ସ୍ନିତି ମିଶ୍ର

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ସ୍ନିତି ମିଶ୍ର
Sniti Mishra performing with the band of Antariksh in Fremont, California, USA.jpg
ଜନ୍ମ ଓ ଜନ୍ମସ୍ଥାନ ୧ ଜୁନ ୧୯୮୭ (1987-06-01) (୨୮ ବର୍ଷ)[ଆଧାର ଲୋଡ଼ା]
ବଲାଙ୍ଗୀର, ଓଡ଼ିଶା
ଜାତୀୟତା  ଭାରତୀୟ
ଶିକ୍ଷା ସ୍ନାତକୋତ୍ତର (ବାଣିଜ୍ୟ ପ୍ରଶାସନ) ୨୦୧୧, ସଙ୍ଗୀତ ବିଶାରଦ
ଶିକ୍ଷାନୁଷ୍ଠାନ ଗନ୍ଧର୍ବ ମହାବିଦ୍ୟାଳୟ
ପ୍ରସିଦ୍ଧି ଗାୟିକା
ଧର୍ମ ହିନ୍ଦୁ ଧର୍ମ
ବାପା ମା ଶ୍ୟାମଳ କୃଷ୍ଣ ମିଶ୍ର
ସବିତାଞ୍ଜଳି ଉଦଗାତା
ୱେବସାଇଟ ସ୍ନିତିମିଶ୍ର.କମ

ସ୍ନିତି ମିଶ୍ର, ବଲାଙ୍ଗୀରରେ ଜନ୍ମଗ୍ରହଣ କରିଥିବା ଜଣେ ଗାୟିକା । ୨୦୧୦ ମସିହାରେ, ଜୀଟିଭିରେ ପ୍ରସାରିତ 'ସା ରେ ଗା ମା ପା' କାର୍ଯ୍ୟକ୍ରମରେ ଅଂଶଗ୍ରହଣ କରି, ସେ ଲୋକଲୋଚନକୁ ଆସିଥିଲେ ।[୧] ଏହି କାର୍ଯ୍ୟକ୍ରମରେ ତାଙ୍କୁ 'ସବୁଠାରୁ ଉଲ୍ଲେଖନୀୟ କଣ୍ଠସ୍ଵର' ଉପାଧୀ ମଧ୍ୟ ପ୍ରଦାନ କରାଯାଇଥିଲା ।[୨]

ବାଲ୍ୟ ଜୀବନ ଓ ଶିକ୍ଷା[ସମ୍ପାଦନା]

ସ୍ନିତି ବଲାଙ୍ଗୀର ସହରରେ ଜନ୍ମଗ୍ରହଣ କରିଥିଲେ । ସେ ପିତା ଶ୍ୟାମଳ କୃଷ୍ଣ ମିଶ୍ର ଓ ମାତା ସବିତାଞ୍ଜଳି ଉଦଗାତାଙ୍କର ଦ୍ଵିତୀୟ ସନ୍ତାନ ଅଟନ୍ତି । ତାଙ୍କବଡ ଭଉଣୀଙ୍କ ନାମ ସ୍ଵାତୀ ଅଟେ ।

ସ୍ନିତି, ବଲାଙ୍ଗୀରର ସରସ୍ଵତୀ ଶିଶୁ ମନ୍ଦିରରୁ ହାଇସ୍କୁଲ ଶିକ୍ଷା ଓ ବଲାଙ୍ଗୀର ସରକାରୀ ମହିଳା ମହାବିଦ୍ୟାଳୟରୁ ସ୍ନାତକ ଶିକ୍ଷା ଲାଭ କରିଛନ୍ତି । ଭୁବନେଶ୍ୱର ସ୍ଥିତ 'ଇନଷ୍ଟିଚ୍ୟୁଟ ଅଫ ମ୍ୟାନେଜମେଣ୍ଟ ଷ୍ଟଡିଜ'ରୁ ବିତ୍ତ ବିଭାଗରେ ଏମ୍.ବି.ଏ ଶିକ୍ଷା ସମାପ୍ତ କରିଛନ୍ତି । ପିଲାଦିନରୁ ସ୍ନିତି ସଙ୍ଗୀତ ପ୍ରତି ଆକୃଷ୍ଟ ଥିଲେ ଓ ଗୁରୁ 'ରଘୁନାଥ ସାହୁ'ଙ୍କଠାରୁ ସଙ୍ଗୀତ ଶିକ୍ଷାଗ୍ରହଣ କରିଥିଲେ । ସେ, ମୁମ୍ବାଇର ଗନ୍ଧର୍ବ ମହାବିଦ୍ୟାଳୟରୁ ସଙ୍ଗୀତ ବିଶାରଦ ଉପାଧୀ ମଧ୍ୟ ହାସଲ କରିସାରିଛନ୍ତି ।

କର୍ମ ଜୀବନ[ସମ୍ପାଦନା]

'ସା ରେ ଗା ମା ପା' କାର୍ଯ୍ୟକ୍ରମରୁ ଲୋକପ୍ରିୟତା ହାସଲ କରିଥିବା ସ୍ନିତି ଇତିମଧ୍ୟରେ ଏକ ନେପାଳୀ ଭାଷାର ଚଳଚିତ୍ର ଓ ନୀଳ ମାଧବ ପଣ୍ଡାଙ୍କ ନିର୍ଦ୍ଦେଶିତ ଚଳଚିତ୍ର 'ବବଲୁ ହାପି ହେ'ରେ କଣ୍ଠଦାନ କରିସାରିଛନ୍ତି । ଚଳଚିତ୍ର ବ୍ୟତିତ ସେ, ଫୈଜଲ କ୍ୟୁରେସି, ଭିକୁ ବିନାୟକମ, ଲୁଇସ ବ୍ୟାଙ୍କ ଆଦି ବହୁ ପ୍ରତିଷ୍ଠିତ ସଙ୍ଗୀତକାରଙ୍କ ସହ ଦେଶ ବିଦେଶରେ[୩] ବହୁବାର ସଙ୍ଗୀତ ପରିବେଷଣ କରିସାରିଛନ୍ତି ।[୪]

ଆଧାର[ସମ୍ପାଦନା]