ଗାମୁଛା

ଇଂରାଜୀ ଲିଙ୍କ

https://or.wikipedia.org/wiki/Gamucha

ଗାମୁଛା

ଗାମୁଛା ଏକ ଛୋଟ ନିତ୍ୟ ବ୍ୟବହାର୍ଯ୍ୟ ବସ୍ତ୍ର । ^[୧]ଏହାର ଲମ୍ବ ସାଧାରଣତଃ ୧.୫ମିରୁ ୨.୫ମି ଭିତରେ ହୋଇଥାଏ । ଏହା ସାଧାରଣତଃ ଗେରୁଆ ରଙ୍ଗର ହୋଇଥାଏ । ଏହାକୁ ଓଡ଼ିଶା, ଆସାମ, ପଶ୍ଚିମବଙ୍ଗ ଏବଂ ବିହାରରେ ବହୁଳ ଭାବରେ ବ୍ୟବହାର କରାଯାଏ । ଆସାମରେ ଏହା ଗାମୋସା ବା ଗାମୋଛା ନାମରେ ପରିଚିତ । ^[୨]ଶସ୍ତା ତଥା ସୁଲଭ ହୋଇଥିବାରୁ ଏହା ଖୁବ ଲୋକପ୍ରିୟ । ହିନ୍ଦୁ ପୂଜା ପଦ୍ଧତିରେ ଗାମୁଛାର ପ୍ରମୁଖ ଭୂମିକା ରହିଛି । ପୂଜା କରିବା ସମୟରେ ମଧ୍ୟ ଏହାକୁ ପରିଧାନ କରାଯାଏ । ଗାମୁଛା ତିଆରି ପାଇଁ ଓଡ଼ିଶାର ଖୋର୍ଦ୍ଧା ଜିଲ୍ଲା ପୃଥିବୀ ପ୍ରସିଦ୍ଧ । ^[୩] ଆଜିକାଲି ଗାମୁଛା ଉପରେ ବିଭିନ୍ନ ପ୍ରୟୋଗ କରାଯାଇ ଏହାକୁ ଏକ ଫେଶନ ସାମଗ୍ରୀ ରୂପରେ ମଧ୍ୟ ବ୍ୟବହାର କରାଗଲାଣି । ଆସାମ ଗାମୋଛା ବିଶ୍ୱ ରେକର୍ଡ଼ ପ୍ରତିଷ୍ଠା କରିସାରିଲାଣି ।^[୪] ଅଧୁନା ହାତବୁଣା ଗାମୁଛାର ଉତ୍ପାଦନ କମିଯାଇଛି ।^[୫]^[୬]

ଓଡି଼ଆ ଢଗ ଢମାଳିରେ ଗାମୁଛା[ସମ୍ପାଦନା]

ଗାମୁଛା, ଓଡ଼ିଶାର ଜନଜୀବନ ସହିତ ଯେପରି ଅଙ୍ଗାଙ୍ଗୀ ଭାବେ ଜଡ଼ିତ, ଓଡି଼ଆ କଥା ସାହିତ୍ୟ, ଢଗ ଢମାଳିରେ ମଧ୍ୟ ସେହିପରି ବ୍ୟବହୃତ । ସେହିପରି କେତୋଟି ଉଦାହରଣ ହେଲା :

“	ଗାମୁଛା ନ ଥାଇ କି ସ୍ନାହାନ, ଆଦର ନ ଥାଇ କି ଭୋଜନ॥	”

“	ନଖି ନାନି ପୁଅ ଭଗିଆ, ଶଗଡ଼ ଉପରେ ବଇଚି ପାନ ଖିଲେ ଖିଲେ ଖାଉଚି, ନାଲି ଗାମୁଛା କାନ୍ଧରେ ପକାଇ ଗୀତ ପଦେ ପଦେ ଗାଉଚି ॥	”

“	କଳାଚିତି ଯେବେ ମାରେ ଗାମୁଛା ବ୍ରାହ୍ମଣ ହୋଇ ରଖେ ଗାଲମୁଚା ଶୁଖିଲା ଭାତକୁ ଖାଆଣ ତୁଛା ଖେତକୁ ନଯାଇ ବାରତା ପୁଛା କୁଳନାରୀ ଯେବେ, ନ ମାରେ କଛା ଯୋଗୀ ହୋଇ ଯାର ରମଣ ଇଛା କହେ ଦନାଇ ଏ ବଡ଼ ନିକୁଛା ॥	”