ହାଡ଼ଭଙ୍ଗା

ଉଇକିପିଡ଼ିଆ‌ରୁ


ହାଡ଼ଭଙ୍ଗା
ବିଜ୍ଞାନଭିତ୍ତିକ ଶ୍ରେଣୀବିଭାଗ
ଜଗତ: Plantae
ଅଶ୍ରେଣୀକୃତ: Angiosperms
ଅଶ୍ରେଣୀକୃତ: Eudicots
ଅଶ୍ରେଣୀକୃତ: Rosids
ଗଣ: Vitales
କୁଳ: Vitaceae
ପ୍ରଜାତି: Cissus
ଜାତି: C. quadrangularis
ବାଇନୋମିଆଲ ନାମ
Cissus quadrangularis
Synonyms

Cissus quadrangula
Vitis quadrangularis

ହାଡ଼ଭଙ୍ଗା ଏକ ଲତା ଜାତୀୟ ଉଦ୍ଭିଦ । ଏହା କୌଣସି ଗଛର ସାହାଯ୍ୟରେ ବଢ଼ିଥାଏ । ହାଡ଼ର ଗଣ୍ଠିପରି ଏଥିରେ ପବ ରହିଥିବାରୁ ଲୋକେ ଏହାକୁ ହାଡ଼ଭଙ୍ଗା କହିଥାନ୍ତି । ଏଇ ଲଟାଟି ଅନ୍ୟ ଲଟାପରି ସରୁ ନୁହେଁ, ବୁଢ଼ାଆଙ୍ଗୁଳି ମୋଟର । ପ୍ରତ୍ୟେକ ପବ ମୂଳରେ ଛୋଟ ଛୋଟ ପବଥାଏ । ଏହାକୁ କେହି କହେ ଅଇରି ବୋଲି ମଧ୍ୟ କହିଥାନ୍ତି । ଏହା ଭଙ୍ଗା ହାଡ଼କୁ ଯୋଡ଼ିପାରେ ବୋଲି ଏହାକୁ ଲୋକେ ହାଡ଼ଭଙ୍ଗା କହିଥାନ୍ତି ।

ବିବିଧ ଭାରତୀୟ ପ୍ରାଦେଶିକ ନାମ[ସମ୍ପାଦନା]

ପ୍ରାଦେଶିକ ଭାଷା ନାମ
ଓଡ଼ିଆ ହାଡ଼ଭଙ୍ଗା, ଅଇରି
ସଂସ୍କୃତ ବଜ୍ରାଙ୍ଗୀ, ଅସ୍ଥିଶୃଙ୍ଖଳ, ଅସ୍ଥିସଂହାର, ଗଣ୍ଠିଅନା, ଗ୍ରନ୍ଥିମନ ଓ ଅସ୍ଥିଯୋଜ୍ୟା
ହିନ୍ଦୀ ହରଶଙ୍କରୀ, ହରଲଙ୍ଘାରି, ହରଯୋଡ଼ି, ହରସଙ୍ଖାରି हरशंकरी, हरलंघारि
ତେଲୁଗୁ ନାଲ୍ଲଦ, ନଲ୍ଲଦ నల్లద, నాల్లద
ବଙ୍ଗଳା ହାଡଯୋଡା হাডযোডা

ଶାସ୍ତ୍ରୋକ୍ତ ଗୁଣ[ସମ୍ପାଦନା]

କଟୁ ତିକ୍ତ ରସ। ଭଗ୍ନ ସଂଯୋଜକ, କୃମିଘ୍ନ, ପାଚକ, ମଳଭେଦକ, ଲଘୁ, ରୁକ୍ଷ, କୃମି, ଅର୍ଶ, ଚକ୍ଷୁରୋଗ, ବାତଶ୍ଳେଷ୍ମ, ଭଗ୍ନସ୍ଥାନର ପୀଡ଼ା ନିବାରକ। ମାତ୍ରା ଚାରି ଅଣାରୁ ଆଠ ଅଣା।

ବ୍ୟବହାର[ସମ୍ପାଦନା]

ଔଷଧୀୟ[ସମ୍ପାଦନା]

ଏହାର ସର୍ବାଙ୍ଗକୁ ଔଷଧ ରୂପରେ ବ୍ୟବହାର କରାଯାଏ।

  • ଏହି ଲତାକୁ କଞ୍ଚା ଅବସ୍ଥାରେ ବାଟି ଭାଙ୍ଗିଯାଇଥିବା ସ୍ଥାନରେ ଲେପଦେଇ କନାରେ ପଟି ବାନ୍ଧିଦେଲେ ହାଡ଼ ଯୋଡ଼ି ହୋଇଯାଏ।
  • ହାଡ଼ଭଙ୍ଗା ରସରେ ଶୁଣ୍ଠୀସୈନ୍ଧବଲବଣ ଚୂର୍ଣ୍ଣ ମିଶାଇ ସେବନକଲେ ନୂତନ ଓ ପୁରାତନ ଆମବାତ ଦୂରହୁଏ।
  • ଏହାର ଲତାକୁ ବାଟି ଗରମ କରି ଉଷୁମ ଅବସ୍ଥାରେ ଦେହର କୌଣସି ବି ଫୁଲା ଜାଗାରେ ଲଗାଇ ପଟି ବାନ୍ଧିଲେ ତାହା ଭଲ ହୁଏ।
  • ଏହାକୁ କଞ୍ଚା ଚିକ୍କଣ ବାଟି ଗାଈ ଲହୁଣୀ କିମ୍ବା କଞ୍ଚା ଗାଈଦୁଧ ସହିତ ସକାଳୁ ସେବନ କଲେ ଅର୍ଶରୋଗ ଭଲ ହୁଏ।
  • କାଗିଜିଲେମ୍ବୁ ରସରେ ଏହାର ରସକୁ ମିଶାଇ ସେବନ କଲେ କର୍ଣ୍ଣ ବଧିରତା ଦୂରହୁଏ।
  • ପିଲାମାନଙ୍କ କୃମିରେ ହାଡ଼ଭଙ୍ଗାର କ୍ୱାଥରେ ଅଳ୍ପ ପିପ୍ପଳୀ ଚୂର୍ଣ୍ଣ ମିଶାଇ ସେବନ କଲେ ଉପକାର ମିଳେ।
  • ହାଡ଼ଭଙ୍ଗା ରସରେ କଞ୍ଚା ଗାଈଦୁଧ ମିଶାଇ ସେବନ କଲେ ବାହ୍ୟିକ ଓ ଆଭ୍ୟନ୍ତରିକ କୃମି, ଅର୍ଶ, କଣ୍ଡୁ, ଦଦ୍ରୁ, ବ୍ରଣ, କ୍ଷତ ଆଦି ନିବାରିତ ହୁଏ।
  • ହାଡ଼ଭଙ୍ଗାକୁ ଜଳରେ ସିଝାଇ ଉଷୁମ ଥାଉଁ ଥାଉଁ ସେହି ଜଳରେ ସେକଦେଲେ ଆଘାତ ଜନିତ ବେଦନା ଓ ଫୁଲା ନିବାରିତ ହୁଏ।
  • ଗବମୂଳ, ବେଗୁନିଆଁ ପତ୍ର ଓ ହାଡ଼ଭଙ୍ଗା ଏ ତିନି ଦ୍ରବ୍ୟକୁ ସମାନ ଭାଗରେ ନେଇ ଜଳରେ ସିଝାଇ ସେହି ଜଳ ଅଧା ରହିଲେ ଉଷୁମ ଉଷୁମ ସେକଦେଲେ ଆଣ୍ଠୁଗଣ୍ଠି ଫୁଲା, ଦରଜ, ଆମବାତ, କଟିବାତ, ଗୃଧ୍ରସି ବାତ ଆଦି ଦୂରହୁଏ।

ବାହାର ଆଧାର[ସମ୍ପାଦନା]

  • ବନୌଷଧି ବିଜ୍ଞାନ. କୃଷ୍ଣବ୍ରହ୍ମା ଶତପଥି. ଧର୍ମଗ୍ରନ୍ଥ ଷ୍ଟୋର, ଅଲିଶା ବଜାର, କଟକ