ହେନୋକ-ସୁନଲାଇନ ପରପ୍ୟୁରା

Henoch-Schönlein purpura
IgA vasculitis, anaphylactoid purpura, purpura rheumatica, Schönlein–Henoch purpura
Typical purpura on lower legs and buttocks
ଉଚ୍ଚାରଣ	/ˈhɛnək ˈʃɜːnlaɪn, ˈʃoʊn-/
ବିଭାଗ	Rheumatology
ଲକ୍ଷଣ	Purpura, petechiae, joint pain, abdominal pain
ଅବଧି	4 weeks
ରୋଗ ନିର୍ଣ୍ଣୟ ପଦ୍ଧତି	Based on symptoms without evidence of low platelets
ସଠିକ ରୋଗ ନିର୍ଣ୍ଣୟ	Hemolytic uremic syndrome, idiopathic thrombocytopenic purpura, disseminated intravascular coagulation, lupus, Rocky Mountain spotted fever
ଚିକିତ୍ସା	Supportive care, corticosteroids, plasma exchange, immunosuppressants
ପୁନଃପୌନିକ	Rare

ହେନୋକ-ସୁନଲାଇନ ପରପ୍ୟୁରା (ଇଂରାଜୀ ଭାଷାରେ Henoch–Schönlein purpura/ HSP ), ଅନ୍ୟ ନାମ ଆଇଜିଏ ଭାସ୍କୁଲାଇଟିସ୍, ଏକ ରୋଗ ଯେଉଁଥିରେ ଚର୍ମ, ବୃକ୍‌କ, ଗଣ୍ଠି, ଏବଂ ଖାଦ୍ୟନଳୀରେ ହେଉଥିବା ଏକ ପ୍ରକାର ପ୍ରଦାହକୁ ବୁଝାଏ | ମସ୍ତିଷ୍କ କିମ୍ବା ଫୁସଫୁସ ମଧ୍ୟ ଜଡ଼ିତ ହୋଇପାରେ | ଚର୍ମରେ ବାଇଗଣୀ ରଙ୍ଗର କ୍ଷତ କିମ୍ବା ପେଟେକିଆ (ଛୋଟ ଲାଲ ବିନ୍ଦୁ) ଦେଖାଯାଏ ଓ ଗଣ୍ଟି ଯନ୍ତ୍ରଣା ତ‌ଥା ଉଦର ଯନ୍ତ୍ରଣା ସମ୍ଭାବନା ଥାଏ । ଦାଗ ମୁଖ୍ୟତଃ ଗୋଡ଼କୁ ପ୍ରଭାବିତ କରିଥାଏ | ରୋଗ ଜଟିଳ ହେଲେ ବୃକ୍‌କ ବିଫଳତା ଏବଂ ଅନ୍ତ ଇଣ୍ଟସସେପସନ ହୋଇପାରେ ।

ଗଳା ସଂକ୍ରମଣ କିମ୍ବା ଗ୍ୟାଷ୍ଟ୍ରୋଏଣ୍ଟେରାଇଟିସ୍ ପରି ସଂକ୍ରମଣ ଏହି ରୋଗ ହେବା ପୂର୍ବରୁ ହୋଇଥାଏ | ଅନ୍ତର୍ନିହିତ କାର୍ଯ୍ୟ ପ୍ରଣାଳୀରେ ଛୋଟ ରକ୍ତ ନଳୀରେ ଛୋଟ ଆଇଜିଏ ବିଶିଷ୍ଟ ଆଣ୍ଟିବଡି ଇମ୍ମ୍ୟୁନ କମ୍ପ୍ଲେକ୍ସ ଥିବା ଯୋଗୁ ପ୍ରଦାହ ହୁଏ। ଲକ୍ଷଣ ସ‌ହିତ ସ୍ୱଳ୍ପ ପ୍ଲାଟେଲେଟ ଥିଲେ ଏହି ରୋଗ ନିର୍ଣ୍ଣୟ କରାଯାଏ ।

ବୃକ୍‌କ ଜଡ଼ିତ ନହେବା ପର୍ଯ୍ୟନ୍ତ ସୁରକ୍ଷାକାରୀ ଚିକିତ୍ସା ସାଧାରଣତଃ କରାଯାଏ । ଯନ୍ତ୍ରଣା ପାଇଁ ପାରାସେଟାମୋଲ (ଆସେଟାମିନୋଫେନ୍) ଏବଂ ବେଳେବେଳେ ନନଷ୍ଟେରଏଡାଲ ଆଣ୍ଟିଇନଫ୍ଲାମେଟୋରୀ ଔଷଧ ବ୍ୟବହାର କରାଯାଇପାରେ | ଯଦି ବୃକ୍‌କ ପ୍ରଭାବିତ ହୋଇଥାଏ ତେବେ କର୍ଟିକୋଷ୍ଟିରଏଡ, ପ୍ଲାଜମା ବିନିମୟ, ଇମ୍ମ୍ୟୁନୋସପ୍ରେସାଣ୍ଟ ଏବଂ ଏସିଇ ଇନହିବିଟର ଦିଆଯାଇପାରେ । ଅଧିକାଂଶ ଲୋକ ୪ ସପ୍ତାହ ମଧ୍ୟରେ ଭଲ ହୋଇଯାଆନ୍ତି ଯଦିଓ ପୁନର୍ବାର ହେବାର ଆଶଙ୍କା ଥାଏ | ବୟସ୍କମାନଙ୍କଠାରେ ଜଟିଳତା ଅଧିକ ହୋଇଥାଏ।

ଏହି ଅବସ୍ଥା ବିରଳ ଅଟେ । ସାଧାରଣତଃ ପିଲାମାନଙ୍କର ଏହି ରୋଗ ହୁଏ ଏବଂ ପ୍ରତି ବର୍ଷ ୧୦୦,୦୦୦ ପିଲାଙ୍କ ମଧ୍ୟରୁ ୧୫ଜଣକୁ ଏହି ରୋଗ ହୋଇଥାଏ । ଏହା ଜର୍ମାନ ଚିକିତ୍ସକ ଜୋହାନ ସ୍କୋନଲେନ ଏବଂ ଏଡୁଆର୍ଡ ହେନୋଚଙ୍କ ନାମରେ ନାମିତ ହୋଇଛି ଯଦିଓ ୧୮୦୦ ଶତକର ପ୍ରାରମ୍ଭରେ ୱିଲିୟମ ହେବର୍ଡେନଙ୍କଦ୍ୱାରା ବର୍ଣ୍ଣନା କରାଯାଇଥିଲା।