ରବି କିନ୍ନାଗି

ଇଂରାଜୀ ଲିଙ୍କ

https://or.wikipedia.org/wiki/Rabi_Kinagi

ରବି କିନ୍ନାଗି
ରବି କିନ୍ନାଗି
ଜନ୍ମ	୧୯ ଅକ୍ଟୋବର ୧୯୫୫ ବେଙ୍ଗାଳୁରୁ, କର୍ଣ୍ଣାଟକ, ଭାରତ
ଜାତୀୟତା	ଭାରତୀୟ
ବୃତ୍ତି	ଚଳଚ୍ଚିତ୍ର ନିର୍ଦ୍ଦେଶକ
ସକ୍ରିୟ ବର୍ଷ	୧୯୯୦ ରୁ

ରବି କିନ୍ନାଗି ପ୍ରଧାନତଃ ବଙ୍ଗଳା ଓ ଓଡ଼ିଆ ଚଳଚ୍ଚିତ୍ର ଜଗତରେ କାର୍ଯ୍ୟ କରିଥିବା ଜଣେ ଭାରତୀୟ ଚଳଚ୍ଚିତ୍ର ନିର୍ଦ୍ଦେଶକ ତଥା କାହାଣୀକାର । ତାଙ୍କ ନିର୍ଦ୍ଦେଶିତ ପ୍ରଥମ ବଙ୍ଗଳା ଚଳଚ୍ଚିତ୍ର ହେଉଛି ଜୀବନ ସଂଗୀ (୧୯୯୦) । ତାଙ୍କ ନିର୍ଦ୍ଦେଶିତ ଅନ୍ୟାନ୍ୟ ବଙ୍ଗଳା ଚଳଚ୍ଚିତ୍ର ହେଉଛି ସୋନାର ଖାଞ୍ଚା (୧୯୯୮), ଅନ୍ନଦାତା (୨୦୦୨), ଚମ୍ପିଆନ (୨୦୦୩), ମସ୍ତାନ (୨୦୦୪), ଆଇ ଲଭ ୟୁ (୨୦୦୭), ପ୍ରେମର କାହାନୀ (୨୦୦୮) ଓ ଜୋଶ (୨୦୧୦) । ୧୯୮୬ ମସିହାରେ ମାନିନୀ ଚଳଚ୍ଚିତ୍ରରୁ ସେ ପ୍ରଥମ କରି ଓଡ଼ିଆ ଚଳଚ୍ଚିତ୍ର ଜଗତରେ ପ୍ରବେଶ କରିଥିଲେ । ତାଙ୍କଦ୍ୱାରା ନିର୍ଦ୍ଦେଶିତ ଓଡ଼ିଆ ଚଳଚ୍ଚିତ୍ରସବୁ ମଧ୍ୟରେ ସୁନା ଚଢ଼େଇ, ଆମ ଘର ଆମ ସଂସାର, ପଦଦେଶୀ ଚଢ଼େଇ, ଭାଇ ହେଲା ଭଗାରୀ ଓ ପବିତ୍ର ବନ୍ଧନ ଆଦି ଅନ୍ୟତମ ।

ବୃତ୍ତିଗତ ଜୀବନ

ରବି କିନ୍ନାଗୀ ପ୍ରଥମେ ତାଙ୍କ ବାପା ଓ ଫିଲ୍ମ ନିର୍ଦ୍ଦେଶକ ଓ ନିର୍ମାତା ଶଙ୍କର କିନ୍ନାଗୀଙ୍କଠାରୁ ଫିଲ୍ମ ନିର୍ଦ୍ଦେଶନା ଶିଖିଥିଲେ । ପରେ ସେ ଫିଲ୍ମ ନିର୍ଦ୍ଦେଶକ ଏସ. ରାମନାଥନ ତଥା ଅନୀଳ ଗାଙ୍ଗୁଲୀଙ୍କ ସହଯୋଗୀ ଭାବେ କାମ ଆରମ୍ଭ କରିଥିଲେ । ରାଜଶ୍ରୀ ପ୍ରଡକ୍ସନ୍ସରେ କାମ କଲାବେଳେ ସେ ଓଡ଼ିଆ ଫିଲ୍ମ ନିର୍ଦ୍ଦେଶକ ପ୍ରଶାନ୍ତ ନନ୍ଦଙ୍କ ସହଯୋଗୀ ଭାବେ କିଛି ହିନ୍ଦୀ ଫିଲ୍ମରେ କାମ ଆରମ୍ଭ କରିଥିଲେ । ପରେ ସେ ଓଡ଼ିଶାକୁ ଓଡ଼ିଆ ଫିଲ୍ମ କରିବା ପାଇଁ ଆସିଥିଲେ । ତାଙ୍କ ନିର୍ଦ୍ଦେଶିତ ପ୍ରଥମ ଓଡ଼ିଆ ଚଳଚ୍ଚିତ୍ର ଥିଲା ମାନିନୀ (୧୯୮୬) । ଏହା ବ୍ୟତୀତ ସେ ସୁନା ଚଢ଼େଇ, ଆମ ଘର ଆମ ସଂସାର, ପଦଦେଶୀ ଚଢ଼େଇ, ଭାଇ ହେଲା ଭଗାରୀ ଓ ପବିତ୍ର ବନ୍ଧନ ଆଦି ଓଡ଼ିଆ ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ । ପରେ ସେ ବଙ୍ଗଳା ଫିଲ୍ମର ନିର୍ଦ୍ଦେଶନା ଦେବା ପାଇଁ ଓଡ଼ିଶାରୁ ପଶ୍ଚିମବଙ୍ଗକୁ ଚାଲିଯାଇଥିଲେ ।

ଚଳଚ୍ଚିତ୍ର ନିର୍ଦ୍ଦେଶନା

ଓଡ଼ିଆ ଚଳଚ୍ଚିତ୍ର

• ମାନିନୀ -୧୯୮୬
• କାବେରୀ -୧୯୮୩
• ସୁନା ଚଢ଼େଇ-୧୯୮୮
• ଭୀଷ୍ମ ପ୍ରତିଜ୍ଞା-୧୯୯୨
• ଆମ ଘର ଆମ ସଂସାର-୧୯୯୧
• ପରଦେଶୀ ଚଢ଼େଇ-୧୯୯୦
• ଭାଇ ହେଲା ଭଗାରି-୧୯୯୪

ବଙ୍ଗଳା ଚଳଚ୍ଚିତ୍ର

• ଜୀବନ ସଂଗୀ (୧୯୯୦)
• ଅନ୍ନଦାତା (୨୦୦୨)
• ଚମ୍ପିୟାନ (୨୦୦୩)
• ପ୍ରେମୀ (୨୦୦୪)
• ମସ୍ତାନ (୨୦୦୪)
• ବନ୍ଧନ (୨୦୦୪)

ଅଧିକ ତଥ୍ୟ

• ଇଣ୍ଟରନେଟ ମୁଭି ଡାଟାବେସରେ ରବି କିନ୍ନାଗି