ଇମ୍ମ୍ୟୁନ ଥ୍ରୋମ୍ବୋସାଇଟୋପେନିକ ପୁରପୁରା

Idiopathic thrombocytopenic purpura, idiopathic immune thrombocytopenia, primary immune thrombocytopenia, idiopathic thrombocytopenic purpura, primary immune thrombocytopenic purpura, autoimmune thrombocytopenic purpura
Petechiae, or small bruise-like markings, may occur in ITP
ବିଭାଗ	Hematology
ଲକ୍ଷଣ	Purple bruises, small red dots in the skin, bleeding gums
ବିପଦ କାରକ	Post infection, autoimmune disease
ରୋଗ ନିର୍ଣ୍ଣୟ ପଦ୍ଧତି	Platelets < 100 x 109/L, normal WBCs, normal RBCs
ସଠିକ ରୋଗ ନିର୍ଣ୍ଣୟ	Leukemia, autoimmune hemolytic anemia, thrombotic thrombocytopenic purpura, hemolytic uremic syndrome
ଚିକିତ୍ସା	None, medications, surgery to remove the spleen
ପୁନଃପୌନିକ	3 per 100,000 new cases per year
Patient UK	[୧]

ଇମ୍ମ୍ୟୁନ ଥ୍ରୋମ୍ବୋସାଇଟୋପେନିକ ପୁରପୁରା ( ଆଇଟିପି ), ଅନ୍ୟ ନାମ ଇଡିଓପାଥିକ୍ ଥ୍ରୋମ୍ବୋସାଇଟୋପେନିକ ପୁରପୁରା ରୋଗରେ ପ୍ଲାଟେଲେଟ ସଂଖ୍ୟା କମିଯାଏ କିନ୍ତୁ ଶ୍ୱେତ ରକ୍ତ କଣିକା ଓ ଲୋହିତ ରକ୍ତ କଣିକା ସଂଖାର ପରିବର୍ତ୍ତନ ହୁଏନାହିଁ । ଏହାର ଲକ୍ଷଣ: ଚର୍ମରେ ରକ୍ତସ୍ରାବ ଫଳସ୍ୱରୂପ ପରପୁରା (ବାଇଗଣୀ ରଙ୍ଗର କ୍ଷତ) କିମ୍ବା ପେଟେକିଆ (ଛୋଟ ଲାଲ ବିନ୍ଦୁ) କିମ୍ବା ମାଢ଼ିରୁ ରକ୍ତସ୍ରାବ ହୁଏ | ଇଣ୍ଟ୍ରାକ୍ରାନିଆଲ ରକ୍ତସ୍ରାବ ଭଳି ଅନ୍ୟାନ୍ୟ ଗମ୍ଭୀର ରକ୍ତସ୍ରାବ ଘଟଣା କମ ଦେଖାଯାଏ ।

ଅନ୍ତର୍ନିହିତ କ୍ରିୟାବିଧିରେ ସାଧାରଣତଃ ପ୍ଲାଟେଲେଟର ବାହ୍ୟ ସ୍ତରରେ ଥିବା ପୁଷ୍ଟିସାର ବା ପ୍ରୋଟିନ୍ ବିରୁଦ୍ଧରେ ଆଣ୍ଟିବଡି ସୃଷ୍ଟି ହୁଏ । ହେପାଟାଇଟିସ୍ ସି, ସାଇଟୋମେଗାଲୋଭୂତାଣୁ କିମ୍ବା ଭାରିସେଲା ଜୋଷ୍ଟର ଭଳି ସଂକ୍ରମଣ, ସିସ୍ଟମିକ ଲୁପସ୍ ଏରିଦେମାଟୋସସ୍ ଭଳି ଅଟୋମ୍ୟୁମ୍ୟୁନ୍ ରୋଗ, କ୍ରନିକ୍ ଲିମ୍ଫୋସାଇଟିକ୍ ଲ୍ୟୁକେମିଆ ଭଳି କର୍କଟ ରୋଗ, କିମ୍ବା କେତେକ ଔଷଧ ଏହି ରୋଗକୁ ସକ୍ରିୟ କରନ୍ତି । ରକ୍ତର ପ୍ଲାଟେଲେଟ ସଂଖ୍ୟା ୧୦୦x ୧୦^୯/ ଲି (୧୦୦,୦୦୦/ମିମି³ )ରୁ କମ୍ ଥିଲେ ଏହି ରୋଗ ନିର୍ଣ୍ଣୟ କରାଯାଏ | ବେଳେବେଳେ ଅବଶିଷ୍ଟ ପ୍ଲାଟେଲେଟ ଗୁଡ଼ିକ ଅସ୍ୱାଭାବିକ ଭାବରେ ବଡ଼ ହୋଇପାରେ | ଅସ୍ଥି ମଜ୍ଜା ବାୟୋପ୍ସି ସାଧାରଣତଃ ଆବଶ୍ୟକ ହୁଏ ନାହିଁ |

୩୦x୧୦^୯/ ଲିରୁ ଅଧିକ ପ୍ଲାଟେଲେଟ୍ ଥିବା ବୟସ୍କମାନଙ୍କର ଏବଂ ସମସ୍ତ ପ୍ଲେଟଲେଟ୍ ସ୍ତରର ପିଲାମାନଙ୍କର ସାମାନ୍ୟ ରକ୍ତସ୍ରାବ ହେଉଥିଲେ ସାବଧାନତା ଅବଲମ୍ବନ କରିବା ଆବଶ୍ୟକ ହୋଇଥାଏ | ଛଅ ମାସ ମଧ୍ୟରେ ୭୦% ପିଲା ଭଲ ହୋଇଯାଆନ୍ତି | ରୋଗ ଅଧିକ ଗୁରୁତ୍ୱପୂର୍ଣ୍ଣ ଥିଲେ କର୍ଟିକୋଷ୍ଟିରଏଡ, ଶିରାଭ୍ୟନ୍ତର ଇମ୍ୟୁନୋଗ୍ଲୋବୁଲିନ କିମ୍ବା ଆଣ୍ଟି-ଡି ଇମ୍ୟୁନୋଗ୍ଲୋବୁଲିନ ବ୍ୟବହାର କରାଯାଇପାରେ | ଏହି ଚିକିତ୍ସାରେ ଉପଶମ ନହେଲେ ଏଲଟ୍ରୋମ୍ବୋପାଗ କିମ୍ବା ରୋମିପ୍ଲୋଷ୍ଟିମ ବ୍ୟବହାର କରାଯାଇପାରେ । ପ୍ଲିହାକୁ ବାହାର କରିବା ପାଇଁ ଅସ୍ତ୍ରୋପଚାର ମଧ୍ୟ ବେଳେବେଳେ ଆବଶ୍ୟକ ହୋଇପାରେ |

ପ୍ରତି ୧୦୦,୦୦୦ ଲୋକଙ୍କ ମଧ୍ୟରୁ ୩ ଜଣ ବର୍ଷକୁ ନୂତନ ଭାବରେ ପ୍ରଭାବିତ ହୁଅନ୍ତି | ପିଲା ଏବଂ ବୟସ୍କଙ୍କ ମଧ୍ୟରେ ରୋଗ ହାର ସମାନ ଥାଏ | ଏହାର ଆକ୍ୟୁଟ ବା ତୀବ୍ର ସ୍ୱରୂପ ସାଧାରଣତ ପିଲାମାନଙ୍କଠାରେ ଦେଖାଯାଏ ଓ ସ୍ତାୟୀ ବା କ୍ରନିକ୍ ସ୍ୱରୂପ ସାଧାରଣତଃ ବୟସ୍କମାନଙ୍କଠାରେ ଦେଖାଯାଏ | ଏହି ରୋଗ ସହିତ ମେଳ ଖାଉଥିବା ରୋଗର ପ୍ରାଥମିକ ବର୍ଣ୍ଣନା ୧୦୨୫ ମସିହାରେ ଆଭିସେନା କରଥିଲେ |