗ୍ରହର ଝିଅ, କଲଗାର୍ଲବାସନ୍ତୀର ଚିଠି ମୁଖ୍ୟମନ୍ତ୍ରୀଙ୍କୁ ଭଳି କିଛି ନାଟକରେ ଅଭିନୟ କରିଥିଲେ ।[୨]

କଥାଚିତ୍ର[ସମ୍ପାଦନା]

ମସିହା ଚଳଚ୍ଚିତ୍ର ଭୂମିକା ମନ୍ତବ୍ୟ
୨୦୦୯ ଆଇଲାରେ ଓଡ଼ିଆ ପୁଅ
୨୦୧୧ କିଏସେ ଡାକୁଛି କୋଉଠି ମତେ
୨୦୧୩ ଲଭ୍ ହେଲା ଏମିତି

ଧାରାବାହିକ[ସମ୍ପାଦନା]

ଧାରାବାହିକ ଚେନାଲ୍ ଭୂମିକା
ସୁନା କଳସ ଡିଡି ଓଡ଼ିଆ
ପଣତକାନି ଇ ଟିଭି ଓଡ଼ିଆ
ତୁଳସୀ ଇ ଟିଭି ଓଡ଼ିଆ
ଏ ଗପ ମଲାଜହ୍ନର
ଉଆଁସୀ କନ୍ୟା ତରଙ୍ଗ ଟିଭି
ଛଅ ମାଣ ଆଠଗୁଣ୍ଠ ତରଙ୍ଗ ଟିଭି
କୁଆରୀ ବୋହୂ ତରଙ୍ଗ ଟିଭି

ଯାତ୍ରା[ସମ୍ପାଦନା]

ନାଟକ ଅପେରା ଭୂମିକା
ଚୁପଚାପ୍ ରାତି ଟୁପ୍‌ଟାପ୍ କଥା ଇଷ୍ଟର୍ଣ୍ଣ ରେଡ୍
ଆସିଛି ମଙ୍ଗଳ ଗ୍ରହର ଝିଅ ଇଷ୍ଟର୍ଣ୍ଣ ରେଡ୍
କଲ୍‌ଗାର୍ଲ ଇଷ୍ଟର୍ଣ୍ଣ ରେଡ୍
ବାସନ୍ତୀର ଚିଠି ମୁଖ୍ୟମନ୍ତ୍ରୀଙ୍କୁ ଇଷ୍ଟର୍ଣ୍ଣ ରେଡ୍

ପୁରସ୍କାର[ସମ୍ପାଦନା]

  • ଶ୍ରେଷ୍ଠ ଚରିତ୍ର ଅଭିନେତା ସୋମେଶ ମହାନ୍ତି (ରାଜକନ୍ୟା ପାଇଁ) (୬ଷ୍ଠ ଟେଲି ପୁରସ୍କାର)[୩]
  • ୟୁଥ୍ ପ୍ରତିଭା ସମ୍ମାନ ୨୦୧୯[୪]

ଆଧାର[ସମ୍ପାଦନା]

  1. ୧.୦ ୧.୧ ୧.୨ ୧.୩ "ଯଲିଉଡରେ ସୋମେଶଙ୍କ ଅନୁଭୂତି ଏକଦମ୍ ନିଆରା - Odisha Live". Dailyhunt (in ଇଂରାଜୀ). Odisha Live. 28 June 2018. Retrieved 2 March 2020.
  2. ୨.୦ ୨.୧ ୨.୨ ୨.୩ ୨.୪ Bureau, OdishaLIVE (28 June 2018). "ଯଲିଉଡରେ ସୋମେଶଙ୍କ ଅନୁଭୂତି ଏକଦମ୍ ନିଆରା". OdishaLIVE. Retrieved 2 March 2020.
  3. "ଟେଲି ପୁରସ୍କାର: ନୂଆବୋହୂ ଶ୍ରେଷ୍ଠ ଧାରାବାହିକ". Odisha News Lens. 2 March 2019. Retrieved 2 March 2020.
  4. "ଡ. ଅରୁନ୍ଧତୀ ଦେବୀଙ୍କୁ କୁମାର ଶ୍ରୀ ସମ୍ମାନ". ନିର୍ଭୟ ନ୍ୟୁଜ୍. Retrieved 2 March 2020.

ବାହାର ଆଧାର[ସମ୍ପାଦନା]