ଗୁଣପୁର ରେଳ ଷ୍ଟେସନ

ଗୁଣପୁର ରେଳ ଷ୍ଟେସନ
ଗୁଣପୁର ରେଳ ଷ୍ଟେସନ
Station statistics
Address	ଗୁଣପୁର, ଓଡ଼ିଶା; India
Coordinates	19°24′43″N 83°29′01″E / 19.412°N 83.4837°E
Elevation	92 m (302 ft)
Lines	ନୁଆପଡା - ଗୁଣପୁର
Platforms	2
Tracks	2
Parking	ନାହିଁ
Other information
Opened	୧୯୩୧
Electrified	No
Code	GNPR
Owned by	ଭାରତୀୟ ରେଳ
Operator	ପୂର୍ବ ତଟ ରେଳପଥ
Station status	ଚାଲୁ ଅଛି
Location
	Gunupur railway station class=notpageimage\| Location in Orissa

ଇଂରାଜୀ ଲିଙ୍କ

https://or.wikipedia.org/wiki/Gunupur_railway_station

ଗୁଣପୁର ରେଳ ଷ୍ଟେସନ ପୂର୍ବ ତଟ ରେଳ ଅନ୍ତର୍ଗତ ୱଲଟିୟର୍ ବିଭାଗ ଅଧୀନରେ ପରିଚାଳିତ । ଏହା ଓଡ଼ିଶାର ରାୟଗଡ଼ା ଜିଲ୍ଲାରେ ଅବସ୍ଥିତ ।

ଇତିହାସ

ପାରଳାଖେମୁଣ୍ଡିର ରାଜା ତାଙ୍କ ରାଜଧାନୀ ସହ ୪୦ କି.ମି ଦୂରରେ ଥିବା ନୁଆପଡା ରେଳ ଷ୍ଟେସନ ସହ ସଂଯୋଗ କରିବାପାଇଁ ନିଷ୍ପତ୍ତି ନେଲେ । ୧୮୯୮ ସରକାରୀ ସ୍ୱୀକୃତି ପାଇବା ପରେ କାମ ଆରମ୍ଭ ହେଲା । ପ୍ରାୟ ସାତ ଲକ୍ଷ ଟଙ୍କା ବ୍ୟୟରେ ନିର୍ମିତ ଏହି ଛୋଟ ଗେଜ୍ ରେଳପଥର ଶୁଭାରମ୍ଭ ୧୯୦୦ ମସିହାରେ ହେଲା । ପ୍ରାରମ୍ଭିକ ଅବସ୍ଥାରେ ଏହି ରେଳ ଚଳାଚଳରେ କ୍ଷତି ସହିବାକୁ ପଡିଲା, କିନ୍ତୁ ୧୯୧୦ ପରେ ପରେ ସାମାନ୍ୟ ଲାଭ ହେବା ସହ ୧୯୨୪-୧୯୨୫ରେ ଲାଭ ପରିମାଣ ବୃଦ୍ଧି ହେଲା । ଫଳରେ ରାଜା ଏଥିରେ ଉତ୍ସାହିତ ହୋଇ ଏହି ରେଳପଥକୁ ଗୁଣପୁର ପର୍ଯ୍ୟନ୍ତ ବିସ୍ତାର କରିବାକୁ ନିଷ୍ପତ୍ତି ନେଲେ । ଏହି ନିଷ୍ପତ୍ତି ଦୁଇଟି ପର୍ଯ୍ୟାୟରେ ଅର୍ଥାତ ୧୯୨୯ ଓ ୧୯୩୧ରେ କାର୍ଯ୍ୟକାରୀ ହେଲା । ପରବର୍ତ୍ତୀ ପର୍ଯ୍ୟାୟରେ ଏହି ରେଳପଥ ତତ୍କାଳୀନ ବେଙ୍ଗଲ୍-ନାଗପୁର ରେଳପଥ ସହ ବିଲୟ ହୋଇଥିଲା ।^[୧] । ଭାରତ ସ୍ୱାଧୀନ ହେବାପରେ ଏହା ଉତ୍ତର-ପୂର୍ବ ରେଳପଥର ଅଂଶ ଭାବେ ଏହା ପରିଗଣିତ ହେଲା । ଏହି ଛୋଟ ଗେଜ୍ ରେଳପଥର ବିସ୍ତାର କରି ବ୍ରଡ୍ ଗେଜ୍ କରିବା ଉଦ୍ଦ୍ୟେଶରେ ପ୍ରଥମେ ୧୯୫୦ ମସିହା ଏବଂ ପରେ ୧୯୬୪ ଓ ୧୯୬୭ ମସିହାରେ ସର୍ଭେ କରାଯାଇଥିଲା । ତେବେ ୨୭ ନଭେମ୍ବର ୨୦୦୨ରେ ଏହି ବ୍ରଡ୍ ଗେଜ୍ ପରିବର୍ତ୍ତନ ପାଇଁ ଭିତ୍ତି ପ୍ରସ୍ତର ସ୍ଥାପନ କରାଗଲା । ୧, ଅପ୍ରିଲ୍ ୨୦୦୩ରେ ଏହି ରେଳପଥ ନବ ଗଠିତ ପୂର୍ବ ତଟ ରେଳପଥର ଅନ୍ତର୍ଭୁକ୍ତ ହେବା ସହ ୯ ଜୁନ ୨୦୦୪ରେ ବ୍ରଡ୍ ଗେଜ୍ ପରିବର୍ତ୍ତନ ପାଇଁ କାର୍ଯ୍ୟର ଶୁଭାରମ୍ଭ ହେଲା । ପରିଶେଷରେ, ୨୧ ଅଗଷ୍ଟ ୨୦୧୧ ଦିନ ବ୍ରଡ୍ ଗେଜ୍‌ରେ ପରିବର୍ତ୍ତିତ ଏହି ରେଳପଥରେ ପୁରୀ-ଗୁଣପୁର ପାସେଞ୍ଜର ଟ୍ରେନ ପ୍ରଥମ ଯାତ୍ରା ଆରମ୍ଭ କରିବା ସହ ପରିବର୍ତ୍ତିତ ବ୍ରଡ୍‌ ଗେଜ୍ ରେଳପଥରେ ରେଳଯାତ୍ରାର ଶୁଭାରମ୍ଭ ହେଲା ।^[୨]^[୩]

ସମୟ ସାରଣୀ

ବର୍ତ୍ତମାନ ଗୁଣପୁରକୁ ସଂଯୋଗ କରୁଥିବା ଏହି ରେଳପଥରେ ନିମ୍ନ ତିନୋଟି ପାସେଂଜର ଟ୍ରେନ୍ ଯାତାୟତ କରୁଅଛି ^[୪]।

58418 ଗୁଣପୁର - ପୁରୀ (ପାସେଞ୍ଜର)-ପ୍ରସ୍ଥାନ - ୦୬-୨୫ ସକାଳ
58505 ଗୁଣପୁର - ବିଶାଖାପାଟଣା (ପାସେଞ୍ଜର) ପ୍ରସ୍ଥାନ - ୧୨-୩୫ ଅପରାହ୍ଣ
58420 ଗୁଣପୁର - ପଲାସା-(ପାସେଞ୍ଜର) ପ୍ରସ୍ଥାନ - ୨୦-୪୫ ରାତ୍ରି

୨୩-୩-୨୦୧୭ ତାରିଖଠାରୁ ଗୂଣପୁର ରେଳ ଷ୍ଟେସନଠାରୁ ପ୍ରଥମ କରି ଦ୍ରୁତଗାମୀ ଯାତ୍ରୀବାହୀ ଏକ୍ସପ୍ରେସ ଭାବେ ୧୮୪୧୮/୧୮୪୧୭ ଗୁଣପୁର-ରାଉଲକେଲା ରାଜ୍ୟରାଣୀ ରେଳଗାଡି ଚଳାଚଳ ଆରମ୍ଭ କରିଥିଲା^[୫] । ଏହାଦ୍ୱାରା ଗୁଣୁପୁର ସିଧା ସଳଖା ଭାବରେ ଦ୍ରୁତଗାମୀ ଗାଡି ଯୋଗେ ଓଡ଼ିଶାର ଅନ୍ୟ ପ୍ରମୁଖ ସହର ବ୍ରହ୍ମପୁର, ଭୁବନେଶ୍ୱର, କଟକ, ଅନୁଗୋଳ, ସମ୍ବଲପୁର ତଥା ରାଉଲକେଲା ସହ ଯୋଡିହୋଇ ପାରିଲା ।

ଆଧାର

↑ "Parlakhimidi railway history".
↑ "Gauge conversion".
↑ "Gunupur-Puri train service starts, Rayagada elated".
↑ "GUNUPUR (GNPR) Railway Station Time Table". TRAINS PNR STATUS. Retrieved 21 July 2018.
↑ "Extension of Tri-weekly Rajyarani Express to Gunupur". United News of India (UNI). 18-03-2017. Retrieved 21 July 2018. {{cite news}}: Check date values in: |date= (help)

ବାହାର ତଥ୍ୟ

ଗୁଣପୁର ରଳ ଷ୍ଟେସନ ତଥ୍ୟ

ଏହି ପ୍ରସଙ୍ଗଟି ଅସମ୍ପୂର୍ଣ୍ଣ ଅଟେ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ ।

[1] "Parlakhimidi railway history".

[2] "Gauge conversion".

[3] "Gunupur-Puri train service starts, Rayagada elated".

[4] "GUNUPUR (GNPR) Railway Station Time Table". TRAINS PNR STATUS. Retrieved 21 July 2018.

[5] "Extension of Tri-weekly Rajyarani Express to Gunupur". United News of India (UNI). 18-03-2017. Retrieved 21 July 2018. {{cite news}}: Check date values in: |date= (help)

[୧]

[୨]

[୩]

[୪]

[୫]