ଅପରାଜିତା (ଫୁଲ)

ଅପରାଜିତା
	Clitoria ternatea vine
Scientific classification
Kingdom:	Plantae
(unranked):	Angiosperms
(unranked):	Eudicots
(unranked):	Rosids
Order:	Fabales
Family:	Fabaceae
Genus:	Clitoria
Species:	C. ternatea
Binomial name
	Clitoria ternatea; L.

ଏହି ପ୍ରସଙ୍ଗଟି 'ଅପରାଜିତା' ନାମକ ଫୁଲଗଛ ବାବଦରେ । ବାକିସବୁ ପାଇଁ, ଅପରାଜିତା ପ୍ରସଙ୍ଗଟି ଦେଖନ୍ତୁ ।

ଅପରାଜିତା ଏକ ଲତା ଜାଦୀୟ ଉଦ୍ଭିଦ। ଧଳା ଓ ନୀଳ ଭେଦରେ ଫୁଟୁଥିବା ଫୁଲର ରଙ୍ଗକୁ ନେଇ ଏହା ଦୁଇପ୍ରକାରର ହେଲେବି ଔଷଧୀୟ ଗୁଣ ଦୃଷ୍ଟିରୁ କେହି କାହାଠୁ ଊଣା ନୁହେଁ । ପତ୍ରଗୁଡ଼ିକ ସଜନା ପତ୍ର ପରି, ହେଲେ ଆକାରରେ ଟିକେ ବଡ଼ । ନୀଳ ଅପରାଜିତାକୁ କେହି କେହି କୃଷ୍ଣ ଅପରାଜିତା ଓ କାନକଟା ଗଛ ବୋଲି କହିଥାନ୍ତି । ଭାରତର ବହୁଳାଂଶରେ ଏହା ଦେଖିବାକୁ ମିଳେ । ଅଧିକ ମାରାତ୍ମକ ନ ହେଲେ ବି ଏହା ଏକ ବିଷାକ୍ତ ଲତା ।

ଭାରତୀୟ ପ୍ରାଦେଶିକ ଭାଷା ନାମାବଳୀ

ପ୍ରାଦେଶିକ ଭାଷା	ନାମ
ଓଡ଼ିଆ	ଅପରାଜିତା
ସଂସ୍କୃତ	ବିଷ୍ଣୁକ୍ରାନ୍ତା, ହରିକ୍ରାନ୍ତା, ସହଜକ୍ରାନ୍ତା
ତେଲୁଗୁ	ନୀଲଗୁଣ୍ଟୁନା, ନଲ୍ଲନେଲ, ଗୁସ୍ମିରୀ
ବଙ୍ଗଳା	ବିଷ୍ଣୁକ୍ରାନ୍ତା, ଅପରାଜିତା
ହିନ୍ଦୀ	ବିଷ୍ଣୁକ୍ରାନ୍ତି, ତୋୟଳ

ଶାସ୍ତ୍ରୋକ୍ତ ଗୁଣ

ଏହା କଟୁକଷାୟ ଓ ତିକ୍ତରସ, କଣ୍ଠଶୋଧକ, ଶୀତବୀର୍ଯ୍ୟ, ମେଧାଜନକ, ସ୍ମରଣଶକ୍ତି ବର୍ଧକ, ଚକ୍ଷୁର ହିତକର, ଜ୍ୱର, କାଶ, ତ୍ରିଦୋଷ, ଶୂଳ, ଆମଦୋଷ, ବ୍ରଣ,ଶୋଥ, ବିଷଦୋଷ, କୁଷ୍ଠ ଓ ରକ୍ତବୃଷ୍ଟି ଆଦି ରୋଗର ବିନାଶକ ଅଟେ ।

ବ୍ୟବହାର

ଏହାର ସର୍ବାଙ୍ଗ ଔଷଧି ରୂପେ ବ୍ୟବହାର କରାଯାଏ । ଗଳଗଣ୍ଡ, ସର୍ପବିଷ, ଶୋଥ, କାନର କ୍ଷତ, ଅନ୍ଧାରକଣା, ଯୌବନକାଳୀନ ମୁଖବ୍ରଣ ଓ ପେଟରୋଗରେ କବିରାଜମାନେ ଏହାର ଉପଯୋଗ କରିଥାନ୍ତି । ଏହାର ଚେର ସର୍ପକୁ ଦୂରରେ ରଖେ ବୋଲି ମାନ୍ୟତା ରହିଛି । ଏହା ଦେବୀ ଦୁର୍ଗାଙ୍କର ପ୍ରିୟ ପୁଷ୍ପମାନଙ୍କ ମଧ୍ୟରୁ ଅନ୍ୟତମ ।

ଆଧାର

ବାହାର ଆଧାର

ବନୌଷଧି ବିଜ୍ଞାନ. କୃଷ୍ଣବ୍ରହ୍ମା ଶତପଥି. ଧର୍ମଗ୍ରନ୍ଥ ଷ୍ଟୋର, ଅଲିଶା ବଜାର, କଟକ