ରାଜକିଶୋର ମିଶ୍ର
ରାଜକିଶୋର ମିଶ୍ର | |
|---|---|
| ଜନ୍ମ ଓ ଜନ୍ମସ୍ଥାନ | ୧୫ ଜାନୁଆରୀ ୧୯୪୨ ଆଳି ପିଙ୍ଗଳ,ଜଗତସିଂହପୁର |
| ମୃତ୍ୟୁ | ୧ ଅକ୍ଟୋବର ୨୦୨୧ (ବୟସ ୭୯) |
| ବୃତ୍ତି | ଶିକ୍ଷାବିତ |
| ଜାତୀୟତା | ଭାରତୀୟ |
| ନାଗରିକତା |  ଭାରତୀୟ |
| ସଙ୍ଗୀ | ରେଣୁକା ଆଚାର୍ଯ୍ୟ |
| ପିତାମାତା | ଗୌରସୁନ୍ଦର ମିଶ୍ର(କବିରାଜ), ଅନ୍ନପୂର୍ଣ୍ଣା ଦେବୀ |
ରାଜକିଶୋର ମିଶ୍ର (୧୫ ଜାନୁଆରୀ ୧୯୪୨ - ୦୧ ଅକ୍ଟୋବର ୨୦୨୧) ଜଣେ ଓଡ଼ିଆ ସାହିତ୍ୟିକ ଓ ଶିକ୍ଷାବିତ ଥିଲେ ।[୧] ଓଡ଼ିଶା ସାହିତ୍ୟ ଏକାଡେମୀର ସଚିବ ଭାବରେ କାର୍ଯ୍ୟକରିବା ସହ ଓଡ଼ିଶା ରିଭ୍ୟୁ, ଉତ୍କଳ ପ୍ରସଙ୍ଗ ଆଦି ପତ୍ରିକାର ସମ୍ପାଦନା କରିଥିଲେ । ସେ ଶାରଳା ପୁରସ୍କାର ଚୟନ କମିଟିର ସମ୍ପାଦକ ଭାବରେ ମଧ୍ୟ କାର୍ଯ୍ୟ କରିଥିଲେ । [୨] ନବୀନ ପଟ୍ଟନାୟକ, ଓଡ଼ିଶାର ମୁଖ୍ୟମନ୍ତ୍ରୀ ହେବାର ଆଦ୍ୟବର୍ଷମାନଙ୍କରେ ରାଜକିଶୋର ତାଙ୍କର ଓଡ଼ିଆ ଶିକ୍ଷକ ଥିଲେ । ଇଂରାଜୀ ଲିପିରେ ଓଡ଼ିଆ ଲେଖା ପଢିବାର କୌଶଳ ନବୀନବାବୁଙ୍କୁ ରାଜକିଶୋର ହିଁ ଶିଖାଇଥିଲେ । ରେଭେନ୍ସା ମହାବିଦ୍ୟାଳୟ ଆଦି କଲେଜରେ ଜଣେ ଇଂରାଜୀ ଅଧ୍ୟାପକ ଭାବରେ କାର୍ଯ୍ୟକରି ସେବାନିବୃତ ହୋଇଥିଲେ । ଜ୍ୟୋତିଷଶାସ୍ତ୍ରରେ ମଧ୍ୟ ତାଙ୍କର ରୁଚି ଥିଲା ।
ରାଜକିଶୋର, ୧୯୪୨ମସିହାରେ ଜଗତସିଂହପୁର ଜିଲ୍ଲାର ଆଳି ପିଙ୍ଗଳଠାରେ ଜନ୍ମଗ୍ରହଣ କରିଥିଲେ । ଜେଜେବାପା ଥିଲେ ଜଣେ ଜ୍ୟୋତିର୍ବିଦ । ତାଙ୍କଠାରୁ ଉତ୍ତରାଧିକାରୀ ସୁତ୍ରରେ ଏହି ବିଦ୍ୟା ରାଜକିଶୋରଙ୍କ ପାଖକୁ ଆସିଥିଲା । ପିତା ଥିଲେ କବିରାଜ ଗୌରସୁନ୍ଦର ମିଶ୍ର ଓ ମାତାଙ୍କ ନାମ ଅନ୍ନପୂର୍ଣ୍ଣା ଦେବୀ ଥିଲା । ସେ ରେଣୁକା ଆଚାର୍ଯ୍ୟଙ୍କୁ ବିବାହ କରିଛନ୍ତି ଓ ତାଙ୍କର ୨ଟି ଝିଅ ଓ ଗୋଟିଏ ପୁଅ ଅଛନ୍ତି ।
ରଚନାବଳୀ[ସମ୍ପାଦନା]
- ଗୋପୀନାଥ ମହାନ୍ତିଙ୍କ ଉପନ୍ୟାସର ମରମ କଥା
- ବ୍ୟାସକବି ଫକୀରମୋହନ- ପ୍ରୀକର୍ସର ଅଫ ଏ ନ୍ୟୁ ଏରା
- ୧୮୦୪-ଚାର୍ଲସ ଗୋମସ ରିପୋର୍ଟ
- ୧୮୦୭ ଜର୍ଜ ୱେବଙ୍କ ରିପୋର୍ଟ
- ସିଫ୍ଟିଂ ଅଫ କ୍ୟାପିଟାଲ ଟୁ ଭୁବନେଶ୍ୱର
- ନବକଳେବର - ୨୦୧୫
- ୧୮୬୬ ଗ୍ରେଟ ଫେମିନ
- ଭାଷାଭିତ୍ତିକ ଉତ୍କଳ ପ୍ରଦେଶ
- ଶ୍ରୀଜଗନ୍ନାଥ ଭଜନ ସାର ସଂଗ୍ରହ
- ମଧୁବାବୁ
- ନେତାଜୀ ସୁଭାଷ ଚନ୍ଦ୍ର ବୋଷ
- ଜିଲ୍ଲା ଗେଜେଟିୟର
- ଓଡ଼ିଆ ଭାଷାକୋଷ(ଆର୍ଯ୍ୟ ପ୍ରକାଶନ)[୩]
ମୃତ୍ୟୁ[ସମ୍ପାଦନା]
୨୦୨୧ ମସିହା ଅକ୍ଟୋବର ୧ ତାରିଖରେ ରାଜକିଶୋରଙ୍କର ଭୁବନେଶ୍ୱରଠାରେ ପରଲୋକ ଘଟିଥିଲା ।[୪]
ଆଧାର[ସମ୍ପାଦନା]
- ↑ Janaki Ballabha Mohanty (1988). An Approach to Oriya Literature: An Historical Study. Panchashila.
- ↑ http://www.newindianexpress.com/states/odisha/2017/oct/27/sarala-puraskar-conferred-on-writer-banaja-devi-1684269.html
- ↑ "ବ୍ୟକ୍ତିତ୍ୱ". ନିତିଦିନ ୨୫/୦୩/୨୦୧୭ ପୃଷ୍ଠା ୯. Retrieved 19 December 2017.[permanent dead link]
- ↑ "Rajkishore Mishra, who taught Odia to Naveen Patnaik, passes away". www.updateodisha.com. updateodisha.com. Archived from the original on 1 October 2021. Retrieved 1 October 2021.
| International | |
|---|---|
| National | |
