ଭଟଲି

ଭଟଲି
Rurban
Country	India
State	ଓଡ଼ିଶା
District	ବରଗଡ଼
Languages
Time zone	UTC+5:30 (IST)
PIN	768030

ଭଟଲି , ଭାରତୀୟ ରାଜ୍ୟ ଓଡ଼ିଶାର ବରଗଡ଼ ଜିଲ୍ଲାର ଏକ ସହର । 

ଭୌଗୋଳିକ ଅବସ୍ଥିତି 

ଭଟଲି ପଶ୍ଚିମ ଓଡ଼ିଶାର ଛତିଶଗଡ଼ ସହ ଥିବା ସୀମା ନିକଟରେ ଅବସ୍ଥିତ । ଏହାର ଭୌଗୋଳିକ ଅବସ୍ଥିତି 21.526°N 82.890°E / 21.526; 82.890 ଠାରେ ।  ଭଟଲି, ବରଗଡ଼ ଜିଲ୍ଲାର ଅନ୍ୟାନ୍ୟ ଅଞ୍ଚଳ ସହ ପୂର୍ବଘାଟ ପର୍ବତ ମାଳା ନିକଟସ୍ଥ ଡେକାନ ମାଳଭୂମି ଅଞ୍ଚଳରେ ଅବସ୍ଥିତ । ଏହା ଏକ ଭୂମିକମ୍ପ ପ୍ରବଣ ସହର । 

ଜନସଂଖ୍ୟା 

 ୨୦୧୧ ଜନଗଣନା ଅନୁସାରେ ଭଟଲିର ଜନସଂଖ୍ୟା ୪,୮୬୫  ଥିଲା । ଏଥି ମଧ୍ୟରୁ ପୁରୁଷ ସଂଖ୍ୟା ୨,୩୯୬ ଓ ମହିଳା ସଂଖ୍ୟା ୨,୪୬୯ ଥିଲା । ୬ ବର୍ଷରୁ କମ ସଂଖ୍ୟା ୫୩୯ ଥିଲା । 

ଅର୍ଥନୈତିକ ସ୍ଥିତି

କୃଷି ଏହି ଅଞ୍ଚଳର ଅଧିବାସୀଙ୍କ ମୁଖ୍ୟ ଜୀବିକା । କିନ୍ତୁ ଅଞ୍ଚଳରେ ହସ୍ତତନ୍ତ୍ର ବୁଣାକାରମାନେ ଏହି ଅଞ୍ଚଳରେ ସମ୍ବଲପୁରୀ ବସ୍ତ୍ର ମଧ୍ୟ ବୁଣିଥାନ୍ତି ।

ସ୍ୱାସ୍ଥ୍ୟ ସେବା ଓ ଶିକ୍ଷା 

ସହରରେ ସରକାରୀ ଓ ବେସରକାରୀ ଡାକ୍ତରଖାନାର ବ୍ୟବସ୍ଥା ରହିଛି । ଏଠାରେ ଦଧିବାମନ କଲେଜ ଡିଗ୍ରୀ ସ୍ତର ପର୍ଯ୍ୟନ୍ତ ଶିକ୍ଷା ପ୍ରଦାନ କରିବା ସହ ଉଭୟ ବାଳକ ଓ ବାଳିକା ହାଇସ୍କୁଲ ଓ ଇଂରାଜୀ ମିଡିୟମ ସ୍କୁଲ ସବୁ ରହିଛି । 

ସଂସ୍କୃତି 

ଜଗନ୍ନାଥ ରଥ ଯାତ୍ରା ଓ ଫାଲଗୁନ ମେଳା ଏଠାକାର ମୁଖ୍ୟ ପର୍ବ । 

ପ୍ରଶାସନ 

ଭଟଲି ଏକ ବ୍ଲକ ଅଞ୍ଚଳ । ଏଠାରେ ଗ୍ରାମପଞ୍ଚାୟତ ମଧ୍ୟ ରହିଛି । ଭଟଲୀ ନିର୍ବାଚନ ମଣ୍ଡଳୀରୁ ଓଡ଼ିଶା ରାଜ୍ୟ ବିଧାନ ସଭାକୁ ଏଠାରୁ ପ୍ରତିନିଧି ନିର୍ବାଚିତ ହୋଇ ଥାଆନ୍ତି । ସୁଶାନ୍ତ ସିଂହ ବର୍ତ୍ତମାନ ଭଟଲିର ବିଧାନ ସଭା ସଦସ୍ୟ । 

ମନ୍ଦିର ସମୂହ 

ଦଧିବାମନ ମନ୍ଦିର 

ଭଟଲିରେ ଥିବା ଜଗନ୍ନାଥ ମନ୍ଦିର ଶିଶୁ ଜଗନ୍ନାଥ ନାମରେ ଜଣା ଯାଏ, ଏଠାରେ ଅନ୍ନ ଭୋଗ ଲାଗେନା ।

ଖଟୁଶ୍ୟାମ ମନ୍ଦିର 

ଭଟଲିରେ ଥିବା ଖଟୁଶ୍ୟାମ ମନ୍ଦିର ଦେଶର ଦ୍ୱିତୀୟ ଖଟୁଶ୍ୟାମ ମନ୍ଦିର ।

ଦର୍ଶନୀୟ ସ୍ଥାନ 

ଭଟଲି ନିକଟରେ ଦେବ୍ରୀଗଡ଼ ଅଭୟାରଣ୍ୟ ରହିଛି ।