ରାଜସ୍ମିତା କର

ଉଇକିପିଡ଼ିଆ‌ରୁ
ରାଜସ୍ମିତା କର
ଜନ୍ମ (1991-01-26) ୨୬ ଜାନୁଆରୀ ୧୯୯୧ (ବୟସ ୩୩)
ଜାତୀୟତାଭାରତୀୟ
ଅନ୍ୟ ନାମନିକି [୧]
ବୃତ୍ତିନୃତ୍ୟଶିଳ୍ପୀ
ଟିଭିଡ୍ୟାନ୍ସ ଇଣ୍ଡିଆ ଡ୍ୟାନ୍ସ-୩
ପିତାମାତାରମେଶ କର
ରଞ୍ଜିତା କର

ଜାତୀୟ ସ୍ତରର ହିନ୍ଦୀ ଟେଲିଭିଜନ ଚ୍ୟାନେଲ ଜି ଟିଭି ପ୍ରସାରିତ ଡ୍ୟାନ୍ସ ଇଣ୍ଡିଆ ଡ୍ୟାନ୍ସର ଚୁଡ଼ାନ୍ତ ଅଧ୍ୟାୟରେ ଓଡ଼ିଶାର ଏକମାତ୍ର ପ୍ରତିଦ୍ୱନ୍ଦୀ ରାଉରକେଲାର ରାଜସ୍ମିତା କର ବିଜୟୀ ହୋଇ ଭାଗ୍ୟରଟୋପିର ଅଧିକାରୀ ହୋଇଛନ୍ତି । ନିଜ ନୃତ୍ୟର ଉତ୍କର୍ଷତା ବଳରେ ସେ ଏହି ପ୍ରତିଯୋଗିତାର ଶେଷ ୫ଜଣ ଚୁଡ଼ାନ୍ତ ପ୍ରତିଯୋଗୀଙ୍କ ମଧ୍ୟରେ ନିଜ ସ୍ଥାନ ବଳବତ୍ତର ରଖିଥିବା ବେଳେ ତିନି ଥର ପ୍ରଥମ ଓ ଦୁଇ ଥର ଦ୍ୱୀତୀୟ ସ୍ଥାନ ହାସଲ କରିଥିଲେ । ରାଜସ୍ମିତା ଆସାମର ପ୍ରଦୀପ ଗୁରୁଙ୍ଗ, ଡେରାଡୁନର ରାଘବ, ଦିଲ୍ଲୀର ସନମ ଜୋହର ଓ ରେବା, ମଧ୍ୟ ପ୍ରଦେଶର ମୋହିନା ସିଂଙ୍କୁ ପଛରେ ପକାଇ ବିଜୟିନୀ ହୋଇଥିଲେ । ୪୮ଲକ୍ଷ ୮୯ ହଜାର ୩୦ଟି ଭୋଟପାଇ ସେ ପ୍ରଥମ ସ୍ଥାନ ହାସଲ କରିଥିଲେ ।[୨][୩]

୨୬ ଜାନୁଆରୀ ୧୯୯୧ରେ ଏକ ମଧ୍ୟବିତ୍ତ ପରିବାରରେ ଜନ୍ମଗ୍ରହଣ କରିଥିବା ରାଜସ୍ମୀତାଙ୍କ ବାପା ରମେଶ କୁମାର କର ରାଉରକେଲାର ବାସନ୍ତୀ କଲୋନୀରେ ଏକ ବୈଦ୍ୟୁତିକ ସରଞ୍ଜାମ ଦୋକାନ ଚଳାଉଥିବା ବେଳେ ମା ରଞ୍ଜିତା କର ଜଣେ ଗୃହିଣୀ। ପିଲାବେଳୁ ନୃତ୍ୟ ପ୍ରତି ଆଗ୍ରହୀ ହୋଇ ବିଭିନ୍ନ ପ୍ରକାର ନୃତ୍ୟ ଶିକ୍ଷା କରିଥିଲେ ।

ଏହା ପୂର୍ବରୁ ସେ ତରଙ୍ଗ ଟିଭିରେ ପ୍ରସାରିତ ଝୁମ ଓଡ଼ିଶା ଝୁମ, ଧୁମ ମଚାଲେ ଧୁମର ଚୁଡ଼ାନ୍ତ ପର୍ଯ୍ୟାୟକୁ ଉତ୍ତୀର୍ଣ୍ଣ ହୋଇଥିଲେ ।[୪][୫] ଅକ୍ଟୋବର ୨୦୧୧ରେ ଭୁବନେଶ୍ୱରରେ ଅନୁଷ୍ଠିତ ଜିଟିଭିର ଡ୍ୟାନ୍ସ ଇଣ୍ଡିଆ ଡ୍ୟାନ୍ସ ଚୟନ ପ୍ରକ୍ରିୟାରେ ମନୋନୀତ ହୋଇ ମୁମ୍ବାଇ ଯାଇଥିଲେ । ଭିନ୍ନ ଭିନ୍ନ ଅଧ୍ୟାୟରେ ବହୁ କଷ୍ଟସାଧ୍ୟ ନୃତ୍ୟ ପରିବେଷଣ କରି ସେ ଗ୍ରାଣ୍ଡମାଷ୍ଟର ମିଥୁନ ଚକ୍ରବର୍ତ୍ତୀଙ୍କଠାରୁ 'ଡାର୍କ ହର୍ସ' ଆଖ୍ୟା ପାଇଥିଲେ । [୬]

ପ୍ରଖ୍ୟାତ ହିନ୍ଦୀ କଥାଚିତ୍ର ଅଭିନେତ୍ରୀ ଶ୍ରୀଦେବୀଙ୍କୁ ନିଜର ଆଦର୍ଶ ଭାବେ ମାନୁଥିବା ରାଜସ୍ମୀତା ଆଗାମୀ ଦିନରେ ଛୋଟ ଛୋଟ ପିଲାଙ୍କ ପାଇଁ ଏକ ନୃତ୍ୟ ପ୍ରଶିକ୍ଷଣ ଅନୁଷ୍ଠାନ ଆରମ୍ଭ କରିବାକୁ ଲକ୍ଷ୍ୟ ରଖିଛନ୍ତି ।

ଆଧାର[ସମ୍ପାଦନା]

  1. "Odia hip-hopper crowned dance queen". The New Indian Express. 2012. Archived from the original on 27 November 2012. Retrieved 14 March 2015.
  2. "Rourkela girl Rajasmita Kar wins 'Dance India Dance 3′ title". odishatoday.com. 2012. Archived from the original on 23 April 2012. Retrieved 23 April 2012. Rajasmita Kar was declared the winner at the grand finale
  3. "Odia girl Rajasmita shines in Dance India Dance". dailypioneer.com. 2012. Retrieved 24 April 2012. Rajasmita (Geeta Ki Gang) stood number one with 48,89,030 votes
  4. "DID 3 Winner ? - Rajasmita Win Takdeer Ki Topi". enableezine.com. 2012. Archived from the original on 25 April 2012. Retrieved 24 April 2012. she also took part in Tarang TV channel's Dance Shows 'Jhum Odisha Jhum' and 'Dhum Maggi Dhum', also Reached into Finals.
  5. "Rajasmita Kar [Biography] DID 3 ~ Matpal". matpal.com. 2012. Archived from the original on 10 May 2012. Retrieved 24 April 2012. First time she appeared in the reality show Dhoom Machale
  6. "DID finalist dreams to win with moves". telegraphindia.com. 2012. Retrieved 24 April 2012. grandmaster Mithunda acknowledges me as the 'dark horse' of the show

ବାହାର ଲିଙ୍କ[ସମ୍ପାଦନା]