ଲାବିରିନ୍ଥାଇଟିସ

Labyrinthitis
Otitis interna, vestibular neuronitis, vestibular neuritis, acute labyrinthitis
Diagram of the inner ear
ବିଭାଗ	Otorhinolaryngology
ଲକ୍ଷଣ	Vertigo, vomiting, ringing in the ears
ଆକ୍ରାନ୍ତ ସମୟ	Sudden
ଅବଧି	Few weeks
ବିପଦ କାରକ	Viral infection
ରୋଗ ନିର୍ଣ୍ଣୟ ପଦ୍ଧତି	Based on symptom
ସଠିକ ରୋଗ ନିର୍ଣ୍ଣୟ	Benign positional vertigo, Meniere's, stroke, head injury, cholesteatoma, tumor, multiple sclerosis
ଔଷଧ	Dimenhydrinate, methylprednisolone
ଚିକିତ୍ସା	Vestibular rehabilitation
Prognosis	Usually good
ପୁନଃପୌନିକ	35 cases per million per year

ଲାବିରିନ୍ଥାଇଟିସ, ଯାହାକୁ ଭେଷ୍ଟିବୁଲାର ନ୍ୟୁରାଇଟିସ ମଧ୍ୟ କୁହାଯାଏ, ଏକ ପ୍ରକାର ଭୂତାଣୁ ଜନିତ ପ୍ରଦାହ ଅଟେ ଯେଉଁଥିରେ ଭିତର କାନର ଅକ୍ଷମତା ହୁଏ । ଏହାର ଲକ୍ଷଣ ମଧ୍ୟରେ ମୁଣ୍ଡ ବୁଲା, ବାନ୍ତି ଏବଂ କାନନାଦ ଅନୁଭବ ହୋଇପାରେ । ନିଜ ଚାରି ପାଖରେ ବିଶ୍ୱ ଘୁରୁଥିବା ଅନୁଭବ ସାଧାରଣତଃ ସ୍ଥିର ଥାଏ କିନ୍ତୁ ଶ୍ରବଣହାନୀ ପରିବର୍ତ୍ତନଶୀଳ ହୁଏ । ଏହି ରୋଗ ହଠାତ୍ ଆରମ୍ଭ ହୋଇଥାଏ । ଲକ୍ଷଣ‌ଗୁଡ଼ିକର ଉନ୍ନତି କିଛି ଦିନ ପରେ ହୋଇପାରେ; ସଂପୂର୍ଣ୍ଣ ସମାଧାନ ପାଇଁ ସେମାନେ ଛଅ ସପ୍ତାହ କିମ୍ବା ଅଧିକ ସମୟ ଆବଶ୍ୟକ ହୋଇପାରେ ।

ଏହା ଶର୍ଦ୍ଦି ଭଳି ଭୂତାଣୁ ସଂକ୍ରମଣ ଯୋଗୁ ହୋଇପାରେ । ଲାବିରିନ୍ଥାଇଟିସ ରୋଗରେ ଭିତର କାନର ଲାବିରିନ୍ଥରେ ଓ ଭେଷ୍ଟିବୁଲାର ନ୍ୟୁରାଇଟିସ ରୋଗରେ ଭିତର କାନରେ ଥିବା ଭେଷ୍ଟିବୁଲାର ସ୍ନାୟୁ ପ୍ରଭାବିତ ହୁଏ ଓ ଉଭୟ କ୍ଷେତ୍ରରେ ଲକ୍ଷଣ ସମାନ ରହେ ଏବଂ ଉକ୍ତ ଶବ୍ଦଗୁଡ଼ିକର ନାମ ସାଧାରଣତଃ ଅଦଳବଦଳ ଭାବରେ ବ୍ୟବହୃତ ହୁଏ । ଲକ୍ଷଣ ଉପରେ ରୋଗ ନିର୍ଣ୍ଣୟ କରାଯାଏ । ଏହା ଏକ ପ୍ରକାର ପେରିଫେରାଲ୍ ଭେଷ୍ଟିବୁଲାର୍ ବେମାରୀ (ସନ୍ତୁଳନ ରୋଗ) ।

ଚିକିତ୍ସାରେ କିଛି ଦିନ ପାଇଁ ଡାଇମେନହାଇଡ୍ରିନେଟ ଭଳି ଆଣ୍ଟିହିଷ୍ଟାମାଇନ ବ୍ୟବହାର କରାଯାଇପାରେ । ମିଥାଇଲପ୍ରେଡନିସୋଲୋନ ଭଳି ଷ୍ଟିରଏଡ ଦେଲେ ଅବସ୍ଥାରେ ଉନ୍ନତି ହୋଇପାରେ । ଯଦି ସନ୍ତୁଳନ ସମସ୍ୟା ଯଦି ଚାଲୁ ରହେ ତେବେଭେଷ୍ଟିବୁଲାର ପୁନର୍ବାସ ଉପଯୋଗୀ ହୋଇପାରେ । ଭୂତାଣୁରୋଧୀ ଔଷଧ ଉପଯୋଗୀ ନୁହେଁ । ଅଧିକାଂଶ ଲୋକ ସଂପୂର୍ଣ୍ଣ ସୁସ୍ଥ ହୁଅନ୍ତି, କିନ୍ତୁ କିଛି ବୟସ୍କ ବ୍ୟକ୍ତିଙ୍କର ମୁଣ୍ଡ ବୁଲାଇବା ରହିପାରେ ଯାହାକି ମାସ ମାସ ଧରି ରହିଥାଏ । ଏହି ରୋଗ ବାରମ୍ବାର ହୁଏନି ।

ପ୍ରତି ବର୍ଷ ୧୦୦,୦୦୦ ଲୋକଙ୍କ ମଧ୍ୟରୁ ପ୍ରାୟ ୩ରୁ ୪ଜଣ ପ୍ରଭାବିତ ହୁଅନ୍ତି । ଏହା ଯେ କୌଣସି ବୟସରେ ହୋଇପାରେ; ଯଦିଓ ୩୦ରୁ ୬୦ବର୍ଷ ବୟସ୍କମାନେ ଅଧିକ ପ୍ରଭାବିତ ହୁଅନ୍ତି । ୧୯୦୯ ମସିହାରେ ଚିକିତ୍ସା ସାହିତ୍ୟରେ ଏହି ଅବସ୍ଥା ପ୍ରଥମେ ରୁଟ୍ଟିନ ବର୍ଣ୍ଣନା କରିଥିଲେ ।