ପ୍ୟାରୀମୋହନ ଆଚାର୍ଯ୍ୟ

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ପିଆରୀମୋହନ ଆଚାର୍ଯ୍ୟ
ଜନ୍ମ ଓ ଜନ୍ମସ୍ଥାନ ପ୍ୟାରୀମୋହନ ଆଚାର୍ଯ୍ୟ
୮ ମଇ ୧୮୫୧(1851-05-08)
ପଶୁଲୁଣ୍ଡା, କୁଆଁପାଳ, କଟକ ଜିଲ୍ଲା
ମୃତ୍ୟୁ ୧୮୮୧
ଜାତୀୟତା  ଭାରତୀୟ
ଆଞ୍ଚଳିକତା ଓଡ଼ିଆ
ଜୀବିକା ଐତିହାସିକ, ସମ୍ପାଦକ
ପ୍ରସିଦ୍ଧି ଓଡ଼ିଶା ଇତିହାସର ରଚନାକାର
ହିନ୍ଦୁ

ପିଆରୀମୋହନ ଜଣେ ଐତିହାସିକ ଓ ସମ୍ପାଦକ ଥିଲେ । ୮ ମଇ ୧୮୫୧ରେ[୧] ଏକ ଉପନିବେଶୀ ବଙ୍ଗୀୟ ବ୍ରାହ୍ମଣ ପରିବାରରେ କଟକ ଜିଲ୍ଲା କୁଆଁପାଳ ନିକତବର୍ତ୍ତୀ ପଶୁଲୁଣ୍ଡା ଗ୍ରାମରେ ଜନ୍ମ ଗ୍ରହଣ କରିଥିଲେ ।


ମାତ୍ର ୨୦ ବର୍ଷ ବୟସରୁ ସେ ମଧୁସୂଦନ ରାଓଗୋବିନ୍ଦ ରଥଙ୍କ ସହିତ ମିଶି ଓଡ଼ିଆ ଭାଷାରେ ଉତ୍କଳ ପୁତ୍ର ନାମକ ସମ୍ବାଦପତ୍ର ଆରମ୍ଭ କରିଥିଲେ ।[୨] ସେ ଏହି ସମ୍ବାଦପତ୍ରର ପ୍ରକାଶକ ଓ ସମ୍ପାଦକ ଥିଲେ । ସେଥିରେ ସେ ଜୋତାର ଦରଖାସ୍ତ ନାମକ ଲେଖାଟିଏ ପ୍ରକାଶ କରିଥିଲେ । ଏହାର ପ୍ରତ୍ୟକ୍ଷ ଅର୍ଥ ଥିଲା ଯେ ତତ୍କାଳୀନ କଟକ ନଗର ପରିଚାଳନା ଅଧିକାରୀ ନଗରକୁ ନିର୍ମଳ ରଖିବାରେ ଅସମର୍ଥ ହୋଇ ଅଛନ୍ତି । ଏହାଦ୍ୱାରା ସେ ମାଜିଷ୍ଟ୍ରେଟଙ୍କ କ୍ରୋଧର ଶିକାର ହେଲେ । ମାଜିଷ୍ଟ୍ରେଟ ତାଙ୍କୁ ସ୍କୁଲରୁ ବହିସ୍କାର କରିବାପାଇଁ ପ୍ରଧାନ ଶିକ୍ଷକ ଚଣ୍ଡୀ ଚରଣ ବନ୍ଦୋପାଧ୍ୟାୟଙ୍କୁ ନିର୍ଦ୍ଦେଶ ଦେଲେ । ପିଆରୀମୋହନ ମାଜିଷ୍ଟ୍ରେଟଙ୍କୁ ଭୁଲ ନ ମାଗି କମିଶନର ସାହେବଙ୍କୁ ଭେଟିବା ଲାଗି ବାହାରି ପଡ଼ିଲେ । ତା’ପରେ ସେ କଟକରେ ଏକ ପ୍ରାଇଭେଟ ସ୍କୁଲର ପ୍ରତିଷ୍ଠା କଲେ । ସେତେବେଳେ ସେ ମାସକୁ ୨୫ ଟଙ୍କା ରୋଜଗାର କରୁଥିଲେ, ନିଜର ଗୁଜୁରାଣ ମେଣ୍ଟିବା ଭଳି ରାଶି ରଖି ବାକି ସବୁ ଅର୍ଥ ସେ ଏହି ଅନୁଷ୍ଠାନକୁ ଦାନ କରୁଥିଲେ । ମଧୁସୂଦନଙ୍କ ସହିତ ଏହି ସ୍କୁଲର ଉନ୍ନତି ପାଇଁ ସେ ପ୍ରତ୍ୟକ୍ଷ ଭାବରେ ଧନୀ ଲୋକ ମାନଙ୍କଠାରୁ ଅର୍ଥ ଯୋଗାଡ଼ କରିବାରେ ଲାଗି ପଡ଼ିଥିଲେ । ଡମପଡ଼ା ରାଜାଙ୍କ ପାଖରେ ମ୍ୟାନେଜରର କାମ କରିବାଯାକେ ସେ ଏହି ସ୍କୁଲକୁ ତଦାରଖ କରୁଥିଲେ । ସ୍କୁଲଟି ତାଙ୍କରି ନାମରେ ନାମିତ, ଯାହା ଏବେ ପ୍ୟାରୀମୋହନ ଏକାଡେମୀ ନାମରେ ମଧ୍ୟ ଜଣାଶୁଣା । [୩]

ଉତ୍କଳକୁ ଏ ଆପଣାର ମାତୃଭୂମି ଜ୍ଞାନ କରି ପୂଜା କରୁଥିଲେ । ଉତ୍କଳରେ ଇତିହାସର ଅଭାବ ଦେଖି ସେ ବହୁଗ୍ରନ୍ଥ, ପୁରାତନ ରାଜକୀୟ ନଥି ଓ ମାଦଳା ପାଞ୍ଜି ଆଦି ଗବେଷଣା କରି ଗୋଟିଏ ଓଡ଼ିଆ ଇତିହାସ ସଂକଳନ କରିଥିଲେ ।[୪] ଓଡ଼ିଶା ପ୍ରତି ତାଙ୍କର ପ୍ରଗାଢ଼ ପ୍ରେମ ଥିଲା। ଏ ମହାଶୟ କଟକର ପ୍ୟାରୀମୋହନ ଏକାଡେମୀର ପ୍ରତିଷ୍ଠା ବିଷୟରେ ସୂତ୍ରଧର ହୋଇଥିଲେ ।

ଆଧାର[ସମ୍ପାଦନା]

  1. "ପ୍ୟାରୀମୋହନ ଆଚାର୍ଯ୍ୟ". ସମ୍ବାଦ: p. ୬. ୮ ମଇ ୨୦୧୫. http://sambadepaper.com/epapermain.aspx?edcode=10&eddate=5/8/2015&querypage=6#. Retrieved 8 May 2015. 
  2. Devanarayan (2009). "DEBATMA PYARIMOHAN ACHARYA". odiya.org. Retrieved 8 October 2012. when Pyari Mohan was only 20 years old, he along with Madhusudan Rao and Gobinda Rath started a newspaper called UTKAL PUTRA in Oriya 
  3. http://www.insideorissa.co.in/eminent_persons.php#PyariMohanAcharya
  4. "Add new comment | Penguin Books India". penguinbooksindia.com. 2012. Retrieved 8 October 2012. Pyari Mohan Acharya, expelled from school for defying the British authorities, writes Orissa Itihas, a history of Orissa