ଅଞ୍ଜନା ମିଶ୍ର ଧର୍ଷଣ ମାମଲା
ଅଞ୍ଜନା ମିଶ୍ର ଧର୍ଷଣ ମାମଲା ୧୯୯୯ ମସିହାରେ ଓଡ଼ିଶାରେ ଘଟିଥିବା ଏକ ବହୁଚର୍ଚ୍ଚିତ ଅପରାଧିକ ମାମଲା । ସୁଭାଷ ମିଶ୍ର ନାମକ ଜନୈକ ଭାରତୀୟ ବନ ସେବା ଅଧିକାରୀଙ୍କ ପରିତ୍ୟକ୍ତା ସ୍ତ୍ରୀ[୧] ୯ ଜାନୁଆରୀ ୧୯୯୯ରେ ଧର୍ଷଣର ଶିକାର ହୋଇଥିଲେ ଏବଂ ଏହି ଘଟଣା ତତ୍କାଳୀନ ଓଡ଼ିଶାରେ ରାଜନୈତିକ ହଇଚଇ ସୃଷ୍ଟି କରିଥିଲା ।[୨] ଏପରିକି, ଉକ୍ତ ଘଟଣାରେ ତତ୍କାଳୀନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକ ଏବଂ ତାଙ୍କ ତଥାକଥିତ ବନ୍ଧୁ ତଥା ପୂର୍ବତନ ମହାଧୀବକ୍ତା ଇନ୍ଦ୍ରଜିତ ରାୟଙ୍କର ପ୍ରଛନ୍ନ ହାତ ଥିବା ଅଭିଯୋଗ ହୋଇଥିଲା । ଫଳରେ ଓଡ଼ିଶାର ତତ୍କାଳୀନ ଶାସକ ଦଳ କଂଗ୍ରେସର ଭାବମୂର୍ତ୍ତୀ ଅକ୍ଷୁର୍ଣ୍ଣ ରଖିବା ଉଦ୍ୟମରେ ମୁଖ୍ୟମନ୍ତ୍ରୀ ଜାନକୀ ବଲ୍ଲଭଙ୍କୁ ତାଙ୍କ ଆସନ ହରାଇବାକୁ ପଡିଲା ଏବଂ ଗିରିଧର ଗମାଙ୍ଗ ଉକ୍ତ ପଦବୀ ଲାଭ କଲେ ।
ଘଟଣା ସଂପର୍କରେ[ସମ୍ପାଦନା]
ଅଭିଯୋଗ ଅନୁଯାୟୀ, ଘଟଣା ଦିନ ଅର୍ଥାତ ୯ ଜାନୁଆରୀ ୧୯୯୯ ଦିନ ଅଞ୍ଜନା ତାଙ୍କର ଜନୈକ ସାମ୍ବାଦିକା ବନ୍ଧୁଙ୍କସହ ଏକ କାର୍ରେ ଯାତ୍ରା କରୁଥିଲେ । ଭୁବନେଶ୍ୱର ଉପକଣ୍ଠସ୍ଥ ବାରଙ୍ଗ ନିକଟବର୍ତ୍ତୀ ଏକ ନିକାଞ୍ଚନ ଜାଗାରେ ତିନିଜଣ ଦୁର୍ବୃତ୍ତ ସେମାନଙ୍କ ପଥରୋଧ କରିବା ସହ ବନ୍ଧୁଙ୍କ ସାମନାରେ ଅଞ୍ଜନାକୁ ଗଣଧର୍ଷଣ କରିଥିଲେ ।[୩] ଏ ଘଟଣା ପ୍ରଘଟ ହେବା ପରେ ପୋଲିସ ୨୬ ଜାନୁଆରୀ ୧୯୯୯ ଦିନ ମାତ୍ର ଦୁଇଜଣକୁ ଗିରଫ କଲା । ଘଟଣାକ୍ରମରେ ଓଡ଼ିଶା ଉଚ୍ଚ ନ୍ୟାୟାଳୟ ଏହାର ତଦନ୍ତ କେନ୍ଦ୍ରୀୟ ତଦନ୍ତକାରି ବ୍ୟୁରୋଦ୍ୱାରା ହେବା ନିମିତ୍ତ ଆଦେଶ ଦେଇଥିଲେ ।[୪]
ଘଟଣାର ମୁଖ୍ୟ ଅଭିଯୁକ୍ତ ବିବେକାନନ୍ଦ ବିଶ୍ୱାଳ ଓରଫ ବିବନ ଘଟଣାର ପ୍ରାୟ ୨୨ ବର୍ଷ ପରେ ୨୧ ଫେବୃଆରୀ ୨୦୨୧ ତାରିଖରେ ମୁମ୍ବାଇର ଲୋନାବଲା ଅଞ୍ଚଳରୁ ଭୁବନେଶ୍ୱର କମିଶନେରେଟ ପୋଲିସଦ୍ୱାରା ଗିରଫ ହେଲା ।[୫][୬]
ମାମଲାର ବିଚାର[ସମ୍ପାଦନା]
ଘଟଣା ପୂର୍ବ ଧର୍ଷଣ ଉଦ୍ୟମ[ସମ୍ପାଦନା]
୧୨ ଜୁଲାଇ ୧୯୯୭ରେ, ଅଞ୍ଜନା ମିଶ୍ର ଆନୁଷ୍ଠାନିକ ଭାବେ ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଅଭିଯୋଗ କରିଥିଲେ ଯେ ୧୧ ଜୁଲାଇରେ ତତକାଳୀନ ଆଡ଼ଭୋକେଟ ଜେନେରାଲ ଶ୍ରୀ ଇନ୍ଦ୍ରଜିତ ରାୟ ତାଙ୍କୁ କଟକସ୍ଥିତ ତାଙ୍କ କାର୍ଯ୍ୟାଳୟ-ନିବାସକୁ ନିମନ୍ତ୍ରଣ କରିଥିଲେ, ଏବଂ ତାଙ୍କୁ ଏକ ଗୁପ୍ତ କଲ ପାଇବା ବାହାନାରେ ତାଙ୍କ ଶୋଇବା ଘରକୁ ନେଇଥିଲେ ଏବଂ ତାଙ୍କୁ ବଳାତ୍କାର କରିବାକୁ ଚେଷ୍ଟା କରିଥିଲେ । କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନ ଥିବାରୁ ଅନେକ ମହିଳା ସଂଗଠନର ପ୍ରତିନିଧୀମାନେ ମୁଖ୍ୟମନ୍ତ୍ରୀଙ୍କୁ ଭେଟି ଏକ ଆପୋଷ ବୁଝାମଣା କରିବାକୁ ପରାମର୍ଶ ଦେଇଥିଲେ । ଏହାକୁ ଅଞ୍ଜନା ପ୍ରତ୍ୟାଖ୍ୟାନ କରିଥିଲେ । ସେ ୧୯ ଜୁଲାଇ ୧୯୯୭ରେ କଟକସ୍ଥିତ କ୍ୟାଣ୍ଟନମେଣ୍ଟ ପୋଲିସ ଷ୍ଟେସନରେ ପ୍ରଥମ ସୂଚନା ରିପୋର୍ଟ ଦାଖଲ କରିଥିଲେ । ଜନ ଅସନ୍ତୋଷ ପରେ ରାୟଙ୍କୁ ଏହି ପଦ ଛାଡିବାକୁ ପଡିଥିଲା ଏବଂ ସିବିଆଇ ଏହାକୁ ନେଇ ମାମଲା ରୁଜୁ କରିଥିଲା । ତାଙ୍କୁ ବଳାତ୍କାର ଉଦ୍ୟମ ଅଭିଯୋଗରେ ଫେବୃଆରୀ ୨୦୦୦ରେ ସିବିଆଇ ଅଦାଲତ କୋର୍ଟ ରାୟଙ୍କୁ ତିନି ବର୍ଷ କାରାଦଣ୍ଡରେ ଦଣ୍ଡିତ କରିଥିଲେ ।[୭]
ଆଧାର[ସମ୍ପାଦନା]
- ↑ "FROM THE FRYING PAN INTO THE FIRE". publications.parliament.uk. Retrieved 24 February 2021.
- ↑ Mishra, Anjana. "My story". Retrieved 8 July 2017.
- ↑ "Anjana Mishra allegedly gang raped". Retrieved 8 July 2017.
- ↑ "FROM THE FRYING PAN INTO THE FIRE". Retrieved 8 July 2017.
- ↑ "Anjana Mishra gangrape case: Accused held after 22 years". www.telegraphindia.com. Retrieved 23 February 2021.
- ↑ "Anjana Mishra gangrape case: Prime accused arrested from Mumbai after 22 years". Odisha News In English. 22 February 2021. Retrieved 24 February 2021.
- ↑ "Rediff On The NeT: Indrajit Ray will see Anjana in high court". m.rediff.com. Retrieved 24 February 2021.