ଆରତି ଭୂୟାଁ

ଉଇକିପିଡ଼ିଆ ରୁ
Jump to navigation Jump to search
ଆରତି ଭୂୟାଁ
ଜନ୍ମ ଓ ଜନ୍ମସ୍ଥାନ
ଆରତୀ ଭୂୟାଁ

ଢୁଙ୍କାପଡ଼ା, ଗଞ୍ଜାମ, ଓଡ଼ିଶା
ଜୀବିକାସମାଜସେବୀ
ରାଜନୈତିଜ୍ଞ
ବାପା ବୋଉଭାସ୍କର ଭୂୟାଁ (ବାପା)
ରମାଦେବୀ (ମାଆ)

ଅରତି ଭୂୟାଁ, ଜଣେ ଓଡ଼ିଆ ସମାଜସେବୀ, ଯିଏକି ମାତ୍ର ୨୭ ବର୍ଷ ବୟସରେ ଦେଶର ସର୍ବକନିଷ୍ଠା ସରପଞ୍ଚ ଭାବରେ ୨୦୧୨ ପଞ୍ଚାୟତ ନିର୍ବାଚନରେ ନିର୍ବାଚିତ ହୋଇଥିଲେ ।[୧] ନିଜ ଜନ୍ମମାଟିର ଉନ୍ନତି ପାଇଁ ସେ ତାଙ୍କର ଚାକିରୀ ଜୀବନରୁ ଅବସର ନେଇ ସରପଞ୍ଚ ହୋଇଥିଲେ ଏବଂ ତାଙ୍କ ଗାଆଁର ଶିକ୍ଷା ତ‌ଥା ଅନ୍ୟାନ୍ୟ ଉନ୍ନତି ପାଇଁ କାର୍ଯ୍ୟ କରିଥିଲେ ।[୨]

୨୦୧୪ ମସିହାରେ ଆମେରିକାରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ସେ ଭାରତର ପ୍ରତିନିଧିତ୍ୱ କରିଥିଲେ ।[୩] ଏହି ସମ୍ମିଳନୀରେ ସେ ୨୧ଟି ଦେଶର ଭିନ୍ନ ଭିନ୍ନ ପାର୍ଥୀ ଯୋଗ ଦେଇଥିଲେ । ଆମେରିକାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପୂର୍ବରୁ ଭାରତ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧି, ମୋରାରଜୀ ଦେଶାଇ, ଅଟଳ ବିହାରୀ ବାଜପେୟୀ ଏବଂ ପୂର୍ବତନ ରାଷ୍ଟ୍ରପତି କେ. ଆର. ନାରାୟଣନପ୍ରତିଭା ପାଟିଲଙ୍କ ପରେ ୬ଷ୍ଠ ଭାରତୀୟ ଥିଲେ ।[୧]

ପାଠପଢ଼ା ଓ ପରିବାର[ସମ୍ପାଦନା]

ଆରତି ଭୂୟାଁ ଗଞ୍ଜାମ ଜିଲ୍ଲାର ଢୁଙ୍କପଡ଼ାଠାରେ ଜନ୍ମଗ୍ରହଣ କରିଥିଲେ । ତାଙ୍କ ବାପା ଭାସ୍କର ଭୂୟାଁ ଜଣେ ଅବସରପ୍ରାପ୍ତ ପ୍ରଧାନ ଶିକ୍ଷକ ଏବଂ ମାଆ ରମାଦେବୀ ।[୨] ସେ ବ୍ରହ୍ମପୁର ବିଶ୍ୱବିଦ୍ୟାଳୟରୁ ଇତିହାସରେ ସ୍ନାତକ କରିବା ପରେ ଏମ୍.ବି.ଏ କରି ଆଇ.ଡି.ବି.ଆଇ. ବ୍ୟାଙ୍କରେ କାର୍ଯ୍ୟ କରିବା ଆରମ୍ଭ କରିଥିଲେ ।[୩] ଆରତୀଙ୍କର ଅଜା-ଆଈ ସ୍ୱାଧୀନତା ସଂଗ୍ରାମରେ ଅଂଶଗ୍ରହଣ କରିଥିଲେ, ଯାହଫଳରେ ସେ ମଧ୍ୟ ସେମାନଙ୍କ ପରି ନିଜ ମାତୃଭୂମିର ସେବା କରିବ[୩]

ରାଜନୀତି ଓ ସମାଜ ସେବା[ସମ୍ପାଦନା]

ବ୍ୟାଙ୍କରେ ଚାକିରୀ କରିବାବେଳେ ଯେତେବେଳେ ଆରତୀ ତାଙ୍କର ଜନ୍ମଭୂମିକୁ ବୁଲିବାକୁ ଆସିଥିଲେ ସେତେବେଳେ ସେ ସେଠାକାର ପରିସ୍ଥିତି ବିଷୟରେ ଅବଗତ ହୋଇଥିଲେ ଏବଂ ସମାଜସେବା ପ୍ରତି ତାଙ୍କର ଇଚ୍ଛା ପ୍ରକଟ ହୋଇଥିଲା ।[୨] ଏହାପରେ ୨୦୧୨ ମସିହାରେ ପଞ୍ଚାୟତ ନିର୍ବାଚନ ପାଇଁ ସେଠାକାର ସ୍ଥାନୀୟ ଲୋକଙ୍କ ଅନୁରୋଧରେ ସେ ଜାନୁଆରୀ ମାସରେ ଚାକିରୀରୁ ଇସ୍ତଫା ଦେଇ ସରପଞ୍ଚ ପାର୍ଥୀ ଭାବରେ ନିର୍ବାଚନ ଲଢ଼ିଥିଲେ ଏବଂ ଦେଶର ସର୍ବକନିଷ୍ଠ ସରପଞ୍ଚ ଭାବରେ ସେ ଦାୟିତ୍ୱ ଗ୍ରହଣ କରିଥିଲେ ।

ଏହାପରେ ସେ ସେଠାକାର ଶିକ୍ଷାର ବିକାଶରେ ଅଧିକ ଗୁରୁତ୍ୱ ଦେଇଥିଲେ । ସେହି ଅଞ୍ଚଳରେ ବନ୍ଦ ପ୍ରାୟ ଥିବା ହାଇସ୍କୁଲରେ ସେ ସେଠାକାର ତିନିଜଣ ଛାତ୍ରଙ୍କୁ ଶିକ୍ଷକ ଭାବରେ ନିଯୁକ୍ତି କରାଇ ପାଠପଢ଼ାରେ ସୁଧାର ଆଣିବାର ଆରମ୍ଭ କରିଥିଲେ । ସେଠାକାର ଝିଅ ଓ ମ‌ହିଳାମାନଙ୍କୁ ସ୍ୱାକ୍ଷର କରାଇବା ପାଇଁ ସେ "ଟିପ ନୁହେଁ ଦସ୍ତଖତ" ନାମକ ଏକ ଅଭିଯାନ ଆରମ୍ଭ କରିଥିଲେ, ଯାହା ଫଳରେ ମାତ୍ର ୬ ମାସ ମଧ୍ୟରେ ୭୦୦ରୁ ଅଧିକ ମହିଳା ସାକ୍ଷର ହୋଇପାରିଥିଲେ ।[୨]

ଶିକ୍ଷାର ଉନ୍ନତି ପରେ ସେ ସେଠାକାର ରାସ୍ତାଘାଟ ନିର୍ମାଣରେ ଲାଗିଥିଲେ । ସେଠାକାର ଗାଆଁରୁ ଗାଆଁକୁ ସଂଯୋଗ କରୁଥିବା ରାସ୍ତାଗୁଡ଼ିକର ନିର୍ମାଣ ପାଇଁ ସେ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା ପାଣ୍ଠିରୁ ୭ କୋଟି ୪୨ ଲକ୍ଷ ଟଙ୍କାର ଅନୁଦାନ ଯୋଗାଡ଼ କରି ନିଜ ତ‌ତ୍ୱାବଧାନରେ ରାସ୍ତା ନିର୍ମାଣ କରିଥିଲେ । ଏହପରେ ସେ ତାଙ୍କ ପଞ୍ଚାୟତରେ ୧୫୦୦ରୁ ଉର୍ଦ୍ଦ୍ୱ ଶୌଚାଳୟ ନିର୍ମାଣ କରିଥିଲେ, ଯେଉଁଥିରେ ମ‌ହିଳାମାନଙ୍କ ପାଇଁ ସ୍ୱତନ୍ତ୍ର ୧୨ଟି ଶୌଚାଳୟ ନିର୍ମାଣ ହୋଇଥିଲା । ଏଥିସ‌ହିତ ମହିଳା ସଶକ୍ତିକରଣ ପାଇଁ ତାଙ୍କ ଉଦ୍ୟମରେ ଆରମ୍ଭ ହୋଇଥିବା କାର୍ଯ୍ୟକ୍ରମ ଯୋଗୁଁ ସେଠାକାର ମହିଳାମାନେ ଆତ୍ମନିର୍ଭରଶୀଳ ହୋଇପାରିଥିଲେ ।[୨]

ସରପଞ୍ଚ ଭାବରେ ତାଙ୍କର ୫ ବର୍ଷର କାର୍ଯ୍ୟକାଳ ପୂରଣ ହେବାପରେ ସେ ଆଉଥରେ ନିର୍ବାଚନ ଲଢ଼ିନଥିଲେ । ତାଙ୍କ ହିସାବରେ ସେ କରିବାକୁ ଚାହୁଁଥିବା ଉନ୍ନତିମୂଳକ କାର୍ଯ୍ୟ ସେ କରିସାରିଥିଲେ । ଫଳରେ ଅନ୍ୟ କେହି ସରପଞ୍ଚ ହେଲେ ଭଲ କାର୍ଯ୍ୟ ହେବ ବୋଲି ସେ ବିଚାର କରିଥିଲେ । ମାତ୍ର ପଦବୀରେ ନ ଥାଇ ମଧ୍ୟ ସେ ଆରମ୍ଭ କରିଥିବା ତାଙ୍କର କାର୍ଯ୍ୟ ଏବଂ ଅଭିଯାନ ସ‌ହ ଯୋଡ଼ି ହୋଇ ରହିଛନ୍ତି ।[୨]

ଆଧାର[ସମ୍ପାଦନା]

  1. ୧.୦ ୧.୧ "Why this sarpanch is headed to meet Obama". The Indian Express. 9 February 2014. Archived from the original on 29 September 2018. Retrieved 29 September 2018.
  2. ୨.୦ ୨.୧ ୨.୨ ୨.୩ ୨.୪ ୨.୫ "ସାମର୍ଥା ସ୍ୱୟଂସିଦ୍ଧା". ସମାଜ (ରବିବାର) (in Odia). ଓଡ଼ିଶା. 23 Sepatember 2018. p. 1. Archived from the original on 29 September 2018. Retrieved 29 September 2018. Check date values in: |date= (help)CS1 maint: Unrecognized language (link)
  3. ୩.୦ ୩.୧ ୩.୨ "Back to the Grassroots - Indian Express". archive.indianexpress.com (in english). Archived from the original on 29 September 2018. Retrieved 29 September 2018.CS1 maint: Unrecognized language (link)