ସମୀପଦୃଷ୍ଟି

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ସମୀପଦୃଷ୍ଟି
ପ୍ରତିଶବ୍ଦ - (ଇଂରାଜୀ ଭାଷାରେ) myopia, short-sightedness, near-sighted
Myopia.gif
ସମୀପଦୃଷ୍ଟି ଥିଲେ ଦୃଷ୍ଟିର ପରିବର୍ତ୍ତନ କିପରି ହୁଏ, ଦେଖାଯାଇଛି ।
ଶ୍ରେଣୀବିଭାଗ ଓ ବାହାର ସ୍ରୋତ
ସ୍ପେଶାଲିଟି Ophthalmology
ଆଇସିଡ଼ି-୧୦ H52.1
ଆଇସିଡ଼ି-୯-ସିଏମ୍ 367.1
ରୋଗ ଡାଟାବେସ 8729
ମେଡ଼ିସିନ-ପ୍ଲସ 001023
MeSH D009216

ସମୀପଦୃଷ୍ଟି (ଇଂରାଜୀ ଭାଷାରେ Near-sightedness ବା myopia) ଏକ ପ୍ରକାର ଦୃଷ୍ଟି ଦୋଷ ଯେଉଁଥିରେ ଆଲୋକ ରେଖାମାନ ଚକ୍ଷୁରେ ପ୍ରବେଶ କରିବା ପରେ ରେଟିନା/ନେତ୍ରପଟଳ ଉପରେ ଫୋକସ୍ ନ ହୋଇ ତା' ସମ୍ମୁଖରେ ଫୋକସ୍ ହୁଅନ୍ତି । [୧] ଫଳରେ ଦୂରରେ ଥିବା ବସ୍ତୁ ଝାପସା (blurry) ଦେଖାଯାଏ, କିନ୍ତୁ ପାଖରେ ଥିବା ବସ୍ତୁ ସାଧାରଣ ଦେଖାଯାଏ । ମୁଣ୍ଡବଥାଚକ୍ଷୁ କ୍ଳେଶ (eye strain) ଇତ୍ୟାଦି ଅନ୍ୟାନ୍ୟ ଲକ୍ଷଣମାନ ଦେଖାଯାଏ ।[୧] ସମୀପଦୃଷ୍ଟି ସାଂଘାତିକ ହୋଇଥିଲେ ନେତ୍ରପଟଳ ସ୍ଖଳନ, ପରଳଗ୍ଲକୋମା ହେବା ସଙ୍କଟ ଅଧିକ ରହେ ।[୨]

ଉଭୟ ଜେନେଟିକ ଓ ପରିବେଶ କାରକମାନଙ୍କ ଯୋଗୁ ଏହି ରୋଗ ହେଉଥିବା ବିଶ୍ୱାସ କରାଯାଏ ।[୨] ପରିବାରରେ ଏହି ରୋଗ ଥିବାର ଇତିହାସ, ଅଧିକ ସମୟ ଗୃହରେ ରହିବା ଓ କୌଣସି ବସ୍ତୁକୁ ନିରୀକ୍ଷଣ କରି କର୍ମ କରୁଥିବା ଲୋକର ଏହି ରୋଗ ସଙ୍କଟ ଅଧିକ ରହେ । [୨][୩] ଉଚ୍ଚ ସାମାଜିକ-ଅର୍ଥନୈତିକ ଶ୍ରେଣୀର ଲୋକଙ୍କଠାରେ ଏହା ଅଧିକ ଦେଖାଯାଏ ।[୨] ଏହି ଚକ୍ଷୁ ଦୋଷର ଅନ୍ତର୍ନିହିତ କାର୍ଯ୍ୟପ୍ରଣାଳୀରେ ଚକ୍ଷୁ ଡୋଳା ଅଧିକ ଲମ୍ବା ଥିବା ଓ ଅଳ୍ପ କେତେକ କ୍ଷେତ୍ରରେ ଚକ୍ଷୁର ଯବକାଚ (lens) ଅଧିକ ଶକ୍ତ ଥିବା ଦେଖାଯାଏ ।[୧][୪] ଏହା ଏକ ପ୍ରକାର ଚକ୍ଷୁ ପ୍ରତିସରଣ ଦୋଷଚକ୍ଷୁ ପରୀକ୍ଷା କରି ଏହି ରୋଗ ନିର୍ଣ୍ଣୟ କରାଯାଏ ।[୧]

ପିଲାମାନେ ଅଧିକ ସମୟ ବାହାରେ ରହିଲେ ସମୀପଦୃଷ୍ଟି ପ୍ରତିରୋଧ କରିହେବାର ଏକ ଅନିଶ୍ଚିତ ପ୍ରମାଣ ମିଳୁଛି ।[୫][୬] ଏହା ପ୍ରାକୃତିକ ଆଲୋକ ସଂସ୍ପର୍ଶରେ ଆସୁଥିବା ଯୋଗୁ ହୋଇପାରେ ।[୭] ଚଷମା, କଣ୍ଟାକ୍ଟ ଲେନ୍ସ ବା ଅପରେଶନ କରି ଏହି ଦୋଷକୁ ସଜାଡ଼ି ହୁଏ । ଚଷମା ଏକ ନିରାପଦ ଓ ସ‌ହଜ ଉପାୟ । କଣ୍ଟାକ୍ଟ ଲେନ୍ସ ବ୍ୟବ‌ହାର କଲେ ସଂକ୍ରମଣର ସମ୍ଭାବନା ଥାଏ । ରିଫ୍ରାକ୍ଟରି ଅପରେଶନ (Refractive surgery) କରି ସ୍ୱଚ୍ଛ ପଟଳ ବା କର୍ନିଆ ଆକୃତିର ସ୍ଥାୟୀ ପରିବର୍ତ୍ତନ କରିହୁଏ । [୧]

ସମୀପଦୃଷ୍ଟି ଦୋଷ ଏକ ସାଧାରଣ ସମସ୍ୟା ଓ ଜନସଂଖ୍ୟାର ୨୨% ବା ୧.୫ ବିଲିଅନ ଲୋକଙ୍କର ସମସ୍ୟା ।[୨][୮] ପୃଥିବୀର ବିଭିନ୍ନ ସ୍ଥାନରେ ଏହି ରୋଗ ହାର ପରିବର୍ତ୍ତିତ ଥାଏ ।[୨] ବ‌ୟଃପ୍ରାପ୍ତ ଲୋକଙ୍କ ଏହି ରୋଗ ହାର ୧୫ରୁ ୪୯% ।[୩][୯] ପୁରୁଷ ଓ ମହିଳାଙ୍କର ସମ ଭାବରେ ଏହି ରୋଗ ହୁଏ ।[୯] ଗ୍ରାମୀଣ ନେପାଳରେ ୧.୨%, ଦକ୍ଷିଣ ଆଫ୍ରିକାରେ ୪%, ଆମେରିକାରେ ୧୨% ଓ ଚୀନ ଦେଶରେ ୩୭% ଲୋକଙ୍କୁ ଏହି ରୋଗ ହୁଏ ।[୨][୩] ଏହି ରୋଗ ହାର ସନ ୧୯୫୦ରୁ ବୃଦ୍ଧି ପ୍ରାପ୍ତ ହୋଇଚାଲିଛି ।[୯] ଅନ୍ଧତ୍ୱର କାରଣ ରୁପେ ପୃଥିବୀରେ ଅଣଚିକିତ୍ସିତ ସମୀପ ଦୃଷ୍ଟି ସ‌ହିତ ପରଳ, ଭିଟାମିନ ଏ ଅଭାବ, ମାକୁଲାର ଡିଜେନେରେସନ ଇତ୍ୟାଦି ଗଣ୍ୟ ହୁଏ ।[୯]

ଆଧାର[ସମ୍ପାଦନା]

  1. ୧.୦ ୧.୧ ୧.୨ ୧.୩ ୧.୪ "Facts About Refractive Errors". NEI. October 2010. Retrieved 30 July 2016. 
  2. ୨.୦ ୨.୧ ୨.୨ ୨.୩ ୨.୪ ୨.୫ ୨.୬ Foster, PJ; Jiang, Y (February 2014). "Epidemiology of myopia.". Eye (London, England) 28 (2): 202–8. doi:10.1038/eye.2013.280. PMC 3930282. PMID 24406412. 
  3. ୩.୦ ୩.୧ ୩.୨ Pan, CW; Ramamurthy, D; Saw, SM (January 2012). "Worldwide prevalence and risk factors for myopia.". Ophthalmic & physiological optics : the journal of the British College of Ophthalmic Opticians (Optometrists) 32 (1): 3–16. doi:10.1111/j.1475-1313.2011.00884.x. PMID 22150586. 
  4. Ledford, Al Lens, Sheila Coyne Nemeth, Janice K. (2008). Ocular anatomy and physiology (2nd ed. ed.). Thorofare, NJ: SLACK. p. 158. ISBN 9781556427923. 
  5. Ramamurthy D, Lin Chua SY, Saw SM (2015). "A review of environmental risk factors for myopia during early life, childhood and adolescence". Clinical & Experimental Optometry (Review) 98 (6): 497–506. doi:10.1111/cxo.12346. PMID 26497977. 
  6. French, AN; Ashby, RS; Morgan, IG; Rose, KA (September 2013). "Time outdoors and the prevention of myopia.". Experimental eye research 114: 58–68. doi:10.1016/j.exer.2013.04.018. PMID 23644222. 
  7. Hobday, R (January 2016). "Myopia and daylight in schools: a neglected aspect of public health?". Perspectives in public health 136 (1): 50–5. doi:10.1177/1757913915576679. PMID 25800796. 
  8. Holden, B; Sankaridurg, P; Smith, E; Aller, T; Jong, M; He, M (February 2014). "Myopia, an underrated global challenge to vision: where the current data takes us on myopia control.". Eye (London, England) 28 (2): 142–6. doi:10.1038/eye.2013.256. PMC 3930268. PMID 24357836. 
  9. ୯.୦ ୯.୧ ୯.୨ ୯.୩ Pan, CW; Dirani, M; Cheng, CY; Wong, TY; Saw, SM (March 2015). "The age-specific prevalence of myopia in Asia: a meta-analysis.". Optometry and vision science : official publication of the American Academy of Optometry 92 (3): 258–66. doi:10.1097/opx.0000000000000516. PMID 25611765.