ମିକୋ

ଉଇକିପିଡ଼ିଆ‌ରୁ
କାମୋ ନଦୀ ପାର୍ଶ୍ୱରେ ମିକୋମାନେ ଶିଣ୍ଟୋ ନୀତି କରୁଛନ୍ତି ।

ଶିଣ୍ଟୋଶାଳରେ କାର୍ଯ୍ୟରତ ସ୍ତ୍ରୀ ଲୋକ[୧][୨] କିମ୍ବା ଅତିରିକ୍ତ ନାରୀ ପୂଜକଙ୍କୁ[୩] ମିକୋ (巫女) କୁହାଯାଏ । ଅତୀତରେ ମିକୋମାନଙ୍କୁ ଶମନବାଦୀ ପରି ଦେଖାଯାଉଥିଲା, କିନ୍ତୁ ଆଧୁନିକ ଜାପାନୀ ସମାଜରେ ମିକୋ ଏବେ ଏକ ଆନୁଷ୍ଠାନିକ, ଧାର୍ମିକ ପଦବୀରେ ପରିଣତ ହୋଇଛି ଯାହାର କାର୍ଯ୍ୟ ପାରମ୍ପରିକ କାଗୁରା ନୃତ୍ଯ ତଥା ଅନ୍ଯାନ୍ଯ ରୀତିନୀତି ପାଳନ କରିବା ।

ପାରମ୍ପରିକ ପରିଚ୍ଛଦ[ସମ୍ପାଦନା]

ମିକୋଙ୍କ ପୋଷାକ ଏକ ଧଳା କୋସୋଦେ ଏବଂ ନାଲି ହାକାମାରେ ତିଆରି । ଏକ ଧଳା ଓ ନାଲି ରିବନରେ ତାଙ୍କର କେଶ ବନ୍ଧାଯାଇଥାଏ ।

ମିକୋଙ୍କ ପାରମ୍ପରିକ ପୋଷାକ ଏକ ନାଲି ହାକାମା(緋袴 ବା , ଧଳା କୋସୋଦେ (କିମୋନୋ ବସ୍ତ୍ର) ଏବଂ କେତେକ ଧଳା ଓ ନାଲି ରିବନ । କାଗୁରା ନୃତ୍ଯ ସମୟରେ କୋସୋଦେ ଉପରେ ପିନ୍ଧା ଯାଉଥିବା ବସ୍ତ୍ରଟିକୁ ଚିହାୟା (千早) କୁହାଯାଏ ।

ପାରମ୍ପରିକ ମିକୋ ସାମଗ୍ରୀ ହେଉଛି - ଆଜୁସା ୟୁମୀ (梓弓 "କାଟାଲ୍ପା ଧନୁ"), ତାମାଗୁଶୀ (玉串 ବା "ଦାନ ପାଇଁ ସାକାକୀ-ଗଛର ଡ଼ାଳ") ଏବଂ ଗେହୋବାକୋ (外法箱) ଏକ ପରାଜାଗତିକ ବାକ୍ସ ଯେଉଥିରେ କଣ୍ଢେଇ, ପଶୁ ତଥା ମଣିଷଙ୍କ ଖପୁରୀ ଏବଂ ପୂଜାମାଳ ଥାଏ ।

ମିକୋମାନେ ଘଣ୍ଟି, ବାଜା, ବତୀ, ଗୋହେ ଏବଂ ଗିନାରେ ଭାତ ଆଦିିିକୁ ରୀତିନୀତିରେ ବ୍ଯବହାର କରିଥାନ୍ତି ।

ସଜ୍ଞା[ସମ୍ପାଦନା]

ଜାପାନୀ ଶବ୍ଦ ମିକୋ ଏବଂ ଫୁଜୋ (କ୍ରମାନ୍ୱୟରେ ନାରୀ ଶମନବାଦୀ ଏବଂ ଶାଳର ପରିଚାରିକା) ଦ୍ୱୟକୁ 巫女 ଚିତ୍ରଲିପିଦ୍ୱାରା ଦର୍ଶାଯାଏ । ଏହା ଦୁଇଟି କାଞ୍ଜିର ଯୌଗିକ, 巫 (ଶମନବାଦୀ) ଏବଂ 女 (ନାରୀ) ।[୪] ପ୍ରାଚୀନ ଜାପାନୀ ଲେଖନଶୈଳୀରେ ମିକୋକୁ 神子 (କାମି ବା ଈଶ୍ବରଙ୍କ ସନ୍ତାନ) ଏବଂ 巫子 (ଶମନବାଦୀଙ୍କ ସନ୍ତାନ) ବୋଲି ଲେଖାଯାଉଥିଲା ।[୫]

ମିକୋବାଦ[ସମ୍ପାଦନା]

ଇତିହାସ[ସମ୍ପାଦନା]

ମିକୋ ପରମ୍ପରା ପ୍ରାକ୍-ଐତିହାସିକ ଜୋମୋନ କାଳରୁ ଚାଲିଆସିଛି । ସେତେବେଳେ ନାରୀ ଶମନବାଦୀମାନେ ଧ୍ଯାନରେ ଯାଇ ଈଶ୍ବରଙ୍କ ଆଜ୍ଞା ବିଷୟରେ କହୁଥିଲେ ।

ମିକୋ ସହ ସାମଞ୍ଜସ୍ୟ ରଖୁଥିବା ସର୍ବପୂରାତନ ପଦଟି ହେଉଛି ହିମିକୋ, ଏକ ଚୀନୀ ସନ୍ଦର୍ଭ । କିନ୍ତୁ ଏହା ଅଜଣା ଯେ ହିମିକୋ ଏବଂ ମିକୋ ଏକ ନା ଅଲଗା କିମ୍ବା ସେ ସମୟରେ ମିକୋ ବୋଲି ପଦବୀ ଥିଲା ନା ନାହିଁ ।

ସମକାଳୀନ ମିକୋ[ସମ୍ପାଦନା]

ଇକୁତା ଶାଳରେ ମିକୋ

ସମକାଳୀନ ଆଧୁନିକ ମିକୋମାନଙ୍କୁ ସାଧାରଣତଃ ଶିଣ୍ଟୋଶାଳରେ ଦେଖିବାକୁ ମିଳିଥାଏ । ସେଠାରେ ସେମାନେ ଶାଳର ବିଭିନ୍ନ କାର୍ଯ୍ୟରେ ସାହାଯ୍ୟ କରିଥାନ୍ତି, ପାରମ୍ପରିକ ନୃତ୍ଯ ପରିବେଷଣ କରିଥାନ୍ତି, ଓମିକୁଜି ଦେଖାଇଥାନ୍ତି, କେତେକ ସ୍ମାରକୀ ବିକ୍ରୟ କରିଥାନ୍ତି ତଥା ଶାଳର କାନ୍ନୁଶୀଙ୍କୁ ପୂଜାକାର୍ଯ୍ୟରେ ସାହାଯ୍ୟ କରିଥାନ୍ତି ।

ମାନବଜାତି ବିଜ୍ଞାନୀ କୁନିଓ ୟାନାଗିତା (୧୮୭୫-୧୯୬୨), ଯେ ପ୍ରଥମକରି ଜାପାନୀ ନାରୀ ଶମନବାଦୀ ଉପରେ ଅଧ୍ଯୟନ କଲେ, ଏମାନଙ୍କୁ ନିମ୍ନଲିଖିତ ଭାଗଗୁଡ଼ିକରେ ବିଭକ୍ତ କଲେ:

  • ଜିଞ୍ଜା ମିକୋ (神社巫女 ବା "ଶାଳର ଶମନବାଦୀ") - ଯିଏ ଘଣ୍ଟି ସହ ନାଚନ୍ତି ଏବଂ ୟୁଦାତେରେ (湯立て ବା "ଫୁଟନ୍ତା ଜଳ") ଅଂଶଗ୍ରହଣ କରନ୍ତି;
  • କୁଚିୟୋସେ ମିକୋ (口寄せ巫女 ବା "ଆଲୌକିକ ମାଧ୍ଯମ ଶମନବାଦୀ") - ଯେ ମରିଯାଇଥିବା ଲୋକଙ୍କ କଥା କହନ୍ତି; ଏବଂ
  • କାମି ଉବା (神姥 ବା "ଈଶ୍ବର ନାରୀ") - ଯେ କାମି ଉପାସନା ଏବଂ ଆବାହନ କରନ୍ତି ।

ଗବେଷକମାନେ ମିକୋମାନଙ୍କୁ ସେମାନଙ୍କ ପରମ୍ପରା ଓ ବ୍ଯବହାର ଦୃଷ୍ଟିରୁ ବିଭିନ୍ନ ଭାଗରେ ବିଭକ୍ତ କରାଯାଇଛି । ଉଦାହରଣ - ଅନ୍ଧ ଇତାକୋ (ଉତ୍ତର ଏବଂ ପୂର୍ବ ଜାପାନ), ଅଧିକତର ଅନ୍ଧ ଓକାମିଁ (ଉତ୍ତର ଏବଂ ପୂର୍ବ ଜାପାନ), ଅନ୍ଧ ୱାକା ବା ଓୱାକା (ଐଶାନୀୟ ଜାପାନ), ମୋରିକୋ (ଉତ୍ତର ଏବଂ ପୂର୍ବ ଟୋକିୟୋ), ନୋନୋ (ମଧ୍ଯ ଜାପାନ), ଅନ୍ଧ ଜାତୋକାକା (ବାୟବ୍ୟ ଜାପାନ), ସାସା ହାତାକୀ ଯେ ନିଜ ମୁଖରେ ସାସା (ବାଉଁଶ ଘାସ) ବାଡାନ୍ତି (ଟୋକିୟୋର ଐଶାନ୍ୟ ଦିଗରେ) ଇତ୍ଯାଦି । ଅନ୍ୟମାନେ ମିକୋ ବା ଫୁଜୋଙ୍କୁ ଦୃଷ୍ଟିହୀନତା ଆଧାରରେ ଦୃଷ୍ଟିହୀନ ଓଗାମିଆ (尾上屋 ବା "ମୁଖ୍ଯ ଆବାହକ") ବା ଓଗାମିସାମା (କୁଚିୟୋସେ ଓ ଆଲୌକିକ ମାଧ୍ଯମ) ଏବଂ ଦୃଷ୍ଟିଯୁକ୍ତ ମିକୋ ବା କାମିସାମାରେ ବିଭକ୍ତ କରିଛନ୍ତି ।

ଆହୁରି ଦେଖନ୍ତୁ[ସମ୍ପାଦନା]

ଆଧାର[ସମ୍ପାଦନା]

  1. Groemer, 28.
  2. Aston, 101
  3. North-China herald, 571
  4. Takayanagi, Shun'ichi (1977). "`Copious without Order, Energetick without Rules'. Dr Johnson and the Present State of Japanese: Reflections on the New Nihon Kokugo Dai-Jiten". Monumenta Nipponica. 32 (1): 75. doi:10.2307/2384072. ISSN 0027-0741.
  5. Takayanagi, Shun'ichi (1977). "`Copious without Order, Energetick without Rules'. Dr Johnson and the Present State of Japanese: Reflections on the New Nihon Kokugo Dai-Jiten". Monumenta Nipponica. 32 (1): 75. doi:10.2307/2384072. ISSN 0027-0741.