ପିତ୍ତାସ୍ମରୀ ଇଲିଅସ
| Gallstone ileus | |
|---|---|
Video explanation | |
| ବିଭାଗ | Gastroenterology |
| ଲକ୍ଷଣ | Abdominal pain, vomiting, constipation, yellowish skin[୧] |
| ଆକ୍ରାନ୍ତ ସମୟ | Age > 60[୧] |
| କାରଣ | Obstruction of the bowels by a gallstone[୧] |
| ବିପଦ କାରକ | Gallstone > 2 cm, recurrent cholecystitis[୧] |
| ରୋଗ ନିର୍ଣ୍ଣୟ ପଦ୍ଧତି | Medical imaging[୧] |
| ସଠିକ ରୋଗ ନିର୍ଣ୍ଣୟ | Pancreatitis, bile duct stone, peptic ulcer disease, bile duct cancer[୧] |
| ଚିକିତ୍ସା | Surgery[୧] |
| ପୁନଃପୌନିକ | 0.4% of people with gallstones[୧] |
ପିତ୍ତାସ୍ମରୀ ଇଲିଅସ (Gallstone ileus) ହେଉଛି ଆନ୍ତ୍ରିକ ଅବରୋଧର ଏକ ରୂପ, ଯାହା ପାକଅନ୍ତନଳୀରେ ଥିବା ଏକ ପିତାସ୍ମରୀଦ୍ୱାରା ହୋଇଥାଏ ।[୧] ଏହାର ଲକ୍ଷଣ ମଧ୍ୟରେ ପେଟ ଯନ୍ତ୍ରଣା ହୋଇପାରେ ଯାହା ହୁଏ ଏବଂ ଯାଏ, ବାନ୍ତି ହୁଏ ଏବଂ କୋଷ୍ଠକାଠିନ୍ୟ ହୁଏ ।[୧] ସାଧାରଣତଃ କମ ହଳଦିଆ ଚର୍ମ ହୋଇପାରେ ।[୧] ରୋଗ ଜଟିଳ ହେଲେ ସେପ୍ସିସ ଏବଂ ଅଗ୍ନାଶୟ ପ୍ରଦାହ ହୋଇପାରେ ।[୧]
ବିପଦ କାରଣଗୁଡ଼ିକ ମଧ୍ୟରେ ୨ ସେମିରୁ ଅଧିକ ଆକାରର ପିତାସ୍ମରୀ ଏବଂ ପିତ୍ତକୋଷ ପ୍ରଦାହ ବାରମ୍ବାର ହେଲେ ଏହା ଘଟିପାରେ ।[୧] ଅନ୍ତର୍ନିହିତ କାର୍ଯ୍ୟଶୈଳୀରେ ପ୍ରଦାହ ଯୋଗୁ ପିତ୍ତକୋଷ ଓ ପାକଅନ୍ତନଳୀ ମଧ୍ୟରେ ଏକ ସଂଯୋଗ ସୃଷ୍ଟି ହୁଏ ଓ ତାହା ମଧ୍ୟ ଦେଇ ପିତ୍ତାସ୍ମରୀ ଚାଲିଯାଏ ।[୧] ଏହି ପିତ୍ତାସ୍ମରୀ ସାଧାରଣତଃ ଇଲିଅମର ନିମ୍ନ ଭାଗରେ ଅଟକିଯାଏ ।[୧] ଡାକ୍ତରୀ ଇମେଜିଙ୍ଗଦ୍ୱାରା ରୋଗ ନିର୍ଣ୍ଣୟ ହୋଇପାରେ ।[୧]
ଚିକିତ୍ସା ଅସ୍ତ୍ରୋପଚାରଦ୍ୱାରା ହୋଇଥାଏ ।[୧] ଅସ୍ତ୍ରୋପଚାରଦ୍ୱାରା ପିତ୍ତାସ୍ମରୀ ବାହାର କରି, ପିତ୍ତକୋଷ ଏବଂ ପେଟର ପାକସ୍ଥଳୀ ମଧ୍ୟରେ ଥିବା ଛିଦ୍ର ବନ୍ଦ କରିଦିଆଯାଏ ଏବଂ ପିତ୍ତକୋଷ ବାହାର କରିଦିଆଯାଏ ।[୧] କେବଳ ପ୍ରଥମ ଭାଗ ଅସ୍ତ୍ରୋପଚାର କରାଯାଏ ଓ ଲକ୍ଷଣ ଚାଲୁ ରହିଲେ ଦ୍ୱିତୀୟ ଅସ୍ତ୍ରୋପଚାର କରାଯାଏ ।[୧] ମୃତ୍ୟୁ ଆଶଙ୍କା ପ୍ରାୟ ୨୦% ଅଟେ ।[୧]
ପିତ୍ତାସ୍ମରୀ ଇଲିଅସ ରୋଗୀଙ୍କ ମଧ୍ୟରୁ ପ୍ରାୟ ପ୍ରତି ୧,୦୦୦ ଲୋକଙ୍କ ମଧ୍ୟରୁ ୪ ଜଣକର ପିତ୍ତାସ୍ମରୀ ଥାଏ ।[୧] ମହିଳାମାନେ ପୁରୁଷଙ୍କ ଅପେକ୍ଷା ତିନି ଗୁଣ ଅଧିକ ପ୍ରଭାବିତ ହୁଅନ୍ତି ।[୧] ଏହା ୬୦ ବର୍ଷରୁ ଅଧିକ ବୟସ୍କମାନଙ୍କଠାରେ ଅଧିକ ଦେଖାଯାଏ ।[୧] ୧୬୫୪ ମସିହାରେ ଥୋମାସ୍ ବାର୍ଥୋଲିନ ଏହି ରୋଗ ଅବସ୍ଥା ପ୍ରଥମେ ବର୍ଣ୍ଣନା କରିଥିଲେ ।[୧]