ପଲିମ୍ୟାଲଜିଆ ରିଉମାଟିକା

Polymyalgia rheumatica
In polmyalgia rheumatica, pain is usually located in the shoulders and hips.
ବିଭାଗ	Rheumatology
ଲକ୍ଷଣ	Shoulder, neck and hip pain
ଆକ୍ରାନ୍ତ ସମୟ	Age greater than 50
ରୋଗ ନିର୍ଣ୍ଣୟ ପଦ୍ଧତି	Elevated inflammatory markers, CRP and ESR
ସଠିକ ରୋଗ ନିର୍ଣ୍ଣୟ	Myositis, giant cell arteritis
ଔଷଧ	Corticosteroids
Patient UK	Polymyalgia rheumatica

ପଲିମ୍ୟାଲଜିଆ ରିଉମାଟିକା ( PMR ) ହେଉଛି ଯନ୍ତ୍ରଣା କିମ୍ବା କଠିନତା ସହିତ ଏକ ଲକ୍ଷଣ ସମଷ୍ଟି ଯାହା ସାଧାରଣତଃ ବେକ, କାନ୍ଧ, ଉପର ବାହୁ ଏବଂ ନିତମ୍ବରେ ହୁଏ କିନ୍ତୁ ଏହା ସମଗ୍ର ଶରୀରରେ ହୋଇପାରେ । ଯନ୍ତ୍ରଣା ହଠାତ୍ ହୋଇପାରେ, କିମ୍ବା ଏକ ସମୟ ଅବଧିରେ ଧୀରେ ଧୀରେ ହୋଇପାରେ । ଏହି ରୋଗରେ ଅଧିକାଂଶ ଲୋକ ସକାଳେ ନିଜ ମାଂସପେଶୀରେ ଯନ୍ତ୍ରଣା ଅନୁଭବ କରନ୍ତି କିନ୍ତୁ ଅନେକ ବ୍ୟକ୍ତିଙ୍କର କେବଳ ସନ୍ଧ୍ୟା ସମୟରେ ଯନ୍ତ୍ରଣା ହୁଏ କିମ୍ବା ଦିନସାରା ଯନ୍ତ୍ରଣା ଏବଂ କଠିନତା ଦେଖାଯାଏ ।

ଯେଉଁମାନଙ୍କର ପଲିମ୍ୟାଲଜିଆ ରିଉମାଟିକା ଥିବା ଲୋକଙ୍କର ଟେମ୍ପୋରାଲ ଟେମ୍ପୋରାଲ ଆର୍ଟେରାଇଟିସ୍ ( ଜଏଣ୍ଟ୍ ସେଲ୍ ଆର୍ଟେରାଇଟିସ୍ ) ମଧ୍ୟ ହୋଇପାରେ, ଯେଉଁଥିରେ ମୁହଁରେ ରକ୍ତନାଳୀମାନଙ୍କର ପ୍ରଦାହ ହୁଏ ଯାହା ଶୀଘ୍ର ଚିକିତ୍ସା କରା ନ ଗଲେ ଅନ୍ଧତ୍ୱ ହୋଇପାରେ । ଯନ୍ତ୍ରଣା ଏବଂ କଠିନତା ଯୋଗୁ ଜୀବନ‌ଚର୍ଯ୍ୟାର ମାନ ହ୍ରାସ ପାଇପାରେ ଏବଂ ଏହା ଅବସାଦର କାରଣ ହୋଇପାରେ । ଏହା ଏକ ଭୁତାଣୁ କିମ୍ବା ଜୀବାଣୁ ଜନିତ ରୋଗ, କୌଣସି ପ୍ରକାରର ଆଘାତଦ୍ୱାରା ହୋଇପାରେ ବୋଲି ଅନୁମାନ କରାଯାଏ, କିନ୍ତୁ ଜେନେଟିକ୍ସ ମଧ୍ୟ ଏକ ଭୂମିକା ଥାଇପାରେ । ଉତ୍ତର ୟୁରୋପୀୟ ବଂଶଧରମାନେ ଏହି ରୋଗ ସଙ୍କଟରେ ଅଛନ୍ତି । କୌଣସି ନିର୍ଦ୍ଦିଷ୍ଟ ଲାବୋରେଟୋରୀ ପରୀକ୍ଷା ନଥିଲେ ମଧ୍ୟ ସି-ରିଆକ୍ଟିଭ୍ ପ୍ରୋଟିନ୍ (CRP) ଏବଂ ଏରିଥ୍ରୋସାଇଟ୍ ସେଡିମେଣ୍ଟେସନ ହାର (ESR) ପରୀକ୍ଷା ଫଳାଫଳ ଉପଯୋଗୀ ହୋଇପାରେ ।

ଏହି ରୋଗରେ ସାଧାରଣତଃ ପାଟିବାଟେ ଦିଆଯାଉଥିବା କର୍ଟିକୋଷ୍ଟେରଏଡ ସହିତ ଚିକିତ୍ସା କରାଯାଏ । ଅଧିକାଂଶ ଲୋକ ଦୁଇରୁ ତିନି ବର୍ଷ ପର୍ଯ୍ୟନ୍ତ କର୍ଟିକୋଷ୍ଟେରଏଡ୍ ଚିକିତ୍ସା ଜାରି ରଖିବା ଆବଶ୍ୟକ କରନ୍ତି । ଏହି ରୋଗ ବେଳେବେଳେ ଏକ କିମ୍ବା ଦୁଇ ବର୍ଷ ମଧ୍ୟରେ ସ୍ୱୟଂ ଭଲ ହୋଇଯାଏ, କିନ୍ତୁ ଔଷଧ ଏବଂ ନିଜସ୍ୱ ଯତ୍ନ ପଦକ୍ଷେପ ଯୋଗୁ ରୋଗର ଉନ୍ନତି ଘଟୁଥିବା ଦେଖାଯାଏ ।

ସନ ୧୯୬୬ରେ ପ୍ରଥମ ଥର ନିମନ୍ତେ ଏହାକୁ ନିୟୁ ୟୋର୍କର ମାଉଣ୍ଟ ସିନାଇ ଡାକ୍ତରଖାନାରେ ୧୧ ଜଣ ରୋଗୀମାନଙ୍କୁ ନେଇ ଏକ ନିର୍ଦ୍ଦିଷ୍ଟ ରୋଗ ଭାବରେ ଏକ ରିପୋର୍ଟ ଉପସ୍ଥାପିତ କରାଯାଇଥିଲା । ଏହାର ନାମକରଣ ଗ୍ରୀକ୍ ଶବ୍ଦ polyολυμυαλγία polymyalgiaରୁ ନିଆଯାଇଛି, ଯାହାର ଅର୍ଥ "ଅନେକ ମାଂସପେଶୀରେ ଯନ୍ତ୍ରଣା" ।

ଚିହ୍ନ ଏବଂ ଲକ୍ଷଣ

ବିଭିନ୍ନ ପ୍ରକାରର ଲକ୍ଷଣ ସୂଚାଇ ଦେଇପାରେ ଯେ ଜଣେ ବ୍ୟକ୍ତିଙ୍କର ପଲିମ୍ୟାଲଜିଆ ରିଉମାଟିକା ରୋଗ ଅଛି କି ନାହିଁ? ପ୍ରତିଷ୍ଠିତ ଲକ୍ଷଣଗୁଡିକ:

• ବେକ, କାନ୍ଧ, ଉପର ବାହୁ, ଜଙ୍ଘ ଏବଂ ନିତମ୍ବରେ ମଧ୍ୟମରୁ ଗମ୍ଭୀର ଯନ୍ତ୍ରଣା ଏବଂ କଠିନତା , ଯାହାକି କାର୍ଯ୍ୟକଳାପକୁ ପ୍ରତିରୋଧ କରିଥାଏ, ବିଶେଷତଃ ସକାଳେ / ଶୋଇବା ପରେ । ଊରୁସନ୍ଧି ଅଞ୍ଚଳରେ ଏବଂ ପିଚାରେ ଯନ୍ତ୍ରଣା ମଧ୍ୟ ହୋଇପାରେ । ଏହି କ୍ଷେତ୍ରଗୁଡିକ ମଧ୍ୟରୁ ଗୋଟିଏ ସ୍ଥାନରେ ଯନ୍ତ୍ରଣା ସୀମିତ ହୋଇପାରେ । ଏହା "ଗାର୍ଡଲ୍ସ"ର ଏକ ରୋଗ ଅର୍ଥାତ୍ କାନ୍ଧ (Shoulder girdle) ବା ପେଲଭିକ୍ ଗାର୍ଡଲ୍ (Pelvic girdle) ରୋଗ ।
• ଥକ୍କା ଏବଂ ଅରୁଚି (ସମ୍ଭବତଃ ଏହା ଯୋଗୁ ଓଜନ ହ୍ରାସ ହୋଇପାରେ)
• ରକ୍ତହୀନତା
• ଅସୁସ୍ଥତା କିମ୍ବା ଫ୍ଲୁ ପରି ଲକ୍ଷଣଗୁଡ଼ିକର ସାମଗ୍ରିକ ଅନୁଭବ ।
• ନିମ୍ନ ଧରଣର (ମୃଦୁ) ଜ୍ୱର କିମ୍ବା ଅସ୍ୱାଭାବିକ ତାପମାତ୍ରା ବେଳେବେଳେ ଦେଖାଯାଏ ।
• ଅଧିକାଂଶ ଲୋକଙ୍କର କ୍ରମାଗତ ଥକ୍କା, ଦୁର୍ବଳତା ଏବଂ ଶକ୍ତିହୀନ ଅନୁଭବ ହୁଏ ।

ପଲିମିମ୍ୟାଲଜିଆ ରିଉମାଟିକା ରୋଗରେ ଆକ୍ରାନ୍ତ ହୋଇଥିବା ପ୍ରାୟ ୧୫% ଲୋକଙ୍କର ମଧ୍ୟ ଟେମ୍ପୋରାଲ୍ ଆର୍ଟେରାଇଟିସ୍ ରୋଗ ଥାଏ ଓ ଟେମ୍ପୋରାଲ୍ ଆର୍ଟେରାଇଟିସ୍ ରୋଗୀଙ୍କ ମଧ୍ୟରୁ ପ୍ରାୟ ୫0% ଲୋକଙ୍କର ପଲିମ୍ୟାଲଜିଆ ରିଉମାଟିକା ଥାଏ । ଟେମ୍ପୋରାଲ୍ ଆର୍ଟେରାଇଟିସର କେତେକ ଲକ୍ଷଣ ମଧ୍ୟରେ ମୁଣ୍ଡବିନ୍ଧା, ସ୍କାଲ୍‌ପ ଦରଜ, ହନୁ ହାଡ଼ କିମ୍ବା ମୁଖର ଯନ୍ତ୍ରଣା, ବିକୃତ ଦୃଷ୍ଟିଶକ୍ତି, କିମ୍ବା ରକ୍ତ ପ୍ରବାହ ହ୍ରାସ ହେତୁ ଅଙ୍ଗ ପ୍ରତ୍ୟଙ୍ଗରେ ଯନ୍ତ୍ରଣା ଏବଂ ଥକାପଣ ଅନୁଭବ ହୁଏ ।

କାରଣ

ଏହି ରୋଗର କାରଣ ଭଲଭାବେ ବୁଝାପଡ଼ୁନାହିଁ । ପ୍ରଦାହିତ କୋଷ ଏବଂ ପ୍ରୋଟିନର କାର୍ଯ୍ୟକଳାପରୁ ଯନ୍ତ୍ରଣା ଏବଂ କଠିନତା ହୋଇଥାଏ ଯାହା ସାଧାରଣତଃ ଶରୀରର ରୋଗ-ପ୍ରତିରୋଧକ ପ୍ରଣାଳୀର ଏକ ଅଂଶ ଅଟେ ଏବଂ ପ୍ରଦାହକ କାର୍ଯ୍ୟକଳାପ ପ୍ରଭାବିତ ଗଣ୍ଠିର ଚାରିପାଖରେ ଥିବା ତନ୍ତୁମାନଙ୍କରେ ଏକତ୍ରିତ ହୋଇଥିବାର ଦେଖାଯାଏ । ଏହି ବ୍ୟାଧି ସମୟରେ ଶରୀରରେ ଥିବା ଶ୍ୱେତ ରକ୍ତ କଣିକା ଗଣ୍ଠିର ଅସ୍ତର ଉପରେ ଆକ୍ରମଣ କରି ପ୍ରଦାହ ସୃଷ୍ଟି କରେ । ଆନୁବଂଶିକ କାରକଗୁଡିକ ଜଣେ ବ୍ୟକ୍ତିର ପିଏମଆର ରୋଗ ବିକାଶ କରିବାର ସମ୍ଭାବନାରେ ଏକ ଭୂମିକା ଗ୍ରହଣ କରିଥାଏ । ଜେନେଟିକ୍ ସମ୍ବେଦନଶୀଳ ବ୍ୟକ୍ତିବିଶେଷଙ୍କଠାରେ ପ୍ରତିରକ୍ଷା ପ୍ରଣାଳୀକୁ ଭୂତାଣୁମାନେ ଉତ୍ତେଜିତ କରିଥାଆନ୍ତି ।

ସଂକ୍ରାମକ ରୋଗ ଏକ ସହାୟକ କାରକ ହୋଇପାରେ ।ହଠାତ୍ ଲକ୍ଷଣଗୁଡିକର ଆରମ୍ଭ ହେବା ସହିତ ଏହା ଆରମ୍ଭ ହେବା ଆଶା କରାଯାଏ । ଏଥି ସହିତ ଚକ୍ରାକାରରେ ଦେଖାଯାଉଥିବା ସାଧାରଣ ଜନତାଙ୍କ ନୂତନ ରୋଗୀ ପ୍ରାୟତଃ ଭୂତାଣୁ ସଂଯୋଗ ଯୋଗୁ ହୋଇପାରେ । ଅଧ୍ୟୟନଗୁଡିକ ଅସ୍ପଷ୍ଟ, କିନ୍ତୁ ଏହି ରୋଗ ପାଇଁ ସମ୍ଭାବ୍ୟ ଟ୍ରିଗର ଭାବରେ ଅନେକ ସାଧାରଣ ଜୀବାଣୁ ଚିହ୍ନଟ କରାଯାଇଥିଲା । ଏଥିରେ ଜଡ଼ିତ ଭୂତାଣୁ ମଧ୍ୟରେ ଆଡେନୋଭାଇରସ୍ ଅନ୍ୟତମ ଯାହା ଶ୍ୱାସକ୍ରିୟା ସଂକ୍ରମଣ କରିଥାଏ; ମାନବ ପାର୍ବୋଭାଇରସ୍ ବି ୧୯ (B19), ଏକ ସଂକ୍ରମଣ ଯାହା ପିଲାମାନଙ୍କୁ ପ୍ରଭାବିତ କରେ; ଏବଂ ମାନବ ପାରାଇନଫ୍ଲୁଏଞ୍ଜା ଭୂତାଣୁ ମଧ୍ୟ ଥାଏ । କେତେକ ପୀଡ଼ିତ ଚାପ ଯୋଗୁ ପିଏମଆର (PMR)ର ଆରମ୍ଭ ହେଉଥିବା ବର୍ଣ୍ଣନା କରନ୍ତି ।

ଏଚଏଲଏ-ଡିଆର୪ (HLA-DR4)ପ୍ରକାରର ମାନବ ଲ୍ୟୁକୋସାଇଟ୍ ଆଣ୍ଟିଜେନ୍ ଥିବା ବ୍ୟକ୍ତିମାନଙ୍କର ପଲିମ୍ୟାଲଜିଆ ରିଉମାଟିକା ହେବାର ଆଶଙ୍କା ଅଧିକ ଦେଖାଯାଏ |

ରୋଗ ନିର୍ଣ୍ଣୟ

ପଲିମ୍ୟାଲଜିଆ ରିଉମାଟିକା ନିର୍ଣ୍ଣୟ କରିବା ପାଇଁ କୌଣସି ନିର୍ଦ୍ଦିଷ୍ଟ ପରୀକ୍ଷା ନାହିଁ; ଅନ୍ୟାନ୍ୟ ଅନେକ ରୋଗ ମାଂସପେଶୀରେ ପ୍ରଦାହ ଏବଂ ଯନ୍ତ୍ରଣା ଦେଇପାରେ, କିନ୍ତୁ କିଛି ପରୀକ୍ଷା କରି ଯନ୍ତ୍ରଣାର କାରଣକୁ ସଂକୀର୍ଣ୍ଣ କରିବାରେ ସାହାଯ୍ୟ କରିଥାଏ । କାନ୍ଧର ଚଳନ ସୀମା, କିମ୍ବା କଚଟି କିମ୍ବା ହାତର ଗଣ୍ଠି ଫୁଲିଯିବା ଡାକ୍ତରଙ୍କ ଦ୍ୱରା ଉଲ୍ଲେଖ କରାଯାଇଛି । ରୋଗୀକୁ କରାଯାଇଥିବା ପ୍ରଶ୍ନର ଉତ୍ତର, ସାଧାରଣ ଶାରୀରିକ ପରୀକ୍ଷା, ଏବଂ ପରୀକ୍ଷଣର ଫଳାଫଳ ଡାକ୍ତରମାନଙ୍କୁ ଯନ୍ତ୍ରଣା ଏବଂ କଠିନତାର କାରଣ ନିର୍ଣ୍ଣୟ କରିବାରେ ସାହାଯ୍ୟ କରିଥାଏ ।

ସାଧାରଣତଃ ଏରିଥ୍ରୋସାଇଟ୍ ସେଡିମେଣ୍ଟେସନ୍ ହାର (ESR) ଗୋଟିଏ ରକ୍ତ ପରୀକ୍ଷା ହେଉଛି ଯାହାଦ୍ୱାରା ରୋଗୀର ଲାଲ ରକ୍ତ କଣିକା ଏକ ପରୀକ୍ଷା ଟ୍ୟୁବରେ କେତେ ଶୀଘ୍ର ସ୍ଥିର ହୁଏ ତାହା ମାପ କରିଥାଏ | ରକ୍ତ କଣିକା ଯେତେ ଶୀଘ୍ର ସ୍ଥିର ହୁଏ । ଇଏସଆର (ESR) ମୂଲ୍ୟ ଅଧିକ ହେବାର ଅର୍ଥ ହେଉଛି ପ୍ରଦାହ ଉପସ୍ଥିତ । ଅନ୍ୟାନ୍ୟ ଅନେକ ଅବସ୍ଥାରେ ଉଚ୍ଚତର ଇଏସଆର ସୃଷ୍ଟି ହୋଇପାରେ, ତେଣୁ କେବଳ ଏହି ପରୀକ୍ଷାଦ୍ୱରା ଜଣେ ବ୍ୟକ୍ତିଙ୍କର ପଲିମ୍ୟାଲଜିଆ ରିଉମାଟିକା ରୋଗ ଥିବା ପ୍ରମାଣିତ ହୁଏ ନାହିଁ ।

ରକ୍ତରେ ସି-ରିଆକ୍ଟିଭ୍ ପ୍ରୋଟିନ୍ (CRP)ର ସ୍ତର ଯାଞ୍ଚ କରୁଥିବା ଅନ୍ୟ ଏକ ପରୀକ୍ଷା ମଧ୍ୟ କରାଯାଇପାରେ । ଆଘାତ କିମ୍ବା ସଂକ୍ରମଣର ପ୍ରତିକ୍ରିୟାରେ ଯକୃତରୁ ସିଆରପି ଉତ୍ପନ୍ନ ହୁଏ ଏବଂ ପଲିମ୍ୟାଲଜିଆ ରିଉମାଟିକା ଥିବା ଲୋକମାନଙ୍କର ସାଧାରଣତଃ ଉଚ୍ଚ ସ୍ତର ଥାଏ । ତଥାପି ଇଏସାଆର ପରି, ଏହି ପରୀକ୍ଷା ମଧ୍ୟ ବହୁତ ନିଶ୍ଚିତ ନୁହେଁ ।

ପଲିମ୍ୟାଲଜିଆ ରିଉମାଟିକା ବେଳେବେଳେ ଟେମ୍ପୋରାଲ ଆର୍ଟେରାଇଟିସ୍ ସହିତ ଜଡ଼ିତ ହୋଇଥାଏ, ଯାହା ଏକ ଆକ୍ରମଣାତ୍ମକ ଚିକିତ୍ସା ଆବଶ୍ୟକ କରେ । ଏହି ଅତିରିକ୍ତ ରୋଗର ପରୀକ୍ଷା କରିବାକୁ , ଟେମ୍ପୋରାଲ ଧମନୀରୁ ଏକ ବାୟୋପସି ନମୁନା ନିଆଯାଇପାରେ ।

ଚିକିତ୍ସା

ପ୍ରେଡନିସୋନ ହେଉଛି ପିଏମଆର ପାଇଁ ପସନ୍ଦର ଔଷଧ ଏବଂ ଚିକିତ୍ସା ଅବଧି ଏକ ବର୍ଷରୁ ଅଧିକ ହୋଇପାରେ । ଯଦି ରୋଗୀ ୧୦–୨୦ମି:ଗ୍ରାର ପ୍ରଡନିସୋନ ତିନି ଦିନ ବ୍ୟବ‌ହାର କଲାପରେ ନାଟକୀୟ ଉନ୍ନତି ଅନୁଭବ କରନ୍ତି ନାହିଁ, ତେବେ ରୋଗ ଅନ୍ୟ କିଛି ହୋଇଥାଇପାରେ । ବେଳେବେଳେ ଅନେକ ଘଣ୍ଟା ମଧ୍ୟରେ ଲକ୍ଷଣରୁ ଆରାମ ମିଳିଥାଏ ।

ଏହି ରୋଗର ପ୍ରାରମ୍ଭିକ ଚିକିତ୍ସାରେ ଆଇବୁପ୍ରୋଫେନ (ibuprofen) ଭଳି ଅଣସ୍ଟିରଏ ଆଣ୍ଟି-ପ୍ରଦାହ ଔଷଧ (NSAIDs) ପ୍ରଭାବ ପକାଏ ନାହିଁ କିନ୍ତୁ ସେଗୁଡ଼ିକ କର୍ଟିକୋସ୍ଟିରଏଡର ସ‌ହାୟକ ଔଷଧ ଭାବରେ ବ୍ୟବହୃତ ହୋଇପାରେ ।

ଚିକିତ୍ସା ଚିକିତ୍ସା ସହିତ ରୋଗୀମାନଙ୍କୁ ବ୍ୟାୟାମ ଏବଂ ସ୍ୱାସ୍ଥ୍ୟକର ଖାଦ୍ୟ ଖାଇବାକୁ ଉତ୍ସାହିତ କରାଯାଏ ଯାହା ଏକ ଶକ୍ତିଶାଳୀ ପ୍ରତିରକ୍ଷା ପ୍ରଣାଳୀ ବଜାୟ ରଖିବା ଏବଂ ଦୃଢ଼ ମାଂସପେଶୀ ଏବଂ ହାଡ଼ ଗଠନ କରିବାରେ ସାହାଯ୍ୟ କରେ । ଫଳ, ପନିପରିବା, ପୁରା ଶସ୍ୟ, ଏବଂ କମ୍ ଚର୍ବିଯୁକ୍ତ ମାଂସ ଏବଂ ଦୁଗ୍ଧଜାତ ଦ୍ରବ୍ୟର ଖାଦ୍ୟ, ଅଧିକ ପରିମାଣର ବିଶୋଧିତ ଶର୍କରା ଏବଂ ଲୁଣ ଥିବା ଖାଦ୍ୟ ନ ଖାଇବା ପାଇଁ ପରାମର୍ଶ ଦିଆଯାଇଛି ।

ରୋଗାନୁଶୀଳନ

କେଉଁ ପରିସ୍ଥିତିରେ ଜଣେ ବ୍ୟକ୍ତି ପଲିମିୟାଲଜିଆ ରିମାଟିକା ପାଇବେ ତାହା ନିଶ୍ଚିତ ହୋଇନାହିଁ, କିନ୍ତୁ ଏହି ବ୍ୟାଧି ସହିତ କିଛି କାରକମାନଙ୍କର ସମ୍ପର୍କ ଦେଖିବାକୁ ମିଳେ ।

• ସାଧାରଣତଃ, ପିଏମଆର କେବଳ ୫୦ ବର୍ଷ ବୟସରୁ ଉର୍ଦ୍ଧ୍ୱ ଲୋକଙ୍କୁ ଆକ୍ରମଣ କରେ ।
• ପିଏମଆର ଥିବା ବ୍ୟକ୍ତିର ହାରାହାରି ବୟସ ପ୍ରାୟ ୭୦ ବର୍ଷ ଅଟେ ।
• ମହିଳାମାନେ ପୁରୁଷଙ୍କ ତୁଳନାରେ ଦୁଇଗୁଣ ଅଧିକ ପିଏମଆର ପାଇବା ସମ୍ଭାବନା ଥାଏ ।
• କ‌କେସିଆନମାନଙ୍କୁ ଏହି ରୋଗ ହେବାର ସମ୍ଭାବନା ଅଧିକ ଥାଏ । ଏହା ଉତ୍ତର ୟୁରୋପୀୟ ମୂଳ ଲୋକଙ୍କୁ ପ୍ରଭାବିତ କରିବାର ସମ୍ଭାବନା ଅଧିକ; ସ୍କାଣ୍ଡିନାଭିଆନମାନେ ବିଶେଷ ଭାବରେ ଅସୁରକ୍ଷିତ ।
• ଟେମ୍ପୋରାଲ୍ ଆର୍ଟେରାଇଟିସ୍ ରୋଗୀଙ୍କ ମଧ୍ୟରୁ ପ୍ରାୟ ୫୦% ଲୋକଙ୍କର ପଲିମିୟାଲଜିଆ ରିମାଟିକା ମଧ୍ୟ ଥାଏ |

ଏହାକୁ ମଧ୍ୟ ଦେଖନ୍ତୁ

• Remitting seronegative symmetrical synovitis with pitting edema

ବାହ୍ୟ ଲିଙ୍କ୍

• ପଲିମିୟାଲଜିଆ ରିମାଟିକା ଏବଂ ଜଏଣ୍ଟ ସେଲ୍ ଆର୍ଟେରାଇଟିସ୍ ବିଷୟରେ ପ୍ରଶ୍ନ ଏବଂ ଉତ୍ତର | Archived 2017-04-04 at the Wayback Machine. - ଆମେରିକାର ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଆର୍ଥ୍ରାଇଟିସ୍ ଏବଂ ମସ୍କୁଲୋସ୍କେଲେଟାଲ୍ ଏବଂ ଚର୍ମ ରୋଗ

ଶ୍ରେଣୀବିଭାଗ	ICD-10: M35.3 ICD-9-CM: 725 MeSH: D011111 DiseasesDB: 10331
ବାହାର ଉତ୍ସ	MedlinePlus: 000415 eMedicine: emerg/473 Patient UK: ପଲିମ୍ୟାଲଜିଆ ରିଉମାଟିକା