ଉଚ୍ଚଶିକ୍ଷା ବିଭାଗ, ଓଡ଼ିଶା

ଉଇକିପିଡ଼ିଆ ରୁ
Jump to navigation Jump to search

ଉଚ୍ଚଶିକ୍ଷା ବିଭାଗ , ଓଡ଼ିଶା ସରକାର , ( ହିନ୍ଦୀ ରେ उच्च शिक्षा विभाग, ओडिशा, ଇଂରାଜୀରେ Department of Higher Education , Odisha ) ଓଡ଼ିଶା ସରକାରଙ୍କ ଏକ ବିଭାଗ , ଯାହା ରାଜ୍ୟରେ ଉଛତର ମାଧ୍ୟମିକ ଶିକ୍ଷା ( ପ୍ଲସ ୨ ) , ଏବଂ କଲେଜ ସ୍ତରୀୟ , ବିଶ୍ୱବିଦ୍ୟାଳୟ ସ୍ତରୀୟ ଶିକ୍ଷାର ପରିଚାଳନାକୁ ଦ୍ରୁଷ୍ଟି ଦିଏ । ଏହା ରାଜ୍ୟରେ ଥିବା ସମସ୍ତ ସରକାରୀ , ବେସରକାରୀ ଶିକ୍ଷ୍ୟନୁଷ୍ଠାନ ପାଇଁ ପରିଚାଳନା ଗତ ନିୟମାବଳୀ ପ୍ରଣୟନ କରେ ଓ ସରକାରୀ ଓ ସରକାରଙ୍କ ଅନୁଦାନ ପାଉଥିବା ବେସରକାରୀ ଶିକ୍ଷାନୁଷ୍ଠାନମାନଙ୍କର ପରିଚାଳନାଗତ ଆର୍ଥିକ ବ୍ୟବସ୍ଥା ନିୟନ୍ତ୍ରଣ କରିଥାଏ । ଏହା ସରକାରୀ ମହାବିଦ୍ୟାଳୟ ସହ ଅନୁଦାନ ପ୍ରାପ୍ତ ମହାବିଦ୍ୟାଳୟ ଓ ଉତ୍ଚତର ମାଧ୍ୟମିକ ସ୍ତରର ବିଦ୍ୟାଳୟ ମାନଙ୍କରେ ଶିକ୍ଷକ, ଅଧ୍ୟାପକ ଓ ଅନ୍ୟାନ୍ୟ କର୍ମଚାରୀଙ୍କ ନିଯୁକ୍ତି ଓ ସଂସ୍ଥାପନା ବ୍ୟବସ୍ଥା କରେ । ଏହା ସଙ୍ଗେ ସଙ୍ଗେ ଏହା ରାଜ୍ୟରେ ଥିବା ବିଶ୍ୱବିଦ୍ୟାଳୟ ସମୂହ , ଯଥା ଉତ୍କଳ ବିଶ୍ୱବିଦ୍ୟାଳୟ , ରେଭେନ୍ସା ବିଶ୍ୱବିଦ୍ୟାଳୟ , ସମ୍ବଲପୁର ବିଶ୍ୱବିଦ୍ୟାଳୟ , ଶ୍ରୀ ଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ , ଉତ୍ତର ଓଡ଼ିଶା ବିଶ୍ୱବିଦ୍ୟାଳୟ , ଫକୀର ମୋହନ ବିଶ୍ୱବିଦ୍ୟାଳୟ , ଗଙ୍ଗାଧର ମେହେର ବିଶ୍ୱବିଦ୍ୟାଳୟ , ବିଜୁ ପଟ୍ଟନାୟକ ବୈଷୟିକ ବିଶ୍ୱବିଦ୍ୟାଳୟ, ତଥା ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟର ପରିଚାଳନାରେ ମଧ୍ୟ ଦ୍ରୁଷ୍ଟି ରଖେ ଓ ଆର୍ଥିକ ଅନୁଦାନ ମଧ୍ୟ ପ୍ରଦାନ କରେ । 

ସୁବିଧା ସୁଯୋଗ ଓ ଆଧୂନିକୀକରଣ [ସମ୍ପାଦନା]

୨୦୧୦ ମସିହାରୁ ଉଚ୍ଚଶିକ୍ଷା ବିଭାଗ " ଛାତ୍ର ଅଧ୍ୟୟନ ପରିଚାଳନା ବ୍ୟବସ୍ଥା " ବା Students Academic Management System ( SAMS)ର ପ୍ରଣୟନ କଲେ । ଏହାଦ୍ୱାରା +୨ ଓ +୩ ସ୍ତରର ଇ-ଆଡମିସନ ଯୋଗେ ଛାତ୍ରଛାତ୍ରୀ ମାନେ ଅନଲାଇନ ମାଧ୍ୟମରେ ଯେକୌଣସି ଶିକ୍ଷାନୁଷ୍ଠାନରେ ପଢିବା ପାଇଁ କେନ୍ଦ୍ରୀୟ ବ୍ୟବସ୍ଥାକୁ ଆବେଦନ କରିପାରିଲେ । ଯୋଗ୍ୟତା ଅନୁସାରେ ସୁବିଧାରେ ନିଜ ପସନ୍ଦର ଅନୁଷ୍ଠାନରେ ସୁବିଧାରେ ଆଡମିସନ ନେଇ ପାରିଲେ । 

DHE Odisha ୱେବ ସାଇଟ ଜରିଆରେ RTI ସେବା , ଇ-ସ୍ପେସ ଓ ଇ-ପ୍ରେରଣଦ୍ୱାରା ରାଜ୍ୟର ସବୁ ଅଞ୍ଚଳରୁ ଲୋକମାନେ ସୁବିଧାରେ ସେବାର ଲାଭ ପାଇପାରୁଛନ୍ତି । ବିଭିନ୍ନ ଶିକ୍ଷାନୁଷ୍ଠାନ ମାନଙ୍କର ବିଷୟରେ ଏଥିରେ ସବିଶେଷ ତଥ୍ୟ ଉପଲବ୍ଧ ହେଇଥାଏ । ବିଭାଗ ତରଫରୁ ପ୍ରକାଶିତ ଚିଠିପତ୍ର , ନିର୍ଦେଶାବଳୀ ଏହି ସାଇଟ ଜରିଆରେ ଓଡ଼ିଶାର ସବୁ ଶିକ୍ଷାନୁଷ୍ଠାନ ସମେତ ଜନସାଧାରଣ ମଧ୍ୟ ଜାଣିବାର ସୁବିଧା ପାଉଛନ୍ତି । 

ବିଭାଗ ତରଫରୁ ଛାତ୍ରଛାତ୍ରୀମାନଙ୍କ ପାଇଁ ଆତ୍ମରକ୍ଷା କୌଶଳ ଶିକ୍ଷଣ ( ଛାତ୍ରୀମାନଙ୍କ ପାଇଁ ) , ପ୍ରାକୃତିକ ବିପର୍ଯ୍ୟାୟରେ ସହାୟତା ଶିକ୍ଷଣ , ରେଡକ୍ରସ ଆଦି ବିଭିନ୍ନ ଉପାଦେୟ କାର୍ଯ୍ୟକ୍ରମ ମଧ୍ୟ ବିଭାଗ ତରଫରୁ ସଞ୍ଚାଳନ କରାଯାଇଥାଏ । 

ଆହୁରି ଦେଖନ୍ତୁ [ସମ୍ପାଦନା]