ଏପିପ୍ଲୋଇକ ଆପେଣ୍ଡାଗାଇଟିସ

Epiploic appendagitis
Appendicitis epiploica, appendagitis
Epiploic appendagitis seen on CT scan.
ବିଭାଗ	General surgery
ଲକ୍ଷଣ	Pain and tenderness in the abdomen
ଅବଧି	Few days to weeks
ବିପଦ କାରକ	Obesity, exercise
ରୋଗ ନିର୍ଣ୍ଣୟ ପଦ୍ଧତି	CT scan, ultrasound
ସଠିକ ରୋଗ ନିର୍ଣ୍ଣୟ	Appendicitis, diverticulitis, cholecystitis
ଚିକିତ୍ସା	Conservative management, NSAIDs
Prognosis	Good
ପୁନଃପୌନିକ	Rare

ଏପିପ୍ଲୋଇକ ଆପେଣ୍ଡାଗାଇଟିସ ( EA ) ରୋଗରେ ଏପିପ୍ଲୋଇକ ଆପେଣ୍ଡିକ୍ସର ପ୍ରଦାହ ହୁଏ । ଲକ୍ଷଣଗୁଡ଼ିକ ମଧ୍ୟରେ ସାଧାରଣତଃ ଉଦରରେ ଯନ୍ତ୍ରଣା ଏବଂ ଦରଜ ହୁଏ । ସାଧାରଣତଃ ବାମ ପାଖରେ ଯନ୍ତ୍ରଣା ହେଲେ ମଧ୍ୟ ଉଦରର ଯେକୌଣସି ଅଞ୍ଚଳ ଏଥିରେ ଜଡିତ ହୋଇପାରେ । ବେଳେବେଳେ ଅଇ କିମ୍ବା ବାନ୍ତି ମଧ୍ୟ ହୁଏ ।

ସଙ୍କଟ କାରକ ମଧ୍ୟରେ ମେଦ ବ‌ହୁଳତା, ଓଜନ ହ୍ରାସ ଓ ଅଧିକ ବ୍ୟାୟାମ କଲେ ଏହା ହୋଇପାରେ । ଟର୍ସନ ବା ମୋଡ଼ି ହେବା ଏବଂ ଶିରା ଥ୍ରୋମ୍ବୋସିସ ଯୋଗୁ ଏହା ସମ୍ଭବ ହୁଏ । ସିଟି ସ୍କାନ ଓ ଅଲଟ୍ରାସାଉଣ୍ଡ କରି ରୋଗ ନିର୍ଣ୍ଣୟ କରାଯାଏ । ପରୀକ୍ଷାଗାର ଫଳାଫଳରେ କିଛି ଅସୁବିଧା ଦେଖା ଯାଏନାହିଁ । ଏହି ରୋଗରେ ସାଧାରଣତଃ ଆପେଣ୍ଡିସାଇଟିସ, ଡାଇଭର୍ଟିକୁଲାଇଟିସ ଏବଂ or ପିତ୍ତକୋଷ ପ୍ରଦାହ ଭଳି ଲକ୍ଷଣ ଦେଖାଯାଏ।

ଏହି ରୋଗ ସାଧାରଣତଃ ସ୍ୱୟଂ-ସୀମିତ ଅଟେ । ଯନ୍ତ୍ରଣା ଉପଶମ ନିମନ୍ତେ ନ‌ନଷ୍ଟେରଏଡାଲ ଆଣ୍ଟି-ଇନଫ୍ଲାମେଟୋରି ଔଷଧ ଦିଆଯାଏ । କ୍ୱଚିତ୍ ଆଣ୍ଟିବାୟୋଟିକ୍ କିମ୍ବା ଅସ୍ତ୍ରୋପଚାର କରାଯାଇପାରେ । ଏହି ରୋଗ ଗୁରୁତର ନୁହେଁ ଏବଂ ସାଧାରଣଃ କିଛି ଦିନରୁ କିଛି ସପ୍ତାହ ମଧ୍ୟରେ ଉପଶମ ହୋଇଯାଏ ।

ଏପିପ୍ଲୋଇକ ଆପେଣ୍ଡାଗାଇଟିସ ଏକ ବିରଳ ରୋଗ ବୋଲି ବିଶ୍ୱାସ କରାଯାଏ, ଏହାର ସଠିକ ଆବୃତ୍ତି ଅଜ୍ଞାତ ଅଟେ । ପ୍ରଭାବିତ ବ୍ୟକ୍ତିମାନେ ସାଧାରଣତଃ ବୟସ୍କ ଅଟନ୍ତି, ପ୍ରାୟ ୪୦ବର୍ଷ ବୟସ ପରେ ଆରମ୍ଭ ହୁଏ । ମହିଳାଙ୍କ ତୁଳନାରେ ପୁରୁଷମାନେ ଚାରି ଗୁଣ ଅଧିକ ପ୍ରଭାବିତ ହୁଅନ୍ତି। ଏହି ଅବସ୍ଥା ପ୍ରଥମେ ୧୯୫୬ ମସିହାରେ ଡକର୍ଟି ବର୍ଣ୍ଣନା କରିଥିଲେ ।