ନର୍ମଦା କର
ନର୍ମଦା କର | |
|---|---|
| ଜନ୍ମ | ୧୨ ଅକ୍ଟୋବର ୧୮୯୩ |
| ମୃତ୍ୟୁ | ୧୩ ସେପ୍ଟେମ୍ବର ୧୯୮୦ (ବୟସ ୮୬) କଲିକତା, ଭାରତ |
| ଅନ୍ୟ ନାମ | ନର୍ମଦା କର |
| ପ୍ରସିଦ୍ଧି | ପ୍ରଥମ ମହିଳା ଓଡ଼ିଆ ସ୍ନାତକ |
| ବୈବାହିକ-ସାଥୀ | ଜିତେନ୍ଦ୍ର କୁମାର ବିଶ୍ୱାସ |
ନର୍ମଦା କର (୧୮୯୩ - ୧୯୮୦) ଓଡ଼ିଶାର ପ୍ରଥମ ମହିଳା ସ୍ନାତକ [୧] ।
ପିଲାଦିନ
[ସମ୍ପାଦନା]୧୮୯୩ ମସିହା ଅକ୍ଟୋବର ମାସ ୧୨ ତାରିଖରେ ତତ୍କାଳୀନ ବିଟ୍ରିଶ ଶାସନାଧୀନ ଭାରତର କଟକଠାରେ ସେ ଜନ୍ମ ଗ୍ରହଣ କରିଥିଲେ । ପିତା ବାଗ୍ମୀ ବିଶ୍ୱନାଥ କର ଥିଲେ ଜଣେ ସ୍ୱାଧୀନତା ସଂଗ୍ରାମୀ ତଥା ସମାଜସେବୀ ଏବଂ ଉତ୍କଳ ସାହିତ୍ୟର ପ୍ରତିଷ୍ଠାତା ସମ୍ପାଦକ । ୧୯୧୦ ମସିହାରେ କଲିକତା ବିଶ୍ୱବିଧ୍ୟାଳୟରୁ ଏଣ୍ଟ୍ରାନ୍ସ ପାସ୍ କରି ସେ ଐତିହାସିକ ବେଥୁନ୍ କଲେଜରେ ପଢ଼ିଲେ ଏବଂ ୧୯୧୪ ମସିହାରେ ପ୍ରଥମ ଓଡ଼ିଆ ମହିଳା ଭାବେ ସ୍ନାତକ ଡିଗ୍ରୀ(ସମ୍ମାନ ଓ ଡିଷ୍ଟିଂସନ୍ ସହ)[୨] ହାସଲ କଲେ । ୨୬ ବର୍ଷ ବୟସରେ ସେ ଜଣେ ବଙ୍ଗାଳୀ ଓକିଲ ଜିତେନ୍ଦ୍ର କୁମାର ବିଶ୍ୱାସଙ୍କୁ ବାହାହେଲେ । ଜିତେନ୍ଦ୍ର ପରବର୍ତ୍ତୀ ସମୟରେ ମୁନ୍ସିଫ୍ ଓ ସବ୍ ଜଜ୍ ଭାବେ ଦାୟିତ୍ୱ ନିର୍ବାହ କରିଥିଲେ । ପିଲାମାନଙ୍କର ଶିକ୍ଷା ଦୃଷ୍ଟିରୁ ନର୍ମଦା କଲିକତାଠାରେ ବାସ କଲେ । ଜୀବନର ଶେଷ ପର୍ଯ୍ୟାୟରେ କଟକ ଫେରିବାର ପ୍ରବଳ ଇଚ୍ଛା ସତ୍ତ୍ୱେ ତାହା ଫଳବତୀ ହୋଇପାରି ନ ଥିଲା । ଶେଷରେ ସେ ୧୯୮୦ ମସିହା ସେପ୍ଟେମ୍ବର ୧୩ ତାରିଖ ଦିନ ମୃତ୍ୟୁବରଣ କରିଥିଲେ[୩]।
କୃତି
[ସମ୍ପାଦନା]ନର୍ମଦା ମହିଳାମାନଙ୍କୁ ଶିକ୍ଷିତ ହେବାକୁ ଉତ୍ସାହିତ କରୁଥିଲେ[୪] । ତାଙ୍କରି ଉତ୍ସାହରେ ତାଙ୍କ ପୁତ୍ର ବଧୁ ଭାରତି ବିଶ୍ୱାସ ଏମ୍.ଏ. ପାସ୍ କରିଥିଲେ । ଅନୁବାଦ ସାହିତ୍ୟରେ ତାଙ୍କରି ବ୍ୟୁତ୍ପତ୍ତି ଥିଲା[୫]। ୧୯୨୬ ମସିହାରେ ତାଙ୍କଦ୍ୱାରା ଟଲଷ୍ଟୟଙ୍କ ସାହିତ୍ୟର ଗୁଡିଏ ଅନୁବାଦ ପ୍ରସାଦ ନାମରେ ପ୍ରକାଶିତ ହୋଇଛି ।
ଆଧାର
[ସମ୍ପାଦନା]- ↑ "First Women in Odisha" Archived 2015-07-26 at the Wayback Machine.eodisha.org
- ↑ "Google Books"Signifying the Self: Women and Literature
- ↑ "ଗୁଗଲ୍ ବୁକ୍ସ୍"
- ↑ "ସାରଳା ଦେବୀ"
- ↑ " Rebati & the Women question in orissa"by Sachidananda Mohanty