ଜଳଦାପଡ଼ା ଜାତୀୟ ଉଦ୍ୟାନ
| ଜଳଦାପଡ଼ା ଜାତୀୟ ଉଦ୍ୟାନ জলদাপাড়া জাতীয় উদ্যান Jaldapara National Park | |
|---|---|
IUCN Category II (National Park) | |
 ଜଳଦାପଡ଼ା ଜାତୀୟ ଉଦ୍ୟାନର ଏକ କଲରାପତରିଆ ବାଘ | |
  | |
| ଅବସ୍ଥାନ | ଅଲିପୁରଦ୍ୱାର ଜିଲ୍ଲା, ପଶ୍ଚିମ ବଙ୍ଗ, ଭାରତ |
| ପାଖ ସହର | ମଦାରିହାଟ/ ବୀରପଡ଼ା |
| ଦିଗବାରେଣି | 26°37′43″N 89°22′39″E / 26.628611°N 89.3775°E |
| କ୍ଷେତ୍ରଫଳ | ୨୧୬.୫୧ ବର୍ଗ କି.ମି. |
| ସ୍ଥାପିତ | ୧୯୪୧ |
ଜଳଦାପଡ଼ା ଜାତୀୟ ଉଦ୍ୟାନ (ବଙ୍ଗଳା ଭାଷାରେ জলদাপাড়া জাতীয় উদ্যান) ପୂର୍ବ ହିମାଳୟର ପାଦଦେଶରେ ତୋର୍ଷା ନଦୀ କୂଳରେ ଅବସ୍ଥିତ । ପ୍ରଶାସନିକ ଦୃଷ୍ଟିକୋଣରୁ ଏହା ଉତ୍ତର ପଶ୍ଚିମ ବଙ୍ଗର ଅଲିପୁରଦ୍ୱାର ଜିଲ୍ଲାରେ ଅବସ୍ଥିତ । ଜଳଦପଡ଼ାର ସମୁଦ୍ରପତନରୁ ଉଚ୍ଚତା ପ୍ରାୟ ୬୧ ମିଟର୍ । ନଦୀ ଓ ତୃଣଭୂମି ପୂର୍ଣ୍ଣ ୨୧୬.୫୧ ବର୍ଗ କି.ମି. ଅଞ୍ଚଳରେ ଏହି ଜାତୀୟ ଉଦ୍ୟାନ ପରିବ୍ୟାପ୍ତ ।[୧] ଏଠାକାର ବନ ଓ ଜୀବ ସମ୍ପଦର ସୁରକ୍ଷା ପାଇଁ ୧୯୪୧ ମସିହାରେ ଜଳଦାପଡ଼ାକୁ ଏକ ଅଭୟାରଣ୍ୟ ଘୋଷିତ କରାଯାଇଥିଲା । ବର୍ତ୍ତମାନ ବିଲୁପ୍ତପ୍ରାୟ ଭାରତୀୟ ଗଣ୍ଡାର ଏକ ଅଂଶ ଏହି ଜାତୀୟ ଉଦ୍ୟାନରେ ବସବାସ କରୁଛନ୍ତି ।[୨] ଜଳଦାପଡ଼ାକୁ ବର୍ଗ-୪ ଅଧିବାସ ପରିଚାଳନା କ୍ଷେତ୍ର (Habitat management area) ରୂପେ ଗଣନା କରାଯାଏ ।[୩] ଜଳଦାପଡ଼ା ଓ ବକ୍ସା ବ୍ୟାଘ୍ର ଅଭୟାରଣ୍ୟ ମଧ୍ୟରେ ରହିଥିବା ଚିଲପାଟା ଜଙ୍ଗଲ ଏକ ସଂରକ୍ଷିତ ହାତୀ ଜଙ୍ଗଲ ।[୪] ଜଳଦାପଡ଼ା ନିକଟସ୍ଥ ଗୋରୁମାରା ଜାତୀୟ ଉଦ୍ୟାନରେ ବହୁ ସଂଖ୍ୟକ ଭାରତୀୟ ଗଣ୍ଡା ବସବାସ କରନ୍ତି ।
ଇତିହାସ
[ସମ୍ପାଦନା]୧୮୦୦ ମସିହା ପୂର୍ବରୁ ଏହି ଜଙ୍ଗଲରେ ଟୋଟୋ ଓ ମେଛ (ବୋଡ଼ୋ) ଜନଜାତି ବାସ କରୁଥିଲେ । ସେତେବେଳେ ଏହି ସ୍ଥାନ ଟୋଟୋପଡ଼ା ନାମରେ ଜଣାଶୁଣା ଥିଲା । ଅବଶିଷ୍ଟ ଭାରତୀୟ ଗଣ୍ଡାମାନଙ୍କ ସୁରକ୍ଷା ପାଇଁ ୧୯୪୧ ମସିହାରେ ଜଳଦାପଡ଼ା ବନ୍ୟପ୍ରାଣୀ ଅଭୟାରଣ୍ୟର ପ୍ରତିଷ୍ଠା କରାଗଲା । ୨୦୧୨ ମସିହା ମଇ ମାସରେ ଏହାକୁ ଏକ ଜାତୀୟ ଉଦ୍ୟାନର ମାନ୍ୟତା ମିଳିଥିଲା ।[୧][୫]
ଉଦ୍ଭିଦ ଏବଂ ବନ୍ୟଜୀବ
[ସମ୍ପାଦନା]ଜଳଦାପଡ଼ାର ଜଙ୍ଗଲରେ ମୁଖ୍ୟତଃ ଲମ୍ବା ଲମ୍ବା ଘାସର ତୃଣଭୂମି ରହିଛି । ଭାରତୀୟ ଗଣ୍ଡା ଏଠାକାର ଜଙ୍ଗଲର ମୁଖ୍ୟ ଆକର୍ଷଣ । ଆସାମର କାଜିରଙ୍ଗା ଜାତୀୟ ଉଦ୍ୟାନ ପରେ ସବୁଠାରୁ ଅଧିକ ଭାରତୀୟ ଗଣ୍ଡା ଜଳଦାପଡ଼ାରେ ବାସ କରନ୍ତି । ଏହି ଜଙ୍ଗଲରେ ବାସ କରୁଥିବା ଅନ୍ୟ କେତେକ ପ୍ରମୁଖ ବନ୍ୟଜୀବ ହେଲେ ହାତୀ, କଲରାପତରିଆ ବାଘ, ସମ୍ବର, କୁଟୁରା, ଚିତଲ୍, କୁଜି ହରିଣ, ବାର୍ହା ଏବଂ ବନ୍ୟ ଗୟଳ । ଭାରତରେ ହାତୀ ଓ ଭାରତୀୟ ଗଣ୍ଡାଙ୍କ ସଂରକ୍ଷଣ ସ୍ଥିତି ସଙ୍କଟାପନ୍ନ ।
ଜଳଦାପଡ଼ା ପକ୍ଷୀପ୍ରେମୀଙ୍କ ପାଇଁ ସ୍ୱର୍ଗ । ଚରସ ପକ୍ଷୀ ବା ବଙ୍ଗଳା ଫ୍ରୋରିକାନ୍ ଭାରତର ଯେଉଁ ଅଳ୍ପ କିଛି ସ୍ଥାନରେ ଦେଖାଯାନ୍ତି, ତନ୍ମଧ୍ୟରୁ ଜଳଦାପଡ଼ା ଅନ୍ୟତମ । ଏଠାରେ ଦେଖାଯାଉଥିବା ଅନ୍ୟ ପକ୍ଷୀମାନଙ୍କ ମଧ୍ୟରୁ ଚୂଳିଆ ଚିଲ, ପାଲ୍ଲା ମାଛଖିଆ ଚିଲ, ଶିକ୍ରା, ଫିନ୍ସ୍ ୱିଭର୍, ବଣ କୁକୁଡ଼ା, ମୟୂର, କୋଚିଲାଖାଇ, ତିତିରି ଉଲ୍ଲେଖଯୋଗ୍ୟ । ଜଳଦାପଡ଼ା ଅରଣ୍ୟରେ ଅଜଗର, ଗୋଧି, ଚିଟି ସାପ, ନାଗ ସାପ ଓ ଗେକୋ ଏଣ୍ଡୁଅ ପରି ସରୀସୃପ ଦେଖାଯାନ୍ତି । ପ୍ରାୟ ୮ ପ୍ରଜାତିର ମଧୁରଜଳ କଇଁଛ ମଧ୍ୟ ଜଳଦାପଡ଼ାରେ ରହିଥିବା ଜଣାଯାଏ ।
ଚିତ୍ର ଗ୍ୟାଲେରି
[ସମ୍ପାଦନା]-
ଜଳଦାପଡ଼ା ବଣରେ ଚରୁଥିବା ବଣୁଆ ହାତୀପଲ -
ଜଳଦାପଡ଼ା ଜାତୀୟ ଉଦ୍ୟାନରେ ଏକ ସୁନ୍ଦର ସନ୍ଧ୍ୟା -
ଜଳଦାପଡ଼ାର ଭାରତୀୟ ଗଣ୍ଡା -
ଜଳଦାପଡ଼ା ଜାତୀୟ ଉଦ୍ୟାନରେ ହାତୀ ସଫାରୀ -
ପର୍ଯ୍ୟଟକମାନଙ୍କ ପାଇଁ ହାତୀରେ ଚଢ଼ିବା ସ୍ଥାନ -
ଜଳଦାପଡ଼ା ଅଭୟାରଣ୍ୟର ଏକ ମୟୂର
ଆଧାର
[ସମ୍ପାଦନା]- ↑ ୧.୦ ୧.୧ "National Park status for Jaldapara Sanctuary". Times of India. 11 May 2012. Retrieved 11 May 2012.
- ↑ "Alipurduar Tourism". Alipurduar District Tourism. Archived from the original on 27 June 2015. Retrieved 23 March 2017.
- ↑ Jaldapara Wildlife Sanctuary, India
- ↑ Wildlife Times: Elephants of North Bengal Archived 2011-07-18 at the Wayback Machine.
- ↑ "জাতীয় উদ্যানের স্বীকৃতি জলদাপাড়াকে". Anandabazar Patrika (in Bengali). 11 ମଇ 2012. Archived from the original on 11 ମଇ 2012. Retrieved 11 ମଇ 2012.
- https://www.alipurduar.org/district-profile/tourist-destinations/ Archived 2015-06-27 at the Wayback Machine.
ଅନ୍ୟାନ୍ୟ ଲିଂକ୍
[ସମ୍ପାଦନା]
| ବାହାର ଭିଡିଓ | |
|---|---|
 Rhino at Hollong Tourist Lodge | |
| Jaldapara rhino |
- Official Homepage
- Alipurduar District Tourism Archived 2015-06-27 at the Wayback Machine. at Alipurduar District Tourism
- Jaldapara Wildlife Sanctuary at West Bengal State Tourism