ଓଡ଼ିଆ ଉଇକିମିଡ଼ିଆ ଇଉଜର ଗୃପ ତରଫରୁ ଏଇ ବର୍ଷ ଉଇକିମିଡ଼ିଆ ସମିଟ ୨୦୨୪ ପାଇଁ ଅଗଷ୍ଟ ୧୫ ଭିତରେ ଆମକୁ ଦୁଇଟି ନାମ ପ୍ରସ୍ତାବିତ କରିବାକୁ ପଡ଼ିବ । ଆପଣଙ୍କୁ ଅନୁରୋଧ ଯେ ଇଭେଣ୍ଟ ପାଇଁ ନାମ ପ୍ରସ୍ତାବ ଦିଅନ୍ତୁ । ଏଇ ଇଭେଣ୍ଟ ବିଷୟରେ ଅଧିକା ଜାଣନ୍ତୁ । https://meta.wikimedia.org/wiki/Wikimedia_Summit_2024
Topic on ଉଇକିପିଡ଼ିଆ:ଆଲୋଚନା ସଭା
- ମୃତ୍ୟୁଞ୍ଜୟ କର
- ସଂଗ୍ରାମ କେଶରୀ ସେନାପତି
ମୋର ମତ: ସଂଗ୍ରାମ କେଶରୀ ସେନାପତି ସହିତ Hellohappy ବା ଶୁଭାଶିଷ ଗଲେ ଭଲ ହେବ ,
ଗପୁ, ଚିନୁ ଓ ଅଲିଭା ଏ ତିନି ଜଣଙ୍କ ନାଁ ଯୋଡ଼ୁଛି । ତାଙ୍କ ଭିତରୁ ୨ ଜଣଙ୍କ ନାଁ ପଠେଇବୁ ।
ଜ୍ଞାନ ଭାଇ ଓ ଚିନୁ ଗଲେ ଭଲ ହେବ ବୋଲି ମୋର ମତ ।
ମୁଁ ଗପୁ ଭାଇ ଆଉ ମୋ ନିଜ ନାଁ ଲେଖୁଛି ।
ଗପୁ ଆଉ ଚିନୁ ଯାଆନ୍ତୁ ।
ଅନେକ ନାମ ପ୍ରସ୍ତାବ ଆସିଛି । ତେବେ ଯେଉଁମାନେ ଅଧିକ କାମ କରୁଛନ୍ତି ଓ ଇଭେଣ୍ଟ ବିଷୟରେ ଅବଗତ ଅଛନ୍ତି, ସେମାନଙ୍କ ନାମ ଚୟନ କଲେ ଭଲ ହେବ । କାମ ନ କରୁଥିବା ବା ସ୍ୱଳ୍ପ କାମ କରୁଥିବା ସଭ୍ୟଙ୍କ ନାମ ଦେଲେ ସଂସ୍ଥାର କିଛି ଉପକାର ହେବ ବୋଲି ମୁଁ ଆଶା କରୁନି ।
ଗପୁ, ଚିନୁ, ସୌମେନ୍ଦ୍ର ଭିତରୁ କେହି ଗଲେ ଭଲ ହୁଅନ୍ତା । ଏଇ ସମିଟରେ କମ୍ୟୁନିଟି ବିଷୟରେ ଅଧିକ ଜାଣିଥିବା ଆଉ ରିପ୍ରେଜେନ୍ଟ କରିପାରୁଥବା ଲୋକ ଗଲେ ଭଲ ।
ଏଠି ମିଳିଥିବା ମତାଧାରେ ଆଉ ମୋଟାମୋଟି ଯୋଗଦାନ ଓ ନେତୃତ୍ୱ ଆଧାରରେ ଚିନୁ ଆଉ ଗପୁ ଦି ଜଣଙ୍କ ନାଁ ଓଡ଼ିଆ ଉଇକିମିଡ଼ିଆନ୍ସ ୟୁଜର ଗ୍ରୁପ ତରଫରୁ ଦିଆଗଲା । ସେମାନେ ଆବେଦନ ଫର୍ମରେ ଆବେଦନ କରିବେ ଆଉ ଆମ ୟୁଜର ଗ୍ରୁପର ପ୍ରତିନିଧିତ୍ୱ କରିବେ । ଏତେ କମ ସମୟ ଭିତରେ ମତ ଦେଇଥିବାରୁ ଜ୍ଞାନ, ପ୍ରୀତି ଭାଇ, ସୁବାସ ସାର, ଗପୁ, ଚିନୁ, ସୌମେନ୍ଦ୍ରଙ୍କୁ ଆଉ ଏ ଆଲୋଚନାଟି ଠିକଣା ସମୟରେ ଆରମ୍ଭ କରିଥିବାରୁ ଜ୍ଞାନକୁ ଅନେକ ସାଧୁବାଦ ।
ଚିନୁ ଆଉ ଗପୁ । ଅଭିନନ୍ଦନ । ସେଠି ଯାଇ ନାଁ କରି ଆସ ।
ଆମେ ନିକଟରେ ଉଇକିମିଡ଼ିଆ ଜର୍ମାନୀରୁ ଜାଣିଲୁ ଯେ ସେମାନେ ପ୍ରତି ଆଫିଲିଏଟରୁ କେବଳ ଜଣଙ୍କୁ ଭାଗନେବା ପାଇଁ ଅନୁମତି ଦେଇପାରିବେ । ଚିନୁ ଆଉ ଗପୁ ଉଭୟଙ୍କ ଯୋଗଦାନ ଆମ ପାଇଁ ଗୁରୁତ୍ୱପୂର୍ଣ୍ଣ ଆଉ ଏଠି ସମସ୍ତେ ସମୟ କାଢ଼ି ମତ ବି ଦେଇଥିଲେ । ଆମେ ଅଜାଣତରେ ଦୁଇଜଣ ଭାଗନିଅନ୍ତୁ ବୋଲି ଚାହିଁ ତାଙ୍କୁ ନାମ ସୁପାରିଶ କରିଥିଲୁ ଓ ସେ ଦୁହେଁ ଅନଲାଇନ କଲରେ ଭାଗ ବି ନେଇଥିଲେ । ତା' ପରେ କେବଳ ଜଣେ ଯିବ ବୋଲି ଜାଣିବା ପରେ ଆମେ ଉଭୟ ଚିନୁ ଓ ଗପୁ ଦୁହିଁଙ୍କ ସଙ୍ଗେ କଥା ହେଲୁ: ଏକତ୍ର ଓ ଅଲଗା ଅଲଗା । ଆଉ ସମାନ ସମୟରେ ଉଇକିମିଡ଼ିଆ ସମିଟ ଆୟୋଜକଙ୍କୁ ପଚାରିଲୁ କାଳେ ସେମାନଙ୍କ ପାଖେ କିଛି ଅଧିକ ବଜେଟ ଥିବ ବା ଅନ୍ୟ କେଉଁ ଆଫିଲିଏଟଙ୍କ ପାଖେ କିଛି ବଜେଟ ଥିବ ହେଲେ ଆମେ ସମସ୍ତେ ଉଇକିଆଳିଏ ଯଦି କିଛି ମିଶେଇ ଦୁହିଁଙ୍କୁ ପଠେଇପାରନ୍ତୁ । ତେବେ ଆୟୋଜକେ ମନା କଲେ ନିୟମାବଳୀ ଆଦି ଦର୍ଶାଇ । ଗପୁ ଆଉ ଚିନୁ ଦୁହିଁଙ୍କ ଅଲଗା ଅଲଗା ମତ, ମିଳିତ ମତ, ସେମାନଙ୍କ ମୋଟାମୋଟି ଏଭଳି ଏକ କାର୍ଯ୍ଯକ୍ରମରେ ଯୋଗଦାନ ଓ ଆଗାମୀ ଭବିଷ୍ୟତରେ ଯୋଗଦାନ, ଆଉ ବିଶେଷ କରି ପ୍ରତି ଆଫିଲିଏଟରୁ କେବଳ ଜଣକୁ ପଠେଇବାର କଡ଼ାକଡ଼ି ନିୟମକୁ ଆଖିରେ ରଖି ଦୁହିଁଙ୍କ ଭିତରୁ କେବଳ ଚିନୁକୁ ବାଛିବାକୁ ବାଧ୍ୟ ହେଲୁ । ଏଭଳି ଏକ ସିଦ୍ଧାନ୍ତ ସବୁବେଳେ କଷ୍ଟ । ଆଉ ଗପୁକୁ ବାରମ୍ବାର ଏକଥା ବି ପଚାରିଚୁ ଯେ ସେ ମନ କଷ୍ଟ କରି ଉଇକିପିଡ଼ିଆରେ କାଳେ ଲେଖାଲେଖି ବନ୍ଦ କରିଦେବ । ତା' ମନ ଊଣା ହେଇଥିବ ନିଶ୍ଚେ ତେବେ ସେ ଆଶ୍ୱାସନା ଦେଇଚି ଛାଡ଼ିବନି ବୋଲି । ଆମେ ଏକ ସମୁଦାୟ ଭାବେ ଗପୁର ଭବିଷ୍ୟତରେ ବିଭିନ୍ନ କାର୍ଯ୍ଯକ୍ରମରେ ଆଉ ବିଶେଷ କରି ବିଶ୍ୱସ୍ତରୀୟ କାର୍ଯ୍ଯକ୍ରମରେ ଯୋଗଦାନ ବେଳେ ଆପ୍ଲିକେସନ ସମ୍ପାଦନାରେ ସହଯୋଗ କରିବୁ ବୋଲି ଆଶା । ସେ ବିଭିନ୍ନ ଜାଗାରେ ଓଡ଼ିଆ ଉଇକିମିଡ଼ିଆ କମୁନିଟିକୁ ପ୍ରତିନିଧିତ୍ୱ କଲେ ଭବିଷ୍ୟତରେ ଉଇକିମିଡ଼ିଆ ସମିଟକୁ ମଧ୍ୟ ଯିବ ବୋଲି ଆଶା । ଆମ କମୁନିଟିରୁ ଚିନୁ ଯାଉଚି ବୋଲି ଖୁସି ଆଉ ଏତେ ଚେଷ୍ଟା କରି ଗପୁ ଯାଇପାରୁନି ବୋଲି ଦୁଃଖ । ଚିନୁ ମଧ୍ୟ ତା' ଆଡ଼ୁ ଅନେକ ଚେଷ୍ଟା କରିଚି । ଚିନୁ ଯିବା ଆଗରୁ ଓ ପରେ କଣ କଣ ସେଠି ଆଲୋଚନା କରିବ/କଲା ସେ ବାବଦରେ ମାସିକ ଆଲୋଚନାରେ ଆଲୋଚନା ହେଲେ ଭଲ । ହେଲେ ଗୋଟେ ସଂକ୍ଷିପ୍ତ ତାଲିକା ଓ ବିଶେଷ କରି ଅସୁବିଧାଗୁଡ଼ିକ ଲିପିବଦ୍ଧ ହେବ ଆଉ ସେ ଗଲେ ଆଲୋଚନା କରିବ ।
ଏଭଳି ନିର୍ଣ୍ଣୟ ନେବା ନିହାତି କଷ୍ଟକର, ଏହା ନିଃସନ୍ଦେହ ।
ଗପୁ ଓ ଚିନୁ ଓଡ଼ିଆ ଉଇକି ପାଇଁ ନିଜ ନିଜ ବାଟରେ ଅନେକ ଅବଦାନ କରିଆସୁଛନ୍ତି ଏଥିରେ କୌଣସି ସଂଶୟ ନାହିଁ ।
ମୋର ଏକ ଛୋଟ ଅନୁରୋଧ, କେଉଁ କେଉଁ ଆଧାରରେ ଚିନୁଙ୍କୁ ବଛାଗଲା, ତାହା ମଧ୍ୟ ଖୋଲିକରି ଲେଖିଲେ ସଭିଙ୍କ ପାଇଁ ନିଷ୍ପତ୍ତିଟିର ସ୍ୱଚ୍ଛତା ରୁହନ୍ତା ।
ଆଗାମୀ ଉଇକିମିଡ଼ିଆ ସମିଟ୍ ମୁଖ୍ୟତଃ ମୁଭ୍ମେଣ୍ଟ ଷ୍ଟାଟର୍ଜିକୁ ପ୍ରାଧାନ୍ୟତା ଦେଉଛି ଆଉ ଏହା ଉପରେ ଚିନ୍ମୟୀ ଆମ ଇଉଜର ଗ୍ରୁପ୍ରୁ ସବୁଠାରୁ ଅଧିକ କାମ କରିଛନ୍ତି । ଡିସେମ୍ବର ମାସରେ ଆୟୋଜନ କରାଯାଇଥିଲା କାର୍ଯ୍ୟକ୍ରମ ଜରିଆରେ, ପୂର୍ବରୁ ଇଉନିଭର୍ସାଲ୍ କୋଡ଼ ଅଫ୍ କଣ୍ଡକ୍ଟ ଉପରେ ଓ ଏବେ ଲେଟସ୍ କନେକ୍ଟ ଜରିଆରେ ତାଙ୍କର ଅଭିଜ୍ଞତା ଅଧିକ । ଯାହାକି ତାଙ୍କୁ ଓଡ଼ିଆ ଉଇଜର ଗ୍ରୁପ୍କୁ ଭଲରେ ରିପ୍ରେଜେଣ୍ଟ କରିବାର ସୁଯୋଗ ଦେବ ଓ ଆମ ଇଉଜର ଗ୍ରୁପ୍କୁ ସମିଟ୍ରେ ମଧ୍ୟ ପ୍ରାଧାନ୍ୟତା ମିଳିପାରିବ । ପୂର୍ବରୁ ଉଇକିମିଡ଼ିଆ ସମିଟ୍ରେ ଆମେ ମାତ୍ର ଥରେ ଯୋଗ ଦେଇଛନ୍ତି (ପ୍ରୀତି ଭାଇ) ଓ ଏଥର ସେମିତି କିଛି ଭଲ ଛାପ ନ ଛାଡ଼ିଲେ ଆଗକୁ ଅସୁବିଧା ହୋଇପାରେ । କାରଣ ଏଥର ବି ଆମକୁ ଯିବାକୁ ସୁଯୋଗ ମିଳିନଥିଲା, ସେମାନଙ୍କୁ ଅନୁରୋଧ କରାଯାଇ ଆବେଦନର ଶେଷ ତାରିଖରେ ଜ୍ଞାନ ଭାଇ ଓ ଚିନୁ ସିଙ୍ଗାପୁରରେ ଆପ୍ରୁଭ୍ କରେଇଥିଲେ ।
ବାଃ, ବହୁତ ଭଲ ।
ଜଣାଇଥିବାରୁ ଧନ୍ୟବାଦ 🙏🏼
ଏଥିରେ ଲୁଚାଇକି କି ପଛଦ୍ୱାରରେ କିଛି ହେଇନି ।
ସଂକ୍ଷେପରେ କହିବାକୁ ଗଲେ, ଏଇଠି ଅଲୋଚନା ପରେ ଆମେ ସମିଟବାଲାକୁ ମେଲ କଲୁ ଦୁଇଜଣଙ୍କ ନାଁ । ସେମାନେ ଉତ୍ତର ଦେଲେ କି ଜଣେ ହିଁ ଯିବେ ଆଉ ଆପଣ ମାନେ ନିର୍ଣ୍ଣୟ ନିଅନ୍ତୁ । ଦୁଇଜଣ କଣ୍ଟାକ୍ଟ ପର୍ସନ (ମୁଁ ଆଉ ଶୁଭାଷିଷ ଭାଇ) ଓ ବଛା ହୋଇଥିବା ଦୁଇଜଣ( ଗପୁ ଆଉ ଚିନୁ) ସମସ୍ତେ ମିଶିକି ଅଲୋଚନା କଲା ପରେ ଏଭଳି ନିଷ୍ପତ୍ତି ନିଆହେଇଛି ।
କିଛି ଅଧିକା ଆଧାର, ଆଲୋଚନା, ଜଣିବା କଥା:
- ଏଇଠି ଗପୁଙ୍କୁ ୬ଟି ସମର୍ଥନ ମିଳିଥିଲା ଆଉ ଚିନୁଙ୍କୁ ୫ଟି ।
- ଗତ ଦୁଇଥର ପୁରୁଷ ବଛା ହେଇଥିଲେ ଆଉ ଆମ ପରି ଛୋଟ କମ୍ୟୁନିଟିରୁ ମହିଳା ଯିବା ନିହାତି ବଡ଼ କଥା ଆଉ ଦରକାର ବି, ଯାହା ଜେଣ୍ଡର ଗ୍ୟାପ ପାଇଁ ଗୋଟେ ପଦକ୍ଷେପ ।
- ବହୁତ କଥାବାର୍ତ୍ତାରୁ ଜଣା ପଡ଼ିଲା କି ଚିନୁର ଅନ୍ତ-ସମୁଦାୟ ସମ୍ପର୍କ (inter-community dynamics) ଅଧିକା ଅଛି ଯାହା ଏଇ ଭଳି ଇଭେଣ୍ଟ ପାଇଁ ଦରକାର ।
- ଉଇକିମିଡ଼ିଆ ସମିଟ ଗୋଟେ ଷ୍ଟ୍ରାଟେଜିକ ଇଭେଣ୍ଟ, ସେଠାରେ ଅର୍ଥ, ପ୍ରଯୁକ୍ତିବିଦ୍ୟା, ରଣନୀତି ଏବଂ ସହଯୋଗୀ ମାନଙ୍କ ବିଷୟରେ ନିଷ୍ପତ୍ତି, ଏବଂ ମୁଭମେଣ୍ଟ ଚାର୍ଟର ବିଷୟରେ ଅଲୋଚନା ହେବ । ଚିନୁ ଆଗରୁ ମୁଭମେଣ୍ଟ ଚାର୍ଟର ପାଇଁ ଗୋଟେ ସ୍ଥାନୀୟ ମେଳଣ କରିଛି ଏବଂ ସେ ବାବଦରେ କାମ ବି କରୁଛି ।
- ସମିଟରେ ଉଇକିମିଡ଼ିଆ ଷ୍ଟ୍ରାଟେଜି ଆଉ ବିଶେଷ କରି ଜେଣ୍ଡର ଗ୍ୟାପ ଉପରେ ଫୋକସ ଥିବାରୁ ସେସବୁରେ ବିଶ୍ୱ ସ୍ତରରେ ସକ୍ରିୟ ଥିବା ଜଣଙ୍କୁ ପଠେଇବା ଉଚିତ ହେବ ।
- ଆଉ ଚିନୁ ଏବେ ଗୋଟେ ଇଣ୍ଟରନ୍ୟାସନାଲ କନଫରେନ୍ସ ପରିଚାଳନା କରୁଚି ତେଣୁ ତା ବାବଦରେ ଅପଡେଟ କରିବା ଆଉ ଭବିଷ୍ୟତ ପ୍ଲାନିଂ ପାଇଁ ସମିଟ ପ୍ରକୃଷ୍ଟ ସ୍ଥାନ ।ସେଠି ଆମ ଇଉଜର ଗୃପକୁ ଭଲଭାବେ ରିପ୍ରେଜେଣ୍ଟେସନ ମିଳିବ ।
- ଗପୁ ଅନେକ ଜିନିଷରେ ସକ୍ରିୟ ଆଉ ତା'ର ବିଶ୍ୱସ୍ତରୀୟ ଯୋଗଦାନ ବଢୁଚି ।
- ଆମର ଆଶା ଭବିଷ୍ୟତରେ ସେ ଗଲେ ଏଥର ଅପେକ୍ଷା ବେଶୀ ଲାଭ ହେବ । ସେ ଆରମ୍ଭ କରୁଥିବା କାମ ଗୁଡିକ ଆଗକୁ ମାନେ ବର୍ଷେ ଦୁଇ ବର୍ଷ ବେଳକୁ ଅଧିକା ପରିପକ୍ୱ ହେଇଥିବ ଯାହାକି ତାକୁ ଏବଂ ତାଦ୍ୱାରା ଆମ ଇଉଜର ଗୃପକୁ ଅଧିକ ଭଲ ଭାବେ ଦେଖେଇ ପାରିବ ।
ଏଡିଟ କାଉଣ୍ଡର ଅନୁସାରେ ଚିନ୍ମୟୀ ମିଶ୍ର ଏତେ ବର୍ଷ ଉଇକିପିଡ଼ିଆରେ କାମ କରିବା ପରେ ତାଙ୍କର ଅବଦାନ ହେଲା ୩୭ ଓ ଡିଲିଟ ହେଲା ୨୦ । ଅତଏବ ମୋଟ ଅବଦାନ ୧୭ । ଏହା ପ୍ରାୟ ୮ ବର୍ଷରେ ଦାନ କରିଛନ୍ତି । ନିଶ୍ଚୟ ଏକ ବିରାଟ ଅବଦାନ ।
ଆପଣଙ୍କର କିଛି ଅଭିଯୋଗ ଥିଲେ ଆପଣ ଲେଖି ପାରିବେ କିମ୍ବା ନୁଆ ଅଲୋଚନା ଆରମ୍ଭ କରିପାରିବେ,ଏମିତି ସହ ଉଇକିଆଳିଙ୍କୁ ତାତ୍ସଲ୍ୟ ନ କରିବା ଉଚିତ । ଏଥିରୁ ନିବୃତ ରୁହନ୍ତୁ ।
@Subas Chandra Rout ସାର୍, ଏଇଟା ଉଇକିମିଡ଼ିଆ ସମିଟ୍, ଉଇକି ଆଡ୍ଭାନ୍ସଡ୍ ଟ୍ରେନିଂ ନୁହେଁ, ଏଥିରେ ପ୍ରସଙ୍ଗ ଅବଦାନ ପାଇଁ ନୁହେଁ ବରଂ ଉଇକିମିଡ଼ିଆ ମୁଭ୍ମେଣ୍ଟରେ ଅବଦାନ ପାଇଁ ଚୟନ କରାଯାଇଥାଏ । ପ୍ରସଙ୍ଗ ଗଢ଼ିବାରେ ଅବଦାନ ବଡ଼ ହୋଇ ନପାରେ, କିନ୍ତୁ ଏକାକୀ ଓଡ଼ିଶାରେ କାର୍ଯ୍ୟକ୍ରମ କରିବା ହେଉ ବା ଉଇକି ଓମେନ୍ କ୍ୟାମ୍ପ୍ ଭଳି ବିଶ୍ୱସ୍ତରୀୟ କାର୍ଯ୍ୟକ୍ରମ ଭାରତରେ ଆୟୋଜନ କରିବା ଛୋଟ ଅବଦାନ ନୁହେଁ ।
ମୋର କୌଣସି ଅଭିଯୋଗ ନ ଥିଲା ବା ଏବେ ବି ନାହିଁ, କିନ୍ତୁ ଦୁଃଖ ଲାଗୁଛି, ଅନେକ ଅଛନ୍ତି ଯେଉଁମାନେ ଉଇକିପିଡ଼ିଆରେ ଅନେକ ବର୍ଷ ଧରି ରହିଲେ ମଧ୍ୟ ତାଙ୍କର ବିଶେଷ ଅବଦାନ ରହୁନି । ଜଣେ ବର୍ଷକୁ ଗୋଟିଏ ଲେଖା ଦାନ କରୁଥିବା ଦେଖିଲେ ମୋତେ ଦୁଃଖ ଲାଗୁଛି । ଯଦି ଏହା ଅନ୍ୟମାନଙ୍କୁ ଭଲ ଲାଗୁଛି, ତେବେ କହିବାର କିଛି ନାହିଁ । ମୁଁ ଆଉ କୌଣସି ଆଲୋଚନାରେ ଭାଗ ନେଉନି କି ନେବିନି । ମୁଁ ବିଦାୟ ନେଉଛି ।
ମୁଁ ଭାବୁଚି ଜ୍ଞାନ ଆଉ ମୁଁ ସବୁ ଉପରେ ବୁଝାଇ ଲେଖିଚୁ ଆଉ ଗପୁ ନିଜେ ବି ତା' ମତ ଲେଖିଚି / ଯଦି ନିର୍ଦ୍ଦିଷ୍ଟ ପ୍ରଶ୍ନ ଥାଏ ଦୟାକରି ପଚାରନ୍ତୁ (ଉପରେ ସୌମେନ୍ଦ୍ର ପଚାରିଥିବା ଭଳି) / ଅନ୍ୟ ଉଇକିଆଳିଙ୍କୁ ତାତ୍ସଲ୍ୟ ପାଇଁ କୌଣସି ସ୍ଥାନ ଏଠି ନାହିଁ / ସମ୍ପାଦନା ଗଣି ଉଇକିମିଡ଼ିଆ ସମିଟକୁ କାହାରିକୁ ପଠାଯାଏ ନାହିଁ ବୋଲି ସବୁ ପୁରୁଖା ଉଇକିଆଳି ଜାଣିବା ଉଚିତ / ଜ୍ଞାନ ଉପରେ ବି ଲେଖିଚି ଛଅ ଜଣ ଗପୁ ପାଇଁ ଆଉ ପାଞ୍ଚ ଜଣ ଚିନୁ ପାଇଁ ମତ ଦେଇଥିଲେ / ତେବେ କେବଳ ମତ ସଂଖ୍ୟା ନୁହେଁ ବରଂ ବିଭିନ୍ନ ବିଷୟକୁ (ଉପରେ ଜ୍ଞାନ ଲେଖିଚି) ନେଇ ଆମେ ଉଭୟ ଚିନୁ ଓ ଗପୁ ସହ କଥା ହୋଇ ଲେଖିଚୁ / ଏତେ କମ ସମୟ ଭିତରେ ଏତେ ଜଣ ସ୍ୱେଚ୍ଛାସେବୀଙ୍କ ଶ୍ରମ ଆଉ ସମୟ ବିନିଯୋଗକୁ ସମ୍ମାନ ଦେଇ ଆମେ ବହୁ କଷ୍ଟରେ ସିଦ୍ଧାନ୍ତଟି ନେଲୁ / ଯଦି କେହି ଜ୍ଞାନ ବା ମୋତେ ପ୍ରଶ୍ନ ପଚାରିବାକୁ ଚାହାଁନ୍ତି ପଚାରନ୍ତୁ (ମୁଁ ବହୁ ବର୍ଷ ପରେ ନିଜ ପାଇଁ କିଛି ଛୁଟି ବାହାର କରିଥିଲି ହେଲେ ଉପରେ ଆଲୋଚନା ଭିନ୍ନ ଦିଗକୁ ଯାଉଥିବାରୁ ବାଧ୍ୟ ହୋଇ ମୋବାଇଲରୁ ଲେଖୁଚି / ମୁଁ ବି ଜଣେ ସ୍ୱେଚ୍ଛାସେବୀ ଆଉ ତୁରନ୍ତ ଉତ୍ତର ଦେବାକୁଅକ୍ଷମ)
ପ୍ରଣାମ ସଭିଙ୍କୁ, ମୁଁ ୨୦୨୪ ଉଇକିମିଡିଆ ସମିଟ ପାଇଁ ଯିବା ଆଗରୁ ଏଠି କିଛି ଲେଖୁଛି । ପ୍ରଥମେ, ଧନ୍ୟବାଦ କମ୍ୟୁନିଟିକୁ ମତେ ଏହି ସୁଯୋଗ ଦେବା ପାଇଁ । ଦ୍ଵିତୀୟ ଓ କାମର ଜିନିଷ, ସମିଟ ଆରମ୍ଭ ହେବା ଆଗରୁ ମୁଭମେଣ୍ଟ ଚାର୍ଟର ଶେଷ ଡ୍ରାଫ୍ଟ ଟି ମେଟାରେ ଅପଡେଟ କରିଦିଆଯାଇଛି ଓ ସେ ଅନୁଯାୟୀ ଉଇକିମିଡିଆ ସମିଟର ପ୍ରୋଗ୍ରାମ ମଧ୍ୟ ମେଟାରେ ଛଡ଼ାଯାଇଛି । ଆମ ଆଞ୍ଚଳିକ ସମସ୍ଯା ଗୁଡିକ ତଥା ନିକଟ ଭବିଷ୍ୟତର କାର୍ଯ୍ୟକୁ ଆଖିରେ ରଖି ମୁଁ ଗ୍ରାଣ୍ଟ ମେକିଙ୍ଗ ଆଲୋଚନାରେ ଭାଗ ନେବାକୁ ନା ଦେଇଛି । । ଆଶା କିଛି ମାତ୍ରାରେ ନିଜ ଅଞ୍ଚଳର ସମସ୍ଯା ଉପରେ ଆଲୋକପାତ କରି ପାରିବି ଓ ସମାଧାନ ପାଇଁ ଅନୁରୋଧ କରି ପାରିବି । ଯଦି ୟୁଜର ଗୃପ ତରଫରୁ କାହାର କୌଣସି ଆପତ୍ତି ବା ପ୍ରଶ୍ନ ସେଠି ପହଞ୍ଚାଇବାର ଥାଏ, ତାହାଲେ ଏଠି ଲେଖିବାକୁ କିମ୍ବା ମତେ ବ୍ୟକ୍ତିଗତ ଭାବରେ ଜଣେଇଦେବାକୁ ଅନୁରୋଧ କରୁଛି । ଆଗାମୀ ୧୮ ତାରିଖ ସନ୍ଧ୍ଯା ବେଳେ ଗୋଟେ ଛୋଟ ଅନ୍ଲାଇନ କଲ ପାଇଁ ଲେଖୁଛି, ସମୟ ବାହାର କରି ଯୋଗ ଅନୁରୋଧ ।