ଗୋପୀନାଥ ଦାସ
ଗୋପୀନାଥ ଦାସ | |
|---|---|
 | |
| ବିଧାୟକ: ୭ମ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୧୯୭୭ – ୧୯୮୦ | |
| ପୂର୍ବ ଅଧିକାରୀ | ଶୈଳେନ ମହାପାତ୍ର |
| ପର ଅଧିକାରୀ | ପର୍ଶୁରାମ ପାଣିଗ୍ରାହୀ |
| ନିର୍ବାଚନ ମଣ୍ଡଳୀ | ଶିମୂଳିଆ |
| ବ୍ୟକ୍ତିଗତ ସବିଶେଷ | |
| ଜନ୍ମ | ୧୭ ଜାନୁଆରୀ ୧୯୧୫ |
| ମୃତ୍ୟୁ | ୧ ସେପ୍ଟେମ୍ବର ୧୯୯୪ (ବୟସ ୭୯) |
| ନାଗରିକତା | ଭାରତୀୟ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ଜନତା ଦଳ |
| ଜୀବନ ସାଥୀ | ଚନ୍ଦ୍ରମଣି ବିବି |
| ସନ୍ତାନ | ୩ ପୁଅ, ୨ ଝିଅ |
| ବାପା/ବୋଉ | କୃଷ୍ଣଚନ୍ଦ୍ର ଦାସ (ବାପା) |
| ବୃତ୍ତି | ରାଜନୀତିଜ୍ଞ |
ଗୋପୀନାଥ ଦାସ (୧୭ ଜାନୁଆରୀ ୧୯୧୫ - ୧ ସେପ୍ଟେମ୍ବର ୧୯୯୪) ଜଣେ ଓଡ଼ିଆ ରାଜନୀତିଜ୍ଞ ଓ ସ୍ୱାଧୀନତା ସଂଗ୍ରାମୀ ଥିଲେ । ସେ ଓଡ଼ିଶା ରାଜନୀତିରେ ଭାରତୀୟ ଜାତୀୟ କଂଗ୍ରେସ ଓ ଜନତା ପାର୍ଟିର କର୍ମକର୍ତ୍ତା ଭାବରେ ସକ୍ରିୟ ଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ କାର୍ଯ୍ୟ କରିଥିଲେ । ୧୯୭୭ ମସିହାରେ ଓଡ଼ିଶାରେ ହୋଇଥିବା ବିଧାନ ସଭା ନିର୍ବାଚନରେ ସେ ଶିମୂଳିଆ ବିଧାନ ସଭା ନିର୍ବାଚନ ମଣ୍ଡଳୀରୁ ୭ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।
ଜନ୍ମ, ଶିକ୍ଷା ଓ ପରିବାର
[ସମ୍ପାଦନା]ଗୋପୀନାଥ ଦାସ ୧୯୧୫ ମସିହାର ଜାନୁଆରୀ ମାସ ୧୭ ତାରିଖରେ ବାଲେଶ୍ୱର ଜିଲ୍ଲାରେ ଜନ୍ମଗ୍ରହଣ କରିଥିଲେ ।[୧] ତାଙ୍କ ବାପାଙ୍କ ନାମ ଥିଲା କୃଷ୍ଣଚନ୍ଦ୍ର ଦାସ ଓ ମାଆଙ୍କ ନାମ ଥିଲା ତୋହଫା ବିବି ।[୨] ଗୋପୀନାଥଙ୍କର ଶିକ୍ଷାଗତ ଯୋତ୍ୟତା ଥିଲା ମାଟ୍ରିକ ।[୩] ସେ ଚନ୍ଦ୍ରମଣି ବିବିଙ୍କୁ ବିବାହ କରିଥିଲେ ।[୧] ଏହି ଦମ୍ପତ୍ତିଙ୍କର ୩ ପୁଅ ଓ ୨ ଝିଅ ଥିଲେ ।[୩]
ସ୍ୱାଧୀନତା ସଂଗ୍ରାମରେ ଯୋଗଦାନ
[ସମ୍ପାଦନା]ଗାଁ ସ୍କୁଲରୁ ପ୍ରାଥମିକ ଶିକ୍ଷା ଶେଷ କରି ସେ ବାଲେଶ୍ୱରସ୍ଥିତ ମିଶନ୍ ହାଇସ୍କୁଲରେ ପଢ଼ିବା ପାଇଁ ଯାଇଥିଲେ । ସେଠାରେ ସେ ନନ୍ଦ କିଶୋର ଦାସ, ବିଶ୍ୱନାଥ ହୋତା, ସରଦାର ସୁରେନ୍ଦ୍ର ନାଥ ଦାସ, ଭୈରବ ଚନ୍ଦ୍ର ମହାପାତ୍ର ଓ ନୀଳାମ୍ବର ଦାସଙ୍କ ସଂସ୍ପର୍ଶରେ ଆସିଥିଲେ । ଏହି ସବୁ ସ୍ୱାଧୀନତା ସଂଗ୍ରାମୀ ଓ ତାଙ୍କ ବଡ଼ ଭାଇ ହରେକୃଷ୍ଣ ମହତାବଙ୍କ ପ୍ରେରଣାରେ ସେ ସ୍ୱାଧୀନତା ଆନ୍ଦୋଳନରେ ଯୋଗ ଦେଇଥିଲେ ।[୪]
୧୯୩୦ ମସିହାରେ ସେ ଲବଣ ସତ୍ୟାଗ୍ରହରେ ଭାଗ ନେଇଥିଲେ ଏବଂ ବାଲେଶ୍ୱରଠାରେ ଗିରଫ ହୋଇଥିଲେ । ଯେହେତୁ ସେତେବେଳେ ସେ ନାବାଳକ ଥିଲେ, ତେଣୁ ତାଙ୍କୁ ମୁକ୍ତ କରି ଦିଆଯାଇଥିଲା । ତାଙ୍କ ମୁକ୍ତି ପରେ ତାଙ୍କ ବାପା ଭଦ୍ରକ ହାଇସ୍କୁଲରେ ତାଙ୍କର ନାମ ଲେଖାଇଥିଲେ, କିନ୍ତୁ ସେ କଂଗ୍ରେସଦ୍ୱାରା ଆୟୋଜିତ ସ୍ୱାଧୀନତା ସଂଗ୍ରାମ ସମ୍ବନ୍ଧୀୟ କାର୍ଯ୍ୟକ୍ରମରେ ଅଧିକ ଯୋଗ ଦେଇଥିଲେ । ସରକାର ବିରୋଧୀ କାର୍ଯ୍ୟ ପାଇଁ ତାଙ୍କୁ ୧୯୩୩ ମସିହାରେ ଗିରଫ କରାଯାଇ ପାଟଣାସ୍ଥିତ ବନ୍ଦୀଶାଳାକୁ ପଠାଇ ଦିଆଯାଇଥିଲା, ଯେଉଁଠି ତାଙ୍କ ଭାଇ ଓ ଭାଉଜ ପୂର୍ବରୁ ବନ୍ଦୀ ଥିଲେ ।[୪]
୧୯୩୪ ମସିହାରେ କାରାଗାରରୁ ମୁକ୍ତ ହେବା ପରେ ସେ କଟକସ୍ଥିତ ସ୍ୱରାଜ ଭବନରେ ନବକୃଷ୍ଣ ଚୌଧୁରୀ ଓ ମାଳତୀ ଦେବୀଙ୍କ ସହିତ କିଛି ଦିନ କଟାଇଥିଲେ, ଯାହାଙ୍କ ପ୍ରେରଣାରେ ସେ କଂଗ୍ରେସର କିଛି ଗଠନ ମୂଳକ କାର୍ଯ୍ୟକ୍ରମରେ ଯୋଗ ଦେବା ସହିତ ବାଲେଶ୍ୱରର କୃଷି ସଂଗଠନ ପାଇଁ କାମ କରିଥିଲେ ।[୪]
ଯଦିଓ ୧୯୪୨ ମସିହାର ଭାରତ ଛାଡ଼ ଆନ୍ଦୋଳନରେ ସେ ସକ୍ରିୟ ଭାବରେ ଯୋଗ ଦେଇନଥିଲେ, କିନ୍ତୁ ହରେକୃଷ୍ଣ ମହତାବଙ୍କ ଗିରଫ ପରେ ସେ ତାଙ୍କଦ୍ୱାରା ଆରମ୍ଭ କରାଯାଇଥିବା କାର୍ଯ୍ୟକୁ ସମ୍ଭାଳି ଥିଲେ । ମହତାବଙ୍କଦ୍ୱାରା ଆରମ୍ଭ କରାଯାଇଥିବା ହାଇସ୍କୁଲ, ଚିକିତ୍ସାଳୟ, ଚରଖ କେନ୍ଦ୍ର ଓ ଗାନ୍ଧୀ କର୍ମ ମନ୍ଦିର ଆଦିର ଦାୟିତ୍ୱ ନେଇଥିଲେ ।[୪]
ରାଜନୈତିକ ଜୀବନ
[ସମ୍ପାଦନା]ଭାରତ ସ୍ୱାଧୀନ ହେବା ପରେ ୧୯୫୦ ମସିହାରୁ ୧୯୫୬ ମସିହାଯାଏଁ ସେ ଜଣେ ସରପଞ୍ଚ ଭାବରେ କାର୍ଯ୍ୟ କରିଥିଲେ ।[୩] ଏହାପରେ ୧୯୫୮ ମସିହାରେ ସେ ବଲେଶ୍ୱର ଜିଲ୍ଲା କଂଗ୍ରେସର ସଭାପତି ଭାବରେ କାର୍ଯ୍ୟ କରିଥିଲେ ଏବଂ ୧୯୬୦ ମସିହାଯାଏଁ ସେ ଏହି ପଦବୀରେ ଥିଲେ ।[୫]
୧୯୭୭ ମସିହାରେ ଓଡ଼ିଶାରେ ହୋଇଥିବା ବିଧାନ ସଭା ନିର୍ବାଚନରେ ସେ ଜନତା ପାର୍ଟିର ପ୍ରାର୍ଥୀ ଭାବରେ ଶିମୂଳିଆ ବିଧାନ ସଭା ନିର୍ବାଚନ ମଣ୍ଡଳୀରୁ ୭ମ ଓଡ଼ିଶ ବିଧାନ ସଭାକୁ ନିର୍ବାଚିତ ହୋଇଥିଲେ ।[୩] ଏହି ବିଧାନ ସଭାରେ ସେ ୧୯୭୭ ମସିହାରୁ ୧୯୮୦ ମସିହାଯାଏଁ କାର୍ଯ୍ୟ କରିଥିଲେ ।
ମୃତ୍ୟୁ
[ସମ୍ପାଦନା]ଗୋପୀନାଥ ଦାସ ୧୯୯୪ ମସିହାର ସେପ୍ଟେମ୍ବର ମାସ ୧ ତାରିଖରେ ମୃତ୍ୟୁବରଣ କରିଥିଲେ ।[୩] ମୃତ୍ୟୁବେଳକୁ ତାଙ୍କୁ ୭୯ ବର୍ଷ ବୟସ ହୋଇଥିଲା । ୧୬ ସେପ୍ଟେମ୍ବର ୧୯୯୪ରେ ତାଙ୍କୁ ଓଡ଼ିଶା ବିଧାନ ସଭା ଗୃହରେ ଶ୍ରଦ୍ଧାଞ୍ଜଳୀ ପ୍ରଦାନ କରାଯାଇଥିଲା ।[୧]
ଆଧାର
[ସମ୍ପାଦନା]- ↑ ୧.୦ ୧.୧ ୧.୨ "MLA Gopinath Das Profile | SIMULIA Constituency". naveenpatnaik.com. Archived from the original on 28 October 2017. Retrieved 28 April 2019.
- ↑ Mahotsav, Amrit. "Gopinath Das". Azadi Ka Amrit Mahotsav, Ministry of Culture, Government of India (in English). Retrieved 2023-09-28.
{{cite web}}: CS1 maint: unrecognized language (link) - ↑ ୩.୦ ୩.୧ ୩.୨ ୩.୩ ୩.୪ "Late Gopinath Das". odishaassembly.nic.in. Odisha Assembly. Retrieved 28 April 2019.
- ↑ ୪.୦ ୪.୧ ୪.୨ ୪.୩ Mahotsav, Amrit. "Gopinath Das". Azadi Ka Amrit Mahotsav, Ministry of Culture, Government of India (in English). Retrieved 2023-09-28.
{{cite web}}: CS1 maint: unrecognized language (link) - ↑ "MLA Gopinath Das Profile | SIMULIA Constituency". www.odishahelpline.com. Retrieved 28 April 2019.