ସୁଧାଂଶୁମାଳିନୀ ରାୟ
ସୁଧାଂଶୁମାଳିନୀ ରାୟ | |
|---|---|
| ବିଧାୟିକା: ୬ଷ୍ଠ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୧୯୭୪ – ୧୯୭୭ | |
| ପୂର୍ବ ଅଧିକାରୀ | ତ୍ରିଲୋଚନ କାନୁନ୍ଗୋ |
| ପର ଅଧିକାରୀ | ପଞ୍ଚାନନ କାନୁନ୍ଗୋ |
| ନିର୍ବାଚନ ମଣ୍ଡଳୀ | ଗୋବିନ୍ଦପୁର |
| ବ୍ୟକ୍ତିଗତ ସବିଶେଷ | |
| ଜନ୍ମ | ୧୫ ଜୁନ ୧୯୨୫ |
| ମୃତ୍ୟୁ | ୧୯ ମାର୍ଚ୍ଚ ୨୦୦୮ (ବୟସ ୮୨) |
| ନାଗରିକତା | ଭାରତୀୟ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ଭାରତୀୟ ଜାତୀୟ କଂଗ୍ରେସ |
| ଜୀବନ ସାଥୀ | ଏସ୍. କେ. ରାୟ |
| ସନ୍ତାନ | ୧ ପୁଅ ଓ ୧ ଝିଅ |
| ବାପା/ବୋଉ | ଲାଲ ମୋହନ ପଟ୍ଟନାୟକ (ବାପା) |
| ସମ୍ପର୍କୀୟ | ପ୍ରଣବ ପଟ୍ଟନାୟକ (ଭାଇ) |
| ବୃତ୍ତି | ରାଜନୀତିଜ୍ଞ |
ସୁଧାଂଶୁମାଳିନୀ ରାୟ (୧୫ ଜୁନ ୧୯୨୫ - ୧୯ ମାର୍ଚ୍ଚ ୨୦୦୮) ଜଣେ ଓଡ଼ିଆ ରାଜନୀତିଜ୍ଞ ଥିଲେ । ସେ ଭାରତୀୟ ଜାତୀୟ କଂଗ୍ରେସର କର୍ମକର୍ତ୍ତା ଭାବରେ ଓଡ଼ିଶା ରାଜନୀତିରେ ସକ୍ରିୟ ଥିଲେ । ସୁଧାଂଶୁମାଳିନୀ ଓଡ଼ିଶା ବିଧାନ ସଭାର ଜଣେ ବିଧାୟିକା ଭାବରେ କାର୍ଯ୍ୟ କରିଥିଲେ । ୧୯୭୪ ମସିହାରେ ଓଡ଼ିଶାରେ ହୋଇଥିବା ବିଧାନ ସଭା ନିର୍ବାଚନରେ ସେ ଗୋବିନ୍ଦପୁର ବିଧାନ ସଭା ନିର୍ବାଚନ ମଣ୍ଡଳୀରୁ ଭାରତୀୟ ଜାତୀୟ କଂଗ୍ରେସ ଦଳର ପ୍ରତିନିଧି ଭାବରେ ନିର୍ବାଚିତ ହୋଇ ୬ଷ୍ଠ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୧] ସୁଧାଂଶୁ ମାଳିନୀ ଦେବୀ ରାଜନୀତି ଛଡ଼ା ସାହିତ୍ୟରେ ମଧ୍ୟ ରୁଚି ରଖିଥିଲେ । ସେ କିଛି କବିତାର ରଚନା କରିଥିଲେ ଏବଂ ବିଭିନ୍ନ ପ୍ରସଙ୍ଗ ଉପରେ କିଛି ନିବନ୍ଧ ରଚନା କରିଥିଲେ ।
ଜନ୍ମ, ପରିବାର ଓ ଶିକ୍ଷା
[ସମ୍ପାଦନା]ସୁଧାଂଶୁ ମାଳିନୀ ରାୟ ୧୯୨୫ ମସିହାର ଜୁନ ମାସ ୧୫ ତାରିଖରେ ଜନ୍ମଗ୍ରହଣ କରିଥିଲେ ।[୨] ତାଙ୍କ ବାପାଙ୍କ ନାମ ଥିଲା ଲାଲ ମୋହନ ପଟ୍ଟନାୟକ । ସେ କଳାରେ ସ୍ନାତକ କରିଥିଲେ । ସୁଧାଂଶୁମାଳିନୀ ଏସ୍. କେ. ରାୟଙ୍କୁ ବିବାହ କରିଥିଲେ । ଏହି ଦମ୍ପତ୍ତିଙ୍କର ଗୋଟିଏ ପୁଅ ଓ ଗୋଟିଏ ଝିଅ ଥିଲେ । ତାଙ୍କ ପତି ଶ୍ରୀଯୁକ୍ତ ରାୟ ଜଣେ ବ୍ରିଗେଡିଅର୍ ଥିଲେ । ତାଙ୍କ ବାପା ଜଣେ ସ୍ୱାଧୀନତା ସଂଗ୍ରାମୀ ତଥା ରାଜନେତା ଭାବରେ ସ୍ୱାଧୀନତା ପୂର୍ବର ୨ୟ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ଏବଂ ବାଚସ୍ପତି ଭାବରେ କାମ କରିଥିଲେ । ତାଙ୍କ ଭାଇ ପ୍ରଣବ ପଟ୍ଟନାୟକ ଜଣେ ଓଡ଼ିଆ କଣ୍ଠଶିଳ୍ପୀ ।[୩]
ରାଜନୈତିକ ଜୀବନ
[ସମ୍ପାଦନା]ସୁଧାଂଶୁ ମାଳିନୀ ରାୟ ଓଡ଼ିଶା ରାଜନୀତିରେ ଭାରତୀୟ ଜାତୀୟ କଂଗ୍ରେସ ଦଳର କର୍ମକର୍ତ୍ତା ଭାବରେ ସକ୍ରିୟ ଥିଲେ । ସେ ଓଡ଼ିଶା ବିଧାନ ସଭାରେ ଜଣେ ସଭ୍ୟା ଭାବରେ କାର୍ଯ୍ୟ କରିଥିଲେ ।
୧୯୭୪ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ଭାରତୀୟ ଜାତୀୟ କଂଗ୍ରେସ ଦଳର ପ୍ରତିନିଧି ଭାବରେ ଗୋବିନ୍ଦପୁର ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ବିଜୟୀ ହୋଇ ୬ଷ୍ଠ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୪][୫][୬] ସୁଧାଂଶୁ ମାଳିନୀ ଏହି ବିଧାନ ସଭାରେ ଗୋବିନ୍ଦପୁର ବିଧାନ ସଭା ନିର୍ବାଚନ ମଣ୍ଡଳୀ ଆସନରୁ ବିଧାୟିକା ଭାବରେ ୧୯୭୪ ମସିହାରୁ ୧୯୯୭୭ ମସିହାରେ ବିଧାନ ସଭା ଭଙ୍ଗ ହେବାଯାଏଁ କାର୍ଯ୍ୟ କରିଥିଲେ ।
୧୯୭୪ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ବିଭିନ୍ନ ଦଳରୁ ସମୁଦାୟ ୧୫ ଜଣ ମହିଳା ପ୍ରାର୍ଥୀ ନିର୍ବାଚନ ଲଢ଼ୁଥିଲେ ।[୭] ସେମାନଙ୍କ ମଧ୍ୟରୁ କିନ୍ତୁ ମାତ୍ର ୪ ଜଣ ବିଜୟୀ ହୋଇଥିଲେ ।[୭] ଏହି ଚାରି ଜଣ ବିଜୟୀ ପ୍ରାର୍ଥୀମାନଙ୍କ ମଧ୍ୟରେ ସୁଧାଂଶୁ ମାଳିନୀ ରାୟ ଥିଲେ ଏବଂ ବିଜୟୀ ଅନ୍ୟ ପ୍ରାର୍ଥୀମାନେ ହେଲେ ନନ୍ଦିନୀ ଶତପଥୀ, ଶୈରିନ୍ଦ୍ରୀ ନାୟକ ଓ ଭି.ସୁଜ୍ଞାନୀ କୁମାରୀ ଦେଓ ।[୮]
ଅନ୍ୟାନ୍ୟ କାର୍ଯ୍ୟ
[ସମ୍ପାଦନା]ସୁଧାଂଶୁ ମାଳିନୀ ରାୟ କିଛି କବିତା ରଚନା କରିଥିଲେ । ଏଥି ସହ ବିଭିନ୍ନ ପ୍ରସଙ୍ଗ ଉପରେ ସେ କିଛି ନିବନ୍ଧ ତଥା ସ୍ତମ୍ଭମାନ ରଚନା କରିଥିଲେ ।[୧] ସେ ରାଜ୍ୟ ସମାଜ କଲ୍ୟାଣ ବୋର୍ଡ଼ର ଚେୟାରମେନ୍ ଭାବରେ କାର୍ଯ୍ୟ କରିଥିଲେ ।
ମୃତ୍ୟୁ
[ସମ୍ପାଦନା]ସୁଧାଂଶୁ ମାଳିନୀ ରାୟ ୨୦୦୮ ମସିହାର ମାର୍ଚ୍ଚ ମାସ ୧୯ ତାରିଖରେ ମୃତ୍ୟୁବରଣ କରିଥିଲେ ।[୯] ମୃତ୍ୟୁ ବେଳକୁ ତାଙ୍କୁ ୮୨ ବର୍ଷ ହୋଇଥିଲା । ତାଙ୍କ ମୃତ୍ୟୁ ପରେ ୨୦୦୮ ମସିହାର ମାର୍ଚ୍ଚ ମାସ ୨୪ ତାରିଖ ଦିନ ବିଧାନ ସଭା ଗୃହରେ ଶୋକ ସଭାର ଆୟୋଜନ କରାଯାଇଥିଲା ।[୧]
ଆଧାର
[ସମ୍ପାଦନା]- ↑ ୧.୦ ୧.୧ ୧.୨ "Late Sudhansumalini Ray". odishaassembly.nic.in. Odisha Assembly. Retrieved 16 March 2019.
- ↑ "MLA Sudhansumalini Ray Profile | GOBINDPUR Constituency". www.odishahelpline.com. Retrieved 2019-03-16.
- ↑ "'A singer must never allow success to go to his head'". The Times of India. 2015-04-24. ISSN 0971-8257. Retrieved 2023-09-04.
- ↑ "Orissa Assembly Election Results in 1974". www.elections.in. Retrieved 2019-03-16.
- ↑ "Sudhansu Malini Ray, Gobindpur Assembly Elections 1974 LIVE Results | Election Dates, Exit Polls, Leading Candidates & Parties | Latest News, Articles & Statistics | LatestLY.com". Latestly (in ଇଂରାଜୀ). Retrieved 2019-03-16.
- ↑ "Sudhansu Malini Ray winner in Gobindpur, Odisha Assembly Elections 1974: LIVE Results & Latest News: Election Dates, Polling Schedule, Election Results & Live Election Updates". Latestly (in ଇଂରାଜୀ). Retrieved 2019-03-16.
- ↑ ୭.୦ ୭.୧ ନାୟକ, ଉଦ୍ଧବ ଚରଣ (2013). ଓଡ଼ିଶା ରାଜନୀତିର ଇତିହାସ (2nd ed.). ଭୁବନେଶ୍ୱର: ଆମ ଓଡ଼ିଶା. p. ୧୯୭. Retrieved 10 March 2019.
- ↑ ନାୟକ, ଉଦ୍ଧବ ଚରଣ (2013). ଓଡ଼ିଶା ରାଜନୀତିର ଇତିହାସ (2nd ed.). ଭୁବନେଶ୍ୱର: ଆମ ଓଡ଼ିଶା. p. ୧୯୮. Retrieved 10 March 2019.
- ↑ "MLA Sudhansumalini Ray Profile | GOBINDPUR Constituency". naveenpatnaik.com. Retrieved 2019-03-16.[permanent dead link]