କୃଷ୍ଣ କୁମାର ମହାନ୍ତି
କୃଷ୍ଣ କୁମାର ମହାନ୍ତି | |
|---|---|
 ୨୦୨୩ ମସିହାର ଭଦ୍ରକଠାରେ ଆୟୋଜିତ କବି ବସନ୍ତ ମୁଦୁଲି ସ୍ମୃତି ସମାରୋହରେ କୃଷ୍ଣ କୁମାର ମହାନ୍ତି । | |
| ଜନ୍ମ | ୨୮ ଅପ୍ରେଲ ୧୯୬୬ |
| ଜାତୀୟତା | ଭାରତୀୟ |
| ଜାତୀୟତା | ଭାରତୀୟ |
| ବୃତ୍ତି(ସମୂହ) | ସାମ୍ବାଦିକ କବି ଲେଖକ ସମ୍ପାଦକ |
| ଚାକିରିକ୍ଷେତ୍ର(ସମୂହ) | ଧ୍ୱନି ପ୍ରତିଧ୍ୱନି (୧୯୯୯ – ୨୦୧୬) ରେବତୀ (୨୦୧୮ – ଏବେଯାଏଁ) |
| ଉଲ୍ଲେଖନୀୟ କୃତି | ରୁବି ରାୟ |
| ବୈବାହିକ-ସାଥୀ | ମମତା ମହାନ୍ତି (୧୯୮୯ – ଏବେଯାଏଁ) |
| ସନ୍ତାନ | ପ୍ରତ୍ୟାଶା ପ୍ରିୟମ୍ବଦା ମହାନ୍ତି (ଝିଅ) କୁମାର ପ୍ରତୀକ (ପୁଅ) |
କୃଷ୍ଣ କୁମାର ମହାନ୍ତି (ଜନ୍ମ: ୨୮ ଅପ୍ରେଲ ୧୯୬୬; ଜନ୍ମସ୍ଥାନ: ଚାନ୍ଦିପୁର) ଜଣେ ଓଡ଼ିଆ ସାମ୍ବାଦିକ, ସମ୍ପାଦକ, କବି ଓ ଲେଖକ । ସେ ଧ୍ୱନି ପ୍ରତିଧ୍ୱନି ଖବର କାଗଜର ସହ-ସମ୍ପାଦକ ଭାବରେ ୨୦୧୬ ଯାଏଁ କାର୍ଯ୍ୟ କରିଥିଲେ ଏବଂ ପରେ ୨୦୧୮ ମସିହାରୁ ରେବତୀ ସାହିତ୍ୟ ପତ୍ରିକାର ସହ-ସମ୍ପାଦକ ଭାବରେ କାର୍ଯ୍ୟ କରୁଛନ୍ତି । ସେ କବି ବସନ୍ତ ମୁଦୁଲି ସ୍ମୃତି ସଂସଦର ସମ୍ପାଦକ ଭାବରେ କାର୍ଯ୍ୟ କରୁଛନ୍ତି ।[୧]
ଜନ୍ମ, ପରିବାର ଓ ଶିକ୍ଷା
[ସମ୍ପାଦନା]୧୯୬୬ ମସିହାର ଅପ୍ରେଲ ୨୮ ତାରିଖରେ ବାଲେଶ୍ୱର ଜିଲ୍ଲାର ଚାନ୍ଦିପୁରଠାରେ ଜନ୍ମଗ୍ରହଣ କରିଥିଲେ କୃଷ୍ଣ କୁମାର ମହାନ୍ତି ।[୨] ବାଲେଶ୍ୱର ଜିଲ୍ଲାର ସ୍କୁଲରୁ ମାଟ୍ରିକ ଶିକ୍ଷା ଶେଷ କରିବା ପରେ ସେ ଫକୀର ମୋହନ ବିଶ୍ୱବିଦ୍ୟାଳୟରେ ଅଧ୍ୟୟନ କରିଥିଲେ । ୧୯୮୯ ମସିହାରେ ସେ ମମତା ମହାନ୍ତିଙ୍କୁ ବିବାହ କରିଥିଲେ । ଏହି ଦମ୍ପତ୍ତିଙ୍କର ଦୁଇଜଣ ସନ୍ତାନ ଅଛନ୍ତି । ତାଙ୍କ ଝିଅ ପ୍ରତ୍ୟାଶା ପ୍ରିୟମ୍ବଦା ମହାନ୍ତି ଜଣେ ସାମ୍ବାଦିକା ତଥା ଗାଳ୍ପିକା ।
ଓଡ଼ିଆ ସାହିତ୍ୟରେ ଅବଦାନ
[ସମ୍ପାଦନା]ନବମ ଶ୍ରେଣୀରେ ପଢ଼ିବା ବେଳେ ସେ ଗପ ଲେଖିବା ଆରମ୍ଭ କରିଥିଲେ, ଯାହାକି ତାଙ୍କ ସ୍କୁଲ ପତ୍ରିକାରେ ପ୍ରକାଶିତ ହୋଇଥିଲା । ମାତ୍ର ୧୯୯୦ ମସିହାରୁ ସେ ବିଧିବଦ୍ଧ ଭାବରେ ଗପ ଲେଖିବା ଆରମ୍ଭ କରିଥିଲେ; ତାଙ୍କର ଏହି ପ୍ରଥମ ଗପ, "ରକ୍ତାକ୍ତ ଚିଠି" କଥା ପତ୍ରିକାରେ ପ୍ରକାଶିତ ହୋଇଥିଲା । ୧୯୯୦ ମସିହାରୁ ଆରମ୍ଭ ହୋଇଥିବା କଥା ନବପ୍ରତିଭା ପ୍ରତିଯୋଗିତାରେ ସେ ଏହି ଗପ ଜରିଆରେ ଭାଗ ନେଇଥିଲେ ଏବଂ ଏହି ପୁରସ୍କାର ଜିତିଥିଲେ ।[୩]
୨୦୧୬ ମସିହାରେ ଶ୍ରଦ୍ଧା ପବ୍ଲିକେଶନଦ୍ୱାରା ତାଙ୍କ ପ୍ରଥମ ପୁସ୍ତକ ପ୍ରକାଶିତ ହୋଇଥିଲା । ଏହାପରେ ଗଳ୍ପ ସଂକଳନ ପାପ, କବିତା ବହି କେହି ଜଣେ, ଅନୁବାଦ ପୁସ୍ତକ ଟିପୁ ସୁଲତାନ, କବିତା ବହି ରୁବି ରାୟ ଆଦି ପ୍ରକାଶିତ ହୋଇଛି ।[୩]
ରଚନାବଳୀ
[ସମ୍ପାଦନା]- ଶ୍ୟାମଳୀ ଦାସ (ଗପ ବହି) - ୨୦୧୬
- ପାପ (ଗଳ୍ପ ସଂକଳନ)
- କେହି ଜଣେ (କବିତା ବହି)
- ଟିପୁ ସୁଲତାନ (ଅନୁବାଦ)
- ରୁବି ରାୟ (କବିତା ବହି)
ସମ୍ମାନ ଓ ପୁରସ୍କାର
[ସମ୍ପାଦନା]- କଥା ନବପ୍ରତିଭା ପୁରସ୍କାର, ୧୯୯୦
- ଭୁବନେଶ୍ୱର ପୁସ୍ତକମେଳାରେ ରବି ପଟ୍ଟନାୟକ ପୁରସ୍କାର
- ଅଙ୍କୁର ପୁରସ୍କାର
- କାଦମ୍ବିନୀ ଫିଚର ପୁରସ୍କାର
- ଅଖିଳମୋହନ କଥା ପୁରସ୍କାର
- ସମ୍ବାଦ ସଂକେତ ପୁରସ୍କାର
- ପ୍ରଗତିବାଦୀ ଗଳ୍ପ ପୁରସ୍କାର
- ସମୟ ସାଂପ୍ରତିକ ସାହିତ୍ୟ ସମ୍ମାନ
- ବର୍ଣ୍ଣାଳି ଅନୁବାଦ ସମ୍ମାନ
- ନୀହାରକନ୍ୟା କବିତା ସମ୍ମାନ[୪]
ଆଧାର
[ସମ୍ପାଦନା]- ↑ "'କବି ବସନ୍ତ ମୁଦୁଲି କବିତା ପୁରସ୍କାର' ଘୋଷଣା: ୨୦୨୨ ପାଇଁ ନରେନ୍ଦ୍ର ଭୋଇ, ୨୦୨୩ ପାଇଁ ଚିତ୍ତରଞ୍ଜନ ନାୟକ ହେବେ ପୁରସ୍କୃତ". Sambad (in ଆମେରିକୀୟ ଇଂରାଜୀ). 2023-10-16. Retrieved 2023-10-20.
- ↑ "ତାରୁଣ୍ୟରେ ତିଆରିଥିଲି ପାଠକଗୋଷ୍ଠୀ ଗପ ଲେଖି..." ଧରିତ୍ରୀ. No. ଭୁବନେଶ୍ୱର. 11 February 2021. p. ୧୨. Archived from the original on 21 January 2023. Retrieved 5 November 2023.
- ↑ ୩.୦ ୩.୧ "ଅଳ୍ପ ଆଳାପ: ସାହିତ୍ୟ ଓ ଜୀବନକୁ ଏକାପରି ଭଲପାଏ". ସମ୍ବାଦ. 1 August 2021. Archived from the original on 1 August 2021. Retrieved 5 November 2023.
- ↑ "କୃଷ୍ଣ କୁମାର ମହାନ୍ତି ପାଇଲେ ନୀହାରକନ୍ୟା କବିତା ସମ୍ମାନ". ବାଲେଶ୍ୱର. 5 March 2018. Archived from the original on 5 November 2023. Retrieved 5 November 2023.
ବାହାର ଆଧାର
[ସମ୍ପାଦନା]