ଜାନ‌କୀ ସବେଶ

ଇଂରାଜୀ ଲିଙ୍କ

https://or.wikipedia.org/wiki/Janaki_Sabesh

ଜାନ‌କୀ ସବେଶ
ଜନ୍ମ	ବାଙ୍ଗାଲୋର, କର୍ଣ୍ଣାଟକ, ଭାରତ
ବୃତ୍ତି	ଅଭିନେତ୍ରୀ
ସକ୍ରିୟ ବର୍ଷ	୧୯୯୧– ଏବେଯାଏଁ

ଜାନ‌କୀ ସବେଶ ଜଣେ ଭାରତୀୟ କଥାଚିତ୍ର ଅଭିନେତ୍ରୀ । ସେ ମୁଖ୍ୟତଃ ତେଲୁଗୁ ଏବଂ ତାମିଲ କଥାଚିତ୍ରରେ ଅଭିନୟ କରନ୍ତି । ସେ ତାଙ୍କ ଚଳଚ୍ଚିତ୍ରମାନଙ୍କରେ ମୁଖ୍ୟତଃ ମାଆ ଭୂମିକାରେ ଅଭିନୟ କରିନ୍ତି ।

ପ୍ରାରମ୍ଭିକ ଜୀବନ

ଜାନ‌କୀ କର୍ଣ୍ଣାଟକର ବାଙ୍ଗାଲୋରଠାରେ ଜନ୍ମଗ୍ରହଣ କରିଥିଲେ । ସେ ତାଙ୍କର ବିଦ୍ୟାଳୟ ଶିକ୍ଷା ନୂଆ ଦିଲ୍ଲୀରୁ ଶେଷ କରିଥିଲେ । ପରେ ପରେ ସେ ଦିଲ୍ଲୀର ଜମିଆ ମିଲ୍ଲିଆରୁ ରାଜନୈତିକ ବିଜ୍ଞାନରେ ସ୍ନାତକ ଏବଂ ମାସ୍ କମୁନିକେସନ୍‌ରେ ମାଷ୍ଟର ଡିଗ୍ରୀ ହାସଲ କରିଥିଲେ ।

ଅଭିନୟ ଜୀବନ

୧୯୯୧ ମସିହାରେ ଜାନ‌କୀ ଏକ ଡକୁମେଣ୍ଟାରୀ ଚଳଚ୍ଚିତ୍ରରେ ସ‌ହକାରୀ ନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ । ରାଜୀବ ଗାନ୍ଧୀଙ୍କ ଉପରେ ନିର୍ମିତ ହୋଇଥିବା ଏହି ଡକୁମେଣ୍ଟରୀ ଚଳଚ୍ଚିତ୍ରର ନାମ ହେଉଛି India's Rajiv । ଏହାପରେ ୧୯୯୭ରେ ପ୍ରଭୁ ଦେବା, ଅରବିନ୍ଦ ସ୍ୱାମୀ ଏବଂ ହିନ୍ଦୀ କଥାଚିତ୍ର ଅଭିନେତ୍ରୀ କାଜଲଙ୍କ ଅଭିନୀତ ତାମିଲ ଚଳଚ୍ଚିତ୍ର ମିନ୍ସର କନୁଭାରେ ପ୍ରଥମ ଅଭିନୟ ଆରମ୍ଭ କରିଥିଲେ । ଏହି ଚଳଚ୍ଚିତ୍ରରେ ସେ ଜଣେ ନନ୍ ଭୂମିକାରେ ଅଭିନୟ କରିଥିଲେ । ଏହା ପରେ ପରେ ସେ ଐଶ୍ୱର୍ଯ୍ୟା ରାୟଙ୍କ ମାଆ ଭୂମିକାରେ ଅନ୍ୟ ଏକ ତାମିଲ ଚଳଚ୍ଚିତ୍ର ଜିନ୍ସରେ ଅଭିନୟ କରିଥିଲେ । ତା ପରଠାରୁ ସେ ପ୍ରାୟତଃ ନାୟକ ନାୟିକାମାନଙ୍କର ମାଆ ଭୂମିକାରେ ଅଭିନୟ କରିଛନ୍ତି । ଜାନ‌କୀ ପାଖାପାଖି ୨୫ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଛନ୍ତି । ସୂର୍ଯ୍ୟ ଶିବକୁମାରଙ୍କର ଅଭିନୀତ ଚଳଚ୍ଚିତ୍ର ସିଙ୍ଘମର ତିନୋଟିଯାକ ସଂସ୍କରଣରେ ସେ ନାୟିକାଙ୍କର ମାଆ ଭାବରେ ଏକ ବିଶେଷ ପରିଚୟ ପାଇଥିଲେ । ସେ ୟୁଟ୍ୟୁବ୍‌ରେ "Black Sheep" ନାମକ ଏକ ଧାରାବାହିକରେ ମଧ୍ୟ ଅଭିନୟ କରିଛନ୍ତି ।

ଜାନ‌କୀ ମଧ୍ୟ ଫେସବୁକରେ "Golpo - Tales Unlimited" ନାମକ ଗୋଟିଏ ପୃଷ୍ଠାରେ କିଛି ଗପ ଲେଖି ଅପଲୋଡ଼ କରନ୍ତି । ଏହି ପୃଷ୍ଠାଟିର ଶୀର୍ଷକର ଅର୍ଥ ଓଡ଼ିଆରେ ହେଉଛି ଗଳ୍ପ । ଏହା ହେଉଛ ଏକ ବଙ୍ଗାଳୀ ଶବ୍ଦ । ତାଙ୍କର ଏହି ଲେଖାଗୁଡ଼ିକ ମଧ୍ୟରେ ଗୀତ, କାହାଣୀ ଏବଂ କିଛି ସାମାଜିକ କଥାକୁ ନେଇ ବର୍ଣ୍ଣିତ ହୋଇଥାଏ ।

ଅଭିନୀତ କଥାଚିତ୍ର

ବର୍ଷ	ଚଳଚ୍ଚିତ୍ର	ଭୂମିକା	ଭାଷା
୧୯୯୭	Minsaara Kanavu	ନନ୍	ତାମିଲ
୧୯୯୮	Jeans	ମଧୁମିତାର ମାଆ	ତାମିଲ
୧୯୯୯	Jodi	ଅତିଥି କଳାକାର	ତାମିଲ
୨୦୦୧	Kushi	ଜେନିଫରର ମାଆ	ତାମିଲ
୨୦୦୧	Kushi	ସିଦ୍ଧାର୍ଥର ମାଆ	ତେଲୁଗୁ
	Minnale	ରାଜିବ ସାମୁଏଲର ମାଆ	ତାମିଲ
	Poovellam Un Vasam	ଚିନ୍ନାର ମାଆ	ତାମିଲ
୨୦୦୨	Run	ଶିବାର ମାଆ	ତାମିଲ
୨୦୦୩	Boys	ରେଣୁକା	ତାମିଲ
	Enakku 20 Unakku 18	ଅତିଥି କଳାକାର	ତାମିଲ
	Nee Manasu Naaku Telusu	ଅତିଥି କଳାକାର	ତେଲୁଗୁ
୨୦୦୪	Ghilli	ଶ୍ରବଣର ମାଆ	ତାମିଲ
	Vaanam Vasappadum	ପୁଙ୍ଗକୋଥାଇର ମାଆ	ତାମିଲ
୨୦୦୬	Vettaiyaadu Vilaiyaadu	ଜାନ‌କୀ	ତାମିଲ
୨୦୦୭	Shankar Dada Zindabad	ସାଦାର ମାଆ	ତେଲୁଗୁ
୨୦୦୮	Dhaam Dhoom		ତାମିଲ
୨୦୦୯	Ayan		ତାମିଲ
୨୦୧୦	Singam	କାବ୍ୟାର ମାଆ	ତାମିଲ
	Maro Charitra		ତେଲୁଗୁ
୨୦୧୧	Nootrenbadhu	ଆନ୍ନାଲକ୍ଷ୍ମୀ	ତାମିଲ
	180 Rules	ଅର୍ଣ୍ଣପୂର୍ଣ୍ଣା	ତେଲୁଗୁ
୨୦୧୨	Billa 2	ଡେଭିଡ୍‌ର ଭଉଣୀ	ତାମିଲ
୨୦୧୩	Singam 2	କାବ୍ୟାର ମାଆ	ତାମିଲ
୨୦୧୪	Poojai	ଦିବ୍ୟାର ମାଆ	ତାମିଲ
୨୦୧୭	Si3	କାବ୍ୟାର ମାଆ	ତାମିଲ