ନିକିତା ମିଶ୍ର

ଉଇକିପିଡ଼ିଆ‌ରୁ
ନିକିତା ମିଶ୍ର
Born
ନିକିତା ମିଶ୍ର

Occupation(ଓଡ଼ିଆ) ଅଭିନେତ୍ରୀ
Years activeଶିଶୁ କଳାକାର, ୨୦୧୮ରୁ-ଏବେଯାଏଁ
Parentତରୁଣ ମିଶ୍ର (ବାପା)

ନିକିତା ମିଶ୍ର, ଜଣେ ଓଡ଼ିଆ କଥାଚିତ୍ର, ଧାରାବାହିକ ଏବଂ ମଞ୍ଚ ଅଭିନେତ୍ରୀ ।[୧] ସେ ଓଡ଼ିଆ କଥାଚିତ୍ର ଜଗତରେ ଶିଶୁ କଳାକାର ଭାବରେ ଅଭିନୟ ଆରମ୍ଭ କରିଥିଲେ ।[୨] ସେ ଓଡ଼ିଆ ଦୂରଦର୍ଶନରେ ମଧ୍ୟ ଶିଶୁ କଳାକାର ଭାବରେ ଅଭିନୟ କରିଥିଲେ ।[୩] ନିକିତା ଅନ୍ନପୂର୍ଣ୍ଣ ଥିଏଟରରେ ମଧ୍ୟ ଦୁଇ ବର୍ଷ ଶିଶୁ କଳାକାର ଭାବରେ ଅଭିନୟ କରିଥିଲେ ।[୪]

ପ୍ରାରମ୍ଭିକ ଜୀବନ[ସମ୍ପାଦନା]

ନିକିତା ମିଶ୍ର ଛୋଟବେଳୁ ଅଭିନୟ ପ୍ରତି ଆକର୍ଷିତ ହୋଇଥିଲେ । ସେ ଅଭିନୟ ସ‌ହ ଛୋଟବେଳୁ ନୃତ୍ୟରେ ମଧ୍ୟ ପ୍ରଶିକ୍ଷଣ ନେଇଥିଲେ । ତାଙ୍କ ପିତା ତରୁଣ ମିଶ୍ର ଏବଂ ମାତା ହିଁ ତାଙ୍କୁ ଅଭିନୟ ପାଇଁ ପ୍ରେରଣା ଦେଇଥିଲେ । ସେ ଏବେ କଟକର ଇନ୍ଦିରା ଗାନ୍ଧି ମହିଳା ମହାବିଦ୍ୟାଳୟରୁ ଗୃହ ବିଜ୍ଞାନରେ +୩ ପଢ଼ିଛନ୍ତି ।[୫][୪]

ଅଭିନୟ ଜୀବନ[ସମ୍ପାଦନା]

ଶିଶୁ କଳାକାର[ସମ୍ପାଦନା]

ନିକିତା ଜଣେ ଶିଶୁ କଳାକାର ଭାବରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ସେ ୨୦୦୭ରେ ସମୟ ହାତରେ ଡୋରି ଜରିଆରେ ଶିଶୁ କଳାକାର ଭାବରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।[୫][୬] ଏହାପରେ ସେ ନେଇ ନେଇଯା'ରେ ମେଘ ମତେ, ତୁ ଥିଲେ ମୋ ଡର କାହାକୁ, ପ୍ରେମ୍ ୱେଡ୍ସ ପ୍ରିୟା, ମୁଁ ଆଶିକ୍ ମୁଁ ଆୱାରା, ଟାର୍ଗେଟ୍ ଆଦି କଥାଚିତ୍ରରେ ଶିଶୁ କଳାକାର ଭାବରେ ଅଭିନୟ କରିଥିଲେ ।

ଓଡ଼ିଆ କଥାଚିତ୍ର ବ୍ୟତୀତ ସେ ଓଡ଼ିଆ ଦୂରଦର୍ଶନ ଧାରାବାହିକରେ ମଧ୍ୟ ଅଭିନୟ କରିଥିଲେ । ବସୁନ୍ଧରା, ଧର୍ମାତ୍ମା, ଦେବୀ, କା, ଶ୍ରୀ ଜଗନ୍ନାଥ ଆଦି ଧାରାବାହିକରେ ସେ ଜଣେ ଶିଶୁ କଳାକାର ଭାବରେ ବିଭିନ୍ନ ଭୂମିକାରେ ଅଭିନୟ କରିଥିଲେ । କଥାଚିତ୍ର ଏବଂ ଦୂରଦର୍ଶନ ବ୍ୟତୀତ ନିକିତା ଅନ୍ନପୂର୍ଣ୍ଣା ଥିଏଟରରେ ମଧ୍ୟ ଦୁଇ ବର୍ଷ ଶିଶୁ କଳାକାର ଭାବରେ ଅଭିନୟ କରିଥିଲେ ।

ନାୟିକ[ସମ୍ପାଦନା]

ନିକିତା ନାୟିକା ଭାବରେ ଓଡ଼ିଆ କଥାଚିତ୍ର ଯୋଗୀ[୭] ଜରିଆରେ ୨୦୧୮ ମସିହାରେ ଓଡ଼ିଆ କଥାଚିତ୍ର ଜଗତରେ ପ୍ରବେଶ କରିଥିଲେ ।[୮] ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ନିରଞ୍ଜନ ବେହେରା । ନିକିତାଙ୍କ ସ‌ହ ଏହି କଥାଚିତ୍ରଟିରେ ନାୟକ ଭାବରେ ଅଭିନୟ କରିଥିଲେ ଆର୍ଯ୍ୟନ ଦାଶ[୯][୧୦] ଅନେକ ବଡ଼ ବଡ଼ ଚଳଚ୍ଚିତ୍ର କଳାକର ଏବଂ ଯାତ୍ର କଳାକାରମାନେ ଏହି କଥାଚିତ୍ରଟିରେ ଅଭିନୟ କରିଥିଲେ ।

ସେ ତରଙ୍ଗ ଟିଭିର ଧାରାବାଧିକ ନେଇଯା'ରେ ମେଘ ମତେ, ମଞ୍ଜରୀ ଟିଭିର ଧାରାବାହିକ ସିଂହଦ୍ୱାର, ଜୀ ସାର୍ଥକର ଧାରାବାହିକ ଝିଲି ଆଦିରେ ମଧ୍ୟ ଅଭିନୟ କରିଛନ୍ତି ।[୧୧]

ଅଭିନୀତ କଥାଚିତ୍ର[ସମ୍ପାଦନା]

ଶିଶୁ କଳାକାର[ସମ୍ପାଦନା]

ବର୍ଷ ଚଳଚ୍ଚିତ୍ର ଭୂମିକା ମନ୍ତବ୍ୟ
୨୦୦୭ ସମୟ ହାତରେ ଡୋରି
୨୦୦୮ ନେଇଯା'ରେ ମେଘ ମତେ
୨୦୧୦ ତୁ ଥିଲେ ମୋ ଡର କାହାକୁ
୨୦୧୧ ପ୍ରେମ୍ ୱେଡ୍ସ ପ୍ରିୟା
୨୦୧୩ ମୁଁ ଆଶିକ୍ ମୁଁ ଆୱାରା
୨୦୧୩ ଟାର୍ଗେଟ୍

ନାୟିକ[ସମ୍ପାଦନା]

ବର୍ଷ ଚଳଚ୍ଚିତ୍ର ନିର୍ଦ୍ଦେଶକ ଭୂମିକା ମନ୍ତବ୍ୟ
୨୦୧୮ ଯୋଗୀ ନିରଞ୍ଜନ ବେହେରା ନିକି ମୁଖ୍ୟ ଭୂମିକାରେ ପ୍ରଥମ ଓଡ଼ିଆ କଥାଚିତ୍ର

ଅଭିନୀତ ଧାରାବାହିକ[ସମ୍ପାଦନା]

ଧାରାବାହିକ ଚେନାଲ ଭୂମିକା
ବସୁନ୍ଧରା
ଧର୍ମାତ୍ମା
ଦେବୀ ତରଙ୍ଗ ଟିଭି
କା ତରଙ୍ଗ ଟିଭି
ଶ୍ରୀ ଜଗନ୍ନାଥ ତରଙ୍ଗ ଟିଭି
ସିଂହଦ୍ୱାର ମଞ୍ଜରୀ ଟିଭି
ନେଇ ଯା'ରେ ମେଘ ମତେ
ଝିଲି

ଆଧାର[ସମ୍ପାଦନା]

  1. "ଅଣ ଓଡ଼ିଆ ନାୟିକାଙ୍କୁ ଟକ୍କର ଦେବାକୁ ପ୍ରସ୍ତୁତ ଆମ ଏହି ଓଡ଼ିଆ ନାୟିକାମାନେ !". sambad.in. 16 October 2017. Retrieved 18 February 2018.
  2. "ବଡ଼ ନିକିତାଙ୍କ ପରେ ଏବେ ସାନ ନିକିତାଙ୍କ ପାଳି". sambad.in. 3 March 2018. Retrieved 5 March 2018.
  3. "ଓଲିଉଡରେ ଏକା ନାମରେ ଅଛନ୍ତି ଏ ଦୁଇ ଅଭିନେତ୍ରୀ". sambad.in. 23 November 2017. Retrieved 18 February 2018.
  4. ୪.୦ ୪.୧ "ନବାଗତା ନିକିତା". ସମାଜ. 15 October 2017. Retrieved 15 October 2017.[permanent dead link]
  5. ୫.୦ ୫.୧ "ଶିଶୁ କଳାକାରରୁ ନାୟିକା ହୋଇଥିବା'ଯୋଗୀ'ର ନିକିତାଙ୍କୁ ଜାଣନ୍ତୁ !". sambad.in. 29 October 2017. Retrieved 18 February 2018.
  6. "ରୂପେଲି ପରଦାକୁ କେବେ ଆଉ କେମିତି ଆସିଲା ରାକ୍ଷୀ: ପଢନ୍ତୁ ଏଇ କାହାଣୀ | News7". www.prameyanews7.com. Archived from the original on 30 September 2020. Retrieved 27 August 2018.
  7. "ସଂଗ୍ରାମୀଙ୍କ ସ୍ୱପ୍ନ". ସମାଜ ରବିବାର. 8 April 2018. Retrieved 12 April 2018.[permanent dead link]
  8. "ସ୍ୱରାଜଙ୍କ ସହ କେବେ ଆସିବେ ନିକିତା ?". Sambad. 17 February 2019. Retrieved 21 February 2019.
  9. "ଆସୁଛନ୍ତି ଓଲିଉଡକୁ ଏହି ନବାଗତ ନାୟକ". sambad.in. 21 March 2018. Retrieved 21 March 2018.
  10. "ଆର ବର୍ଷକୁ ଆସିବେ ଓଲିଉଡର ଏହି ଫ୍ରେସ୍‌ ଯୋଡି". sambad.in. 28 December 2017. Retrieved 1 February 2018.
  11. "ନିକିତାଙ୍କ ଚମକ". ସକାଳ (ରବିବାର). 25 September 2022. p. ୨. Archived from the original on 19 December 2022. Retrieved 19 December 2022.

ବାହାର ଆଧାର[ସମ୍ପାଦନା]

ଇଣ୍ଟରନେଟ ମୁଭି ଡାଟାବେସରେ ନିକିତା ମିଶ୍ର