ତ୍ରିନାଥ ପଟ୍ଟନାୟକ
ତ୍ରିନାଥ ପଟ୍ଟନାୟକ | |
|---|---|
| ଜନ୍ମ ଓ ଜନ୍ମସ୍ଥାନ | ୧ ମଇ ୧୯୫୧ |
| ମୃତ୍ୟୁ | ଓଡ଼ଗାଁ ନୟାଗଡ଼ |
| ଭାଷା | ଓଡ଼ିଆ |
| ଜାତୀୟତା |  ଭାରତୀୟ |
| ଜୀବନସାଥୀ | ଛାୟାପୂରବୀ ପଟ୍ଟନାୟକ |
| ପିତାମାତା | ଭାଗବତ ପଟ୍ଟନାୟକ (ପିତା), ହାରାମଣି ଦେବୀ (ମାତା) |
ତ୍ରିନାଥ ପଟ୍ଟନାୟକ (ଜନ୍ମ: ୧ ମଇ ୧୯୫୧) ଜଣେ ଭାରତୀୟ ଓଡ଼ିଆ-ଭାଷୀ କବି, ଗୀତିକାର, ଗବେଷକ, କଥାକାର, ନାଟ୍ୟକାର ଓ ଶିଶୁ ସାହିତ୍ୟିକ । ନିଜ ସାମଗ୍ରୀକ କୃତିତ୍ୱ ପାଇଁ ସେ ୨୦୨୩ରେ ଓଡ଼ିଶା ସାହିତ୍ୟ ଏକାଡ଼େମୀଦ୍ୱାରା ବରିଷ୍ଠ ସାହିତ୍ୟିକ ସମ୍ମାନ ପାଇଥିଲେ।[୧]
ସଂକ୍ଷିପ୍ତ ଜୀବନୀ
[ସମ୍ପାଦନା]ତ୍ରିନାଥ ପଟ୍ଟନାୟକ ନୟାଗଡ଼ ଜିଲ୍ଲାର ଓଡ଼ଗାଁରେ ୧୯୫୧ ମସିହାରେ ଜନ୍ମଗ୍ରହଣ କରିଥିଲେ । ସେ କୋରପୀଠ ବିଦ୍ୟାଳୟରୁ ପ୍ରାଥମିକ ଶିକ୍ଷା, ଓଡ଼ଗାଁ ରଘୁନାଥବିଦ୍ୟାପୀଠରୁ ଏକାଦଶ, ପୁରୀ ସଦାଶିବ ସଂସ୍କୃତ ବିଶ୍ୱବିଦ୍ୟାଳୟରୁ ସଂସ୍କୃତରେ ସ୍ନାତକୋତ୍ତର କରିବା ପରେ ଭାରତୀୟ ତନ୍ତ୍ର ସାହିତ୍ୟ (ହିନ୍ଦୀ) ଉପରେ ଥେସିସ୍ ଲେଖି ୧୯୯୫ରେ ଡକ୍ଟରେଟ୍ ଲାଭ କଲେ । ୧୯୭୮ରୁ ଶିକ୍ଷକତା କରି ୨୦୦୯ରେ ଅବସର ନେଲେ।
ସାହିତ୍ୟ ରଚନା
[ସମ୍ପାଦନା]ସେ ପିତାମାତାଙ୍କଠାରୁ ଅନୁପ୍ରାଣୀତ ହୋଇ ଅଷ୍ଟମ ବା ନବମ ଶ୍ରେଣୀରେ ପ୍ରଥମ କରି କିଛି ଗୀତ ରଚନା କରିଥିଲେ ଯାହା ପାଲାକାର ଓ ଦାସକାଠିଆ କଳାକାରମାନେ ରାଜାଉଆସରେ ପ୍ରଦର୍ଶନ କରିଥିଲେ। ସେ ପ୍ରାଚୀନ କାବ୍ୟକବିତା ପଢ଼ିବା ସହ ସାହିତ୍ୟର ବିଭିନ୍ନ ବିଭାବ ରଚନା କରିଛନ୍ତି। ୧୯୭୦ରେ ତାଙ୍କର ପାର୍ବତୀ ତପସ୍ୟା ପୁସ୍ତକଟି ପ୍ରକାଶ ପାଇଥିଲା । ସଚ୍ଚି ରାଉତରାୟଙ୍କ ମୁଖବନ୍ଧରେ ପ୍ରକାଶିତ ତାଙ୍କ ଲଳିତବସନ୍ତ ଅଭିସାର ପୁସ୍ତକଟି ଲାଇବ୍ରେରୀ ଅଫ କଙ୍ଗ୍ରେସଦ୍ୱାରା ନିର୍ବାଚିତ ହୋଇଥିଲା । ଜଣେ ସଂଗ୍ରାହକ ଭାବେ ସେ ବିଭିନ୍ନ ଭାଷାର ବହି ସଂଗ୍ରହ କରି ଏକ ପାଠାଗାର ସ୍ଥାପନ କରିଛନ୍ତି। ୧୯୮୪ରୁ ମାସିକ ପତ୍ରିକା ଆଲୌକିକ ଶକ୍ତି, ୨୦୦୦ରୁ ତ୍ରୟମାସିକ ଧର୍ମପଥ ଓ ୨୦୦୮ରୁ ସାମୟିକ ପତ୍ରିକା ପ୍ରାଚୀ ପରିକ୍ରମା ସମ୍ପାଦନା କରିଆସୁଛନ୍ତି। ପୁଣି କବିସୂର୍ଯ୍ୟ ଗ୍ରନ୍ଥାବଳୀ, କାଳିଦାସ ଗ୍ରନ୍ଥାବଳୀ, ଦୀନକୃଷ୍ଣ ଗ୍ରନ୍ଥାବଳୀ, ପ୍ରାଚୀନ କାବ୍ୟକବିତା ଓ ଚଉତିଶାମାଳା, ବାଙ୍କାଦାଶ ଚଉପଦୀ ସଂଗ୍ରହ, ଓଡ଼ିଆ ପ୍ରହେଳି ସଂଗ୍ରହ, ଦନାଇ ଦାସ ବୋଲି, ରାଧାନାଥ ଗ୍ରନ୍ଥାବଳୀ ଆଦି ସମ୍ପାଦନା କରିଛନ୍ତି ।[୨][୩]
ରଚନାବଳୀ
[ସମ୍ପାଦନା]- ଲଳିତବସନ୍ତ ଅଭିସାର
- ଭାରତୀୟ ସଂସ୍କୃତିରେ ଦେବଦେବୀ ଓ ଦେବତା ମହିମା
- ପୁରାଣ ତତ୍ତ୍ୱଶାସ୍ତ୍ର
- ଔଷଧୀୟ ବୃକ୍ଷଲତା
- ତୁଳସୀ
- ରୁଦ୍ରାକ୍ଷ
- ବ୍ୟାଘ୍ର ସୁନ୍ଦରୀର ଅଭିସାର
- ଗୃହସ୍ଥ ଗୀତା
- ସୁଶ୍ରୁତ ସଂହିତା
- ମହାକବି ବ୍ୟାସଦେବ
- ଆମ ଶରୀରର ରୋଗ
- ବାସ୍ତୁଶାସ୍ତ୍ର
- ଝଡ଼ାଫୁଙ୍କା
- ଦଗ୍ଧ ଗୋଲାପର କଥା
- ଶହେଟି ରାତି ଶହେଟି ପ୍ରୀତି
- ଚନ୍ଦ୍ରକାନ୍ତା
- ମହାକବି ମହର୍ଷି ବାଲ୍ମିକୀ
- ସତ ମିଛର ଖେଳ (ବ୍ୟଙ୍ଗ ଗଳ୍ପ)
- ପୁରାଣ ତତ୍ତ୍ବ ବିମର୍ଶ
- ପୁରାଣ ତତ୍ତ୍ବ ଶାସ୍ତ୍ର
- ପ୍ରାଚୀ ମାହାତ୍ମ୍ୟ
- ଶ୍ରୀ ଚଣ୍ଡୀ ତତ୍ତ୍ବ ମାନସ
- ପୁରାଣ ଜ୍ଞାନ ସଞ୍ଚୟନ
- ପରଂବ୍ରହ୍ମ ଶ୍ରୀଜଗନ୍ନାଥ ଓ ନବକଳେବର ଲୀଳା
- ଆମ ଶରୀର ଓ ସ୍ୱାସ୍ଥ୍ୟ
- ପ୍ରାଚୀ ସନ୍ଦର୍ଭ[୪]
ସମ୍ମାନ
[ସମ୍ପାଦନା]- ଅର୍କପ୍ରଜ୍ଞା ସମ୍ମାନ ୨୦୨୪[୫]
- ୧୯୮୫-୮୬ରେ ଆୟୋଜିତ ସର୍ବ-ଭାରତୀୟ ଆଧ୍ୟାତ୍ମିକ ସମ୍ମେଳନରେ ତତ୍ତ୍ୱ ସରସ୍ୱତୀ ସମ୍ମାନ
- ୧୯୭୬ରେ ଯଦୁମଣି ସାରସ୍ୱତ ସମ୍ମାନ
- ଜନଶିକ୍ଷା ଲେଖକ ସମ୍ମାନ
- ମହାଚାର୍ଯ୍ୟ ବୃହସ୍ପତି ସମ୍ମାନ
- ନୀଳାଚଳ ମାଧୁରୀ ସମ୍ମାନ
- ସାହିତ୍ୟ ରତ୍ନ ସମ୍ମାନ
- ସୁବର୍ଣ୍ଣ ଜୟନ୍ତୀ ସମ୍ମାନ
- ରାଷ୍ଟ୍ରଦୀପ ଗଳ୍ପ ସମ୍ମାନ
- ୨୦୧୨ - ରାଜଧାନୀ ପୁସ୍ତକମେଳା ପୁରସ୍କାର ସତ ମିଛର ଖେଳ ପାଇଁ[୬]
- ପୂର୍ବାଶା ସାହିତ୍ୟ ସମ୍ମାନ
- ସନ୍ଥ ଅରକ୍ଷିତ ଦାସ ସମ୍ମାନ
- ଧନ୍ୱନ୍ତରୀ ସମ୍ମାନ
- ପ୍ରାଚୀ ଗୌରବ ସମ୍ମାନ
- ପଠାଣି ସାମନ୍ତ ସାହିତ୍ୟ ସମ୍ମାନ
ଆଧାର
[ସମ୍ପାଦନା]- ↑ "ଆର୍କାଇଭ୍ କପି". Archived from the original on 2020-07-26. Retrieved 2024-11-28.
{{cite web}}: Cite has empty unknown parameter:|1=(help) - ↑ https://dharitriepaper.in/edition/17143/chhutidina/page/6#
- ↑ "ଆଦିକନ୍ଦ ସାହୁ ପାଇବେ କୋଣାର୍କ ସାହିତ୍ୟ ସମ୍ମାନ". samajaepaper.in. 27 November 2024. Retrieved 1 December 2024.
- ↑ https://samajaepaper.in/imageview_44_1112025232118245_4_83_12-01-2025_2_i_1_sf.html
- ↑ https://samajaepaper.in/imageview_9_281120242831614_4_73_28-11-2024_17_i_1_sf.html
- ↑ "ଆର୍କାଇଭ୍ କପି". Archived from the original on 2022-07-07. Retrieved 2024-11-29.
{{cite web}}: Cite has empty unknown parameter:|1=(help)