ଗୌରାଙ୍ଗ ଚରଣ ଦାଶ

ଗୌରାଙ୍ଗ ଚରଣ ଦାଶ
ଜନ୍ମ ଓ ଜନ୍ମସ୍ଥାନ	(1956-07-07) ୭ ଜୁଲାଇ ୧୯୫୬ ଚାନ୍ଦପାଳ, କେନ୍ଦ୍ରାପଡ଼ା
ବୃତ୍ତି	ଅଧ୍ୟାପକ,କଥାକାର ଏବଂ ଗବେଷକ
ଭାଷା	ଓଡ଼ିଆ, ଇଂରାଜୀ
ଜାତୀୟତା	ଭାରତୀୟ
ସାହିତ୍ୟ କୃତି	ସଂସ୍କୃତି, ଜଗତୀକରଣ ଓ ମଞ୍ଚ ରାଜନୀତି
ପୁରସ୍କାର	ଓଡ଼ିଆ ସାହିତ୍ୟ ଏକାଡେମୀ ପୁରସ୍କାର (୨୦୦୮)

ଗୌରାଙ୍ଗ ଚରଣ ଦାଶ (ଜନ୍ମ: ୭ ଜୁଲାଇ ୧୯୫୬) ଜଣେ ଭାରତୀୟ ଓଡ଼ିଆ-ଭାଷୀ ଐତିହାସିକ ତଥା ଲେଖକ । ସେ ୨୦୦୮ ମସିହାରେ ସଂସ୍କୃତି, ଜଗତୀକରଣ ଓ ମଞ୍ଚ ରାଜନୀତି ପାଇଁ ପ୍ରବନ୍ଧ ଓ ସମାଲୋଚନା ବିଭାଗରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ପାଇଥିଲେ ।

ସଂକ୍ଷିପ୍ତ ଜୀବନୀ

ଗୌରାଙ୍ଗ ଚରଣ ଦାଶ କେନ୍ଦ୍ରାପଡ଼ା ଜିଲ୍ଲାରେ ଜନ୍ମଗ୍ରହଣ କରିଥିଲେ । ସେ ରେଭେନ୍ସା ମହାବିଦ୍ୟାଳୟରୁ ଓଡ଼ିଆରେ ସ୍ନାତକୋତ୍ତର, ସମ୍ବଲପୁର ବିଶ୍ୱବିଦ୍ୟାଳୟରରୁ ଏମ୍ ଫିଲ୍, ଉତ୍କଳ ବିଶ୍ୱବିଦ୍ୟାଳୟରୁ ପିଏଚ୍ ଡି ଡିଗ୍ରୀ ଲାଭ କରିଥିଲେ । ଓଡ଼ିଶା ଶିକ୍ଷା ସେବାରେ ଯୋଗ ଦେଇ ଦୀର୍ଘଦିନର ଅଧ୍ୟାପନା ପରେ ଅବସରପ୍ରାପ୍ତ । ଓଡ଼ିଶାର ପ୍ରାଚୀନ ଲୋକକଳା ସମ୍ପର୍କରେ ସେ ବ୍ୟାପକ ଆଲୋଚନା କରିଛନ୍ତି । ଏହା ବ୍ୟତୀତ ଅନେକ ଗଳ୍ପ, ଉପନ୍ୟାସ ଓ ସମାଲୋଚନା ତାଙ୍କ ଲେଖନୀ ନିସୃତ । ତାଙ୍କ ସମ୍ପାଦନାରେ ଗଡ଼ନାୟକ ଗ୍ରନ୍ଥାବଳୀ (୩ଖଣ୍ଡ), ଗୋପାଳ ଚନ୍ଦ୍ର ପ୍ରହରାଜ ଗ୍ରନ୍ଥାବଳୀ ପ୍ରକାଶ ପାଇଛି ।

ରଚନାବଳୀ

ଗଳ୍ପ

• ମୁଁ ଜମା ମରିବିନି ୧୯୮୯
• ନିର୍ମୋକ ୧୯୯୩
• ଷଷ୍ଠସତୀ ଓ ଅନ୍ୟମାନେ
• ଘର

ଉପନ୍ୟାସ

• କିଶୋପନିଷଦ ୧୯୯୮
• ଗୌତମର ଡାଏରୀ
• ଭବିଷ୍ୟ ଭାରତ

ପ୍ରବନ୍ଧ/ସମାଲୋଚନା

• ଲୋକନାଟ୍ୟ ପରମ୍ପରା ଓ କଣ୍ଢେଇ ନାଟ ୧୯୯୩
• ଗୋପାଳ ଚନ୍ଦ୍ର ପ୍ରହରାଜ ୧୯୯୫
• ଯଶୋବନ୍ତ ଦାସ
• ପୂର୍ବ-ଭାରତୀୟ ରୀତି ସାହିତ୍ୟ : ଏକ ଅଧ୍ୟୟନ ୧୯୯୮
• ଚରିତ ଓ ଚରିତ୍ର ୧୯୮୨
• ଓଡ଼ିଶାର ଥିଏଟର ୧୯୯୧
• ଧନୁଯାତ୍ରା ଓ ଅନ୍ୟାନ୍ୟ ପ୍ରବନ୍ଧ ୧୯୮୬
• ବିତର୍କ ଓ ବ୍ୟାଖ୍ୟାନ
• ଶୂନ୍ୟଦେହୀ, ଅଛ ଉଦେହୋଇ
• ଅହିଂସକ ଆୟୁଧ
• ଧର୍ମ ଚେତନାର ଭିନ୍ନ ସ୍ୱର
• ସାରସ୍ୱତ ସମସ୍ୟା ସମାଧାନ

ସମ୍ମାନ ଓ ପୁରସ୍କାର

• ୨୦୦୮: ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ପ୍ରବନ୍ଧ ଓ ସମାଲୋଚନା)
• ୧୯୮୩ ସମ୍ବଲପୁର ବିଶ୍ୱବିଦ୍ୟାଳୟରୁ ଭରତ ଚନ୍ଦ୍ର ନାୟକ ସ୍ମୃତି ପୁରସ୍କାର
• ୧୯୮୬ ଉତ୍କଳ ସାହିତ୍ୟ ସମାଜ ପକ୍ଷରୁ କୁଞ୍ଜ ବିହାରୀ ଉପନ୍ୟାସ ପୁରସ୍କାର
• ୧୯୯୪ ସାହିତ୍ୟ ବିଦ୍ୟା ପୁରସ୍କାର