ସୁବାସିନୀ ଜେନା

ଇଂରାଜୀ ଲିଙ୍କ

https://or.wikipedia.org/wiki/Subasini_Jena

ସୁବାସିନୀ ଜେନା
ବିଧାୟକ: ୧୭ଶ ଓଡ଼ିଶା ବିଧାନ ସଭା
କାର୍ଯ୍ୟକାଳ ୫ ଜୁନ ୨୦୨୪ – ଏବେଯାଏଁ
ପୂର୍ବ ଅଧିକାରୀ	ନିତ୍ୟ‍ାନନ୍ଦ ସାହୁ
ନିର୍ବାଚନ ମଣ୍ଡଳୀ	ବସ୍ତା
ବ୍ୟକ୍ତିଗତ ସବିଶେଷ
ଜନ୍ମ	୧୯୬୭
ନାଗରିକତା	ଭାରତୀୟ
ଜାତୀୟତା	ଭାରତୀୟ
ରାଜନୀତିକ ଦଳ	ବିଜୁ ଜନତା ଦଳ
ଜୀବନ ସାଥୀ	ରବିନ୍ଦ୍ର କୁମାର ଜେନା
ବୃତ୍ତି	ରାଜନୀତିଜ୍ଞ

ସୁବାସିନୀ ଜେନା (ଜନ୍ମ: ୧୯୬୭) ଜଣେ ଓଡ଼ିଆ ରାଜନୀତିଜ୍ଞ ତଥା ପତ୍ରିକା ସମ୍ପାଦିକା । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ କାର୍ଯ୍ୟ କରୁଛନ୍ତି । ୨୦୨୪ ମସିହାରେ ଓଡ଼ିଶାରେ ହୋଇଥିବା ବିଧାନ ସଭା ନିର୍ବାଚନରେ ସେ ୧୭ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।

ଜନ୍ମ, ପରିବାର ଓ ଶିକ୍ଷା

ସୁବାସିନୀ ୧୯୬୭ ମସିହାରେ ବାଲେଶ୍ୱର ଜିଲ୍ଲାରେ ଜନ୍ମଗ୍ରହଣ କରିଥିଲେ । ସେ ୧୯୮୬ ମସିହାରେ ବାଲେଶ୍ୱର ସ୍ଥିତ ଫକୀର ମୋହନ ମହାବିଦ୍ୟାଳୟରୁ କଳାରେ +୨ ପଢ଼ିଥିଲେ । ସେ ରାଜନେତା ତଥା ବ୍ୟବସାୟୀ ରବିନ୍ଦ୍ର କୁମାର ଜେନାଙ୍କୁ ବିବାହ କରିଛନ୍ତି, ଯିଏକି ପୂର୍ବରୁ ଜଣେ ସାଂସଦ ଭାବରେ କାର୍ଯ୍ୟ କରିଛନ୍ତି ।

ରାଜନୈତିକ ଜୀବନ

ସୁବାସିନୀ ଓଡ଼ିଶା ରାଜନୀତିରେ ବିଜୁ ଜନତା ଦଳର କର୍ମୀ ଭାବରେ ସକ୍ରିୟ ଅଛନ୍ତି । ୨୦୨୪ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ, ସେ ବିଜେଡିର ପ୍ରାର୍ଥୀ ଭାବରେ ବସ୍ତା ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ, ସେ ସମୁଦାୟ ୮୩,୩୧୪ ଖଣ୍ଡ ଭୋଟ୍ ପାଇଥିଲେ ଏବଂ ତାଙ୍କର ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜାତୀୟ କଂଗ୍ରେସର ପାର୍ଥୀ ବିଜନ ନାୟକଙ୍କୁ ୨୦,୩୭୭ ଖଣ୍ଡ ଭୋଟ୍‌ରେ ପରାସ୍ତ କରି ୧୭ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।

ଭାରତୀୟ ନିର୍ବାଚନ କମିଶନଙ୍କ ପାଖରେ ଦାଖଲ କରାଯାଇଥିବା ତଥ୍ୟ ଅନୁସାରେ, ସେ ୨୦୨୪ ଓଡ଼ିଶା ବିଧାନ ସଭା ନିର୍ବାଚନରେ ବିଜୟୀ ହୋଇଥିବା ତୃତୀୟ ଧନଶାଳୀ ବ୍ୟକ୍ତିତ୍ୱ, ଯାହାଙ୍କ ପାଖରେ ସମୁଦାୟ ୧୩୫ କୋଟିରୁ ଅଧିକ ସମ୍ପତ୍ତି ଅଛି ।