ପେପିତା ସେଠ୍

Pepita Seth
ଜନ୍ମ	Suffolk, UK
ବୃତ୍ତି(ସମୂହ)	Writer, photographer
ପୁରସ୍କାର	Padma Shri

ପେପିତା ସେଠ ଜଣେ ବ୍ରିଟିଶ ଜନ୍ମିତ ଲେଖିକା ଓ ଫଟୋଗ୍ରାଫର । ଭାରତୀୟ ରାଜ୍ୟ କେରଳର କଳା ଓ ଭାସ୍କର୍ଯ୍ୟ ଉପରେ ତାଙ୍କ ଲେଖା, କେରଳର ପୋଷା ହାତୀ " ଗୁରୁବାୟୁର କେଶବନ" ଉପରେ ଫଟୋଗ୍ରାଫ ପାଇଁ ବହୁଳ ଭାବରେ ପରିଚିତ । ଭାରତ ସରକାର ତାଙ୍କ ଅବଦାନ ପାଇଁ ପଦ୍ମଶ୍ରୀ ଉପାଧିରେ ସମ୍ମାନିତ କରିଥିଲେ । .

ଜୀବନୀ

ଗୁରୁବାୟୁରଠାରେ ଥିବା ପ୍ରସିଦ୍ଧ ହାତୀ ଗୁରୁବାୟୁର କେଶଭନର ଫଟୋ ପେପିତା କେମେରାରୁ

ପେପିତା ଚିତ୍ର ଉତ୍ତୋଳନ କରୁଥିବାର ଚିତ୍ର

ପେପିତା ସେଠଙ୍କ ଜନ୍ମ ଇଂଲଣ୍ଡର ସଫ୍ଫୋଳ୍କଠାରେ ହେଇଥିଲା । ତାଙ୍କ ପିତାମହ ବ୍ରିଟିଶ ଭାରତ ସମୟରେ ସେନାବାହିନୀରେ ଭାରତରେ ସେବାରତା ଥିଲେ । ସେହି ସମୟର କୁପ୍ରଥା ଅନୁସାରେ ପେପିତା ଝିଅ ହେଇଥିବାରୁ ସ୍କୁଲ ଶିକ୍ଷା ପ୍ରାପ୍ତ ହୋଇନଥିଲେ । ତେବେ ସେ ପରେ ନିଜ ଉଦ୍ୟମରେ ଶିକ୍ଷା ପ୍ରାପ୍ତ ହେଇ ଫିଲ୍ମ ସମ୍ପାଦନା ଶିଖିଲେ ଓ ଟେଡ କୋଟଚେଫ ଓ ଷ୍ଟାନଲେ ଦୋନେନ୍ଙ୍କ ପରି ଫିଲ୍ମ ନିର୍ଦ୍ଦେଶକଙ୍କ ସହ କାର୍ଯ୍ୟ କରିଥିଲେ । ସେ ତାଙ୍କ ପିତାମହଙ୍କ ସମୟର ବିବରଣୀକୁ ଲିପିବଦ୍ଧ କରିବାକୁ ସେ କଲିକତା ଆସି ସେହି ସମୟର ବ୍ରିଟିଶ ରାଜର ବିବରଣୀ ସବୁକୁ ଲେଖା ଓ ଫଟୋରେ ପ୍ରଦର୍ଶନ ପାଇଁ ଗବେଷଣାତ୍ମକ ଉଦ୍ୟମ କରିଥିଲେ । ୧୦୭୦ ମସିହାରେ ସେ କରିଥିବା ଏହି କାର୍ଯ୍ୟ ତାଙ୍କୁ ପ୍ରସିଦ୍ଧି ପ୍ରଦାନ କରିଥିଲା

ସେ କଲିକତାରୁ କେରଳର ଗୁରୁବାୟୁର ପର୍ଯ୍ୟନ୍ତ ଏହି କାର୍ଯ୍ୟରେ ଆସି ଗୁରୁବାୟୁର ମନ୍ଦିରର କଳା ଓ ଭାସ୍କର୍ଜୀରେ ଅଭିଭୂତ ହେଇଥିଲେ । ସେ ୧୯୭୯ ମସିହା ଯାଏ ଅନେକ ଥର ଆସି ପରିଶେଷରେ ସେଠାରେ ସ୍ଥାୟୀ ଭାବରେ ରହିଯାଇଥିଲେ । ପ୍ରଥମେ ତାଙ୍କୁ ମନ୍ଦିର ଭିତରକୁ ଯିବାକୁ ଛଡା ଯାଉ ନଥିଲା । କିନ୍ତୁ ତାଙ୍କର ନିରନ୍ତର ପ୍ରଚେଷ୍ଟାଦ୍ୱାରା ତାଙ୍କୁ ଅନୁମତି ମିଳିଥିଲା ।

ପେପିତା ଭାରତରେ ଜନ୍ମିତ ବ୍ରିଟିଶ ଅଭିନେତା ରୋଶନ ଶେଠଙ୍କୁ ( ଗାନ୍ଧୀ ଫିଲ୍ମରେ ଅଭିନୟ କରିଥିବା ଅଭିନେତା) ବିବାହ କରିଥିଲେ । ପରେ ୨୦୦୪ ମସିହାରେ ତାଙ୍କର ବିବାହ ବିଚ୍ଛେଦ ଘଟିଥିଲା । ଗୁରୁବାୟୁର ମନ୍ଦିରର ନୀତି ରୀତି ଉପରେ ବିଷାଦ ଭାବରେ ଫଟୋ ଉଠେଇଥିଲେ । ତାହା ନିଉ ୟର୍କ ଟାଇମସ ସହ ଗାର୍ଡିଆନ ସଂବାଦପତ୍ରରେ ପ୍ରକାଶିତ ହଉଥିଲା ।ଏହାଦ୍ୱାରା କେରଳ ରାଜ୍ୟର ପର୍ଯ୍ୟଟନ ପାଇଁ ବିଦେଶରେ ବିଶେଷ ପ୍ରଚାର ହେଇପାରିଥିଲା ।

ପୁସ୍ତକ ଓ ଲେଖା

କେରଳ ଉପରେ ଲେଖା ଓ ଫଟୋ ଥାଇ ସେ ଦୁଇଟି ପୁସ୍ତକ ଲେଖିଛନ୍ତି । ଏଥିରେ ଗୁରୁବାୟୁର ମନ୍ଦିର ଉପରେ ବିଷାଦ ଭାବରେ ଗବେଷଣାତ୍ମକ ବର୍ଣ୍ଣନା ରହିଛି ।

ପୁରସ୍କାର ଓ ସ୍ୱୀକୃତିପ୍ରାପ୍ତି

କଳା ଓ ସଂସ୍କୃତି ପାଇଁ ତାଙ୍କର ଅବଦାନର ସ୍ୱୀକୃତି ଭାବରେ ଭାରତ ସରକାର ତାଙ୍କୁ ୨୦୧୨ ମସିହାରେ ନାଗରିକ ସମ୍ମାନ ପଦ୍ମଶ୍ରୀ ପ୍ରଦାନ କରିଥିଲେ ।